هل لدى الأخت أم اليسر حصة المحيميد تصريح بتقديم الاستشارات. اختي أم اليسر، اتقي الله، فنصيحتك هذه تفسد ولا تصلح، وتمنع التعدد، وتضيع على النساء فرصة الزواج من معددين، وتسلب الرجل حقه الشرعي والنظامي في التعدد، ولا توجد زوجة أولى تستقبل امرأة لتقول لها: اسمحي أتزوج زوجك.

﴿يا أيها الذين آمنوا كونوا قوامين لله شهداء بالقسط ولا يجرمنكم شنآن قوم على ألا تعدلوا اعدلوا هو أقرب للتقوى واتقوا الله إن الله خبير بما تعملون﴾ المستشارةلم تجعل ذلك شرطا للزواج ؛ بل قصدت بكلامها معرفة مدى مصداقية الخاطب وجديته وتحمله لتبعيات التعدد . بنات الناس ماهي لعبة❗️

انا مار مداني شور الحريم

ربي يحفظك.

لأن كثير من المعددين مهب قد التعدد، يتزوج ويخفي عن زوجته الأولى وإذا عرفت سوت مشاكل لين يطلق الثانية. خل كل شي واضح من البداية.

التعدد الشرعي الرسمي العلني ينهي الإشكال، ولا سر فيه، أمّا أن تتواصل المخطوبة مع الزوجة الأولى أو تزورها لتعطيها خبراً فطُرْفَة عجيبة، وبدعة غريبة.

@alnoor_am7 تقول اطلبي من المتقدم هذا الطلب و ( وشوفي وش يرد ، حتى لو ماسويتي هالشيء ( اللي هو التواصل مع الزوجة الاولى) وبناءً على رده تتضح لها امور وتاخذ قرارها. —— يعني شوفي ردة فعل الرجال وقرري هو تكانة والا رقلة

@fawaz_dr 👍👍

كلامها احمق ~ غير مقبول لا من ناحية عقل ولا شرع ~ موضوع التعدد له ضوابطه وأحكامه والمرأة من حقها تسأل وتفهم قبل توافق. لكن مو بالطريقه الغبية الي قالت عنها ( الرجل ) ~ يقدر يتزوج بدون رضا زوجته، هذا حكم معروف .. الأفضل يكون النقاش بعقل واحترام. والله المستعان .

تراها ماتحلل الي يجزء كلامها وكنت حاظره هالمكالمه فبطلوا ظلم الادميه تنصح بعدل ووعي وعندها تصريح ليه انت زعلان ! عدد محد مسكك الطريق وراك

حمدلله انو ٩٩٪ من البنات مستشارات نفسهم. خاصةً بالأمور الزوجية لا أم اليسر ولا غيرها يأثر فينا !! أمانةً يعني ما قد سمعت لها لا بث ولا استشارة !!

لا أحد يستغني عن الاستشارة، وما خاب من استشار، ويجدر بالمرأة أن تستشير عقلاء أهلها، وأهل التخصص الذي يعطونك المشورة بعد أن يعرفوا منك ما يكفي من تفاصيل، فالمشورة التي تناسبك ربما لا تناسب غيرك. وفك ربي، وأتم عليك فضله.

أكيد الاستشارة أمر مهم جدا ولكن غالبا ما بتكون بأمور الزوجية ، أحس إذا استشرت أحد بمشكلتي أتشتت وأضيع ، فالأفضل أسوي الي يمليه عليا قلبي وعقلي وضميري و(حياتي) ، ممكن الي أستشيره بيعطي استشارة على حسب ما هوا يعيش !! إلا المختصين المعتمدين طبعاً لكن ما عمري رجعت لهم ! 🙂‍↔️

هذي سفيهه سامعها ببث فيه ١٤ ألف تسأل البنت تشتكي زوجها يمارس العادة السرية تقولها هو يجامعك ومو مقصر معك قالت ايه قالت كم دقيقة تقعدون تطولون وهو باسطك وووالخ كلام ماينقال قلة أدب وسفاهه

هل لديك رابط للمقطع؟

هذا التسجيل من الدقيقة ٢٢ إلى الدقيقة ٤١

لم تقل: «باسطك وووالخ كلام ماينقال».

