ناصر العودة : البزنس صعب في جدة والحياة صعبة فيها 🌝

جدة موفرين وقنوعين وفيه بساطه ما يحبون الكشخه الاوفر و شوفة النفس يعني شوفني وكذا الشي الثاني اذا شافوا السعر مبالغ فيه تركوه ممكن تلاقي سيارة فخمه جدًا ماتشوفها بالرياض كلها واقفه عند راعي تميس هذا الشي لاحظته فيهم

اغلب الردود مافهمت وش اقصد بالبزنس فيها صعب والمقصد مجالي فقط وكثير من الي ماسكين المجال هذا من جده الان موجودين بالرياض ويقودون مثل هالمجال وقواهم الله ، واكيد جده غنيه في مجالات كثيره ونتعلم منهم ، والنعم فيهم جميع ..

جده مايحبون يوقفوا طوابير الا نادراً الرياض اي طابور يوقفوا فيه حتى لو شي عادي.

انا مو من جدة .. لكن قد تكون المشكلة منه هو (كتواصل ثقافي ) لأن جدة فيها من اختلاف الثقافات الشيء الكثير اللي يخلّي صعب جداً انه ما يكون فيها تواصل ثقافي ..

انا شمالي وافضل جدة على الرياض .. الرياض سكنت فيها سنة ولم استطع التاقلم معها .. حتى سلام السنة تسلم ماحد يرد عليك .. قلت هذا الي اوله ينعاف تاليه .. جدة على الرغم من التنوع الثقافي الا انهم محبوبين وطيبين

لا تجون جدة . جدة بدونكم احلى والله حياة جميلة بلا زحمة مقزفة 😂

اختلف معاه شكلاً وتفصيلا . جده فيها بساطه وقناعه ورضى النفس فيها اعلى الرياض كثير التقليد بالمشاريع الصغير وهبات اسبوع ويقفل المحل . استمرار المحلات في جده اقوى

جدة الحياة فيها صعبة ؟! التواصل الثقافي فيها ضعيف ؟! بس ياواد 🙂

ببساطة الموضوع مسألة فلوس الرياض فيها فلوس ورواتب عالية والمعيشة غالية وبزنس ولايوجد تنوع ثقافات وأجناس كثيرة مثل جدة أما جدة في تنوع مش طبيعي وفيها وعي مالي وإقتصادي وتنوع في مطاعم والأكلات مثل مطاعم باكستانية و سودانية وجيزانية ويمنية و أوزبكية واندونسية وماعندها فلوس و رواتب ومعيشة عالية مثل الرياض وجدة شمالها المدينة و جنوبها شرقها مكة مباركة بدعوتين النبي محمد صلى الله عليه وسلم و النبي إبراهيم عليه السلام والبركة ضد التضخم نسبيا الأسعار في الرياض الآن أسعارها متضخمة جدا في العقار والمطاعم والخدمات وغيرها مواكبة مع الشركات والبزنس والرواتب