مقارنة بين السكن في شمال و جنوب الرياض من وجهة نظر سكان جنوب الرياض هل تتفقون معه !!

دائما بكرر هالرد👇🏻 بالنسبة لي مربع أحياء "الروابي المنار الريان الربوة" مثالي وتكامل ليه؟! مداخل ومخارج طرق رئيسية الدائري الشرقي ، خريص ، سعد بن عبدالرحمن "المية" ، النهضة صلاح الدين محاط بخطين مترو البرتقالي والبنفسجي حافلات ترددية طول بعرض تربط الجنوب بطريق الدمام وتربط الشرق بوسط الرياض شوارع الأحياء غالبا 20م زفلتة جديدة الاحياء متكاملة بأفضل المدارس الأهلية فئة أ والحكومية مباني مدرسية أفضل مستشفيات خاصة وحكومية الحبيب الريان ، رعاية الرياض ، صحة السلام ، الحياة الوطني مستشفى الأمير محمد بن عبد العزيز. وصول سريع لمستشفيات الحرس ، العسكري الملك عبدالعزيز الجامعي ، مدينة الملك فهد مراكز صحية في كل جهة هايبر ماركت في كل زاوية "التميمي الدانوب بندة السدحان العثيم مجمعات مطاعم في كل مكان مولات كبيرة حدائق ومماشي كثيرة جوامع من أهمها جامع الراجحي والشيخ محمد بن عبدالوهاب أحياء متجددة هدم وبناء جديد وخدمات كاملة متكاملة تنوع اجتماعي جميل عني ما أضطر أطلع من هالمربع بالسنوات لاي غرض كان مادام شغلي داخله 👌🏻 ولله الحمد

جيرانك في جنوب الرياض

جاري المقابل في شمال الرياض أول ماسكنت يقول لاتوقف سياراتك بالطول مع إني مضطر لأن عندنا أكثر من سيارة وهو ماعنده إلا سيارتين وبيته على شارعين يعني مواقفه واجد الله يهنيه.. بعكس جاري في شرق الرياض كان يتطلبني أوقف في ظل شجرته.. الله يظله في يوم لاظل إلا ظله..

فيه كثير من الصحة ولكن جنوب الرياض حاليا وبعد هجوم الاجانب بقوه والسكن فيه تغيرت الديموغرافيا والمدارس اصبحت فيها غالبية من الاجانب مما يؤثر على تنشئة الابناء بخصوص العادات والتقاليد ( جميع الكلام السابق ليس له علاقة بالعنصرية ) قراءة للتغيرات المجتمعية فقط وتاثيراتها

بالنسبة لي انا مافيه احسن من احياء : 1- حي الملك عبدالله مخرج 12 2- النزهة . 3- القدس . 4- حي الملك سلمان (الواحة) . 5- حي الروضة (1 و 2) . السبب وجود هذه الاحياء في قلب الرياض الشوارع واسعة السكان هم السكان القدماء الفلل كبيرة ولايوجد بلوكسات او شقق ..

العارض وجزء من الامانه تحديداً حرام تكون شمال الشوارع سيئه والشريحه اللي فيها بعضها سئ الشمال الحقيقي الملقا - القيروان - النرجس الجنوبي - الياسمين

🟥 انا ضد التعمّق في العلاقات بين الجيران .. لان الزمن تغير وظروف الحياة تغيرت وكل شي تغير .. اجعل حدود معرفتك بالجار ( السلام وحسن الجوار والعون وقت الحاجة ) فقط ، اما اكثر من هذا فلا داعي له .. عزايم ودوريات وكل يوم عند واحد هذي تعتبر فضاوة وتكلف وأعباء اضافية

نعم نعم حنا كنا بالسويدي ونقلنا للملقا بالنسبة لي السويدي أفضل هدوء روقان بساطة الناس على طبيعتها عكس الشمال

فيه لخبطة عند الاخوان المباديء الاساسية للموضوع - لا تبدل سكن فسيح بسكن ضيق ( يقبل المتوسط ) - التبديل لقرب العمل او للاستثمار ( تأجير ) منطقي - من يرغب الهدوء ( منطقي يبدل ) - من يريد زيادة الفرص العقارية و التطويرالعقاري ( منطقي ) وهكذا

مع احترامي للجميع ولكن حقين الجنوب إذا حاب يرقص بعمره ولاطال شمال الرياض قال هالكلام . هذا الصدق