@fawaz_dr أغلب توصياتها طلاق وهي ماعندها وماعند جدتي فلسفة فاضية وتجميع فلوس من خلف قطيع النساء عندك شهادة فكي عيادة وروحي انتي والمرضى خلفك اما بثوث يتابعها الصاحي والمجنون من النساء ذي مصيبة

والله انها نعم المستشارة انسانه تخاف الله وفاهمه وكلامها ذهب

بغض النظر عن استشارة الاخت حصه مااعرفها ولا عمري سمعتها،، لكن اشوف ان كلامها صحيح لانه اذا كان الزواج الثاني دون علم ورضى من الزوجه الاولى بتكون النتيجه مشاكل ثم الطلاق لواحده من الزوجات الاولى او الثانيه

اتقوا الله ولا تدخلون في نيتها وتقتصون بعض كلامها بالعكس انا من الناس اللي استفاد من كلامها اخذ منها اللي ناسبني واستقرت حياتي لها الفضل بعد الله ..موتوا بغيضكم

الزواج من المعددين صارت فرصة يُخاف من تضييعها؟!! عجبًا!!

مستشاره اسريه ما تعطي النصائح للمتزوجات الجدد بان تتعامل مع اهل زوجها برسميه ولاتذهب لزيارتهم الا مره كل شهر تقول درء للمشاكل🙃 اي مشاكل الله يهديك خربتي الجيل الجديد المفروض تنصحهم وتقول عاملي ام زوجك كما معاملتك للام وتقبلي منها النصح واصبري على اسلوبها فمهما كانت هي ام زوجك وجده اطفالك ماادري ليش يكرهون ام الزوج يوما ما تبي تكونين انتي ام زوج

اغلب اللي يفتحون حسابات استشارات بدون مؤهل علمي، ربما مروا بظروف وتجارب سيئه وتكون عندهم عقد نفسيه انتقامية وهم بحاجه للعلاج النفسي

والله يا دكتور فواز أبتلينا بأناس تصدروا المنصات ويقدمون الاستشارات ووالله لو دققت لوجدت أكثرها فيها مخالفات شرعية واجتماعية ولكن نسأل أن يفكنا شرهم

ماعلمنا عنها الاخير امرأة فاضله وملتزمه وكثير من مقاطعه يقتصون منها مايريدون لتشويه سمعتها والا استشاراته وكلامها صحيح وهي مستشاره رسميه

مع احترامي لها، الأكثر إشكالية نصائحها المالية افتراضات مثالية تُربك العلاقات وتخلق الصراعات. فالمداخيل والظروف تختلف بين الأسر، والنجاح المالي الزوجي يقوم على التفاهم والواقعية، بعيداً عن القوالب الجاهزة.

يجب على أمثالكن الواعيات الرد عليها، وتوضيح أخطائها.

أنافهمت إن قصدها إن كان جادوشجاع وسيعلن زواجه ولن يكون سراًويعدل بكل شي ولا يخاف إلا ربه وإن زواجه لرغبة التعدد وليس تأديب للأولى ولا نزوه ،بالتالي يكون قد أخبرها بعزّمه على التعدد وطيّب خاطرها،هنا لن يخشى هالطلب ويقول كلميها ..كل شي على وضّح النقا..وإن لف ودار وإحتار وخار فأهربي

والله لا اتابعها ولا افكر اتابعها .. لكن احد البنات مره تكلمت عنها وعن طريقتها ونصايحها وكانت مرره منزعجه من اسلوبها ومثلك كانت تقول هذي هلى معها ترخيص استشارات؟؟ او لا .. انا الي اعرفه انها مشهورة سناب كانت تبث بالبدايه سواليف وقصص ونصايح وبعدها سمعت انها اصبحت مستشاره اسريه … اتمنى تتاكد وزارة الاعلام من سالفه ترخيصها في هالموضوع .. @media_ksa

لماذا لا تكون الإستشارات الأسريه مكالمات خاصه !؟ ، أما أمام العامه ومئات أو آلاف المستمعين أكيد في ناس يعرفونها من الصوت ! وقد سمعت من تقول زوجي مكينته خربانه ! ، قال الرسول ﷺ : إن من أشر الناس عند الله منزلة يوم القيامة الرجل يفضي إلى امرأته وتفضي إليه، ثم ينشر سرها.

