مقيم يعطيك وصفة كيف تشتري السلعة من التشليح او الورش بسعر زهيد يصل الى النصف هل تتفق مع كلامة ؟

وفيه طريقة ثانية لمحلات التشليح ادخل سعِّر أي قطعة م تحتاجها وأكسر قيمتها بسعر م يتوقعه ، وإنت طالع باغته إسأله عن القطعة اللي تبيها يعطيك سعر م تتخيله 😅

يارجال عندي مروحة شفط للمنزل،فكيتها ثم ارسلت الحارس يجيب مثلها .. جاب لي نفس القطعة ببلاش. قلت له كيف .. قالي زامان زامان (مشى القديمة على الضمان) 🤣🤣🤣

طيب معليش انا لو رحت التشليح بدتسون موديل واحد وطلبت قطعة للكزس ٢٠٢٢ اكيد بيعرف ان معي لكزس في الورشة تتصلح 😂

حصل معي في مفروشات حراج بن قاسم كنت ألف ع المحلات أسعر اثاث شقة وكنت مكشخ بالثوب وأعطوني أسعار مرتفعة ، ورجعت بعد فترة وبالصدفة كنت لابس بدلة رياضية لنفس المحل سعرت نفس القطع بأقل من السعر الاول ٢٠٪ ، صار استغلال السعودي عندهم شي طبيعي

كلامه صحيح ، عندما كنت اعمر بيتي ، كنت واخوي في عزيمه غداء ، طلعنا من هناك على موقع استئجار رصّاصه لدك ارضية الرصيف ، شافنا العامل بسياره كشخه وثياب نظيفهخخ طلب ٨٠٠٠ ، مع أن سعر السوق كان ٤٠٠!😳

إذا كنت تعمر بيت وسألك العامل فين تشتغل قول له في البلدية أو الشرطة… إذا كنت موظف سابك أو أرامكو وجيت لهم بلبس العمل يدبلون عليك السعر عشر مرات

والله ضحكو علي وخلوني اغير اذرعة السحب (وكالة) واشتريت من محل قطع غيار اذرعة سحب جديدة بمبلغ عالي وماقالوا لي انها تحتاج كبس جلد فقط ، للأسف اني عرفت متاخر وندمت اني رميت اذرعة السحب الوكالة 😔 حسبنا الله على كل نصاب ومحتال .

الاجانب يفزعون لبعض في البيع ويراعون بعض ويطلعون ارباحهم من السعودي هذي حقيقة. والسعودي يدبل الاسعار ويربح من السعودي.. لذلك عزيزي المشتري خلك فاهم شغلهم ولا تدفع على طول وابثرهمبالمكاسر.

كان عندي عطل يتكرر بسيارتي واصلحه بين ال٧٠ وال١٠٠ريال مره ارسلت سواق الوالد بالسيارة صلحها ب١٥ريال

اشوف كثير اخذوا المثال على ان راعي الكزس مايروح التشليح وتركوا الزبدة ان المظهر والعامل الاجنبي سعرهم يختلف عن السعودي والكشخة انا شخصية مجربها مع العمال اذا بغيت عامل اروح بسيارة قديمة واتفق معه من بدري قبل لايجي البيت