Video yükleniyor...
Video Yüklenemedi
مين هاد المهرج اللي قاعد عم يفتي ويخطب بالناس؟؟ تاركين الفشل والجهل والضياع اللي هنن فيه ولاحقين المرأة حتى على عطرها!! شو هالامراض النفسية والقرف هاد!!
30,112 görüntüleme • 6 ay önce •via X (Twitter)
0 Yorum
Yorum bulunmuyor
Orijinal gönderinin yorumları burada görünecek
Benzer Videolar
2:01
Sensitive content
#من_البريد: مرحبا في عندي موضوع تعرضت اله بدي اطلب منك تطلع تحكي فيه عن التحرش، وعندي فيديو بالتفصيل عن الموقف والمكان مشهور اللي هو بوظة بكداش بسوق الحمدية. واحد ابن حرام تحرش فيني تحرش فيزيائي بنص المحل!! عيطت بنص المكان مسكوه هاد متحرش! وما حدا رد علي، ٦ او ٧ رجال كانو واقفين عم يشتغلو وفي واحد منهم قلي "خلص مافي داعي"وبعدها المتحرش عمل انسحاب عالبطيئ بعد ما ضل واقف كم دقيقة يستناني هو والباقي اسكت عن حقي. والله العظيم اربعة قبلي اتحرش فيهم و ولا وحدة حكت المتحرش اخد راحته وعرفان انه البنات حتسكت وما حدا رح يرد عليهم و بالفيديو البنت يلي اتحرش فيها قبلي طالعة.. الحمدلله بعد ما ضليت اركض ورا الموضوع واسال عن الكاميرات واتعرض احكي مع جهات مسؤولة غير مبالية بقضية التحرش اخدت حقي، بعد يومين انمسك المتحرش، لكن الصدمة كانت انه انمسك بنفس المكان على البارد المستريح عم ياكل بوظة (اخدة اجره على المكان). ولا كانه من يومين متحرش بوحدة لا الموظفين ولا الأمن اللي على باب بوظة بكداش حسو فيه!! هاد مو شي طبيعي.. علما انه المسؤول عن سوق الحميدية حكالي انه فرك اذن العمال وفصل اللي قال "مافي داعي" لكن عبث ما كان في شي متغير بعد يومين. ورجعت ترددت على المكان مع الشرطي ونظراتهم كلها استحقار لاني عملت بلبلة وقلتله للموظف اعتبر اختك انحطت بهل موقف بترضاها انه كل الناس تدير ظهرها؟! حكالي ما بخلي اختي تطلع بلا "زلم" وكأنه انا الملامة على هاد الموقف. عار على بكداش عار. لازم نضع حد ل يلي عم يصير! والموضوع اكبر من واحد تحرش فيني القصة لازم تصير قضية رأي عام ويصير في توعية من الشعب و من الأمن ومن الشرطة ويصير تعامل احترافي لموضوع التحرش ( مو تنحكى الكلمة بنص المخفر بصوت واطي كانّها عيب ولا بالنيابة يسألني القاضي إذا متزوجة او لا لانه عم يفكر "بمصلحتي"ومابده احط القضية بالسجل عندي) هي القضايا اللي لازم ينحكى عنا، رجاء وصلو صوتنا.
أحمد العقدة
79,410 görüntüleme • 8 ay önce
![إنتبه: حزب الله تنظيم سري. سألني كيف عرفت؟ تابعت سبق صحافي صاعق على #التلفزيون. الشبيبة اكتشفوا الليلة، بعد 43 سنة، ان #حزب_الله «تنظيم سرّي خارج على الشرعية». إيه والله متل ما عم قلّك! وكرّسوا لهذا الاكتشاف تقريراً "متكاملاً" 🥴 مدته فوق الأربع دقائق. وفي التفاصيل أن هذا «التنظيم الشيعي المسلّح الذي يحمل فكر ولاية الفقيه» كما كشفت المراسلة (أنا كل هالوقت مفكرهم تروتسكيين للجماعة!)، لا يمتلك ترخيصاً! مش بس ولاية فقيه، وكمان ماشي بلا رخصة! تصوّر؟ إن «حزب الله يمارس نشاطه السياسي - والعسكري برضو - من دون أن يستحصل على علم وخبر ». أوَيُعْقلُ ⁉️ وتمضي المراسلة في التفجّع، للتوكيد على خطورة الموقف: « لا أوراق، ولا تسجيل، ولا صفة رسمية! ». #بلا_ولا_شي! إيه لأ، إذا هيك سكّروه خيي، سكّروه. ليه ما بتسكروه وبتريّحونا؟ بس انتبه، «قد يكون خياراً مدروساً (من قبل الحزب، يعني)، فلا تُطلب منه بيانات مالية!». همممم… حربوق هالحزب! منّو قليل أبداً! والحربوق أكتر منّو، التلفزيون اللي كمش اللعبة. وكمان جاب محامي حربوق و"كتير شاطر" اسمه #لويس_أبو_شرف، كي يشرح لنا، المسكين، كيف اننا أمام «مجموعة سرية تتصرف بفوقية مع الدولة اللبنانية». لا كبرت القصة كتير هيك. #السلاح قلنا أوكي، و #قرار_السلم_والحرب كمان بلعناها… بس ما معكم علم وخبaaaaر؟ 🧐 ولم يستطع أبو شرف الحفيد، ان يمنع نفسه من ذكر "السلاح" (يا خيّي فهمنا، ما معن رخصة سلاح): «قبل ومع #نزع_سلاح_حزب_الله - قال المحامي الألمعي بلغة حازمة (هوي كمان مستقوي بالسكربينة الحمراء؟) - لازم الحزب يتقيد بالقوانين اللبنانية!». يعني بعد فيه بس #القرض_الحسن ما جاب سيرته لويس الصغير! ولك إيه! شو الدني فالتة؟ مفكرين حالكم بولاية الفقيه هون؟ بيقلكم ابو شرف روحوا "حلّوا حالكم"، وإلا القصة «فيها غرامات مالية… وفيها حبس كمان». (راجع قانون الجمعيّات وشوف بعينك!)… إلى أن يصل لويس الحفيد إلى الذروة: «مفهوم المقاومة [من أساسه] منو موجود بالقانون اللبناني»! لكان لشو بدك ايانا نتعذب، ونتشمشط بهالدواير، لحتى نطلّع رخصة؟ مش حرزانة! شاهدوا التقرير حتى النهاية بليز 🙏🏻 وأرشفوه كمان، ما حدا بيعرف 👇](https://image.24vids.com/tw-1910056893457768783/amplify_video_thumb/1910045487924731905/img/RgwvtK8D3mz2sm_-.jpg)