من الأمثال الشعبية : ما يجتمع زينٍ و بنت رجال و يقال : إلى زان منها مشرب الما ؛ و عينها مع فعل أبوها ؛ كِـب باقي العذايف

فيه مثل دارج عند كبار السن عندنا ( مانقص من خدّها يوفيه بوها وجدها)

👍👍👍 يا سلام

@barrakkhaled اليا اجتمع زين وفعـل اليمانـي جنة نعيم بالحشـى وان تلاقـن

@barrakkhaled بالجسد 👍👍👍

ضيدان بن قضعان بقصيدة فخر قدام الامير سلطان جاء فيها بيت: يفخرن بافعالنا الزينات ترفات الغواني ويعرسن بافعالنا الشينات ،مافيها عيارة

أجدت وأفدت .. مثل نسمعه كثير .. لكن معناه عميق وصحيح بلا شك .. 👍

الله يطول عمرك

العذف أو العذايف ..هي الشوائب العالقه في الشيء! يقول القاضي: دنيت انا من غالي البن ما لاق  بالكف ناقيها عن العذف منسوق والبدو عندهم مثل قريب من معنى المثل السابق يقول: بنت الطيّب لو بارت، والجادّه لو طالت! وأذكر أحد كبار السن كان يقول: إن بنت الطيب في وقتهم لو هي عرجا توخذ.

مساء الخير.. وفي رواية اخرى : ما يِجتمع : زين وصلاح …،

يسعد مساك دكتورنا الغالي قد يكون هذا لثني الرجل عن البحث عن الجمال قبل غيره من الصفات

احسنت بارك الله فيك شاعرنا العذب، وكذلك توصيّة بالقناعة في الحياة …

👍🙏

يقول عبدالله بن حمود بن سبيل رحمه الله تعالى: الى بغيت اشرب ينف العذف لي يبيني اشرب منه شرب الضحية

👍👍👍 سلمت و لا هنت يا ابو بدر على التعقيب والتوضيح بالشاهد

🌷🌷🌷

كلام جميل بس اسمح لي بمخالفتك فالمثل اللي ضربته لـ "العذايف"غير دقيق، العذايف او العذاف اشياء لها قيمة، هي فقط نتاج عملية انتقاء،لو مثلا بغيت تنقي افضل إبلك وعزلت الأفضل منها فالباقي يسمى عذايف وهو اقل قيمة لكن ليس عديم قيمة طبعا وهذا المقصود بالمثل، أما القذى ماله قيمة بل مستقذر

العذف بالعامي هو القذى بالفصيح عاد يسمون فيه اللي يسمون

أنا اتكلم عن العامي ماقلت فصيح،يمكن فيه من يسمي القذى عذف لكن هذا المعنى الحقيقي لعذف وعذاف بلهجتنا اللي اغلبنا يعرفها خاصة نجد والشمال، واستغرب اصرارك على هذا المعنى وحدية ردك! كلامي ماهو انتقاص من فهمك. اسأل وتأكد من غيري اما انا فمتأكد مثل ما انا متأكد اني اخاطب ناصر المجماج

👏👏👍🏻

🙏🙏🙏

شكرآ إستاذ ناصر لطرحك الرائع وكما تعودنا منك ذلك . الأولين كانوا يعيشون في حقبة زمنيه يغلب عليها الخوف وكانوا يبحثون عن بنت الرجل الشجاع لاينظرون إلى الجمال . برجاء أن يأتي منها ولد يطلع على جده الشجاع ويحمي ربعه ولايوجد فارس وشجاع إلا وله جد من إمه شجاع وفارس مشهور.

طال عمرك الفريس المشاهير نوادر والخوف ما كان الدافع الوحيد للبحث عن بنت الطيب بنت الطيب تسرم بكل احوالها بمعاملتها وبعيالها

نعم إن بنت الطيب اللي في بيت صالح وتربية سليمه تؤخذ ولو كان جمالها قليل لأن مثل ماقلت يطمعون في معاملتها لزوجها وتربيتها لأبنائها. لكن الأغلب وفي زمان الخوف ماقبل توحيد المملكه كانت بنت الشجاع يتعاقبون عليها الخطاطيب حتى الشيوخ ولايسألون عن جمالها . والقصص والشواهد كثيره.

نعم هذا امو معروف لكن ماكان الخوف الدافع الوحيد للبحث عن بنت الطيب

قد تكون أسباب أخرى وتختلف الأسباب من زمن الى زمن ..

خذ بنت شيخٍ عند الأجواد ممدوح لا جا نهار الهوش بيّن ولدها *^

👏👏👏

أصلاً المرأة اللي تجتمع فيها كل الصفات الزينه بحد مدهش. تخووف لأنها يمكن جنيّه 👻😂😂😂 مثل الرياجيل مايجي طيب وذكي ورياضي وثري ويتكلم أسباني 😂

تصدق تلقاها تجتمع بمره و يبلاها ربي بزوج علة ماهو كفو والا رجل كل المواصفات الرائعة فيه ويبلاه الله بزوجة ماهي كفو كم من صموت الحجل تبلى بعاقه وكم عاقةٍ تبلى لوافي الخصايل الخلاوي

عزالله إنه جابها حكيم زمانه👍👍👍

أظن أصل المثل؛ مايجتمع زين وصلاح، لأن المزيونة غالباً تجي عوبا تتكل على زينها ويتلدد حظها وهذا مشاهد، ولعل الندب في المثل على الصلاح كما جاء في الحديث المشهور، وتبقى المسألة شواهد رمزية لها سياقها المجازي وليست حجة قاطعة.

ما يجتمع زين وصلاح مثل غير ما ذكرنا

@fzaalrwqy181721 قال العرب قديما تلمسوا الخير عند حسان الوجوه

@fzaalrwqy181721 👏👏

محد دهورنا الا الامثال هذي واذا عورا والا اكبر منه ب ٢٠ سنه انا شفت واجد حالات يرثا لها

الامثال تنفع السنع

ياكم من مزيونه وبنت رجال 🌹

👍

الله عليك يالمجماج

🙏🙏🙏

دائماً طرحك جميل يابوبدر

الله يجمل حياتك

لا اجتمع زين عينها مع زين شفايفها اكتمل زينها ! وش بقي ناقص ؟ الا كان يقصدون شعرها عكاريش😂

ان اجتمعت كلها ياسلام سلم

في ذمتي انه صحيح …وأنشدني ☝🏻

👍