والله مالومه صراحة….موضوع مزعج

اسوء فئة قروب البنات اللي يضحكون ويصورون ب فلاش طول الوقت

هذول على طول كلم الامن……ماينفع تكلمهم

غريب ! الحين سينمات السعودية قبل مايبدا الفيلم مايطلع لهم فيديو تنبيه نفس الي عندنا؟

احلى فيديو هذا

سيود اسطوري بعد دعاية احمد الجناعي حلوه

ايه حلوه حقت الجناعي بس هذا ايقونه

فعلاً حتى فيلمه المحط كان حلو

فيه حل جذري للمشكلة هذي اللي هو عروض خاليه من الإزعاج “Distraction Free” تكون مخصصة لأعمار فوق 18+ ويمنع التأخير والكلام واستخدام الجوال و (ممكن الاكل) بس بشرط جدية الموظفين بفرض هذه الشروط خلال مدة العرض بالكامل وليس فقط في بدايته. صعب جدا يتغير سلوك الجمهور بالتقيد بهذه الامور بدون فرضها عليه وصعب ايضا فرضها على جميع العروض بدون استثناء، راح يكون هناك تطفيش للبعض مما سيتسبب بقلة المبيعات. الحل الوسط: كل صالة عرض تكون هناك اوقات عروض مخصصة لعروض Distraction Free ضمن بقية اوقات العروض ولا تكون كثيرة تكون بنسبة 10% ويتم توضيح شروط هذه العروض المخصصة للجمهور بشكل واضح حتى مايكون للواحد عذر للي مايرغب فيها وما يحجزها بالغلط.

فكرة رائعه

مع الوقت راح تنتشر هذه الظاهرة للجمهور خاصة للي يبحث عنها وممكن بالمستقبل تأثر على سلوك بقية الجمهور وتصبح هذه الظاهرة هي السائدة. تم تطبيق هذه الفكرة في ابو ظبي من عام 2019 مدري اذا كانت موجودة قبل، ولا أدري هل مازالت موجودة حتى الآن، لكن على وقتها اتوقع ماتم تطبيق الفكرة من قبل موظفين فوكس بشكل حازم فخرجت الفكرة عن مسارها، اعتقد بإمكان السعوديه انجاح هذه الفكرة لو تم تطبيقها بالشكل اللازم حتى تنتشر عالميا وتصحح سلوك مرتادي السينما حول العالم.

ترا ظلم شوي السينما مفروض هدوء……..هذا الاصل

صحيح بس المشكلة انه السينما تجارة، اغلب دور السينما مايهمها توفير الجو المناسب لك بقدر الارباح

هذا اللي مكرهني حرفيا بالسينما عندنا

كارثه

والله اكره السينما بسبب هذا الشيء اللي يقهرني يجي جنبي ويتكلم ويضحك والله شيء مقرف وشايل هم فلم سبايدرمان والله

كلمه يسكت

اعد الدقايق عشان يخلص الفلم واطلع ماني يمه

والله الموضوع هذا مستفز جدا خاصة اذا شفت مجموعة ساحبين على الفيلم وطاقينها سوالف، حرفيا صفر تركيز مع الحوارات والاحداث

راكان عليه مصطلحات غريبة وش الاتصال بينك وبين الشاشة

يعني تندمج

احسه بالغ. حالات نادرة جداً. انا حضرت كوميدي ودراما واكشن وفي قاعات مختلفه في الرياض وبرا الرياض ولا عمري شفت شي من الي يقوله. باستثناء موضوع الفلاش وهالشي ما نقدر نتحكم فيه لان البعض يتاخر

اذا زحمه صراحة كلامه مو مبالغه … كذا ويغثون

ما ادري عن صحة كلامه بس ما هضمت موضوع ناس تذب بصوت عالي. ولا عمري شفتها والقاعات مليانه في كم فلم كوميدي حضرته

السواليف بصوت عالي اللي يضحك على اي لقطة (الفيلم مو كوميدي) اللي نص الفيلم يصور بفلاش

الامن مفروشات يتصرف

لا ذا نفسيه شادها محسسك انه داخل واقع افتراض مع الشاشه رح تابع لحالك بالبيت، راس ماله فلم يخوي وبخصوص الي يذب ويضحك يعني لازم تعرفه مثلا خل الناس تاخذ راحتها يا لجنة سي دي هوليود انت مسوي جاي يسجل ملاحظاته عشان ينتج افكار جديده بالسينما ياكل زق يشيخ

"خل الناس تاخذ راحتها" يزعج الناس……

تراه مكان عام ماهو بيتك طبيعي يصير ضحك وذب خفيف محسسني ان واحد واقف فوق راسه يصارخ ولا ساد عليه الشاشه يشيخ رح بس

لا مو طبيعي بالسينما

والله خايف اني اروح اشوف backrooms والسبب العينات هذي لان راح يكون زحمة ويوم الخميس بعد

