من نعم الله علينا التقنية وتطورها المتسارع. تسلط احد الشباب هداه الله بتكرار سرقة خلايا المنحل. وتم وضع أجهزة التتبع بالخلايا وتم رصده وتتبع حركاته واستعادة الخلايا.

جزاكم الله خير الجزاء على دعواتكم وتفاعلكم وارائكم والله يحمي لكم حلالكم ويهدي ضال المسلمين اللهم صل وسلم على نبينا محمد.

معوض خير ان شاء الله فكرة جهاز التتبع ممتازه ولو تضيف في نفس الموقع كاميرا مراقبه بالطاقه الشمسيه مع شريحه وتوصلك تنبيهات على جوالك في حال احد اتحرك قدام الكاميرا مثل هذي منها اللي يتعدا على حلالك يخاف اول ما يشوف الكاميرا و يكنسل الفكره

أي جهاز تتبع بسيط.. مثل airtag يفي بالغرض وسعره حوالي مية ريال للحبه بأمازون

الله يعوضكم ويرد حلالكم ونسأل الله له الهداية انا حطيت تتبع بسيارة عامل ولقيته كارفن سيارتي لشغل لنفسه ولا بقى لي ولا جغمة

المال الحرام مثل ماء البحر كلما شربت منه ازددت عطشاً والمال الحلال مثل الماء المبارك أينما وقع نفع اللهم اكفنا بحلالك عن حرامك وبطاعتك عن معصيتك وبفضلك عمن سواك

معوضين يابو عبدالعزيز ياليته بذل جهد السرقة وتكراره بتأسيس منحل خاص به وكسب لقمة عيشه بيده، والنحالين ما راح يقصرون معه بالدعم. مجال النحل وإنتاج العسل كان ولا زال يعاني من الدخلاء بكافة اشكالهم ومسمياتهم.

لا حول ولا قوة إلا بالله الله يعوض عليك ويجزاك خير على التنويه، وأول مرة في حياتي أسمع عن أحد يسرق خلايا نحل 🤬😳😱 وأنصحك يا مهندس وما تعلم مادام تتكرر السرقة بتركيب كاميرات مع جهاز كشف حركة لتشغيل إضاءة كشافات ولو المكان ما فيه كهرب فممكن خلية شمسية وبطارية تحل مشكلة الطاقة.

والله ان في وجهك القبول من الله واسال العظيم وهي طالعه من قلبي ان يرزقك اضعاف ما حسدوك الناس على نعم الله لك وان يزيد من رزقك وعافيتك وطولة العمر يارب مخلوف خير وان كثر السراق على رزقك يعوضك بأكثر وافضل واجزل منه

هناك العقلان ، ماهي العقوبة التي تم ايقاعها عليه اتمنى ان تكون رادعه

ماشاء الله تبارك الله عليكم انتم تساعدون للحفاظ على الامن وليس فقط استرجاع حقك طورتوا عملية كشف السرقة واعتقد فيه شرائح اصغر مثل اللي توضع بالطيور وهناك كميرات مراقبة فيها نت وتبلغك اي شخص يقترب وممكن تخاطبة مباشره الله يوفقكم ويبارك لكم بحلالكم ويحفظه