هذي وحده دايم تكشت في البر لحالها وتفتح بث المهم اسمعوا الاصوات اللي صارت في بثها اعوذ بالله 😨

سكتوا لان المقطع اللي مشغلته بالجوال الثاني خلص.. شكرا 🌷

يعني الجن ماعندهم الا نسخة وحدة موزعة على صحاري السعودية نفس الصوت و نفس صوت الكلاب .. 😂

ياخي وصل عمري ٤٠ و أنا ما يمر شهر إلا أكشت و ما في ديره إلا كشت فيها و أنام فيها باليومين و الثلاثة و لا قد صادفت لا جن و لا ابو فانوس و لا هم يحزنون بلاش كذب و تخويف الناس علشان محتوى تافه

لطمتها ونظراتها وحواجبها تخوف من غير الجن وطيرانهم

خلو عنكم سوالفه هذا السامري اللي يبسط لو في البر لعبت معهم جن ولاانس 😂😂😂

انا خفت من عيوني اكثر من الاصوات

نهى النبي صلى الله عليه وسلم عن عن الانفراد والوحدة في الأماكن الخالية وفي الليل

باخذ عندها دورة كيف ما اخاف من البسه

لحالها هههههه

ولله الجن انتي كيف طالعة لحالك في هالمكان وفي هالظلام وتشرح بكل اريحية

هي مركبه ذا الصوت يركبوه ع مقاطع البر موجود بالتيك

ياخي ماني قادر اصدقهم لان اغلبهم كذابين ويارب تكون صادقه

وين حقوق الجن هاااااه ياذا الجن يحزنون حالهم في بالهم ومحتفلين وذي ملاحقتهم ومصورتهم خلوهم يحتفلون براحتهم يووووووه البشرريين ملاقيف !!

اقسم بالله قبل اكثر من 15 سنه اني كنت أنا وناس معي نسمع نفس كذا في الجبيل الصناعية مقابل كلية الجبيل الصناعية ونقرب منه ونقرب وما فيه احد ، طبعاً كنا ندرس كلنا في الكلية ومستجدين وبقراطيسنا وما ندري أين الله حاطنا يوم سألنا إلا والعلم غير العلم نسأل الله السلامة

انا خفت منها اكثر من الجن

هذي تسذوووووب 😂 راحت أعمارنا مكاشيت ولا شفنا هالتسذب

صارت مع والدي الله يرحمه قبل اكثر من ٧٠ سنة. يقول كنت انام مع الحلال .. في منطقة معينة .. يقول سمعت غناء وأصوات موسيقى .. يقول ذيك المنطقة كان دايم يسمع فيها ذي الأصوات .. كانّها سهرة أو عرس .

شكلها كاتشه قريب من استراحه فيها زواج جنوبيين صوت الطيران والزير 😁

يمه بنت وتكشت لحالها😰 انا البر بالليل يخوفني لو معاي عشرة مو لحالي هذي كيف تروح لحالها

الجني مصدوم من الكذب

هذي فطوم القصيمية تستهبل لو سمعت جن كان انصرعت تسذووب 🤣🤣

معقول لحالها ماتخاف ترى الأصوات عادي تلاقيهم ناس كاشتين زيها ياما رحنا البر وكان في زي كذا ناس

هذي فطومه .. معروفه ومشهورة بالتوك توك وقديمه .. وتبث وتسترزق .. ودايم تكشت وتطبخ وتبث مباشر لطلعاتها واكلاتها واحداثها ..!!!

فعلا صادقه أنا احب طلعات البر وأحب اروح في الليل اللى مافيه قمر يعنى ظلام دامس و لحالي ولا اخذ معي احد ومره طلعت على الساعه عشره في الليل وصلت الساعه حول وحده نزلت أغراضي كلها كنت متعشى في البيت بس ابسوي القهوه صلحت القهوه يوم جات تفور الدله إلا حسيت بحركه غريبه اول مره احسها في شى قريب منى ماهو مزبوط إلا اسمع واحد يقول والله يازين قهوته مسكت نفسى وقمت أتعوذ وأقراء قران بصوت لكن حسيت في شى ماسك حلقي ما يخلينى اتكلم مزبوط أنا عارف انهم جن يوم جلست كذا شوى هديت وقمت أتعوذ شلت أغراضي ورجعت البيت وشربة القهوه وانا راجعي البيت ثاني يوم غيرت المكان

هذي ماتخاف؟ انا المطبخ او المجالس اذا ظلام اخاف اروح لحالي وهو بيتنا كيف البر؟ البر بالنهار اخاف اروحه لحالي كيف الليل وكمان جن اعوذ بالله 😓

الجن خافوا منها أهم شي انك أنت مصدق 🤦‍♂️😂

انا صارت معي اكثر من مره احيان طيران وعوده ولعوب واحيان همهمه كأنه مجلس ابو ثلاثين رجال وحولهم يبعدون كيلو عنك ونحوه الي تسمع الصوت ولا تفسر الكلام ، بصراحه ما تجرأت اروح الا يم المجلس اكثر من مره تزيد صوت الهمهمه والاصوات المتشابكة واذا قربتهم يختفي الصوت

قبل 4 اعوام كنا في رحلة بريه انا وخويي في العلا وبين الهضاب تعشينا واول ماحطينا خيامنا للمبيت سمعنا سوالف اثنين يسولفون استغربتا خاصه انهم اصواتهم قريبين منا!؟ ولا فيه نور حولنا لفينا وكشفنا مافيه احد!؟ رجعنا قرأنا آيات من القران وامرحنا

للأمانه انا واخوي سمعنا كذا في البر والله يشهد على مااقول

و الله يا عندهم طرب 🥲

الجن بحل ما يخوفون الي خوفني عيناتها 😥