مواطن: إذا أختك متزوجة وخلعت النقاب أو الحجاب، وزوجها راضي… شنو راح يكون موقفك

للاسف تساقطتم في أخبار النساء حتى ولغتم. اذا خلعت،إذا لبست،إذا خرجت،إذا اشتغلت. ولا محتوى مفيد يستفيد منه الشاب العربي كما تفعل مواقع البلدان الاخرى. يقول الاحنف بن قيس وهو أحلم العرب وشيخها : لا يزال الرجل شريفا رفيعا حتى يتتبع ويتسقط أخبار النساء.. ويخوض في شأنهن فينحط ويسفل.

المراه لو زوجها وافق على كشف وجهها هنا يدخل دور الأخ والاهل في إلزام بنتهم على الستر وسحب بنتهم من زوجها لانه ماهو كفو ولا ستر بنتهم .

مازال انشغال الرجال بالنقاب والحجاب وتركيز الدين على النساء فقط ياليتك تتكلم عن حكم اسدال الثوب واللعن وحكم حلق اللحيه الي موجودين بنص واضح اوضح من النقاب والحجاب

كل حياتهم تدور حول المرأة فعلت المرأة اقمعها المرأة دوسها المراة حرض عليها اختزلوا دينهم في مراقبة النساء

بقول رايي الشخصي - نتناقش بموضوعية وبدون استفزاز- . ماراح أكتب في موضوع الحجاب كواجب شرعي لأني مقتنعة فيه وأقدر اسهب برايي بتغريدة منفصلة، بتكلم فقط من زاوية اللبس والخلع، ونسأل أول سؤال: هل هذا الأخو يتابع صلاة إخته مثلاً وزكاتها وتقصيرها في أعمالها الشرعية الأخرى؟ لا، شمعنى الحجاب يتدخل فيه؟ لأن -برأيي- الحجاب يمس صورته الخارجية كأخو جدام الناس، مو أكثر. الأمور الشرعية ما تُفرض ، يُدعى لها بالحسنى والموعظة الحسنة، والشخص ذاته يقرر، لأن أجرها ووزرها يقع على الفرد نفسه فقط، ودور أهله وأصدقاءه يقتصر على "البلاغ" و"النصح" و"القدوة". والإنسان اللي يُخطئ أي خطأ -وكلنا مو معصومين- يعتبر مُبتلى في حينه، لين الله ﷻ يفتح بصيرته ويوجهه للصواب والتوبة والتعديل. الزبدة، الأخ عليه ينصحها ويدعي لها وما يسمح لأي شخص يتكلم عنها بالشينة، أما الباقي ماله حق فيه. #وجهة_نظر

حتى لو مو متزوجة الاخ ما له شغل! ونصيحة للأخوان اللي يبي خواته يسمعون له .. صير لطيف معاهم .. علشان يشترون خاطرك محبةً فيك !! اعرف بنات وايد ما شالوا الحجاب ولا العباة محبةً في اخوانهم وليس خوف .. الخوف راح تقدر تقاومك وراح تقدر تتغافلك من وراك .. اما اذا حبتك غير !!

طيب اختك اذا شافتك مخفف اللحيه وعاصي الله ومطول الشنب واذا شافت تدخن واشوف مقاطع النساء ورفعت السماعه عليك وقالتلك ليش تقولها زوجتي موافقه؟ طيب اختك اذا دقت على زوجتك وسألتها ليش زوجك يعصي الله وانتي ساكته وقالت بكيفه وش رده فعل اختك هنا؟ هل تجلدك او تبصق عليك او تتصل على من؟

يعني الملكية انتقلت من الاخ للزوج .؟! هذا كله مايخص الاخ ولا زوج .

اهم شي رايها هي👵🏼 انت وش حاشرك معها🤨 إذا حلقت لحيتك وزوجتك راضية هي مالها دخل 👵🏼

تبي الصراحة؟ الرجولة أفعال ومواقف وسند.. مو استعراض عضلات على عباية أختك او نقابها وهي ببيت زوجها. المرجلة الحقيقية إنك تحترم (بيت أختك) وتحترم (اختيار زوجها).. اللي يسوي جذي ما قاعد يستر، قاعد يهدم ثقة ويهدم بيوت. النصيحة لها أصول، واللقافة لها حدود."

ما عندكم سالفة غير المرأة .؟ كل يوم وش لبست وش خلعت وش سوت .! كأن ما عندكم محتوى إلا إثارة الجدل على حسابها خلّوا الناس بحالها وناقشوا قضايا تنفع مو وصاية وتنمر مغلف بسؤال :)

لا طبعاً اسحبه منه لأن بيئتنا محافظه ومستورين وهذا يلعب على كيفه والبنت استانست على التبرج ؟ نرجع للقاضي ونقول له عن حالها في بيئتنا المحافظه وهو اللي ينصف

وين الي يقولون طاعة الزوج مقدمه على طاعة الوالدين 🤭🤭 مو زوجها امرها فلازم تطيع امره وشدخلك يا الاخ تكسر امره وتخلي اختك تعصيه وين طاعة الزوج وتقديسه والا في امور وامور !! 🤭🤭

هذا الشخص واضح انه كاه يفكر وهو بالحمام ويسأل نفسه ( كيف أصير مشهور ) طبعًا لقى أسهل وأبسط طريقة لللشهرة التحدث عن النسااااااء. الحين فهمت ليه ماعندنا مخترعين وعلماء ومبتكرين لأنهم منشغلين بنقاب النساء 🙂

