هل فعلاً الجيل الجديد من حديثي التخرج صار يبالغ في طلباته ؟! وش رأيكم ؟!

احيي هذا المهندس والله لو كل الشباب حديثين التخرج مثل هالمهندس البطل كان انحلت مشكلة تدني الاجور اللي يفتخر هذا الشخص ويرويها (حد ادنى!!) كل اللي طلبه ٩٠٠٠ لو طلب ١٥ الف وش بيقولون!

المهندسين انا اشهد انهم اذكى فئات المجتمع. ويستحقون دعم ورواتب عاليه، اعلى من الموجود حالياً. لان بأيديهم تبنى الاوطان. مو معقول قد ايش حنا نحقر في الاذكياء وندعم الاغبياء؟! يعني تخيل واحد متفوق متخرج بموزونه 90 وفوق وتخصص هندسة اعطيه 7 الاف ، وواحد متخرج من الثانوي بموزونه 75 ودارس تخصص ادبي ياخذ 25 الف ؟! اي منطق هذا !!!!!!

ادرس اربع سنوات و اتعب و عشاني حديث تخرج تعطيني 7500 كان خليت الدراسه و ريحت راسي من المذاكره و السهر و الضغوط و دخلت عسكريه و طقيت اول مربوط نفس اللي عارضه لا وفوقها راحه و امان وظيفي و يقولون اننا نتشرط 🤐

عندي قناعة من يجيك الواحد يمط فمه ويقرص بعيونه اعرف انه كذوب. وهالمهندس السعودي. موافق علي راتب 7500 ريال علي قولتكم. لكن يوم داوم. لقي مديرة طوني راتبه 60000 الف وبيت وسيارة ومدارس خاصة لعياله. وهو توه متخرج قبل سنتين. من جامعة الضاحية. ولقي جنبه واحد خريج من جامعة الزقازيق بنفسه سنه تخرجة وراتبه. عشرة غير مميزات السكن والتذاكر. زين مانتحر.

معطيه الحد الادنى، ولولا نظام العمل الله اعلم كم بتعطيه. انا مع الطرح المنطقي انك كطالب تصبر لكن تجيب حديث تخرج وتعطيه مهام خبرة 5+ سنوات، والله اعلم هل هنالك برنامج تطوير؟ حوافز؟ هل في سلم رواتب واضح؟ الخ… وتزعل اذا طلع؟ هذا غير السؤال البديهي 7500 وش بتسوي في حياته بالنهاية هو بداية عمره ورايح يبني حياة اما يتزوج او يدخر لعمل دخل اضافي.

فيه شركات كبيرة ومعروفة رواتبها للمهندسين تبدأ من ١٠-١٢ ألف لحديث التخرج، وهنا مستكثرين عليه ٩٠٠٠. ﷲ يوفق المهندس ويعوضه بأحسن منها.

في شركة بيبسيكو @PepsiCo كانت الرواتب للمهندسين حديثي التخرج ١٠ الف ريال تقريباً وعملنا دراسة لمنافسة السوق لرفع الراتب " مع الاخذ والعطا مع الإدارة العليا " وأخذنا موافقة لرفع رواتبهم لـ حدود ١٣ ألف ريال لحديث التخرج ( اي حديث تخرج يحمل مؤهل هندسة بغض النظر عن المجال )

مشكلة إن الجهات المستقطبة تنظر للرواتب كرقم وليس كقيمة سوقية !! تحديد الرواتب لا بد أن يكون مترابط مع تضخم الأسعار وقيمة الرقم سوقياً

المهندس معه حق 👍🏼 بالله ما تخجل تعطيه 7500 حرام والله "ولا تبخسوا الناس أشيائهم" المراسلين عندنا في العمل أقسم بالله رواتبهم على 17 الف وزيادة !!