روح جمعه عصر 👍🏼👍🏼👍🏼👍🏼

شكلها كذا بس مقدر اصبر يا سكارف والله اني متحمس له بشكل ما تتصور

زيد على الموضوع الثور /ه الهايج/ه الي يطق الكرسي قله ذوق ويع جد

تابعت افلام كثير بسينما وفيه منها كثير كان زحمه وماكان مزعج الناس محترمه والكل مركز هو على حسب وش بيقابل عينات هو وحظه

والله فعلًا اصدق شيء موضوع يغث جدًا ويخرب كل شيء جاي عشانه الشخص، البعض يحسبها سياحة يقعد يدور بالقاعة ويلعب مو جاي عشان الفيلم ابدًا

يعني احس الذبة لو بين صحبات وبصوت واطي يادوب ينسمع عادي .. لكن موب لكل القاعه والمفروض المزعج يحذر مرة ثم ينطرد .. اما الناس الي تجي متأخر صعب تسيطر لان ممكن احد يقوم بنص الفلم يبي دورة المياه .. نقدر نثقف الناس عن الفلاش او يكون في اضاءات خافته للي داخلين منعا للاصابات

سؤال الحقيقي كيف لك نفس تتابع وانت جاي في نص الفيلم ويا كثرهم

الادهى والامر عدم تواجد الامن وان قعدت كل شوي تطلع تناديهم راح عليك الفيلم

اللي اعرفه يوقفون تحت دايم

بالشرقية رحت AMC و موڤي وڤوكس وحتى ايمباير ما عمر احد من الامن دخل القاعة حتى

روحو اخر الليل والله اخر الليل الناس رايقه

والله ما ينلام اسوء فئه اللي مسويين مقطعين الظرافه 😵‍💫🤧

والله يغثونك يجون قروب ويضحكون مع بعض الوضع يكوون ازعاج

فيه كمية كبيرة من البهائم تحضر. وفيه ناس تسولف وناس تصور وتشغل فلاشات، وناس تستخدم جوالاتها واضاءة فل. عشان كذا ساحب عمري من التجربة الزق ذي واشوفه في البيت اذا نزل الفيلم بلو راي.

فيلم مايكل جلست عندي عايله ومعهم اطفال جالسين يلعبون اعطيتهم مهله شفتهم صاملين كلمت الاداره طردوهم

زين تسوي

نفس تجربتي والله شي يقهر وتوبه اروح لفلم وقت الاجازه

قال الي في قلبي 👍🏻✅

كله كوم والكوم الاخر ازعاج ريحة الفشار والناتشوز وإلا اصوات قضم الفشار تقول ميت/ه جوع ما صدّق/ت ت/يلقاه ، والا اللي حاضر/ه الفلم جالس/ه قدامك وطول الوقت على شاشة الجوال .......للأسف الوعي 0

التنظيم سيء عندنا جدًا 15 دقيقة ما جيت الله لا يهينك ديور لبيتك و المنيو لازم يتغير السينما اكلات خفيفه مو تجي بطنك فاضيه و تطلب مفطح و اشم بهاراتك اكلك و راسي ينفجر من الريحه يعني عذاب ساعه ونص عيب والله عيب و قلة تربيه و حيا

عشان كذا إذا جيت احجز سينما احجز الساعة 1 الليل ولا الساعة 3 الفجر عشان تكون القاعة تهش ذبان مافي غيري فيها

انا لي سنتين ما اروح السينما بسبب هذا الشيء حرفيا اخر فيلم رحت له كان ديدبول و وولفرين وعلى الرغم من ان السينما في الاردن ما هو ذاك الشيء يعني نادر ما يكون الوضع زحمة الا ان على حظي كانت وكان في ناس تدخن وناس تصور (ما عندي مشكلة لو مرة وحدة لكن الاغلب يصور كثير) وناس تتكلم

والله نفس المشكلة عندنا،علشان كذا كنسلت السينما و بطلت اروح

والله من شين الاخلاق وش فيها اذا ذبو حتى بالملاعب كذا وسوالف وعادي محد يقول تعرفني واعرفك

لا صدق انا رحتله امس هذا الفلم وقسم اللي قاله صار بالحرف الواحد ما اطبل ( صدق وش صاير ) جد

من باقي يروح للسنيما اصلا

🤢🤢

بغض النظر عن كلامه بس استوقفتني كلمه يشغلون الفلاشات🫥🫥 صدق والله؟ شلون يمشون اجل عندهم فلاشات بعيونهم؟ ترا الطريق ظلام محد يشوف الدرج انا بغيت اطيح من عبايتي بعدها صرت اشغل الفلاش عشان امشي معد اهتميت لاحد

هذي فقط بسينما الرياض شفتها عندنا مافي كذا ابداً