والله ونعم فيهم … جميعاً هل تشوف تصرفه صحيح يوم ذكر عدد الذبايح؟

ونعم فيه. لكن هناك 3 ملاحظات مدة العصا على الضيوف ماهي زينه مقولة الضيوف الاجناب فيها جفاء للضيوف وكسرة خاطر ذكر عدد الذبايح

عيب هذا يقال للضيوف تقول عنهم اجناب ًوتاشر عليهم بالعصا كنك متفضل ومان عليهم هذا غير تعد العشاء الي انت حاطه لهم !!!!

يازين كلمة قومو حياكم الله على عشاكم وواجبكم وبدوووووون تصوير وسلامتكم توصون شي ولااااااااااش

هذا اسمه مطاريس العزايم وطهبلة الضعوف وهياط على غير سنع اول مره اسمع واحد يعزم ويقول ذبحنا لكم كذا وكذا واعزم وقل يالله حيهم تفضلوا على قل الكلافة وقدركم بالصدر حياكم الله اما ذبحنالكم اربع ذبحنالكم قعود وتأشر عليهم بالعصى بعد 😂😂

@almhawrat الحمد لله إنها ماهي من عاداتنا .. ولا نعرفها لا نرفع عصا في وجه ضيف .. ولا نقول ياضيف كلفت علينا كذا وكذا .. ونعدّد وش سوينا

يازين سلم البدو مثل حرب وعتيبه ومطير وشمر وعنزه وباقي البدو لا كلمة اجناب تنقال للضيوف ولاعدد الذبايح ولارفعت عصا بوجيه الرجال !!

اختصرنا جعلناه زواج مختصر ؟!!! امحق عزيمه من كثر هرجه كثر مرجه. وزود الهياط منقود وعيب. الكرامة التي يبتغىى به حب في الله بيشوفونها الرجال قدام عيونهم ومافيه اخس من تصوير ضيوفك بالمعزب عز الله انه منقود وعيب

اذا حرمت الانسان من الطموحات الكبيره و الاحلام العظيمة، كبّر صغائر الامور ، و اعطى التوافه اكبر مما تستحق .. اكرام الضيف موجود عشان يعزز التكافل بين الناس ، ويدعم الروابط بينهم ، ويطعم فقيرهم ، مو علشان يصير محتوى او علم ندرسه ونتفكر فيه و ننشغل به عن احتياجاتنا الحقيقية.

@almhawrat ولالله لا عند الجنوب ولا الشمال والا اهل نجد ولا الحضر ولا الهند والسند كل واحد يبي يطلع بالسوشال ميديا ويهايط من البداية تصوير الضيوف اكبر عيب فلا تجادل عن باقي الكلام

يابن الحلال هذا يدور الكاميرا مثل هالاشكال يبتدع اشياء ع اساس انها من الكرم وهو العمس من المعيب تذكر لضيوفك كم تكلفت وكم ذبيحه ذبحت وزادها بقولة الضيوف الاجناب 😂😂😂😂😂😂

قال: انت وقحطان والضيوف الاجناب ومدة العصا والتصوير هذي ماهي من سلم الطيب اللي يحشم الرجال لا جته لبيته اذا عزم اما ذكر الذبايح فالبعض يذكره وبعض القبايل لا.

١- التصوير وقد قال احد الشعراء: صحنين بالك لا تصور معاهم صحن الطواف وصحن تكرم به الضيف ٢- رفع العصاء في وجه الرجال وخصوصا الشيبان ٣- تعداد الذبائح، وهذي ما يسويها عاقل ٤- يوم يقول قحطان او من اجناب هذا ما يصح

@MovFg المقطع كله خطأ العصا يأشر بها على الناس ويقول الاجانب من غير قحطان وقول 4 خرفان يمكن التصرفات هذي عنده صح بس اغلب الناس لو تصير قدامه يعتبرها عيب وماعاد يجي

والطقعة والله في هالاشكال اجل ضيوفك اجانب يالرخمة وتاشر بالعصا على الرجاجيل

هذي يسمونها كرامات السناب ... اللي تشوفونهم يصورون عزايمهم ذولا ما عرفوها إلا بعد تصوير السناب وكل اللي يسوونه عشان يصورون ولا قبل السناب ما يذبحون حتى دجاجه !

