هكذا يتم حفظ النعمة 😁

انتم ليش تتجاهلون نقطة ان النوتيلا لامست لحم ني واحتمال تكون برضو لامست دم وصارت غير صالحه للإستخدام؟؟ ولا هو مجرد صديق عزيز وحبيت تطلع تدافع عنه وانت عارف انه على غلط ؟

المشكلة تدري انه ماراح يستفيد منها بس تعزز له حتى لو هو على خطأ !!! ياخي قول لي بالله شلون بيستفيد من التغطيسه وبالذات تغطيسة الفيمتو .. بيرجع يشربه ؟ بطّلوا هباله واستخفاف

جميع الاسئلة في التعليقات واحدة ، نتمنى منك ي ابورعد تعطينا طريقة واحدة فقط و تحترم عقول المتابعين عندك و تشرح لنا كيف طريقة الاستفادة من النوتيلا بعد تغميسة الاستيك فيها ، انا اسميه هذا احترام عقول المشاهدين و المتابعين ، لا نحتاج اكثر من احترام العقول !

المصيبة انك تفهم في المطاعم والأكل وهذا مجالك ممكن تقنعني كيف راح يستفيد من نوتيلا مغطسه في لحم نيء؟

وش دخلنا فيه محترم ولا مو محترم بنناسبه حنا ؟ وضع لحم ني بهذا العبث مع النوتيلا هذا مستنكر عقلاً وشرعاً ولايمكن الاستفادة منه و في منصة عامة يشاهدها الملايين وجب انكار المنكر ، مو منطقي الدفاع عن المنكر .

استاذ فارس انت صاحب مطعم اسأل الله ان يبارك لك فيه هل من الممكن أن تعمل كيكة من النوتيلا المتبقية لعملائك وهي تلوثت بالبكتيريا ؟

دفاعكم عنه سلبي لكم وله ومستحيل يقلل من غضب الناس بالعكس قاعد يغيضهم اكثر، الناس كلها تسأل سؤال واحد (وش استخدامات النوتيلا بعد ماتغطس فيه لحم نيء) ولا فيه احد حتى الان جاوب على هذا السؤال، خاصة انك ملم بالقطاع وتعرف خطورة التعامل مع اللحم النيء

واضح أن الموضوع تحوّل إلى فزعة للدفاع عن مشهور. إطعام علّقت على مشهد نشر للعلن، ضمن دورها التوعوي في الحد من الهدر. لكن المستنمر هو السعي الى أن ينقلب اللوم على الجمعية، وكأن المشكلة فيمن استنكر الهدر لا في المشهد الذي أثار الاستنكار.

حلو طيب انت صاحب مطعم يعني الاكل المستخدم ترجع تقدمه مره ثانيه للزباين ؟ لان مو منطقي انك ما تعرف ان اللحم الني مليان بكتيريا و ملامستها للنوتيلا لوثتها ؟! و محد ذم الرجل عشان تأكد انه محترم عارفين انه محترم بس هذا تبذير و لعب في النعمه

ياخي أتابعك ويعجبني محتواك بس اوقات عليك شطحات مالها داعي وتقلل منك، أقنعني كيف بيستفيد من نوتيلا مغطس فيها لحم ني؟ هل المتابعين اغبياء وأنتم فقط يا صناع المحتوى او المشاهير الأذكياء؟ ونصيحة من محب لو تركز على نفسك وما تدافع عن اغلاط المشاهير افضل لك.

