هالبنت منزلة مقطعها وزوجها جايب لها هدية وتناقز وحركاتها الصدق ضحكتني ، بالتعليقات أكلوها أكل بعض البنات انه ليش تسوين كذا قدامه والعيال يقولون والله فله وش رأيكم أنتم 😅

غرابه حتى الوناسه صاروا يحسدونك عليها ويضحكون عليها

تشوفين

وش حركات المبزره ذي

دامه راضي وهي راضية خليها تستانس هههههه

تستفزني ذي الحركات السخيفه

لا حركات مستفزه مره

@rxba90 انت من فريق البنات الزعلانين هههههه

اي لان الموضوع بكمنه

الله يشغلكم تطلع لي بالانستقرام وعطيت حسابه بلوك تجيبونه هنا ليه ؟؟!!

اول مرة اشوفها شفيك قسيتي علي يارهام وانا هلالية زيك هههههههههه 🤣

😂😂😂 اسفه ،، والله محومه كبدي قسم مستحيل هالانسانه صاحيه

@hindz5544 لا عاديه بس واضح انها من الناس اللي عندهم adhd فرط حركة والله اعلم

@hindz5544 لا وانتي الصادقه من الناس اللي يحاولون ينشهرون بشي تافه

فرفوشة ماشاء الله ضحكتني والشرابات كل واحد لون 😭😂

احسها تضحك بس هم يقولون ليش تسوين كذا قدامه طيب هو عاجبه وش دخلكم 😭🤣

@ros__8877 ساكنين بشقه وحالتهم الماديه بسيطه جدا والبنت مبسوطه بزوجها ليش تنكدون عليها وتقولون ليش تسووين كذا قدامه وش دخلكم

@ros__8877 انت تسولف وتعيد كلامي ! شايف وش أنا كاتبة ولا بس تسولف 😐

كل واحد يعبر عن فرحته بالشكل اللي هو يبيه محد له شغل

وش ذا صايرة تقولين حكم من وراي

شرايك بس😭

والله تافهين ذبحهم التصنع ليش تسوين كذا قدامة ليش تحطين زيت وماسكات قدامه يبونك زي المانيكان البنات صايرين يخلقون قيود زيادة كأننا ناقصين قيود يعني

هذه خطتها للشهرة السريعه تبغا تشتهر بطريقة التصوير هذه تانيا ممكن يكون اخوها مو زوجها وأصغر منها كمان لان حركاتها تافهة جدا حتى لو عشان مشاهدات الوحده ماح تسويها قدام زوجها تضحك على الهطوف اللي يصدقو الطلبيه واضح تبغا تعمل إعلانات بنفس هالاسلوب يعني حقيقي تجعلو من الحمقى مشاهير

ماله شغل بالوناسه والفله هذي خفة عقل والله وطفوله

لازم تعرفون ان اول ردت فعل لك بعد تلقي الهديه هي الي تحدد هل راح يستمر يجيب لك هدايا ولا ماتستاهلين! اذا ماراح تفرحين ليه يتعنى ويجيب لك هديه؟! علشان كذا نقزوا وافرحوا بشكل مبالغ

خليها تنبسط وتعبر بكيفها احترمي طريقتها في التعبير والله يسعدهم ويوفقهم بحياتهم

يا إنك صادم بجدار يا إنك تبي تسولف وبس شايف تعليقاتي ووش أنا كاتبة ؟؟؟ روح شوف وخل الدرعمة الله يصلحك

الغذر منك واعتبري كلامي موجه للي ينتقدوها

شفت لها كم مقطع غريبة هالبنت بس حلوه أحب الناس الفرفوشه تضحكني هابين فيها فكرة انه لاتوضحين فرحتك لزوجك وليه ماأوضحها؟؟ واذا ماوضحتها كيف بيعرف الأشياء الي تسعدني! حلو انها تبين فرحتها هذا يسمى بعلم النفس تعزيز للفعل الي بينتج عنه تكرار للإستجابه

