معقولة ؟؟؟؟؟؟؟؟؟؟؟؟

حسبي الله ونعم الوكيل عليكم وعلى هالتحليل الخيالي حتى آبليس مافكر بهذه الطريقة . هذا كله حتى لاتعطى هالمبلغ 115 ريال ؟ والوزير والتاجر والمستشار والقادة العسكريين وعلى من شاكلتهم عادي يحصلو على 115. ريال بدون قيد او شرط .

هذا ما معيار هذي عيارة واضحة والابتسامة العريضة تفسيرها انهم هم بأنفسهم اصحاب هذي الحسبة المضحكة جابوها من كيسهم وما قادرين يستوعبوها كيف جت بس فرحانين بسذاجة! أصلا زمان ما يسمى الشؤون الاجتماعية كانت المطلقة تستلم اظن ٨٠ ريال ورقم جماعة المعيار الذهبي هو ١١٥ ريال معتبرينه مثل النسبة التقريبية لأرخميدس او الثابت الكوني لبلانك في الأهمية فطرحوا هذا من ذاك فخرج لهم الرقم الساحر ٣٥ 🥳 🎈 والمضحك المبكي انهم ارادوا وصف هذا الناتج لربطه بالهدف المراد وهو "عدم جعل رقم معيارهم الذهبي ١١٥ ريال متاحا لكل مستحق للمنفعة" فقالوا القادر على العمل يمكن يجيب ٣٥ ريال بسهولة 🤦 على اساس ان ال ٣٥ ريال مبلغ محترم واجر كافي اخ بس آخ لو نأوي كلنا الى ركن شديد ليتوقف كل هذا التحايل والضحك على المواطن ويتم الاستغناء عن اصحاب ومكتشفي او من أشار بالحسبة الذهبية الساحرة وللابد

حسبي الله ونعم الوكيل عليكم امراه مطلقه وعمرها أربعين سنه وماعندها عيال من الي بيشغلها حتى تكسب مبلغ 35 ريال يوميا او فالشهر والي مخلص جامعات مامحصل على وظيفه وعمره قريب الأربعين سنه . ممكن يكون ادخل هالمبلغ إذا راحت في طريق منحرف كالدعاره مثلا اكرمهن الله من هالطريق .

طيب و أصحاب الملايين و إلي راتبه تقاعدي أكثر من ٢٠٠٠ ريال و له دخل شهري من العقارات والمزارع وووووو تحت أي بند يصرف له ١١٥ ريال؟

ههههه 🤣 صراحة تذكرت يوم ف الثانوية نجلس نشوف برنامج درس ع الهواء يوم الرياضيات و بعد ما افهم عليه شو يشرح 😅😂

محفظينه الكلام

العدالة والحماية لاتفترض بالسن معقوله مواطنين هناقره دخلهم ملايين وآلاف ويمتلكون عقارات وبكل سهولة وبدون عراقيل ولا شروط تعجيزيه يزادوا ويستحقوا 115 وبالمقابل مواطنين ذو دخل محدود ومحدود جدآ لايستحقوا حسبنا الله ونعم الوكيل #صندوق_الحماية_الاجتماعية @SPF_Oman @Oman_GC

هذا تخبط افتراضي وليس دخل افتراضي ، اختلاق وظيفة وهميه من قبل القائمين على صندوق الحماية الاجتماعية مبني على ماذا ممكن توضيح من قبلهم..؟؟؟ @SPF_Oman

صراحه شر البلية مايضحك نعم معقوله نعيش على الافتراضيات بعدنا صاحب الاقتراح ما شاء الله عليه نابغة قدر لها تحصل المبلغ الباقي بناءا على السن و ما كافي الطلاسم اللي يحتاج فكها للحصول على المنفعه صراحه روعه 😅 ابوي دام بعدنا نفترض الله يعين الناس وصلت بعيد اسالكم وين التكنولوجيا عنهم وين الاحصاء وين مخرجات البرامج و التقنية كله ضغطة زر يعرفو العدد و القيمة و المستحق ما في داعي حتى اني ادخل برنامج او اوصل مديرية او وزراة او هيئة لنفترض 🫡