هذا المسخ البشري (النصاب) الذي يظهر امامكم في المقطع الصوتي هاتفني امس وعلى شاشه جواله شعار وزاره الداخليه وقال: لديك حواله بنكيه للخارج مشكوك فيها ومحاولات لاختراق حسابك. سألته حسابي في اي بنك ؟ ارتبك واتضح انه مجرد لص غبي ضمن تشكيل عصابي خطير فاحذروهم

حنا متطورين عنكم تجينا نفس هالاتصالات بس هنود يتقنون العربيه مع مكالمة فيديو ولابس لبس شرطه 😂

يمني نصاب سمعته قال الراقحي وبعدين عدلها الراجحي. الله لا يوفقه ولا يسعده ويجعل إلا اخذه بالنصب ما تكفيه علاج جعل لسانه للسرطان. هو ومن على شاكلته من النصابين. الحذر كل الحذر من المحتالين. لا تتقوا في أحد حتى لو دق البنك قل له أنا براجع الفرع. لا تعطوه اي ارقام. حفظ الله الجميع

احب وعي الشعب،بس الحريم الكبار مساكين جارتنا توهقت وطلبوها هويتها ومدري ايش وتفاصيل،والشغالة عطتها واخذوا قرض مدري كيف سووها الله لا يوفقهم 60الف ومسكينة ما خلت مكان بس محد فادها.

حسبنا الله ونعم الوكيل عليهم. وجزاءك الله خير الجزاء على نشر هذا المقطع ليحذروا الناس من هذه الظاهرة التي. انتشرت بشكل كبير. ولكن ان شاء الله الجهات المختصة لن تتركهم أبدا. مهما بلغت وباذن الله سوف يتم القبض عليهم وخاصة من المتعاونين مع هذه العصبات في داخل الوطن

مرحبا وحياك الله والسعودية مستهدفة في امنها واستقرارها وحياة الرفاهية للمواطن وعصابات النصب والاحتيال تتبع طرق ملتويه واسماء وهميه للوصول الى حسابات المواطنين وتحويل مبالغ هايلة للخارج وقد يستجيب لهم بعض الاميين والسفهاء والسذج ثم يلطمون بعد فوات الاوان ويتجهون الى الجهات الامنيه وهم من قدم للمجرمين مفاتيح اسرارهم على طبق من ذهب

الإحتيال الإلكتروني كارثةإقتصادية ومجتمعية يا أستاذ سعد، وممارسة الخداع لسحب بيانات العملاء عمل لا أخلاقي يضع مرتكبوه تحت طائلة المساءلة القانونية، ومن واجبات على الأجهزة الأمنية الضرب بيد من حديد لكل من تسول له نفسه المساس بالعمل المؤسسي وممارس أعمال الغش والخداع والتضليل..

النظام لا يحمي المغفلين وعددهم اكثر من الهم على القلب وانا اكتسبت مناعة ضد العصابات الاجراميه والنصابين واواجه سيلا من الاتصالات والمغريات التي اقابلها بالخبرة والأسلوب الأمني وجهازي لا يقبل الروابط الواردة من الحسابات الوهمية وهذا اللص الغبي اتصل بي حسب المقطع الصوتي وكشفت حقيقته منذ البداية وارتبك وهرب بلا رجعة وقدمت التغريدة من باب النصح للمتابعين.

المواطنين بأطيافهم جزء من المنظومة المجتمعية يا أستاذ سعد، وأهم الجدران الساندة للمنظومة التشريعية، وعدم إلمام عينات منهم بالقوانين أو وقوعهم في براثن الهكر والمخادعين لا يسوغ وصفهم بالمغفلين، لأنهم من حماة القانون كلاً من موقعه، ومن غير المنطقي سن تشريعات لا تحمي من يحميها..

هذه التغريدة عليها حتى الان اكثر من 350الف مشاهدة و220 كومنت ولا زالت تحطم الارقام القياسية وقد تتجاوز نص مليون مشاهده في يوم واحد مما يعني تأثيرها الشديد على الشارع السعودي وانتشار هذه الظاهرة العاهرة التي يستجيب لها بعض ضعاف النفوس والسذج والقضاء عليها بالوعي الجمعي والابلاغ عليها بالاتصالات الوهميه والحسابات الماكرة ولايزال السعودي مستهدف من الخارج

مره اتصلو علي قال محولين مبلغ قلت ايه محوله قال حسابك مخترق قلت راضيه خلهم يخرقونه خرقوك الجن حسابي وكيفي

مقطع قديم قبل سنتين

مرحبا وحياك الله وشكرا على التواصل والتوضيح والمقاطع كثيره لاتعد ولا تحصى اخترنا الافضل منها وهذا النصاب الدولي اتصل بي يوم امس بنفس اللهجه والاسلوب وكان في منتهى الغباء عندما ذكر اسم البنك وليس لي فيه حساب ويتخذ من شعار وزارة الداخليه على شاشة جواله مصدر قوه

الجزمة زعلان إنه ضيع وقته 😂😂 يبغى يسرق سريع سريع

هذا الصوت اتصل علي ،،يبغى يحدث حسابي قلت له صوتك قد سمعته من قبل ،المهم قلت له أنت الحرامي الي منتشر صوتك ،قام يسبني ويسب أهلي ويسب البلد ،أسأل الله في هذه الساعه المباركة أن يتم القبض عليه عاجلا غير آجل

ارسل رقم الاتصال حقه برساله نصيه الى ( 330330 ) وهم يتصرفون..!!!