براحتها اهم شي تنبسط

@rahiba_ اي والله وهو عاجبه

انا منزفزني الشرابات بس هههههه الله يهنيهم ويجمع بينهم على خير

والله انها عسل هي وشراباتها

هبااااااال من الاخر كائنها ارقوز لاكن لقمه العيش صعبه تبي ترند ومحتوى الله يعافينا ولا يبتلينا

اللي يشوف حسابها بالتيك يعرف حركاتها كلها كذا تناقز سخيفه مره وسامجه وكن عليها قل صح كل ذا عشان المشاهدات يازين العقل بس

طيب حركاتها وع ليه تنزلها أمام الملا شوضع زوجها

البنات اللي مو عاجبهم الفيديو نفسيات و نكديات و حسودات و خل شغل الثقل ينفعهم .. الشخص الفرفوش رزق و الحياه معه حلوه بنت ولا رجال

طيب ليش التصوير والنشر ؟!! اذا كان بينها وبين زوجها بسلامتهم ولكن اذا كان للتصوير والنشر مثل الحاصل الان فعيب ومايصير ! الحياء وين ؟!! الله يهدي الجميع يارب

حقين تويتر تجيهم محنه لو شافوا وحده مبسوطه خرا عليكم

يا جمال فرحتها تبارك الله🤍🤍🌻 الله يزيدها سعادة يا رب ويزيد بينهم الألفه. والله ان هذي الفرحة والمناقز يزيد البهجة بالهدية ويونس الزوج اللي جايب حويجته يبي يبسط زوجته. الفرحة الصافية هذي تغمر! البيت كله يشعر فيها،، الله يعمر البيوت كلها بالألفة والبهجة وكل ما يسرّ يارب.

الله لا يفجعني بنصيبي صدق، تخيل اشقى و اتعب و اجمع الريال عشان ابتلش بوحده عليها قلت صح ويمكن فيها جني

اقسم بالله احسبها ولد يستهبل من الشرابات والبنطلون لين شفت يدها اييي وووو

يارب تعوضه في شبابه الجنه حسبي الله ع من زوجها حدها تغسل الحوش مسويه فله الحين لا و تقول اخته علمته شنو الي تحبه تعلمين و لا تعرفين تعلمينه يتزوج زي الناس 😭

الغريب كيف تعيش اللحظه وهي تصور ما اتخيل نفسي مبسوطه وفاضيه امس الجوال واصور

ماقدرت اكمل يع مو كذا افرحي بس مو بخبال مايليق لاعلى الجسم ولا العمر احترمي سنك نفس الجده اللي تصغر عمره وتلبس لبس وخبال ماهو بسنه منقود عليك😑

تنبسط عادي كلنا ننبسط بس ليش الاوفره وحركات المجانين تقول عندها فرط حركه

ودايم تلبس مل شراب شكل 🤣

تكفين من اول تعرفينها وانت توي اشوفها فطست ضحك

كل فديوهاتها كذا 🤣🤣

مستفززة لانه تبالغ وكل مقاطعها كذا

بعض الناس ما يعرفون ان كل شخص عنده شخصية تميزه و يبون كل الناس نفس الشخصية الثقيلة هم ثنين متزوجين و مستانسين على بعض كيفهم ليش يثقلون على بعض

هي محتواها كذا ، فيها دوده بس تنقز ، قبل فتره انتشر لها مقطع تطبخ لزوجها وتصويرها كله تنطيط

اكيد هي منقيه الطلبيه وهو دافع

هذي حركات فضه قلبها ابيض فيه حركات دلع مع الزوج مو كذا معليش اكيد ياكلونها بعذرهم ماينلامون لان تبين خباله مو دلع

زوجها رخمه للي يخلي زوجته وكراعينها لناس مصخره وضحك ..

لحظة بنات اذا رجعوا ازواجكن من شغلهم ما تناقزن من الفرحة؟! اذا جاب هدايا ما تناقزن من الفرحة؟!! انا بجيب نطيطة انقز عليها انا وإياه