هل فيكم أحد ركب ppf ضمانه حلو لكن صار معه كذا ؟

اهم شي سوه عند شركة ماتروحلهم بعد سنتين تحصله بخاري.

مازلت غير مقتنع بمدد الضمان الطويلة التسويقية مثل 10 سنوات وغيرها. طريقة فك PPF بالشكل ذا ممكن يضر طبقة اللكر على الاسطب لها تكنيك في عملية الشد

ما ادري من وين طلعت لنا موضة تغليف السيارة، سنين طويلة نشتري السيارات ونكدها وتبقى على وضعها ونستمتع بالنظر الى لونها وبويتها الاصلية ، انت الآن قاعد تقرطس سيارتك وتوفرها للمالك الثاني اللي راح يستمتع فيها كما صنعت ،مافي داعي للقرطسة خاصةً مع تطور تقنيات الدهانات وصارت مقاومة للش

صارت معاي للاسف. ضمان ١٠ سنوات وسعره حيل رخيص (غلطه مستحيل اعيدها) بعد سنه ونص صار الي بالفيديو، طبعاً المحل مو موجود الحين 🤣 خرب علي السطابات فيها اثار حرق ماتروح. الحين تعلمت من غلطتي اذا الحماية ب ٣٠٠ دينار معناته شغله اي كلام، ركّبت بعدها حماية من محل معروف ب ٩٠٠ دينار.

المفروض تاخذ من شركة محترمة مثل 3m ولومار و اكسبل كل هالشركات مجربها بالذات لومار فئة (رويال 10 سنوات) مركبه لي 8 سنوات بالاصطبات ماشاءالله اسطوري ولا صار معي مثل الي صار بسيارتك

ركبت عند سيمبا صاحب الكابرس التوين تيربو الاسود واللي الان عنده مغاسل بشمال الرياض اكتشفت انه غاشني بنوع ppf يقول اكسبل ودفعني ٩٥٠٠ ويوم رجعت له عشان كم ملاحظة صار مقفل المحل ويوم اكلمه يقول الا اكسبل وبعد فتره جحدني ويقول مالي دخل تبي كلم صاحب المحل مع انه ب اسمه ويسوق له الكذاب

ال ppf تحافظ على السياره بس فيه معلومه يغفل عنها البعض لازم تنتظم في الصيانة الدوريه للppf يغيرون قطعه كامله في حال فتح معاه لو جزء بسيط لانه بيسبب فقعات داخل الحمايه تحترق مع الشمس الحاره وتسوي لك بقع ما تروح

غير مقتنع في PPF خسارة فلوس ع الفاضي وتضيع فلوس ولاعمري بسويها ابد

هذا واضح نوعية رديئة النوع الممتاز سعره للسيارة كاملة خاصة هذا الحجم اكثر عن ١٦ الف ويعمر معاك ٥ سنوات وما يتقشر

ركبت حماية ppf عند شركة 🦷 بودي قارد الله لا يوفقهم وسودت علي الحماية اكتشفت انها ردئية خفت وفكيتها بعد فترة شهب مكان الحماية وخربت البوية ويضطر ارش الوجهية كاملة حسبي الله عليهم

بحكم تجربتي ركبت كامل في ثري ام على توروس وجلس ٣ سنوات لين بعت الموتر وماشاء الله اموره تمام نصحيه اختر الشركة قبل السعر

يااخوان بخصوص الحوادث هل التامين يشمل تغيير ppf بحال الخطا ١٠٠ ع الطرف الاخر ؟ لانه تكلفته للباب الواحد توصل ١٥٠٠ للنوع الممتاز والله مشكله اذا مايدخل ف التعويض

عشان كذا ما أحب أركب الا شي يكون ضمانه مفتوح وفيه معالجة ذاتية؛ لأن الأصلي ابو ٥ او ١٠ سنوات ضمان ما يكمل هذي المدة، وغالبا بعد سنتين يبدا يصفّر، لكن في أحد الشركات بتكمل ١٠ سنوات على سيارة أحد الأقارب وما زالت الحماية كأنها مركبة قبل مدة قريبة جدا، وأنا ركبت من عندهم قبل ثلاث سنوات وبالرغم من إهمالي لها والحوادث اللي جت السيارة الا انها ما زالت محافظة على البدي بشكل ممتاز