بعيد عن موضوع بن قاسم فيه أشخاص بالعالم مربوطه أسماءهم ببراندات و مشاريع كبيرة الأفضل يتعاملون مع اي ترند بذكاء اجتماعي او تتجاهله حتى لو عزيز عليك زيك مثلاً انت صاحب مطعم ، اكبر غلط تبريرك بالذات انك ( مطعم ) ف فكرة تبسيطك ان عادي الدم يلامس الشوكلت مب لصالحك ولا لصالح مطعمك ابدًا

وش الرابط بين انه رجل محترم وبين تصرفه؟ وبحكم تجارتك بالمأكولات ، ابيك تذكر لنا صنف واحد يقبل النوتيلا بعد اختلاطها باللحم الني بدون ما يسبب تسمم. التفسير الوحيد انه بيضرب فيها جدار بيتهم

لا مبرر للاسراف حتى لو وجد الحل الرسول ﷺ نهر عن الاسراف في الماء حتى لو كنت على نهر جار النعم تُحفظ من أصلها، لا بالإسراف ثم البحث عمّن ينقذ الفائض. فالإسراف هدرٌ للمال والنعمة والموارد، وترسيخٌ لثقافة الاستهلاك المفرط

قلة ادب منك ومنه وعدم احترام للنعمه لا يبرر نوتيلا لامست لحم ني مليئه بانواع عدة من البكتيريا كيف يرجع يتسفيد منه؟ واذا رجع استخدمه للحلا يقدمه لمين؟ هنا وزارة التجارة لابد ان تتدخل اذا الله انعم علينا بنعمه اللتي لا تعد ولا تحصى وجب احترام النعمه وشكرها وليس الاسفاف اللي حاصل

انا ابغاك تقابل رب العالمين فقط وتقول انك مستعد تتحمل مقولة ان نوتيلا باللحم الني ممكن يستفاد منه الا اذا انتي تعيد تدويره اكل للحيوانات وما اضن فيه حيواااااااان بيتقبل نوتيلا باللحم ؟ بلاش هكص ع البشريه << ياخي فرعون قال انا ربكم الاعلى نصدقه يعني 😂😂😂

ياليت تشرح لنا كيف راح يستفيد من النوتيلا بعد تغميص اللحم فيها؟

ياخي ليه المشهور بمجرد انه مشهور يعامل باقي الناس انهم اغبياء ويمشي عليهم اي كلام وخلاص؟ يعني نوتيلا مليان سكر منقع لحم ني ليلة كاملة بتقنعنا انه بيتم استخدامه؟

عزيزي ما سألت مخك وش بيستفيد من نوتيلا مغطسه بلحم نيء مليان بكتيريا ؟ عقلك أهم من انك تقلد ردود جيوش اللطافة جاوبنا انت يا الذكي كيف بتستفيد منها !!!!!!! والله فعلا ان 🧠 نعمة وبعض الناس محروم من نعمة 🧠

مافي احد اساء له الجميع انتقد فعله بالنعمه وانت جالس تستهزئ غلطان والافضل محاسبته وعقوبه لك

اللي يرفض وينتقد التصرفات الخاطئة في المجتمع اصبح يلام على فعله بعيدا عن التبريرات المهينه لعقولنا تصرفه خاطئ ومن المستحيل الاستفادة من تلك الكمية لانها اصبحت غير صالحه للأكل مقطع غير موفق ابدا منك ملاحظة مافيه احد فينا معصوم من الخطأ لكن الاسوء هي المكابرة والاستمرار على الخطأ

تفضل علمنا وش راح يستفيد من شوكولاته مغمسة بلحم نيّ ودم جاوبني؟!!! حركاتكم واضحة ومكشوفة يالمشاهير اللي تدافعون عن بعض حفظناها اتمنى أنه مدافع عنك بفضيحة مطعمك (فطور فارس) والأكل المتعفن اللي حصلوه عندك عشان تستميت أنك تطلع الحين بفيديو غبي عشان تدافع عنه

تدوينه ما اعرف وش تبي ؟! واحد طالع مو عارف وجهة كلامه لوين ! احد قال ان بن قاسم قليل ادب او مو محترم او ما يخاف الله ؟! الرجل اسرف بسفاهه بتغطيسه لا يستفاد منها برأي متخصصين مو هواة او طباخين. الرجل اخطأ وقدمت الجمعية نصيحتها لأن هذا واجبها وافضل منك

لانه ما فيه شخص عاقل بقول انه كلامه صحيح وانه بالفعل يقدر يستخدم البقايا في اي شي ممكن البقايا من الاطعام غير قابله للأكل بعد غمس اللحم فيها لا تحاول تبرر الغلط مهما كان صديقك

تغريدة غير موفقه يابو رعد خصوصا انك انت سيد العارفين في مجال الاغذية بعد ان وضع فيها لحم ني اصبحت غير قابله للاستهلاك الادمي .

