والله يعجبني 😂😂

التدخين في مجالس الرجال أمر غير جيد بل معيب .. إذا رضيت كتم نفسك فلا تكتم نفسي... أما أخلاق الناس وصفاتها فهذه لهم وحدهم ... ما أنا مسؤول عنها...

المدخنين منحازين مع الضيف اما الرجال العقلاء مع المعزب الي مااحترمني ولا احترم مجلسي ماني ملزوم فيه كان طلع ودخن برا ورجع او اقل شي سئل المعزب تسمح لي ادخن ان اذن لك فدخن واذا مجلسك يالضيف مثل ورشة الحداده كل يدخن فيه فلا تطبقه عندي في مجلسي

كلام بعيد عن المنطق . هو لم يطرده لانه مدخن وانما طرده لانه يدخن وهذا الفرق كلنا اهل ذنوب حتى صاحب المجلس لكن فرق بين نقر الذنب في مجالسنا نعوذ بالله وبين ان نستتر بستر الله على حياء من الله ومن خلقه .

ايه هين و الله لو رحت عند مجلس شخصية اعتبارية او مسوؤل له مكانه تقدر تخرج السيجارة بمجلسه و تدخن ؟! اتحداك ليش ؟ أكيد راح تقول احترام و تقدير لراعي المجلس و الحاضرين ... كذلك مجالس الرجال من العيب و قلة الذوق إلا إذا أذن لك .. أما صفات خلق الله و اخلاقهم خارج بيتي الله يحاسبهم ماهو راعي المجلس أنا يهمني ما بدر منه امام الجميع دون ذرة احترام و تقدير

اي بسلامتهم لكن يدخن بالمجلس ولا يحشم الرجال يخسى ويعقب

اللي بيطرد ضيفه عشان دخان خله يصكر مجلسه لأن اللي يفتح الديوان لابد ان يكون قده ولازم تتحمل لأن بيجيك الحاصي والمجنون والصادق والكذاب والنمام وغيرهم من المجتمع مثل عند شيبانا يقولون ( اليفتح مجلسه يحمل رواده )

قياس غير موفق من العويصي اللي شعل سيجارته في مجلسك قصده يهينك ان كانه يعلم انك منت راعي دخان ولا تدانيه الحكومات منعت الدخان في الاماكن العامة لقبح ريحته وانت جاي تولعها بمجلسي هل هذا تقديرك لمعزبك ؟

كلام غير منطقي ولكن عندي سؤال بطريقة اخرى : لو فرضنا العكس ان المعزب قام يقهوي ضيفه والزقاره في فمه والا يده هل يرضاها الضيف وهل هالتصرف فيه احترام وتقدير للضيف

احترام المجلس من احترام اهله استأذن إذا اذنن لك دخن أو اطلع برا ودخن

الحرام يختلف بعضه مستور وبعضه لا يتعدى ضرره صاحبه التدخين لا تليق بالمجلس ، فالمجالس يقدم فيها الطيب