هل تعطي سيارتك لأحد ؟ رأيكم في كلامه !

ايام الثانوي واحد طلب سيارتي على اساس مشوار لأمه وسوا حادث واتضح انه كان كذاب ومشواره ماله علاقة بأهله اصلًا، ودخلت معاه في مشاكل وانا بنفسي صارت لي مشاكل من بعدها صرت ما اعطي احد سيارتي الا القريبين جدًا جدًا جدًا، واحرص عليهم واشيل هم لين يرجعونها الله لا يسامحه وبس

هذا يسمونه يا أستاذ سلطان "الطقوع المهوّل"

اتفق والجمله الاخيره 👍🏻👍🏻 اعطيه فلوس ياخذ سياره اجار افضل من اعطيه سيارتي ويجيب لي مخالفات

ما عندك ثقه في اخوانك وعيال عمك واخوياك ! ياخي عيب . إذا عندك وسواس وخايف على نفسك "ماهو على السيارة" اعطي اللي طالبك السيارة تفويض من ابشر والمسؤولية تصير عليه وصلى الله وبارك (شوف المقطع) . بس السؤال وش حدك تخاوي ناس ماهم ثقة ؟

الضفاعة ما تمسي الا في راس مودمي هذا ريي حن نعرف من نخاوي ونعرف المطاليق اللي يبطي ما صف حولهم بالاخير يقول اعطيه يستاجر سيارة يكذب ما هو مستاجر لاحد حتى اخوه مايتردى فيه الردي واذا عدره الدايخ تفويض بالمدة اللي يبي اذا كان به مراجل

رجال اعرفه اخوي او ولد عمي ومتأكد منه وكفو ولاهو راعي خراب ولا بلاوي عزالله بفزع له واعطيه موتري مافيها شي الناس للناس وبكره ممكن تدور الايام وتحتاجه … اما رجال تعبان وراعي مشاكل اكيد ماراح اعطيه بجيب لي مشاكل

كلامه صحيح سيارتي خط احمر لو صار شي مو نافعني

انا ما اعطي , ولا اطلب . السبب وجية , ساهر . لو ينشطب ما اعطي . اكلتها واستحيت احسب الناس تستحي , والحين ماعاد استحي .

هذا جفاف زيادة عن اللزوم وكذلك اللي يعطي لأي احد متهور زيادة عن اللزوم الافضل التوسط والاعتدال وبسؤالين : لمن ؟ ولماذا؟ والسؤال الاول اهم : عطها للي تثق في عقله وحرصه واهتمامه ابتعد عن المتهور الطائش لأنه سفيه والله سبحانه يقول : ولاتؤتوا السفهاء أموالكم التي جعل الله لكم قياما

يزعل طالب السيارة، ولا يجيب طامة وتزعل أنت.