شعليكم بالناس داخلين بيوتهم وحياتهم الله يرزقكم بسوالف سنعه

مالي راي سواءً كانت متزوجه او غير متزوجه امرأه حره

كلمت اختك بالكلمه الطيبه والنصيحه الطيبه مافاد وياها تروح تكلم زوجها تشيشها على اختك عشان يطلقها ؟ انت هنا حمار مع احترامي لك انت شعليك بالنسيب اساسآ النسيب غريب مهما كانت علاقتك وياه ولا يحقلك انك تكلم وتدخله بامور خصوصيه بينك وبين اختك … خلاص هذا رد اختك ماعليك منها ادعيلها

مافيها خير الي تعاند اخوها ، الاخو هو الي يحب اخته بصدق و يخاف عليها لانها ستره و عرضه و الي يضرها يضره ، و الزوج اذا كان صالح فيه الخير ، لكن اذا كان طالح ما بديه على راي اخوي ، الزوج يتبدل الاخو ما يتبدل 👍🏻👍🏻

تتكرر القصه مع انتشار الفكر النسوي الهادم للدول والأسر …. الردود عليك غالبيتها نسويه …. من يعتقد انه بمعزل من الشر فهذا احمق فابنك او ابتك بينك وبينها جداد في المنزل ولا تعلم ما ذا يحدث في عالم النت التربيه مهمه والمتابعه مهمه وقبل ذلك الدعاء وسؤال الله العفو والعافيه والسلامه

وش دخل اخوها وزوجها هي بكفيها تمشي مب بشورهم

خذها من الاخير لا طاعة لمخلوق في معصية الخالق وهذا الأمر على الطرفين فان هي رضيت بالاختيار فتنصح وتوبخ وان رضيت مكروهه تخير بين البقاء او الطلاق الامور هذه فيها خطورة كونك ترضى بالطاعه للمعصية والأولى اخذ الفتوى من عالم لمايكون حاله او حالها في هذا الامر

الاخو بس يعرفني بهذي الامور وينه عني وانا محتاجه ماعندي شي اكله واقفه عند باب المساجد الاخو مو ولي

يفترض في البداية يكلم الأم وهي تكلم بنتها ويكون هناك موقف من العائلة حتى لا تكرر الظاهرة لانها ماتمثل نفسها هي تمثل العائلة المشكلة مو بنات صغار أمهات عيالهم طولهم والله شيء يحزن

حتى وهي متزوجه تتدخلون فيها

أيتها المرأة التي تكشفين وجهك إذا اعترض أحد على كشفك لوجهك لا تقولين مالك دخل زوجي راضي أو أبوي معطيني الموافقة ، قولي: الله أباح لي كشف الوجه، لا تتسببي في صراع كلامي أو عملي بين هذا وهذا .

النقاب موواجب شرعا،اللي يقولون ندعي لهابالهدايةهي ماكفرت،أنت تحتاج هداية من التدخل بأمورالغيروتدخلك بايمانها من يقول اكلم زوجهاهذا لانك همك الناس والتسلط،من يحرض على الوقوف ضدها هذافجورإذا الإيمان بالله+الصلاةماهوإجبار مابالك بمسألةاجتهاديةمختلف فيهالايوجد حكم شرعي قطعي بالوجوب

انتبهوا لتربية بناتكم واولادكم ( للجنة ) صحوهم لصلاة الفجر و اجتهدوا في تربيتهم على قول الله ورسوله حتى ما تفجعون بهم اذا كبروا

ليش هذا الافتراض اساسا .. هذي الفرضيات تصير 1من 1000 .. نوادر .. اطرحو اشياء تفيد الناس

يعني الاثنين قالوا لا تتدخل ومصر على اللقافه ؟!! معلومه عزيزي الرجل دمها بالغه فهي راح تُحاسب عن نفسها مو عنك أنت ، انشغل بصلاحك واترك اللي ما يعني لك ، مطلوب منك نصيحه إذا ما قبلت مالك دخل شيء رجع لها هي

هي وينها من القصه يوم انكم تقررون عنها ؟

عشان الرجال قال كلمة حق، صاروا في التعليقات متضايقين ومعصبين من كلامه، وما هذا إلا لأن قلوبهم سوداء، فصار الحق يناقض قلوبهم فصاروا يتألمون ويتمنون سكوته. قال تعالى: "وإني كلما دعوتهم لتغفر لهم جعلوا أصابعهم في آذانهم"

ما كان له داعي طرح لمثل هذه المواضيع ! لانها شأن خاص والحلال بين و الحرام بين . فالدين واضح لم يترك صغيرة او كبيرة الا أحصاها .

وش راي اختك في سواليفك عن الحريم ! هل بتمنعك عن الرخامه هاذي ! هل بتفتخر فيك وانت كل شوي ( اختك ، فلانه فعلت ، فلانه قالت .. الخ ) اعتقد اللي هاذي علومه ماعنده اصلاً خوات ولاهو مذكور بمجالس الرجال

وايد معصب .. ترى العصبية هذي بعدها يحدث مالا يحمد عقباه البنت مايحكمها اخوها يحكمها والدينها واذا تمردت عالعادات والتقاليد وجب معاملتها بالنصح والتفاهم بعيد عن العقوبات والإذلال واذا تزوجت فزوجها عليه القوامة توفير المسكن والمأكل والملبس والمصرف ومايتدخل بلبسها الا بالنصح

لبس المرأة يخصها ولا يستلزم موافقة أو حتى رأي رجل أصلاً، هناك رب سيحاسبها هي طالما أنها عاقلة ومكلفة. هذا التأطير والتطبيع غير مقبول أبداً.