🔴 هل فعلاً تم تسييل محافظ استثمارية في #تاسي؟ وهل صغار المستثمرين مسؤولون عن ما يحدث في السوق من عمليات البيع؟

فيه قوانين وضوابط متأخره من هيئة سوق المال أصبحت لاتناسب المتداولين اليوم. مثل:- 1- العمولة العالية في البيع والشراء . 2- كثرة الإدراجات والاكتتابات الغير مدروسة في سوق الأسهم السعودي اضعفت السيولة . 3- وقت التداول في السوق السعودي لايناسب الموظفين وهذا سبب في ضعف السيولة . 4- فترة المزاد آخر 10 دقائق بعد في السوق ليه ما أقدر أشتري أسهم من المعروض ؟! يسمح لي أبيع ولكن مايسمح لي أشتري ! وكأن الضوابط تقول مسموح لك تنزل السهم ولكن ممنوع ترفعه ؟! 5- السهم سابقاً اللي سعره 20 ريال كان اذا ارتفع يصير بالخمس هللات يعني 20.05 ثم 20.10 وهكذا ... لماذا هيئة سوق المال غيرت هذا النظام وجعلته يرتفع بالهللة الواحدة ؟! يعني 20.01 ؟؟؟؟ وجع وشهالسوق البايخ اللي ممنوع الواحد يربح فيه !!!! 🤬 هذه من أهم أسباب تدمير تاسي و سوق الأسهم السعودي ولن يعود السوق كما كان إلا اذا تغيرو المفسدين و عدلو هذا العبث وليس ضوابط وتعهدو أنهم لن يعودو له ويغدرون بمحافظ المتداولين .

والله الأفراد كفو هم اللي جالسين يضخون سيولة بالسوق

تم اعطاء المؤسسات اولوية في الاكتتابات والحصص الأكبر والذي حدث تدمير للسوق

المفروض يتم حجز اموالهم وادخالهم السجن 8 سنين عشان ننسى الثمان الشهور الكئيبه اللي فضحونا فيها امام الكرة الارضيه 👍🏻

ما الذي يجعل سوق الأسهم تصعد و تهبط 1️⃣ نظام الاحتياطي الفيدرالي 2️⃣ الإعلام 3️⃣ الدولار 4️⃣ التضخم 5️⃣ الانكماش 6️⃣ طفرات و فقاعات فهم الأسهم 📚 مايكل سنسير

حسب النقاشات المنتشره حاليا بين المؤسسات و البنوك ان هناك تشدد في التمويل، لهذا يحتاجون يبيعون لتوفير سيوله لعملياتهم، و اعتقد هذا واضح على صندوق الاستثمارات يبيعون اسهم شركات ممتازه مدره للربح ليش؟

الواضح لي من كم شهر ان اكبر مالك في تاسي هو اللي جالس يبيع ، ولازلت اعتقد انه هو السبب الاول في تراجع السوق ، ما الومه بصراحه ، عنده التزامات ملياريه ويحتاج سيوله ، وصل لسقف عالي في الاقتراض والحل الوحيد هو تسييل بعض الاصول

اسواق المال تهدف الى نقل الأموال من غير الصابرين الى الصابرين

علي قوله مدري مين اذا غلبوك بالفلوس اغلبهم بالجلوس انسو محافظكم لين يرجع السوق

المال لا يثبت على طول الأزمان إن ما حفظته راح مثل السحابه سوقٍ يشد وسوقٍ ثاني يهبطان والعاقل اللي يحسب حساب الغلابه لا تنخدع بالزين وقت الرخصان ولا تفرح إن صار السهم في سرابه ابي واحد يقول خلوها

#سوق_الأسهم_السعودية #تداول المؤشر يواصل النزول الحاد ويكسر نقطة الدعم 10611نقطة واضح البيوع من الصناديق الاستثمارية وصناديق البنوك ثم يتم الشراء والاستحواذ بأقل الأسعار من شهر يناير #تاسي_تداول يعاني من النزول المستمر الحاد عدم استقرار التداول كون اغلب الشركات سجلت قيعان تاريخية

تاسي لعب في الناس والمتداولين وحتى صندوق الاستثمارات متعلق انا يوم شفت صندق الاستثمارات العامه متعلق ارتحت دام الكبير متعلق وهو عنده مستشارين واقتصاديين وخبراء وتعلق اجل حنا المتداولين الافراد وش نقول .

