مواطن يتكلم الفرق بين الأن وقبل ٣٠ سنة كلامه يخوف

قبل ثلاثين سنة تتوظف بالثانوي احلى وظيفة والأراضي والبيوت في المتناول والأشياء الاستهلاكية رخيصة الحين البكالوريس مايوظفك والبطالة ارتفعت وكل شي غالي.

ماضيعنا إلا الجيل اللي قبل 30 سنة جيل الديناصورات اللي كل شي كان لهم سهل ومزعجينا بوزنية الحياة كانت أصعب وكله كذب طبعا لا العملة ولا الصرف ولا الوظايف ولا الحياة سهلة هم التوظيف يجيهم من كل جهه ومافيه تكدس للأجانب مناشبهم في رزقهم وفلوسهم مافيه شي يصرفونها عليه جيل مستشرف

حياتهم اصعب من الان هذي كيس من عنده زمان واعرف ناس بالمتوسط والثانوي ونسبتهم زي وجيهم وظايفهم حكوميه لذلك هو في امان وظيفي يقدر يتزوج ويجيب درزن الان الشباب الوظايف كلها شركات كثير منها رواتبهم طفسه لو جا وخطب بنتك رفسته برا لكن الاجيال السابقه يحبون البربره بعد مافلوها

لاوالله اول الحياة بسيطة اهون من الان بكثير .. يبدو ان المتحدث نسي او يتغافل عن مقارنه اجور واسعار الماضي مع الحاظر او ربما هو مركز على حث الناس بكثرة الانجاب وحسب وربما لإثارة الجدل ليس الا

سابقا اغلب الوظائف تكون بعد المرحله الثانوية او المتوسطة و الزواج ياتي بعدها مباشرة فكان عمر الزواج المتعارف عليه هو بين 18 الى 24 هذا غير البركة والبساطه وتقارب كبير بين أفراد المجتمع في المستوى المعيشي . حاليا صار العكس+دخول ثقافات جديد علينا+زيادة التكاليف على كل شيء .

المتحدث يبدو انه كبير سن ولايعرف فرق العملة وكم تجيب اول وكم تجيب الان، الصندوق العقاري اول اشتر ارض وخذ قرض الان جاء تجار التراب واعلنوا الحرب على الناس وتبددت الأحلام بالأول سيارة هايلكس ب٣٠ او ٢٥ الف جديد الان بكم المال يصنع جودة الحياه والحبيب يبي تكاثر

مختصر كلامه ان قبل 30 عام كان المجتمع محافظ ومتدين وملتزم بالعادات الحسنه اما الآن تغير المجتمع وتنازل الكثير عن ماكان قبل 30 عام والنتيجه مانشاهده اليوم!! سابقاً اي فعل غير سوي يقابله المجتمع بأكمله وينهي اي فعل سيء وبذلك ينتهي قبل ان يبدأ.. الآن المجتمع لديه حاضنه لكل فعل سيء!

قبل ثلاثين سنة أسهل من الآن .. ضغوط الحياة اليوم لا سابق لها .. الأنظمة، التكاليف، الضرائب، الرسوم، التضخم، الغلاء .. لا مجال للمقارنة ..

انتوا الي تغيرتوا والا احنا مثل محنا لو ترمي جوالك تلقى ملايين الاشياء تسويها عائلتك أمك ابنك زوجتك اخوانك وبناتك اغراض بيتك ... وغبرها بعد كل هذا اتحداك ترميه

قبل ثلاثين سنه الأربعيني جيبة مليان مفاتيح وشماغة على ورا وعقاله مرفع وكرشه قدامه وعطره ابو حنش ومايلبس سروال طويل يلبس سناوي ابو خريطة وعياله ١٤ والبنات ٧ الحين الأربعيني يلبس سماعات وشورت على البحر ومعطر جسم وعطر من ديور وتوه متزوج ومحمل بوبجي ويلعب معها فيفا

انا تاذيت قبل ثلاثين سنه وتاذيت بالسنين هذي واقول (الحيوانات البشريه) تتطور مع التقنية لذا مافي فرق مجرد شكل جديد في الاذيه😂

معه بأغلب كلامه إلا نقطة إن الرجل صار يطلق على أتفه الأسباب والصحيح صارت المرأة تطلب الخلع فكثر الطلاق فكثير من حالات الطلاق حسب ما نسمع ونشاهد بالبرامج والقنوات بسبب الخلع. حتى أن كثير من النساء بوسائل التواصل يتفاخرن بذلك ويوجهن رسائل تشفي للطرف الآخر

والله كل زمن وله ناسه اول كانت المرأه مقموعه ويضربها الرجال الين يطلع دمها ويرجعونها اهلها يقولون اصبري لانهم كانو يعتبرون المرأه تابع مالها رأي ولا كيان حتى فالمحاكم يحكمون بالحضانه للاب لو انه اخس الناس ، صدق ان انتشار الطلاق وقلة الصبر موب زين بس حتى اول كان فيه اشياء مو زينه

كثرة الانجاب يعني كثرة الجرائم الرجل الي عنده ١٤ ابن احسب ٤ ضايعين مخدرات وسرقه وجرائم الان الشباب فاهمين ايش الفائده من كثرة الأبناء غير التعب والبهذله تودي مدارس ومستشفيات وخوف عليهم ومصاريف عاليه ٨٠٠ ريال مصرف الابن و٧٠٠ مصروف البنت في الشهر تحتاج شقه كبيره سياره عائليه وو

صدقت كان هذا المستشفى يعج بالمواليد برغم قلة ذات اليد وقتها، لكن كان التوكل على الله وكل مولود يأتي معه رزقه، الوضع الآن إختلف.

