🔴"نواف المالكي" الطالب المتضرر من #اكادمية_اكسفورد_السعودية: 🟠بعد سكوت أكثر من 22 يوم وأصواتنا لم تصل تم طردي مرة ثانية من المكان اللي دافع فيه نص مليون ريال‼️ 🟡السالفه وما فيها وليه انا حطيت كل حساباتي برايفت.. أتصلت علي جهه حكوميه كم ثانيه وبعدها قفل ودق علي مره ثانيه ورديت... كان الاتصال مدته عشرين ثانيه وكان رد آلي فقط وقفل ورجع اتصل علي برقم جوال طبيعي وقال معك فلان الفلاني من الجهه الحكوميه هذي.. قلت حياك الله قعد وقت طويل يمدحني ويمدح شجاعتي ويقول انت عندك غيره لدينك ووطنك وعيال بلدك عشان كذا وطلعت تكلمت وانا معك وبصفك، قلت جزاك الله خير الجزاء، وقال لي ابي منك اسامي جميع الطلاب المتضررين وارقام جوالهم وانا بوصلهم للجهات المعنيه، وانبسطت بعدين قعدت افكر بيني وبين نفسي ليه الادمي متصل علي برقم جوال طبيعي مو رقم تلفون وكان يتصل علي خارج اوقات الدوام الرسميه وكذا مره اتصل علي قال خلينا الأكادميه تحذف البيان الي نزلوه الاول والثاني والان دورك تحذف والحق معك وب ايدك ١٠٠٪ ، وخلا رقم ثابت بس مو حكومي يتصل علي ويقول معك فلان الفلاني حاجه وذو منصب عالي ب الجهه المختصه ذي نتمنى منك تحذف المقاطع، تطاوعت معهم، لان عطاني موعد لين يوم الاحد الي راح انه بيجيب لي اخبار تسر السامعين وان كل شي في حقنا وبصفنا ولا نخاف من شيء، جا يوم الاحد مافي اي خبر قمت اتصلت عليه اسأل قال المفروض تواصلوا معك، قلت مين، قال هيئة الطيران المدني قلت الكلام ذا غير صحيح محد تواصل معي قال الا كلموني قالوا تواصلوا معك بس انت ما رديت قلت اذا داقين برقم جوال طبيعي ف بالغالب ما راح ارد لكن دامها جهه حكوميه ف المفترض يتصل علي برقم تلفون حكومي وعصب علي وقال انت لسا باقي تتشرط قلت مو اتشرط اكثر من انها حمايه لي وللطلاب الي حاطين اعتمادهم الكامل على الله ثم علي قال عطني للمساء واتواصل معك عطيته وقته رجع اتصل قال اتواصلوا معك ولا رديت قلت ياطويل العمر والله لا جاني لا رقم تلفون ولا رقم جوال تواصل معي بخصوص قضيتي وكانه مو مصدق حلفي وعدا على الكلام هذا قرابة السبع ايام انتظر رد منه ولا عطاني اي علم اليوم اتواصلت معه وقال نفس الكلام الي قبل بنفس العصبيه وقال يوم الاحد الجاي اشوف موضوعك مع العلم اني حاولت اقابله الادمي هذا بمكتبه عشان اطمن قلبي انه حقيقي من الجهه الحكوميه هذي قال لي معليش رجلي توجعني اليوم هذي ما بقدر اداوم وكل ما سألته عن منصبه غير الموضوع بالكامل وقال بعدين تعرف بعدين تعرف وسألته عن اسمه عطاني فقط اسمه الاول وقبيلته كيف تبغوني اثق ب اي احد وكلنا نعرف قد ايش أكادمية إكسفورد محد قادر عليها الا رب العباد ودولتنا دولة العدل والأمان عشان كذا رجعت فتحت حساباتي وراح ارجع اتكلم ولا عمري ب اسكت الا بأمر رسمي من فوق او حقوقنا يتم النظر فيها وأخذها بمحمل الجديه. #حقوق_نواف_المالكي_وطلاب_اكسفورد #فساد #نزاهه #محمد_بن_سلمان #الخطوط_السعودي #الموارد_البشرية #القطاعات_المحتكرة_للأجانب #الطيران_السعودي #الطيران_المدني #طيران_ناس هيئة الطيران المدني سلمان بن عبدالعزيز اكاديمية اكسفورد السعودية للطيران وزارة النقل والخدمات اللوجستية هيئة الرقابة ومكافحة الفسادshow more

صوت الـجزيرة

39,711 subscribers

Поделиться Скачать