أنا مره دق علي من برنامج الايمو 😂 وحاط شعار الدولة(امن الدولة يتصل عليك ) انخرشت والله..يكلمني واحد يعطيني اسمه كامل فلان المالكي (يكرمون بني مالك عنه)قال:محوله للخارج ؟ عاد ك كتا محوله صدق وين طيب ؟؟ للمغرب؟! قال ٣الاف جتني لحظة ادراك؟؟ ايمو😂 وش ناقص الدولة ما تتصل من ثابت😂

لهجته واضحة مهما حاول هنا تبرز مشكلة ترك الأجانب لسنوات طويلة في السعودية حتى يتقنون اللهجة ويستخدمونها في النصب وتشويه السمعة

جاني نفس الاتصال وقال محول حواله لتونس قلت ايه سحرتني تونسيه بجمالها وتزوجتها وارسل لها مصروف … النصابين يطورون اسلوبهم ويطيح بنصبهم كبار السن والجهله يستغلون احترامنا لانظمة دولتنا ولا يعلمون ان اي جهه حكوميه وحدة لخدمة المواطن فلا داعي للقلق من تسميتهم لاي جه .. خذهم طقطقه

اخلص علينا يبي رقم البطاقة 😅

عن المقطع اتصل علي نفسه هذا الي شكله سوداني قلت له انا براجع البنك بنفسي كان يوم السبت من البجاحة يقول لي كيف تجينا واحنا مقفلين قمت من الاخر قلت له الله لا يوفقك ولا يحللك ولا يبيحك تظن ما اعرف انك نصاب وقفل في وجهي قفل ربي رزقه الحرامي

قبل٣ايام اتصل بي لكنته يمنيه ومتصل باحد برامج الاتصال وليس عن طريق شبكه الاتصال stc مثلا قال معك المباحث العامه من سمعت اللكنه وانا اعرف ان نصاب قلت ايش تبغى قال انت مطلوب لكن اقدر اضبط موضوعك بس تحول لي حواله قلت له حولك في نار جهنم يا ابن الكلب قال للي جنبه قد انكشفنا وسكر خطه

كان بيقول الراقحي بس تلاحقها

اتصل علي نفس شخص يدّعي أنه من خدمة عملاء البنك ، وقال إنه يحتاج السجل المدني لتحديث بطاقة الصراف.🤣 قلت له: من متى البنك يطلب بيانات العميل بهالطريقة او سجل المدني ؟ إذا أنتم من البنك، المفروض بياناتي موجودة عندكم كيف تتصل تبغى السجل مو عارف اسم العميل🤣 ؟!! انتبهوا يا جماعة، لا تعطون أي شخص السجل المدني أو بياناتكم البنكية أو العنوان الوطني عبر الاتصال أو الواتساب. كثرت أساليب النصب والاحتيال، فدققوا قبل ما تشاركون أي معلومة خاصه لكم ، مدري كيف أبلغ على هالرقم، لأنه ممكن يضحك على ناس على أساس أنه من البنك أو جهة رسمية.

ذكرتني عندي مشوار بكرة على نفس الطريق باذن الله 😛

اتصل علي هذا النصاب قبل فتره والله اني احسبه صدق بس تاكدت طلع رقمه موبايلي

معروفة هذه الجنسيه الراقحي 😂

صباح الخير ياحبيب قلبي انت مطلوب في شرطه الحب صباح السعاده على حرصك وجهدك كل ماينشر في المنصه صباح القلب الكبير صباح الجوري يا الحوت الأزرق يصبح عليك فتى الدرعيه

نفسه دق علي الكلب الله يأخذهم

الغريب انه لازال حر طليق ربما شيكات خارجيه خارج البلد

الله يجمد الدم في عروقه كل من يحاول ينصب على البشر

اسم دقو علي ولا يعرف اي معلومه عني حتى اسمي مو عارفه صحاني من النوم عرفت من كلامه انه من النصابين قفلت في وجهه مافيني للمناحله معاه😂

استمتع اذا دقو علي هذولي النصابين اطقطق عليه الين يطفش ويقفل

تجيني كثير هالاتصال طفشوني يبون رقم هويتي واحيانا عطينا التحقق الي يوصلك

يماني واضح من اللهجه

صوت المتصل ابو فلص نصابين او يجيك يماني ولا باكستانبدي واخر البقر بتقلاديش والناس اشلوتدن تصدقهم ما ادري

والله من اول جملة اصيده الحمد لله عندي فراسه في تمييز اللهجات

حسبنا الله ونعم الوكيل

هذا الغبي قد كلمني وقال معك المباحث العامة 🤣🤣🤣 اسلوبه فاشل ومايفهم انه مكشوف

أنا يوم اتصل عليه احد اشترى من حسابك بنكي أنا استغرب عليه ايقاف خدمات وحساب مجمد كيف اشترى احد من حسابي

ههههه ههههه يقول الله لايشغلنا الا في طاعته بعيد عن المزح كل مجرم هو مشرك في حقيقة أمره وكل جريمه في الكون مبنيه على الكذب فالكذاب مشرك حيث أن الله يامرنا بالصدق و ابليس منهجه الكذب فهو يعبد ابليس اقل شي في هذه الحاله خذوها من رجل عمل في التحقيق ٣٠ سنه لم أجد اغبى من المجرمين