قبل ثلاثين سنه تبني ب٣٠٠ قبل ثلاثين سنه احتياجات الطفل كوره وسفره بخط الان احتياجاته وأي فأي اي باد بلي ستيشن كوفيات سفرات قبل ٣٠ سنه الجار يعرف الجار الان ما يعرفه لانه يبي السلامه وجاره نفس الشي قبل ٣٠ سنه الطلاق اكثر بس ما كان علني الرجال بالبر ولا بالمجلس ينام 👍

رح اقرب صيدليه واساله كم سعر الحليب والحفايظ وتعرف السبب

انت وين موقعك الافضل انك ما تتكلم قبل ٣٠ سنه كان تكلمت في موضوع النظافة والترتيب اللي تصوره وبلغت امانه المنطقة تسوي خير في جيرانك واهل الحي

*كانوا أجدادنا يخبئون نطفهم في التراب.وعندما يصابون بعسر الحياة يضعونها في أرحام زوجاتهم، ليأتوا بأطفال جدد يواجهون الحياة بدلاً عنهم.. هكذا جئنا مسننين بخلايا "البطالة والوجع "بأنياب من فقر وأظافر من قهر،جئنا لنكمل ما لم يستطيعوا إكماله لنبكي بكاءهم الذي أجلّوه #_فساد_التوظيف

قبل كم يوم اسولف انا واخوي بظاهرة اجتماعية اختفيت بدون ما نحس رد قال الحين الجار ما يدري عن جاره بجنبه وفعلاً كيف عالم التقنية والتواصل الاجتماعي سحبنا من الواقع بشكل كبير صارت حياتنا افتراضيه بحته

١/ قبل 30 سنة كانو يهايطون بكثر العيال الاولاد بل كانو اللي يجيه بنات يفشلونه بأبو البنات !!!! ٢/ قبل 30 سنة كان الملقف واجد من الجيران وعاشر جار يدري عن بيتك من لقافتهم ٣/ قبل 30 سنة كانت الحرمة ما تطلق بس يا عيني مقموعة وماكله تبن غصب عليها من زوجها ومن اهله وإذا بغت ترجع لاهلها دقو ثمها اهلها حتى لو زوجها ظالم وابن كلب

من الذي خلق مليارات البشر وقسم أرزاقهم ودبر حياتهم وحفظهم ورعاهم واصبحوا فخر لدينهم ولوالديهم ولدولهم .. لكن الغبي والجاهل والتافه دائماً تفكيره محدود نعوذ بالله من الجهل …

المشكلة هؤلاء اللي يقولون الحياة صعبة ولا يجيبون عيال تلقاهم من فقر الى فقر .. وصدق صلى الله عليه وسلم " لو أنكم تتوكلون على الله حق التوكل لرزقكم كما يرزق الطير تغدوا خماصاً وتروح بطاناً.

كلامك غير صحيح جملةً وتفصيلًا. ففي السابق كانت الأسر كبيرة وكان الإخوة يتشاركون الملابس ولم تكن وسائل التواصل الاجتماعي والأجهزة الحديثة موجودة بالشكل الذي نراه اليوم حيث أصبح الناس يقارنون أنفسهم بغيرهم في كل شيء في السفر والمقتنيات وأنماط المعيشة يتبع

كلامه سطحي جداً . الله يجزاه خير بس واضح انه يكرر كلام ماهو فاهمه

اول الاسره كيس رز وطحين ب٥٠ ريال والناس تقريبا ظرفها واحد بعد التواصل الاجتماعي صار ظغط في الكماليات والتفاخر اظافه إلى الغلاء الفاحش

قبل 30 سنه انت تحتاج للأولاد كثير فالخدمه والمساعدة على حياتك البسيطه اما الان يخدمك المال اللي بجيبك وقبل 30سنه حياه تكاتف الأسرة تختلف عن الان ، الان بعض الأسر ممكن تمر سنه ما اجتمعو على طعام واحد .

قبل 30 سنة كان فيه رقم ثابت لمصلحة المياة قسم التسربات تدق عليهم ما يردون ! الحين فيه تطبيق بلدي ترفع طلب ما يقصرون يحلون المشكلة علطول اول باول ولا تهون على دربك ارفع بلاغ تسرب صرف صحي جرعة تفاؤل بدل اللطم هذا😂

قبل ٣٠سنه مافيه جولات ومخالفات والالف يمشيك شهر والان ١٠٠٠٠ ماتفتح بيت

مافيه شي صعب ( اللي يؤمن بالله يتوكل على الله )

زمان تفتخر بكثرة العيال عشان اذا حضر أو سوا مناسبه شوفو عيالي الحين اغلب مناسبات الأب يجي لحاله عياله مشغولين في استراحه ولا طلعت كوفي

طيب حقيقي مثال الحين ولدي مدخله روضه دافع عليه ١٥ الف وانا قبل درست سنه كامله ب ٦ الاف حليب الاطفال لحاله بالشهر قرابه الف ريال كل شي صاير يغلي والرواتب تعبانه

قبل ثلاثين سنة أعبي سيارتي الكابرس من سوق الخضار جميع أنواع الخضار والفواكه ب100ريال وكل شي رخيص والوظائف في كل مكان ...الله المستعان...

قبل ثلاثين سنه كان المجتمع اغلبه نظيف ويحث على طاعة الله والخوف منه .الان المجتمع مفلت ولا تضمنه ابدا

كلام فاضي اول بشهادة الثانوية احلى وظيفة امًا الطلاق بسبب الضمان وحساب المواطن