اللي تتزوج معدد ح تعيش ف مشاكل

انا م اعرفها لكن كلامها ياخد بعين الاعتبار نوعاً ما لن بعض الرجال يوم تدري زوجته الاولى وتخيره بينها وبين الثانيه تحط القرعه ع الثانيه ويطلقها فالاحسن علشان م يحصل تخيير وطلاق الاولى لازم تدري ولها حر الاختيار ي البقاء او الرحيل افضل من اظلم امراه ثانيه مالها ذنب

ليست سفيهه لها اكثر من ثلاثين عاماً تقدم إستشارات مجانية ادعوك ان تستمع لها اكثر وتطرح استفساراتك وبثها المباشر يأتي في الواحدة ظهراً على التيك توك

ياويلك من الله تدخل بنية ام اليسر من افضل الاشخاص اللي يقدمون النصيحه ومعروفه انت من مقطع مقصوص تحكم وتسوي نفسك فاهم عليها عندها خبره فوق ٣٥ سنه !!!

تخبيب بدأ بستار مستشارة والآن بدأت تجيب طوام مثل هذه والظاهر خايفه ان ابو اليسر يعرس وتبي تحتاط.

في شؤون الرجال: لا تأخذ بقول إمرأة بتاتاً البتة لأنهن الغالبية العظمى منهن يتحدثن بلا عقل. طبعا يستثنى من هذا عدد قليل جدا جدا من النساء على مر التاريخ وربما بعدد اصابع اليد قال ايش قال مستشارة هزلت والله

انت تقول حق رجل في تعدد طيب حتى المرأة حقها عدل بنات الناس ماهم العبه بعض رجال يتزوج بعد كم شهر قال زوجت غير روضه طلاقها

انت والله اللي اتق الله اعرف وحده لما تقدم لها كزوجة ثانية قالت شرط زوجتك تدري طق الصدر وقال ماعليك انا بفاتحها واعرف اراضيها ولما تزوجته اجبرته يطلقها وطلقها موافقتها مهمه بس هذا اللي ماتبونه جبناء

طيب يا استاذ فواز لنفترض ان تزوج الثانية ولم يكن للزوجه الاولى علم… علمت الزوجة الاولى وعشان يحافظ على بيته واولاده طلق الثانية وقتها بتقول ياليت تاكد ان زوجته تعرف!! اصبحت مطلقه فالافضل لها ان تستفسر قبل يطيح الفاس بالراس وتصير مطلقه بدلا من عازبة

يا رجل طلبت من احدى النسا تصور جوال زوجها ومحادثته مع طرف اخر حتى تحاجه قدام والديها ولم تخبرها ان التجسس حرام شرعا وتعاقب قانون بختراق الخصوصيه

@MshalQu30899 تعوذ من ابليس وخل عنك الشر، وتابع مقاطعها كاملة بتعرف انها امرأة متخصصة وتحض على الخير دائما، وان الحالات اللي تُعرض عليها هي الكارثية لدرجة ان هذي هي الحلول المنطقية فعلا لهذه الحالات تحديدا وبلكني أرجوك مادري وش طلعك لي

@fawaz_dr ليست كل استشاراتها متعقله ابد

صدقت بعض ردودها ماتصلح ابد ابد الله المستعان

من هب ودب صار مستشار أسري الواجب على الرجل لا يأخذ استشارة تتعلق بحياته الزوجية إلا من رجل ويكون ثقة ولديه باع طويل.

غدت ام العسر لا أم اليسر!

هذا المرأة المفروض توقف عند حدها لانها قاعدة تدمر بيوت وتشتت اسر بريئه والسبب نصائحها الغير مدروسه اللهم عبارات طليقه فارقيه كلام فيه اعلان صريح لترك الازواج