هو شدعوه العراق هيج حلو!؟ تريد ثلوج وجبال واجواء روسيا موجود.. تريد بساتين جنة عدن موجود.. تريد مناطق تلال خضرة تشبه ريف أوربا موجود.. تريد أهوار تشبه البندقية الإيطالية موجود.. تريد صحراء تشبه صحراء الجزيرة العربية موجود.. تريد بساتين تشبه الغابات موجود.. تريد بحر روح للفاو وتلكاه موجود.. تريد... بحيرات موجود.. تريد نهر بي بدل الواحد اثنين.. تريد مساحة فمساحته قريب النص مليون كيلومتر مربع.. تريد مدن تاريخية موجود من 7000 سنة لحد اليوم.. تريد قوميات مختلفة موجود.. تريد ديانات وطوائف موجود.. تريد تاريخ فأول صفحة بالتاريخ تلكاهه بي موجودة.. تريد تراث اسلامي موجود.. كنائس جوامع مزارات موجود.. تريد ثروة فكل شبر بي تعيّش اجيال! انت اول وطن، آدم وضع جدمه عليه وكال: يا الله! ولنّك وصلة من جنته! ترجع، واللي خلقك بهالروعة ترجع، لو نفني عمرنا كله من أجلك ❤️..show more

تريد الخزعلي ... موجود تريد أبو آلاء... موجود تريد مصفى بيجي ... مو موجود نعتذر تريد نور زهير.... مو موجود ايضا تريد ميليشيات و اقتصاديات ... خيرات من الله تريد محاصصة ... طيب موجود تريد قاآني .... حتى الحكومة ما تعرف اذا موجود لو لا

الخشن يثبت بغربالك يبستان.. والفارغ رماد ويه الهوا يطير..

اجت بالي" يا عشكنا يا عشكنا فرحة الطير اليرد لعشوشه عصاري يا عشكنا من سوابيط العنب ونحوشه عصاري وكاعنا فضة وذهب واحنا شذرها وشحلاة العمر لو ضاع بعمرها . أوف يا بلد النهرين…

استاذ رسلي انا من هذه القرى وهذا الصورة ناقصة.. كيف!! هذا التصوير تم في قرية التايها وهذا القرية الوحيدة من بين اكثر من عشرون قرية تم تجريفها وهي بمحاذاة هذه القرية ، كان أهل هذه القرى وانا منهم نعيش في جنة الله على أرضه حتى أتى الأغراب وخربوا كل شيء حتى الأنفس.

العراق أرض الانبياء، محروس من رب العالمين، ماكو احد اذى العراق و ارتاح، حوبة العراق تطلع بأعدائه و لو بعد حين، صبراً جميلاً يا عراق❤️.

يارب يرجع أفضل وأفضل

العراق اجمل بقعة بالعالم، لكن ابنائه لايحبوه ولايحافظون عليه ، دائما متهوريين مندفعين لايفكرون بالعواقب، وليس لديهم بعد نظر فقط يرون مابين اقدامهم ولايتطلعون للافق ولاتهمهم مصلحة ابنائهم واجيالهم القادمة، لاهم متدينون ولاهم علمانيون، متشتتين متفرقين يربطهم اللقب قبل الوطن

نسيت تريد شعر وفن فهي بلاد المتنبي والجواهري والرصافي والسياب ومظفر النواب ونازك الملائكة وغيرهم تريد موسيقى وغناء هي بلد نصير شمة وزرياب وكاظم الساهر وناظم الغزالي انت اول وطن ما تشبه الاوطان مدري شلون ربك خالقك ، سبحان ربي شلون صورته ان شاء الله يرجع عراقنا الحبيب 🤍🫶

مدينتي الحبيبه و للتذكير نصف هذه البساتين عندما حدثت الحرب قاموا الحشد الشعبي بتجريفها وقتل النخيل برمي ماده سُميه بالطائرات 😓💔

بعمري مشايف بلد بيه تنوع مثل العراق تنوع جغرافي تنوع عرقي تنوع ثقافي المفروض هذا اكثر شي نفرح ونفتخر بيه! 🇮🇶

كان بستان جدي فيها الله يرحمه

اكيد يرجع … بهمتك و همة الشرفاء اخوانك … بس لازم هالمرة يجب احكام قبضة العلمانية الديمقراطية المقننة بحيث نمنع العوام و الهوام ( العبيد ) من حق الانتخاب …. عن طريق فرض اختبار للي يحقلهم الانتخاب عليهم الوصول الى رقم محدد من ال IQ … بالمقابل هناك مجلس شيوخ يمثل العبيد

شنو الفايده إذا الجوهره بيد فحام

وَلَيْسَ لجَاهِل فِي النَّاس معنى ... وَلَو ملك الْعرَاق لَهُ تأتى سينطق عَنْك علمك فِي ندي ... وَيكْتب عَنْك يَوْمًا إِن كتبَتَا وَمَا يُغْنِيك تشييد المباني ... إِذا بِالْجَهْلِ نَفسك قد هدمتا -أبي إسحاق الألبيري

شنو الفايدة تلث ارباع شعبه فيهم من لايهمه بلده وفيهم الخائن والعميل والربع الوطني المخلص لبلده يا اما مواري نفسه ومختفي بين الجموع أو مهاجر لغير بلد أو يحاول ينقد ويغير بس مابيده حيله

يابه رحمة لأهلك شون كلام حلو هذا 💐

يالله ' اللهم ثبتنا بالقول الثابت 🤲🏻

العراق هنا ويخلص الكلام !

لان بي ناس حلوة وطيبة قلب مثلكم انتم اهل الحظ والبخت مو اهل العكل والعمايم القلبة نضيف وطيب يستحق العيش بمثل هيج بلد متعدد بأنواع الطبيعة

نرجعه بعون الله 👏🏻🤍🫡🇮🇶

واشعدنا غير العراق؟ احلى وطن اموت على كل ذرة تراب منه❤️ رد الله كيد اعداء العراق في نحورهم٠٠

وأنا اقرأ كلماتك قشعر جسمي عشت الكلمات كلها وحسيت بعظمة العراق مع إنه للأسف أصبح واهن جداً ، بل أوهن من خيط العنكبوت ..

بإذن الله يرد عالي وطنه

يخبل عراقنا

العراق مشكلته انه بعض من "اهله" ما يحبوه مع انه يستاهل

شهربان مندلي بلدروز ولايتنا وديالى كلها حبيبة روحنا

مع الاسف هذا الجمال تحكمه العتاكه الجهله القذرين الفاشلين الله ينتقم منهم اجمعين 🙏🏻🙏🏻🙏🏻

شنو الفايدة جفته وجوه الشر والغربان عشعشت بي وهججت ولدنا الطيبين

عشت ١٦ سنه من عمري ببساتين شهربان حالياً اللي باقي بيها ما يمثل ١٠٪ من بساتينها سابقاً

ينرادلنة بس بشر بي حظ

باقلامكم الحره والكلمات الصادقه الحماس هذا يرجع

والله كل ما ارى غابات النخيل احزن لان العراق فقدها والي بقى من عدها قليل بسبب التجريف وجفاف الانهر كل شي كان جميل بالعراق اتدمر وراح وصعب بعد يرجع الله يخليك لتنزل هيج مقاطع نتحسر على الاشياء الجميله الي كانت موجوده بالعراق وفقدناهن بسبب ذوله

آمين 😭😭😭😭

اللهم ردّ العراق الى أبناءه رداً جميلاً

لا يليق بالعراق إلا الثراء والجمال