نعم هذي الأسباب الحقيقية للطلاق الي يحطونها بالكوفي! الزوجة تشتغل بالبيت لحالها وتربي عيالها لحالها تلقاها خدامة وطباخة ومعلمة وممرضة وسواقة توصلهم مدارس وتودي وتجيب وهو تحت المكيف بمكتبه ٦ساعات وباقي يومه يتسدح بالاستراحات ويومين اجازة نوم وتبطح وهي كرف يومياً٢٤ساعة بدون اجازة ولا راتب ولا محفزات واخر الشهر... يحولها مصروف البيت فيه يكفيهم وفيه مايكفيهم ويحس انه ختم الأبوة وواجباته الزوجية!show more

أكثر مشكلة تواجه رجال هالزمن ، وهم مو مستوعبين إنها فيهم (هم ما يتحملون المسؤولية)، يعتقد لو صرف على بيته انتهى دوره ! لذلك نشوف المرأة اللي تعمل تستغني عنه لأنها سدت الدور الوحيد اللي كان يمارسه ، لكنه لو كان متواجد عاطفياً وقائم بشكل كبير على تربية ابناءة ما كانت استغنت عنه .

سبب يرجع للمجتمع الرجل نشأ وتربى فيه مجتمع مايحمله العيب ويعذرونه اذا اخطأ او خان زوجته يحطون اللوم على الزوجه بالرغم انها هي الضحيه وتربى على انه مايعيبه شي حتى لو كان الخطأ اللي سواه كبير وتربى ان تربية الاطفال على الام حتى اذا ولدت مايتكفل يقوم فيها ويخليها عند اهلها مع الاسف

لذلك اغلب الرجال لايرغبون في وظيفة المرأة لأنهم يعرفون ان السلاح الوحيد الي يستخدمونه في ابتزازها هو المال ومصاريف العيال الي يرمونه بنهاية الشهر عليهم معناتها اذا معها فلوس انتهى دوره وانتهى الشي الوحيد الي كان يستخدمه ضدها والمشكلة مو هنا اذا كبر وتركوه اخوياه وربعه رجع لعياله وقال مايحبوني زوجتي تخربهم علي زوجتي تسبني عند عيالي وكأن عياله مايشوفون ولا يدركون انه هو الي تنصل من حياتهم وصار غريب عنهم ، للأسف اغلب الرجال يتزوجون من اجل متعه الفراش فقط وحتى ذي لو حملت قال انا بسمي الولد ينشب لها ويسميه وينساه

كأنك توصفين حياتي باستثناء هو دوامه ساعه وان صار عندهم ضغط ساعتين ويعطيني مصروفي عياله للحين مومعترف بمصروفهم يقول تكفيهم اغراض الثلاجه اللي اجيبها 🤷🏻‍♀️ ودي امنشنك على حسابه تنصدمين كيف عايش حياته وراعي فزعة بتقولين ياحظ اهله وحنا بنفس البيت تمر ايام واسبوع مانشوفه تحت ساكن عند أمه

ابدع مشهد لوصف الحال بس الكوين سوسن بدر بردت خاطري

دوره في السرير ،لاتحتاج سؤال ـ أنت وش دورك ؟ المتحدث (يستعبط) كأنه لايدري مادور الأزواج في البيوت 😂 هم أصلالماذايتزوجون ولماذايشترطون بعض المزاياالجسدية للمرأة،يفكرون في دورهم في السرير😂 هل رأيت رجل يقول سأتزوج ليكون لدي أبناءفرسان يرفعون السمعةوالصيت أو بنات مثقفات طبيبات!

كتير من هل اشكال بالمجتمع موجوده و نشوفها حتى الزوجه تكون موظفه و تصرف عل البيت ما يعترفون بتقصيرهم لازم يرمون البلا على الزوجه انها مقصره للاسف المجتمع يدعمهم بس لانو رجل فقط

منذ القدم الرجال يقوموا فقط بالاقتتال مع بعض وسرقت بعض والنساء تبني الخيمه وتزرع وتفلح وتربي عيال وتطبخ وتخدمه طال عمره ! تعمل سخره

للاسف تربى في بيته ان مهامه كرجل، يشتري الخبز من البقالة.. بالمقابل البنت يربوها تنظف من وراه وتشيل وتغسل وترتب، حتى وهم يتغدوا، البنات اللي ياخذون الصحون ويغسلونها.. واذا تغدى بعدهم، يحط الصحن في المغسلة، ما يفكر ولا لمجرد التفكير انه يغسل صحنه!!

ذكور هالزمن صارو مثل الاطفال يملون من المسؤليه والبعض صارو مدمنين يعني المخ توقف عن التفكير بالطريقه الصحيحه اعرف واحد مايعرف يسوي بيض لعياله ويقول انا قدها اشيل المسؤليه وحارمها مصروف لها واذا راحت زعلانه يجيب شغاله بفلوسه طيب ياغبي بفلوس الشغاله كنت اعطيتها وانتهت المشاكل