هذا القرار يطلع منه مشروع جبار ✅ افتح شركة توصيل 💡 وابدأ تعاقد مع السواقين الي عددهم بالمئات واكثر يبحثون عنك الان وبعد جمعهم تحت شركتك تعاقد مع تطبيقات التوصيل بالتوفيق المشروع خدمي وما يحتاج راس مال كبير ومافيه مخاطر تحتاج موظفين موارد بشرية أبطال فقط

ليس بالسهولة الي تتوقعها... 1/ تحتاج ترخيص من وزارة النقل، هذا الترخيص من متطلباته يكون عندك 10 سيارات تحت اسمك. 2/ السواقين لابد يكونوا تحت الكفالة. 3/ العقود مع التطبيقات لها اشتراطات وسندات امر يتم توقيعها لضمان المبالغ النقدية. 4/ و هو الأصعب!!!! التشغيل و الإدارة هي المحك في الموضوع. لا تستسهل كل شي، ابحث عن التفاصيل أولاً.

انا دخلت في المشروع هذا ب130الف وخسرت والسبب المقابل المالي بالاضافة الى شراء الدراجات النارية اذا هي اقساط بتصير عاليه وتدريب المناديب القادمين من الخارج بياخذ وقت والرخص ايضا واذا تبي من هنا نقل الكفالة مبلغ عالي المشروع جدا جميل ولكن يبغى له راس مال لايقل عن ٥٠٠ الف

اللي يشوف هالتجاره بسوداويه بذكره بتجارة شركات الاجره يشترون سياره بالالوف ويستقدم سائق ويدفع جميع رسومه وبالنهايه يدخل ملايين انت لو تستقدم عامل وتتحمل رسومه ودباب ب ٣٠٠٠ الاف تتوقع راح تخسر ؟؟؟ اذا جاوبك نعم فأنصحك ابقى على راتبك ومالك ومال التجاره .

الموضوع ليس سهلاً. سبق وصححت وضع شركه في هذا المجال. تحتاج ١٠ سيارات توصيل ملك مع عدد ١٠ ساقين لاستخراج ترخيص مقيد من النقل. ٢-تحتاج توقيع سند لأمر لأغلب الشركات بملغ ١٠٠ الف تقريباً. المشروع ناجح اذا توفر راس المال والأدارة. للمعلومية السوق هذا الان في وضع تصحيح.

👍 والمهم دائما تكون جوانب المشروع متكاملة، ومنها الناحية القانونية وصياغة عقود صحيحة في هذا المشروع وعلاقة شركة التطبيق والمنشأة المشغلة والعامل ومايترتب على هذه العلاقة من حقوق وواجبات.

هذا أدرسه لي سنتين وناجح وفعلا مدخول مهول بحكم اني اشتغلت بها واعرف كم تصرف وكم تدخل وكم وكم بس يبي لك عماله ماهره وعماله جديده مو اللي موجودين بالسوق لان اغلبهم راح يلعب تحتاج ممول سيارات وتحتاج مراقب للتطبيق ولقيت شركة راح تسوي لي برنامج مراقبة بس يكلف 🥲

صحيح مربح لكن تطبيقات التوصيل راح تحاسبك بدقة وتحط على سواقينك KPIs وفيه خصميات وغرامات غير مخالفات العمال لانظمة المرور الخ ، النموذج كان ممتاز إلى حد ما ولكن يحتاج لإدارة قوية وخبرة لوجستية وخبرة بالتعامل مع هالعماله ، بالإضافة إلى ذلك ذكر ابو عبدالله الاستاذ @habakr في لقاء له ان السوق سوف يتم تنظيمه قريب خلال السنتين او الثلاث القادمة فماراح يكون هناك عشوائية في مجال التوصيل وتكون فيها حوكمة ولوائح بشكل افضل وراح يكون البقاء للأفضل بالنسبة لموردين الخدمات

المشروع يحتاج راس مال اقل شيء ٣٥٠ الف ريال ٣٠٠ الف هذا اذا تبي تاخذ عقد من احد الشركات المعروفة وتشتغل صح ٥٠ الف هذه مابين دبابات و سكن عمالة ويونيفورم ومصاريف اخرى

اخوي فراج ما في شيء اسمه تتعاقد مع السواقين حسب التشريعات و الأنظمة الجديدة لازم تتعاقد مع شركة عندها سواقين . شرط التعاقد مع تطبيقات التوصيل لازم يكون جميع السواقين ع كفالة الشركة و جميع أوراقهم نظامية او راح تتعرض للمخالفات و الغرامات الي راح تكسر ظهرك .

نقل كفالة من ٤٠٠٠ الى ٦٠٠٠ واقامة وتامين صحي وسكن ووسيلة نقل سواء دباب او سيارة وتدريب وضمان ماالي ٣٠٠ الف عند الشركة وادارة تشغيلية ومكتب وعلاقات علاقات علاقات المشروع كويس للي عنده استعداد يتعب وراس مالة قوي