اولاّ رفعة العصا في وجيه الضيفان ماهي بزينة ثانياّ تعدد الذبايح وكانك تمن عليهم باقي تنذكر قيمة الذبيحة الاجناب مالها داعي كلهم ضيوف والترحيب بالجميع بدون تحديد كلهم في منزلة واحدة

لا والله ماهوب سلم عند اهل الجنوب الرجال يقلط ضيفانه على العشاء ويرحب بهم وكفى وهو بيشوفون ضيفته الان نحن في نعم وهذا مع احترامي من مشاهير الهياط وكبر الحكا ما قل من الكلام والزاد فيه الخير والبركة والأولين كانوا يكرمون من فقر وعدم ويقلطون على الشاه (ضيفه وشبع وصدقه وبركه)

والله لا تفعل العرب هذا! من شمال المملكة الفسيح الى جنوبها العميق، لا توجد للعرب عادة ان ترفع العصا بوجه ضيفها او ان تسمي جزء من ضيوفها اجناب!! ولا توجد للعرب عادة ان تذكر ما قدمت من اكرام لضيفها وتحدد! هذا ليس فعل العرب ابداً وعيب جداً وبيت لا تعود له ابداً مرة اخرى

احسبه بيقول القطه ياشباب 🥸

يمال فرقاااااا العين يامقيت وقطع طااااااري في ذمتي ..!!! والله انك نقص على قحطان وعلى الرجولة والكرم ..!!! تكرّم ضيوفك من دراهم بثوثك مع الورعان والنسوان والسفلة وفوق هذا تمن على ضيوفك بعدد خرفانك يمال العوز والهون ..!! مير الشرهة ماهي عليك على من وجب لك وحل عليك ضيف!!

علي الطلاق لو اني معهم مادخلت على عشاه علومه خايسة والله يأشر بالعصا على الضيفان ويعدد الذبائح ويقول على ضيوف عنده أجناب إهببببببب عليه وعلى خياسه لابارك الله

لولا التصوير ما شفنا الكلام هذا، ولكن في زمن التصوير و وسائل التواصل الإجتماعي، أصبح الأغلب كرماء وشعار وأهل ابل ومرابع وكثروا شيوخ الصحون وكثروا مشاهير الفلس ويا قلب لا تحزن،والله يديم الأمن والأمان ويحفظ لنا ولاة أمرنا و وطنا وعلمائنا ومرابطينا على الحدود.

وين المرجله وتكريم الضيف يوم انه يرفع العصا على وجيههم ! وبعدين كلهم ضيوف ولهم نفس التقدير سوا من قبيلتك ولا من غيرها هذا اللي تربينا عليه اما الهياط والخبال هذا ما نعرفه

بالمختصر المفيد..تفضلوا الله يحييكم على واجبكم والمعذرة على التقصير.. يا هلا ومسهلا بالجميع شرفتونا ولا كلفتونا...

كيف يأشر على الضيف بالعصا ؟؟؟؟؟؟

هذا جاي يعزمهم وهو مغصوب ..! يرفع العصا عليهم ويعزمهم ويحدد كم ذبيحه بعد كنه متفضل عليهم وبعد يصور الكرم والشهامة تقاس بالفعل الزين والقول الزين . ماهي هياط وتصوير وشوفوني اني كريم 👎🏻

هياط مابقي الى يقول كرتونين ببسى وماء وغشرين كيلو رز الكرم معروف ماهو تهايط تعد لهم وش حطيت

مبالغ العانيه يعدونها امام الناس ماوقفت على عد الذبايح لاتدقق

المراجل ماهيب بالصياح والهياط الكريم من يكون مبتهج في وجيه ضيوفه يتخضع لهم بالقول والفعل ويظهر لهم الاحترام بما يدخل على انفسهم السرور والراحة والاطمئنان ، اما مقيت الله ربنا وربه يحسب المرجله برفع الصوت .وهذا هو يهابد في التيك توك كل يوم .

@MovFg صوروني وانا بقلط الضيوف

الكلام الزين الزين لا احد يقول هذا سلم ولا مادري شنو كلمة اجناب ماتنقال قدام الضيوف عيب قول مرحبا مرحبا قومو على واجبكم قوومو على غداكم مرحبا بالجميع هذا سلم العرب بدون تحديد قبيله

خلك من الذبايح هو ليه يأشر عليهم بالعصاء عيب والله عيب بحق اللي بالمجلس كلهم الا اذا يتمنن عليهم هذا شيء بينهم

غريبه ماقال كبسو كبسو يامحازمي

الجلافه مشكله مب مرجله تهوش بعصاك في وجيه الضيوف