هل يحق لك تمنع شخص من الوقوف أمام سور منزلك ؟

مثال بسيط: جاي من الدوام تافل العافية ومعاك اغراض هل يعقل توقف في وسط الشارع قدام بيتك تنزلها وتروح تدور لك ملبق علشان واحد ما تعرفه واقف قدام بابك؟!! والا يطلعون اهلك من البيت ويدخلون وقدام الباب واحد جالس في سيارته يتفرج عليكم يقول انا في مكان عام!! كذا تصير فوضى ومشاكل

كلام غير منطقي حتى لو كان النظام لم يتطرق له بيوت الناس حاليا وخاصة المدن السور على الشارع ١٢ متر فيه باب ٣.٥ متر بايكه وبابين للدخول اذا وقفت سياره امام بيتك وما عندك مفتاح لها سكرت على اهل البيت .. بناء على كلامه وقف امام بيوت الناس ونم وخلهم يحترونك لين تجي بكرى ولا بعده

هذا اسمه تنظير هذا المتحدث خله يجي ولا يلاقي موقف قدام بيته ، بيقوم الدنيا ولا يقعدها هذا اولا ثانيا مدام مالي حق في الشارع الي قدام بيتي ليش تشترط البلدية ارتداد اربعه متر داخل ارضي اذا كان عرض الشارع عشرين وثلاثة امتار اذا كان عرض الشارع ١٥ م !!!

أن يقف الجيران أمام منزلك وأنت تذهب بسيارتك لتقف على بعد شارعين اوثلاثه شوار لتقف أمام منزل جار في الشارع الثالث ثم يأتي الجار من الشارع الثالث ويقف أمام منزلك وتقول الشارع لاتملكه هذي مشكله لديك عفش او مريض او لديك ضيوف ماذا تفعل هنا تزداد المشاكل بين الجيران

Is your property too large to physically fence? Give your dog the freedom to roam freely within a designated area on your property while keeping them safely contained with the most accurate GPS fence for dogs.

حين تبلغ الوقاحة مداها .. يركن امام بيت جاره اولا ثم يعاتبه ان غضب ويذكره بقيمة الجار ولماذا لم تذكر قيمة الجار حين ركنت سيارتك ثانيا غير صحيح كلامه امام المنزل وزواياه مسؤول عن نظافتها امام الدولة ثالثا اذا كذا يحق لي اجلس واصحابي امام بيت جاري واقول ملك الحكومة شرايك؟

الشارع ماهو ملكي لكن الموقف الي عند بيتي وقدام بابي انا أولى فيه بالمنطق والعرف وحنا شعب نراعي الخصوصية ونحترم الأعراف ومن احترام الجار عدم أذيته بالوقوف قدام باب بيته ونعيب على هالتصرف ولا نتقبله ..

المفروض وزارة الاسكان تعتمد ارض مواقف بعد كل اربع اراضي سكنية في كل بلوك . الاحياء مكتضة بالسيارات ونحن بلد يعتمد على السيارة كوسيلة نقل اساسية لذلك لابد من حلول جذرية بشكل منظم ومخطط . ايضاً هذه المواقف تكون متنفس للشارع وتسمح للمشاة بقطع الشوارع للذهاب للمسجد او البقالة بسهولة.

كلامة غير صحيح اي واحد يوقف عند بابك اتصل على ٩١١ وشوف ويش يكون فية يتصلون علية ويطلع عطهم رقم الوحة ولاحرف بس و نوع السيارة

انت ذكرت النظام يقول هل النظام قرآن منزل لا يتغير طبعا لا تم وضع الانظمه واذا وجدت بان فيها ضرر يتم تغييرها العقل والمنطق يقول باني دافع دم قلبي عشان اسكن بيت هل يعقل اني ابحث عن مواقف لسيارتي و ولد جاري واقف قدام باب بيتي يدخن ويستمع للأغاني طوال الليل ليش انا اتحمل خطاء النظام

واذا جاك واحد قليل حياء ووقف سيارته اسبوع والا سافر ووقفها عند باب بيتك وتركها لحين عودته نشتكيه والا نقدم له بوكيه ورد