هل ترى هذا الحل مناسبًا كما هو موضّح في الفيديو ؟

في حل أسهل. يركب بدل الشينكو لكسان ملون (أي لون) عدى الأبيض الشفاف. لا يعزل الضوء وشكله مقبول وقد يستفاد منه بالرسم عليه أو إلزاق مناظر طبيعية شفافة.

ليه ما تعملوهن مثل عندنا بالشام بالحارات البيوت مقابل بعضها والدرايش مخفيه

حط شجر حوالين البيت حط اي شي غير منظر الزنق هذا كأنك في معتقل

هذي خصوصية لأهل البيت وانت مالك هو حاط الشينكو ستر لأهله لو بيطلعون الحوش ياخذون راحتهم دعوا الخلق للخالق انت سوي اللي تبيه وما راح احد يعارضك بينك وبين جارك وخلصنا منظر ما اعجبك بس عاجب غيرك ومريح غيرك مو لازم كل شي نشوفه نعلق عليه ونبي الكل يصير نفسنا

هذي المشكلة في وزارة الإسكان والبلدية سابقا البيوت راصينها جنب بعض ليش حتى الضو والهوا مايجيك ليش كان سوو زي برشلونة شفتها في ابحر والريان بجدة و الوزارة المفروض المخططات الجديده تكون مدروسة نحن شعب يحكمه عادات وتقاليد لا تلصقون الأراضي جنبي بعض لا تدحش البيض مع الطماطم

الله لا يبلانا مجتمع يخلق تعقيداته بنفسة ؟ هذه ليست مشكلة لدى جميع الشعوب كافة عدى عندنا!! من الذي صنعها! وحالياً تشاهد ما يسمى بالجدار الصامت ناحية الجار فيكون البيت كأنه كنتيرت شاحنة! على ما أعتقد الصحوة هي من أرعب الناس وزرع فيهم الحرج فالعمارات القديمة ما كانت كدة

ياليت يكون تصميم الاحياء والبناء بهذه الطريقة افضل

والله أن هذا هو التشوية البصري الحقيقي...؟ يا أخي باني لك بيت بحوالي المليون و عَجِزت تركب شتر أو شرايح على الشباك أو ستاير..! و أقتراحك هذا هو العَجْز و شغل المقاولين التجاريين ؛ اللي تكاليف صيانته و العناية به سنوياً أكثر من تكلفة بنائة...!!

اللي يحط كذا ف هذا مريض نفسي و يجب يروح يتعالج لانه امثال هؤلاء مرضى نفسيين و على الدوله التحرك ممثله بالامانات إزاله التشوهات و منع تركيبها و وضع غرامات مغلظه تجاه من يخالف القوانين

ايضا ممكن كلا الجارين يعمل النوافذ يكون نصفها ألأسفل ثابت زجاج مثلج او يعمل ساتر على النوافذ فقط مسافة 10-15 سم يغطي النافذه ويسمح بمرور ودخول الهواء ايضا ساتر ألمنيوم على النوافذ على شكل شبك مائل للاسفل فضلا عن التصميم الهندسي عند عمل المخطط يتم مراعاة ذلك

اقسم بالله العظيم يكفي ان يكون عندك وطن

عندي جار سكن بعدي من جهة الشمال وللاسف شوه منزلي بحواجزه الصاج كما في الصورة والجار الغربي وضع حاز فيبر وللاسف مع الوقت اخذ يتساقط بمنزلي . وما دوري الا ان اصمت وابتسم عموما هذا المنظر يشعرك وكأنك بمعتقل وليس بمنزل.

غير مناسب ولا يمكن تطبيقه على أرض الواقع .

الشينكو مفتوح للسماء بدون البلكونه اذا وضعت بلكونه انت كتمت المنطقة اللي تحتها لا هواء ولا نور الشينكو ممكن يكون مثلج شفاف من البلاستيك او سلك دبل (معنى سلك دبل مثل الشيش او الناموس بس دبل) بدل الصاج وتكون له مزايا

يكفي تحط الدرايش العكسيه

في حل اسهل شبك شرايح ثابته عالدرايش يصير اللي فالغرفه يطالع السما اريح واوفر وازين منها قزاز عاكس و ستاير ينزلها قبل المغرب ويرفعها الصبح

يحط ملاقف او مشربيات على النوافذ بحيث تدخل الهواء والضوء وتجمل المكان ويوضع ساتر للحوش بارتفاع متر لخصوصيته في الغالب هذا الطول للشينكو في الصوره يخص مدرسه او دائرة مؤسسية ،بشع ومروع ونفذ بعد شكاوي وخطر وقوعه قاتل في الامطار والرياح

ياخي فيه الدرايش داخل المنور وسط البيت ويكون فيه تشجير ومفيد لكل شي

تشوه بصري

مبالغة

جيراني كلهم صمتو بيتهم حوليني احس اني في كهف ساكن ياخي اترك متر لدخول الشمس على الاقل سجن صار مو بيت

في حلول اخرى ولكن في اغلب الحالات يستغلي العميل ويدور الارخص ما تدري اهو بخل ولا عدم ادراك ولا حسد؟ مثل هالوضعية عادةً لازم يكون في اتفاق من الطرفين وهذا فيه شي من الصعوبه

كتمة وغلقة بس إذا جارك بثر خله يحط لو أسلاك شائكة

فيه أشكال جميلة أخرى غير الزنك لكن البعض فقير لايملك تركيب المودرن نعم الستر مطلوب العافيه مطلوبة لدينا خصوصية ولا نريد أن نكون فرجة للجيران ولا أن يكون الجيران فرجه لنا خاصة حين يكون جارك ( شقق عزاب ولا شقق مفروشة ولا جيران )

واذا جلس بالبلكونه وش يبي يشوف غير الحر والغبار ؟ خلهم بس على وضعهم مدامهم متعودين ومرتاحين .

اللي يحط الزنق هذا مهب صاحي وعقله فيه شي

ترا ممنوع والبلدية رح تقول لك تزيل المخالفة

البيوت صايره سجون مصغرة

أنا مع تعزيز الخصوصية بالحواجز، لكنّي ضد هذا الحديد القبيح !! ربما تثق بجارك، لكن ليس بالضرورة أن ثقتك فيه تنطبق على كل من يدخل بيت جارك أو كل شخص ساكن معه ومحسوب تحت وصايته . الناس بالعموم فيها الفضول وفيهم اللي يطيل النظرة الأولى، وفيهم اللي يعتبر كل نظرة نظرة أولى . أمثلة جميلة بدل الحديد 👇

وكذا بيصير الشينكو على واجهتين😂 الواجهات الامامية مع الجانبيه😅

اشوف المشكله بتصميم البيت المفروض سكاي لايت والشبابيك بواجه البيت فقط

الافضل منها ان الدرايش في الجهات هذي يكون لها تصيم مختلف

اول شيئ هذا قمة التخلف وغير أخلاقي ثاني شيئ تلوث بصري بشع جدا جدا جدا ثالث شيئ والاهم خطر جدا هذا معرض لسقوط في أي وقت الله يعز دول اوروبا والكفار بينه وبين جاره حاجز زراعي لايتعدى المتر ويخاف على جاره أكثر من نفسه ونحن المسلمون وصانا رسولنا الكريم محمد (ص) بسابع جار !!!

هذه خصوصية