يا فارس امتهان النعمة ليس فقط بالاسراف .. ولكن العبث بالنعمة امتهان لها ايضا .. والي سواه صديقك عبث لا شك في ذلك .. وعلى طاري مافيه شي بيترمي على قولتك .. ماذا سيفعل بكمية النوتلا الكبيرة بعد ان غمس فيه قطعة اللحم؟!! لا تقولي بيسوي فيها سندويشات للبزورة

الله يصلحك يافارس الواحد مايدافع عن الخطأ الرجل محترم وخلوق مااختلفنا لكن أخطأ سألتك بالله نوتيلا مغطسه في دم وش بيستفيد منها طبيعي راح ترمى والكميه المبالغ فيها في الاستخدام لأجل التصوير مستفزه يارجل بإمكانه يستخدم نص علبه بدون تبذير واسراف

لم توفق يبو رعد انت تخيل بس النوتيلا اللي قاعد تآكلها الآن كانت مستخدمه تتبيله او نقع لحم ني او اي نوع اكل يا عالم لا تستغفلون المجتمع

انت مريض وكفى تدافع عن شخص يستهتر بـ النعمه ويجاهر فيها امام الملا وانت اخذت ما حدث سخريه اقول لك الله يبليكم الجوع والحاجه عشان تقدرون نعمة الله فهو قادر ع سلبها منكم بـ أي لحظه!!

مغطس اللحمة النيّه في سطلين نوتيلا ! ، كيف بيستخدمها بعدين ؟ مشكلة اذا ما تعرف تسولف وتبغى تشارك في اي موضوع او الا اذا بن قاسم في محلاته يبيع للناس اشياء زي كذا يعاد استخدامها والناس ما تعرف وشكلك تسويها انت في مطاعمك كذلك ؟

شوف السخافه كيف يقارن كم لتر نوتلا بشيء بسيط عشان يستفز الناس الي تكلمت عن حفظ النعم ياشيخ اطفحه عساه سم احنا نتكلم عن الإسراف بشكل عام يبغل

هذا دليل بإنك مثله ونفس العينة... هل من المعقول إستخدام هذا الكم الكبير من النوتيلا في طبخ قطعة ستيك وبعدها راح ترمى في الزبالة لأنه من المستحيل إستخدامها بعد ذلك لأنها راح تكون ملوثة بكتيريا بسبب اللحم الني. يعني بإيش راح يستخدمه مثلا؟ يلا أعطينا وين راح يستخدمها

تعزيز الخطأ هذي من المصايب اللي منتشره، يطلع واحد يقول تراه صديقي ومحترم طيب ماقلنا فيه شيء ونعم الرجل، لكن اللي صار مايترقع ومافيه استخدام لنوتيلا بعد تغطيسها بلحم لو سكت كان اسلم لك وله

والي تسويه ايضا مالو علاقه بحفظ النعمه اخوي!!الشخص انتقد علشان الكميه المهوله الي عرضها وهذا في غالب محتواه،طبيعي الواحد يمسح باقي نوتيلا باقيه والاغلب يسويه

ابداً ما اتوفقت في هذا المقطع السطحي، لا الامر مضحك ولا الاسراف فالنعمة يستحق انك تدافع عن شخص لمجرد انه صديق لك بأمكانك الصمت افضل لك، مافي اسوء من تصرفه ولعبه فالنعمة الا هذا الدفاع والتبرير اللي كله اخطاء.

هل مطعم فارس يا استاذ فارس ممكن يسوي شيء مثل انه يغطس لحم نيء في نوتيلاً على سبيل المثال ولا الحصر و يرجع يستخدمه بأي شكل اخر؟ اتمنى تجاوبني صراحة لان الاجابة تهمني شخصياً.