هل تتفق مع هذا الرأي؟

"المشكلة نحنا بلدنا أكبر من بلدهم وعددنا ربع عددهم لكن صعب السودانين يتعايشوا مع بعضهم بدون مشاكل،،،،بس مستعدين يتعايشوا مع أي شعب تاني بدون مشاكل"

كلاموا صحيح 👍🏼 السوداني عايز يغطي مصاريفوا من اول شهر للاسف عشان كدة ده السؤال اللي بنساله من زمان ليه الحاجات السودانية غالية وخصوصا المطاعم مافي اي مبرر ….!!!!؟؟؟؟ يكون في مطعم جمبوا باكستاني يبيع طلب الفول بريالين و تلاتة واليمني ب 5 والسوداني يقوليك ب 12 او 10 اقل شي وبعد ده مطعموا وسخان وقس على ذلك في باقي الاشياء ياناس نحنا عندنا مشكلة حقيقية في العقلية دي عقلية الاستقلال للظروف والمواقف ماممكن شعب كامل يشتغل تحويل عملة ويستقلوا ابسط الناس اللي رواتبهم ماتتعدى 1200 يحولوا ليهم في ال100 وال 200 وكدة عاملين فيها تجار ومبسوطين ويقوليك نحنا شعب طيب ياخي دي اكبر كذبة اذا كان نحنا بنستقل بعض في اي شي. لازم يحصل مقاطعة لاي سوداني مستقل الناس ضروري عشان ربنا يزيل مننا البلاء لازم الناس توعى ونغير الثقافة دي

اتفق وبشدة السودانين مفروض يكونو ممتنين وتعاملوا بكل أحترام مع اصحاب البلد بغض النظر عن ناس مصر

نعم اتفق وما بس مصر حتى في السعودية كمان ومن زمان أنا ما بشتري من سوداني في السعودية الرياض سوق البطحا في واحد يمني مشهور في بيع مستحضرات العطور السودانية اكيد سمعته بيه خُبيب اسمه يحيى السودانيين كلهم بيشترو منه عشان ارخص واحد السودانيين التانيين غالية ومعاملتهم سيئة جدا هوممتاز

المصيبة الاكبر الناس المتفقين مع كلام بوشي لكن برضو بقولوا كلامو غلط من باب اختلافهم السياسي معاه و دي الحالة الاخطر و لو ما اتخلصنا منها في كل المجالات ياهو حالنا ببقى زي ما اسي فعلا حاصل

كلامه منطق وفي اي بلد في الدنيا دي اي حاجة سودانية غالية السبب شنو م تعرف شعب غريب لو فينا فايدة كان عمرنا بلدنا ، حقيقة انا لمن اسمع باطماع خارجية في خيرات السودان بقول ليهم حق لانهم شايفين اننا شعب م بستحق بلد زي السودان ، عقلبتنا عبارة عن جشع وبناكل بعض في كل الأحوال الله المستعان بس

ايوا ولا غلطة في كلامه ماف وقليلن الأدب بتاعين نحن قاعدين بقروشنا والفارغة دي اكتشفت إنها تفاهه بس

10 مليون دا اجمالي الاجانب في مصر كلها مشكلتنا اعلامهم سايقنا بالخلا ونحن أي شئ ينصدقه

اظن لي المشكله انو السودانين إتعودو على الارباح العالية قبل الحرب و مفتكرين الوضع بستمر كدا طوالي.

الاستغلال ده في حال حاجه محتكره وماعندك خيار. لكن في حال انك عندك بدائل وارخص يبقه الغالي متروك. سهله جدا ومادايره قومة النفس دي كلها