اشتريت ٤ سيارات وكالة ،بحياتي كلها ماعمري قد حطيت ppf أحس مضيعة للمال . المهم تكون سيارتك دايم تحت مظلة

اذا مو غلطان فمركز التلميع والحماية يوصلوا تزورهم كل ست اشهر عشان يتأكدون من الحماية

PPF مفروض ياخذ اكثر من 15 سنة مع غسيل احترافي ما يكون ضخ قوي. لكن المشكلة عندنا هذا سوق ضخم جدا و فيه تستر تجاري و غش تجاري و حرق ملايين الريالات و مافي اي توجة من وزارة التجارة لمراقبة هذا القطاع

هذا تقليد أنا ما أركب إلا في كول او xpel يدوم ١٠ سنوات هذا تقليد

الي في المقطع يعتبر سوء تركيب وهذا يدل على ان الفنيين الي ركبوه ما عندهم الخبره الكافية انصحك بـ @KMQ_SH من تجربة انا الى الأن مسوي عندهم ٤ سيارات وسويت حادث بسياراتين و الحمدلله السيارة الاولى ما تضرر فيها شيء فقط الـ PPF تضرر و صلحوه لي و السيارة الثانية تضرر الصدام و باب الحوض ولكن الـ PPF حافظ على البوية كاملة، الأن فقط يحتاج لها تصليح بارد و تضبط اموره. جودتهم جدًا ممتازة على سعرها و سعر السوق 👍

غريبة !! الاجابة عند عادل هو الخبير 👍🏻 @fallatazoom

وتلاقي المحل قفل

🤷🏻‍♂️ مع ان ال PPF ممتاز جداً على البودي من النوع اللي ماتحتاج تسوي له تلميع كل فترة .. طبعاً بروح لهم يغيرونه ع الضمان الشركة ممتازة ولها فروع

ppf مامنه فايده بالعكس سلبياته اكثر

حده خمس سنوات اذا شركه متوسطه مثل سن قاد

يجلد السيارة ويتعب نفسه وخسارة، وبالنهاية يبيعها لواحد يستفيد منها

عطاني ضمان خمس سنوات كدرع حامي عن الشمس للبويه ماكمل ست شهور وقشر البويه اتوقع عرفتو اسم البراند 🤣🤣🤣🤣🤣 ولاطلعت بنتيجه انت مالتزمت بالصيانه واذا تكلمهم مافي مواعيد فل حجز للمراكز

هل في احد ضمانه على تكسر الحماية ؟ هل في احد يبدلها لما تتكسر ؟ وباقي الضمان مانتهى ؟

كلهم يصير فيهم تلفيات مثل هذي بس تمر للمحل ويسوي صيانة بسهولة

الصراحة مدري وش يحس فيه اللي يركب ppf ? يعني الشركة تتعب على اللون والصبغ الاصلي واللمعه وتجي انت تبي تعقّب عليهم !! استمتع بسيارتك وكل شي له وقت.

وجهة نظري ،، ( PPF ) أكبر كذبة .

اكبر كذبه فلم الحمايه ، تراها سياره معرضه للتلف والحوادث وشيء استهلاكي ، ماهي كتب عشان تجلدونها

ماعمري اقتنعت فيها طلعت سياره وخليتها مثل ماهي والحافظ الله سبحانه

والله يضحكوني النوع هذا من الناس يشتري سياره ويغلفها كأنها بتضل معه طول العمر وكل فتره يركض يجدد الحمايه سلامات يابوي استمتع بالسياره وغسلها كل اسبوع وعيش بتحمي وتغلف لمن ؟ نهايتها بيجيك واحد غشيم يحك الموتر ويذبحك حسره

لا حمدلله ركبته وممتاز معي حتى حكني واحد قبل فترة في الصدام وصارت في الحماية ورحت للمحل وغيروها 👍🏻

مركب عند ستايلي وله تقريبا ثلاث سنوات والحمدلله للحين ممتاز

الشمس وعمايلها اتوقع للي يوقف دايم بالشمس لازم كل سنه يجدد انا ماعندي مشكله مع خسارة PPF الموت لو ازلته من الصدامات او البلاستيك وشال لك صبغ الوكالة