نقاش ساخن 🔥 أحمد الحربي: بدل ما تشككون في الأمير الوليد بن طلال اعتبروه قضاء وقدر عليكم تركي السهلي: الشلة دافعين ..كلمني بمنطق إعلامي.. وش النور اللي أنت عايش فيه؟ مجاناً على MBC شاهد برنامج #نادينا يوميا الساعة 11:00 مساءً بتوقيت السعودية على #MBC1 لمتابعة البث المباشر

ايش هالمذيع الضعيف الي ماهو قادر يدير الحوار!!!! اقسم بالله لو اني مكان الحربي لا اخش في عين السهلي واقول له ايه اقصدك انت وامس كنت مشكك في دعم الوليد واليوم خفت وتراجعت.

النصراوي لا حشرته قام يصارخ ولا يعطيك مجال توضح فكرتك ويبتدي يشخصنها من جد ضعووووف

والله عيب هذولا يجلسون في برنامج واحد مع تركي السهلي تركي المفروض يطلع لوحده ولما يخلص كلامه يطلع من البرنامج والباقين يكملون عشان نطفي التلفزيون 😅

وين الفكره اللي يتحدث عنها خبير التجميل سبق وأن تحدث عن سالم الدوسري بشكل شخصي ! هو مايعرف لافكره ولانقاش ايجابي . هذا خبير تجميل مفروض يطلع في صباح العربية

تركي السهلي وفارس الفزي انا مدري من خلاهم يظهرون لنا بالقنوات اعتقد اقصى شي ممكن يظهرون فيه مساحة مع المريسل ويالله

تركي السهلي ماعند اي حوار اعلامي الا ما وجهوه صلعو بها التي عفى عليها الزمن صيح صبح واضح عايش بوهم وتضليل مثل اللي بارض صباخ لاتبت ولا تمسك الماء ولا يفيد طرحه اي تطور لرياضتنا ليته يتوجه ع مشكلة ناديه وطلب دعم الداعمين وان يقفو معه ويسددون ديونه ويشترونه

اي نقاش ساخن؟!! ماسمعنا أحمد الحربي وش قال كل شوي يقاطعه تركي والمذيع يتفرج ازعاج في ازعاج متى تركي يحترم زملاءه ويسكت ويخليهم يكملون كلامهم لو احمد يسوي زي تركي بيحذف تركي المايك ويطلع من البرنامج!! الواضح ان احمد الحربي شجاع وجلاّد ويعرف لكم. @_AhmedHarbi

تركي السهلي + سعود الصرامي... انصحكم يا نصراويين تتابعونهم الاسبوع هذا.. 💛 دفاع قوي عن النصر بكل مرجله

ابو غلا كتم انفاسه جاي مندفع بهجوم شخصي عايشين في الظلام ومن هالمفردات الي تعودنا عليها من اعلام الطواقي رد على التساؤل الي طرحه السهلي بمنطق وفكر واجابات عقلانية

مسكين دعسه تركي السهلي رحمة الدلخ درباوي وجاي على الهوى 👌🏻👌🏻😂😂😂

أغرب دفاع ممكن عن غياب الشفافية هو محاولة تصوير المطالب بها على أنها «نظرية مؤامرة»! محد قال لنا أثبتوا أن الهلال مذنب.. السؤال أبسط: من أين جاءت الأموال؟ كم حجمها؟ كيف سُجلت؟ وما المعايير التي سمحت بهذا الإنفاق؟ وهل تُطبق المعايير نفسها على بقية الأندية؟ إذا كانت الإجابة: «هناك داعم».. ممتاز. الإفصاح عن الدعم وأثره المالي يقفل باب التشكيك بدل مطالبة الناس بالصمت. والمفارقة أن التشكيك في المنافسة لم يصبح فجأة اختراعًا نصراويًا؛ تاريخ الوسط الرياضي مليء بالاعتراضات والتشكيك من جميع الأطراف، بما فيها شخصيات هلالية. لذلك لا تجعلون القاعدة كذا: إذا سأل الهلالي = يبحث عن العدالة. وإذا سأل غيره = مؤامراتي. الشفافية ما تخوّف النادي السليم… الشفافية تحميه. والسؤال الحقيقي الذي يستحق حلقة كاملة: لماذا أصبح طلب الإفصاح أخطر عند البعض من غياب الإفصاح نفسه

