موقف مؤثر لضابط يشارك والدته فرحة التخرج من كلية الملك عبدالعزيز الحربية. -

والله كل ما اشوف مقاطع المتخرجين وفرحتهم مع اهلهم عيني تدمع غصب 😢 الله يوفقهم جميع 🤍

مافي احد يستاهل تهدي له فرحتك كثر الام هي اللي حملت وولدت وربت وسهرت وغسلت وذاكرت واهتمت بينما الاب منسدح في الاستراحه يغازل ولا يقول ماتبونا نسافر المغرب هذه السنه ولا يدري عن بيته وعياله ولا اي صف يدرسون

لاحظت وانا في مجتمع نسائي شي محير ان الأمهات في هذه الزمن توصل الستين والخمسين وعيالها كبار وهي لسه جميله جدا وشابه وكأنها في الثلاثين ولا تصدق ان عندها عيال كبار ماشاء الله مثل ام الظابط هذا شفت كثيررررات حلوات وكل شي فيهم يشع جمال وانوثه وشباب عكس أمهات زمان

القفز من فوق الحاجز الزجاجي كان خطر جدا عليه لو سقط به وتهشم 😳

الله يحفظه لها ويحفظها له ويحفظ كل غالي لغاليه لا غرابة في تفاوت الناس بتعليقاتهم على المقطع فكل واحد منهم يغرف بلسانه من ما في قلبه، فصاحب القلب الاسود الحسود الحقود لايعجبه المقطع لانه لا يحب الخير لغيره بل ويحسد الناس على ما آتاهم من فضله وصاحب القلب الابيض التقي النقي الطاهر يفرح ويتمنى الخير والنجاح والفلاح لنفسه ولغيره ومن يتذرع بالانظمة والتعليمات فهي ليست قرآن مُنزل وليقرأ ويتمعن في موقف الرسول صل الله عليه وسلم من إجارة أم هانئ لبعض المشركين يوم فتح مكه سلامةُ الصدر والنية الطيبة عبادةٌ عظيمةٌ غفل عنها كثير من الناس وهي التي ترفع وتضع وإن خَفيت عن أعين الناس، إلا أنها لا تخفى على رب الناس

موقف يدمع العين مشاركة الفرحة مع امه ضرب اروع الامثاله في البر كل شوية يطلع المقطع واعيده كاني اول مره اشوفه من كمية مشاعر بالمقطع 🥰😂 عقبال اشوف اخواني وجميع الشباب اللي يتمنون هذا اللحظة 🤲

الله يحفظها له و يحفظه لها شفت تعليقات سلبية في المنشن بعض الناس حب الانتقاد يسري في دمائهم اعداء للفرح تذكرت مقولة : أشرت للقمر بأصبعي فنظر الاحمق لاصبعي و ترك القمر بعض الناس يترك الشيئ الجميل و يبحث عن القبح لأنه يوافق قلوبهم القبيحة 🤷🏻‍♂️

اللي شادينها في المنشن ترا هي فرحة تخرج بعد تعب وجهد وغياب لفترة طويلة عن الاهل بلاش الكلام اللي ماله داعي والله يوفقهم لخدمة دينهم ووطنهم ومليكهم