هي حلها ياسعود مشكله سعود القت واليامي #مطير

القت يرضخ من زمان وله سوابق والمفروض وقفوه عند حده قبل ما يجيب الكارثة الأخيره

أنا بحلها لكم ان كان الحفل باسم قبيلة مطير ، سعود صح ✔️ واليامي ومازن خطا ان كان الحفل باسم مازن خص ، سعود ع خطا وسلامتكم

ونعم بقبيلة مطيران حمران النواظر ونعم بيام ونعم بجميع قبايل المملكة من شمال وجنوب وشرق وغرب والله يكفينا شر الفتن

ودك ان المطيري من طويله مايعلق على الموضوع واشوف اغلب المعلقين الا من رحم الله ضعوف روابع هذا ابن عمكم واطلق من لحاكم وان زل فشيلوا زلته واطمروها واليامي حصان وقالها بنفسه لا احد يدخل بيني وبين سعود القت لكن من الردى انك تناقز بالبثوث والمساحات وتقعد تنكف على ابن عمك

القبايل ورثوا الطيب من طيب شيوخهم وأهلهم... وضيعوه عليهم خبولهم ورعانهم . اللي يتسابقون ع صدور المجالس بليا فعل .. وياخدون الفنجال وهم ماهم كفواً له.. ادام الله عز ال سعود واحسن الله عزانا ف شيوخنا الا من رحم ربي.

الفتنه نائمه لعن الله من ايقضها اشغلتو الناس موضوع حصل وقضا

كلام الرخيمي هذا مضبوط 100% وانا كمطيري كلامه يمثلني.. وسعود القت المفروض يمنع من المطامر على الميكروفونات في كل محفل ويترك اللقافه عنه. اليامي ما أخطأ، ولو نفترض انه أخطأ فأسلوب القت خطأ ولا يليق في المحفل وفي محل عيال عمه وفي ضيوفهم.

سعود القت خطاه كبير على راعي الحفل مازن المطيري والله لو ان راعي الحفل دندون يسحب المايك من سعود ويسحب عصاه ويطرده من الحفل الكلام كله والحق على راعي الحفل البارد

ما ينلام الرخيمي خطأ القت على الرخمان أضعاف مضاعفة من خطاه على اليامي لأنه ما عبرهم في حفلهم وتجاوزهم بدون أذن ولا حتى كلمهم ولا احترم ضيفهم

ياجماعة تخيلوا ( الترند ) وحديث الشارع والمجالس كله حول موضوع مثل هذا بسيط ما يحتاج ( العالم ) تشتط وتسوي من الحبة قبة ، ياجماعة تكلموا عن مواضيع تخدمنا وتفيد المجتمع وتفيد الناس وتقوي ترابطنا الاجتماعي … اما السوالف اللي مثل ذي 😂😂😂😂 التحسس منها دليل عدم ثقة

القت موجود بكل قبيلة حريص على الهرجة العوجا والأكشن وافتعال المشاكل هذا جوه يشبّها ويمشي والله يعينك اذا الضيوف أجناب

باختصار ورب البيت يا اليامي انه مااخطى لافي سلم ولافي علم وان له حق على المطيري وعيب عليه ومنقود يكسح الرجال وبيض الله وجه اليامي على صبره وسلامة الجميع وسعود يمثل نفسه فقط لاغير

دام انه استاذن من صاحب الحفل اجل ماعاد به شكه ظلمنا اليامي

بيض الله وجيه مطير دون ضيفهم. الضيف ضيف ربي. ماعليه تعدي ولا خطاء الله يدلكم ويصلح الامور.

كل يدور الترند لو حساب القبيله والسلوم كل يبي الاعلام يوم تبينت الامور كلن اردا من الثاني ومطير مالها شغل فالمبزره ذي حفل عشان نجمة سناب و حتى الورعان صارت تسولف نعنبوكم صدق

يازين العقل بس

سعود القت عنده اوهام وخيالات انه مدير قبيلة مطير! من وكله على الرخمان يتلقف في مقامهم؟ ومن اعطاه الصلاحيه يتكلم باسم مطير؟ ويحد حدود القبيله وسلومها؟ سعود القت حقه على ربعه القريبين ينصحونه ويردونه عن المطامر والمناقز اللي على غير سنع. زينة الرجال في ثقله ورزانته

مافيها شي اذا مطير. ادبوا ولدهم وعلموه ماعاد يخرب محاضر الرجال ويتكلم باسمهم الا يندبونه

الله يشغلكم أشغلتونا في موضوع تافه . اللي يشوفكم يقول مختلفين في موضوع يخص البحث العلمي في اي مجال ينفع البشريه.

بعد ماعرفنا الموضوع سعود القت مخطي ولا فيها كلام والاعتذار من شيم الكبار

سعود اخطا على الرخمان اهل الحفل ثم على ضيفهم اليامي ثم على مطير كافه لانه تكلم باسمهم وقال هذي سلوم مطير وهو خطا من البدايه … مطير اهل تاريخ ومجد وسلوم القبايل وحده في الضيف

اولاً والله ماني من القبيلتين وكلهم قبايل عز وشرف وعلم غانم المحل محل الرخمان وهم اهل القول فيه ولايجوز لسعود التعدي على اهل النحر واليامي لوجاء من الباب لطاقه وقال بهدي صح لكن اليامي جاء مع الباب ورجل عارف لسلم القبايل طلب من اهل الحفل واذنو له وسعود الله يهديه اخطاء بتصرفه ولكل جواد كبوه والان حسب عرفي مغلق الباب سعود يغلقه بعتذاز لابناء عمومته وضيوفه ويادار مادخلك شر

نعم صحيح حمران النواظر كفو من البحر الى البحر وماحصل فهو حادثه شخصيه فرديه لا يمثل قبيله كامله

الخطا وارد ياربع هدوو

وجهة نظري ان الحق مع سعود القت

انت غادي يا علي السلوم والعوايد لو تعرفها انت وابن عمك ما رضيتو اليامي يطلع ويكمل تقصيركم في محلكم!!الحل الوحيد لكم عشان تطلعون سعود على غلط تقولون ما نمثل مطير نمثل الرخمان فقط والثانيه لا تقوم تهبد وتهدد في البثوث كان في راسك علم انطح روس الرياجيل وتلقى علمهم

هذا الكلا السنع بيض الله وجيهكم

الله يعين كل قبيله علي خبلانها ومدورين الشهره والفلاشات الي كل يوم جايبين العيد والشرهه ماهو علي الخبلان الشرهه والله علي الي يصفقون للخبول قال وش خبلك قال لقيت خبلان مثلي

اذا انت تبي تهدي ولد عمك اهده اللي تبي ان شاء الله ديناصور مالي دخل فيك ، بس تجي في محلي وتهدي ولد عمك هنا بيصير منحنى اخر وانت جبت العيد في اهل الحفل ياليامي

كلامه صح 💯/١٠٠ سعود ماهو الأب الروحى لمطير

القت وجهة نظره صحيحه لكن اهل الحفل من اقصى مطير ماتقبلو التدخل ومابغوا يردون اليامي ويجفونه..حفلهم واذا فيه خمله فعليهم ماهي على مطير

هادي بن مانع قال اللي بيني وبين سعود محد له دخل الرجال يسابقون بعض على الطيب ارفعوها وكفوا الموضوع كلكم حمر عين واهل طيب وكرم

بلاشك سعود_القت أخطأ على الضيف_اليامي ..

الفتنه الفتنه الفتنه الفتنه