تخبطات كارثية في سوقنا شوهت واساءت لسمعة بلدنا الحبيب

ولله اللي سايربسبب الهيئة ادوشونا من سنوات عمق السوق سوق مؤسساتي ودخلوا شركات ما تسوى واعطوا المؤسسات مميزات ونصيب الاسد من الاكتتابات وقرارات منفره مثل تسوية يومين وحركة الهلل والخوارزميات وملاحقة الافراد وهذه النتيجه اتضح ان المؤسسات هي اللي تبيع وعمقوا جراح السوق والمتداولين

البنوك لا ترحم من عنده تسهيلات …التسييل عادي ؟

كنت متحمس للسؤال لين شفت اللي يجاوب وطلعت

بص حضرتك ماله علاقة في سوقنا لا من قريب ولا من بعيد جيب ولد السديري ذاك اللي كان في الراجحي

صانع السوق الحقيقي عاجبه الحال هو من ضغط المؤشر من 14الف ولن يضخ السيوله بقوه الا لعند انتهاء التجميع. معقوله اسمه أخف من الريشه ساكنه لم تتحرك

كلام فاضي

كويس ما قال حرب ايران واسرائيل والجيوسياسيه زي خوينا

هذا اللي قلناه من قبل بلا سوقنا من صناديق الاستثمار ومافعلوه من جريمه قذره بحقه

اي الافراد مسؤلين حتى عن التضخم الاقتصادي بالعالم ومسؤلين عن انخفاض اسعار النفط والعجز في الميزانية

سوق ضايع

مساكين الصغار

ما جاب جديد

السوالف اللي مامنها فائدة و بكل فترة نشوفها

لأن الهيئة تفرغت لمساعدة الشركات العائلية للاكتتاب و بأسعار و علاوة اصدار غير منطقية و فيها عدم مصداقية في التقييم و نسيت تطوير سوق الأسهم و ضوابطه و قواعده و عملياته لحماية المستثمرين تخبط واضح لان اهدافهم اللي يشتغلوا عليها ليست لصالح المستثمرين !

بنوك تنزل كله ينزل سياسه قديمه متعودن عليها

ماشاء الله يابوفهد الأفراد مساكين يطبون ولا يسمون 😅 الحين يوم جاء وقت الشراء والقيعان ونقول ان شاء الله الإرتدادات للأعلى يصير العكس 🤷🏻‍♂️

الاسبوع الماضي تم اعادة تقييم الشركات تم تحويل التقييم من ٦٠ الئ صفر لاحد الشركات - ١٢ نقطه يعني اللي ماوزع محفظته. كان دخل في التسييل تقريباً

السبب في نزول السوق هو الصانع بنك ميريل لينش من شروطه أن يدخل في الأسهم وهي في قاع وباقي أسهم كثيره مادخل فيها في الطريق يعني مطولين نزول وثبات

كلامه يحتاج اكمال 😎 من يبيع بالسوق بالغالب هم الافراد الصغار ممن يملكون بالصناديق الاستثماريه بالبنوك فهم من يسيل وحداتهم فيظطر البنك لتسييل جزء يعادل ماباعوه من وحدات بالسوق ولذلك البيانات تقول ان المؤسسات هي من يبيع وهي بالحقيقه تبيع نيابه عن الصغار الخائفون وبالعاده من يبيع بالقيعان هم الصغار ومن يشري بالقمم هم ايضا الصغار ولولاهم لما ربح الكبار 😋 الاسواق تحتاج اعمال العقل واطفاء العاطفه 🫡

حنا حمالين الاسايا من قديم الزمن رقبتنا سداده

المفروض يجيبوا خبراء دوليين يديروا السوق السعودي بصراحه .

في الوضع الحالي المساهم الذكي مايبيع ولا يتفلسف ويقول بغيّر مراكز