والله انه كلام صحيح ولامس جرح عند السهلي ونقز بلوفه 😂

@zzxxcc2004 الحربي يطلع بالبرامج لانه هلالي فقط

ابو غلا للغسيل والكوي 🔥

يشيطن ابو غلا بالتشكيك ويقول خلني اكمل فكرتي 🤣 " يشيطن تركي السهلي " وين الفكرة🤣 ما يفرق بين الهجوم الشخصي ونقد الرأي🤣🤣 والمقدم يقول كمل فكرتك 🤣🤣 وين الفكرة؟ يتهمه بالتشكيك ويبغي يمررها🤣🤣 ابو غلا لا تطلع في الحلقة اللي فيها لاعب النجمة ترى هذا محتواه وامكانياته 🤣🤣

صدق ابو غلا .. جملة تويترية اخذها من واتساب ويرددوها في البرامج الرياضية " يشكك ويشككون" 🤣 حشررررررره الصحفي ابو غلا ... لاعب النجمة السابق ما يفرق بين المهنية بالاعلام ويخلطها بحسابه بمنصات التواصل 🤣🤣 اممحطه ابو غلا أنت مرسلينك الشلة🤣 " ثقفه ابو غلا " ولا تسمح له 🚦🛑

ضعف شخصيةً مقدم البرنامج سبب في الشوشره ولا فيه اي ادارة حوار اكتم السهلي لين يخلص الحربي وين وليد الفراج يدرسكم ادارة البرامج والحوار الرياضي

بحياتي ماشفت ضعف بادارة الحوار مثل هذا !! منو المقدم هذا ؟ اتحدا تركي السهلي يتكلم كذا مع وليد الفراج

هول اول واحد قال الدوري موجهه للنصر وشكك باللجان والأكاديميات الحربي (قرقعه بلا فايدة) الهلاليين طلعوا مع بعض كبيرهم وصغيرهم مثل طلعتهم العام الدوري موجهه للنصر هنا تعرف في شيء مايبون احد يعرفه

هو صادق انت لك 3 سنوات من بدأ الصندوق بالاستحواذ على الأندية وأنت تشكك في الهلال 😎

اسوا ماحصل في البرنامج هو استضافة لاعب فاشل مايعرف يتكلم وفكره ضحل

نادينا تحتاج مذيعين ومقدمين

#جماعات_التظليل حينما كانت قراءة معمقة على مدى سنوات صار معهم اليوم .. 🙃

المذيع يصلح يقدم برنامج أطفال او مسابقات اطفال فقط هذا المذيع ضعيف لدرجة اني لم ارى إلا المايك فقط

تركي اعلامي كبير ويعرف يتحدث بمنطق الاعلامي يحدد الفكره ويطرح اسئلة ،اما اعلام الهلال يجيك بأسلوب العامة ويهاجم مصطلحات الجمع ويتهم فرق بين اعلامي وبين مغرد متعصب

السهلي يقوله دافينك الشله 😂😂

تركي السهلي ميزته قوي مايخاف من احد وصريح على ناديه النصر او غيره من الاندية احمد الحربي توهق وجاب العيد وفضح نفسه اعلامياً

المذيع ضعيف و الضيف قال من احترامه للمذيع ظهر لنا كمشاهدين انه مذيع عاجز

احمد الحربي حافظ هالكلمتين ويعيدها كل سنه ( أنتم تشككون أنتم تؤمنون بنظرية المؤامرة ) كل موسم يعيد نفس الكلام بالرغم أنه يشكك وآخرها الموسم الماضي كان يشكك في التحكيم. والجدولة !!!! أحمد الحربي تعدى مرحلة الغباء والسذاجة والجهل والتناقض وكل موسم ينطق على راسه ولا فيه فايده. واذا قلت له الهلاليين يشككون يا غبي قال لك ما يتجاوزون 5% !!! @turkialsahli @A_AlHameedi @_AhmedHarbi

تركي السهلي جلد الحربي جلد هههههه الحربي جاي مطفي اليتات وقلبها عليه السهلي 😂

السهلي هذا شكله جاي من الحراج ماعنده شي الا يقاطع كل واحد وبس صياح في صياح