وش السالفة؟

في الأحساء نبيع و نشتري التمور بـ ( المن الحساوي ) .. المن الحساوي يساوي ١٢ كرتون كل كرتون فيه ٢٠ كيلو .. المجموع ٢٤٠ كيلو .. المزايدة تكون على حساب المن .. المشتري دفع ١١٠ آلاف ريال ثمن ٢٤٠ كيلو الكيلو = ٤٥٨ ريال تقريبًا ..

معقولة 120 الف تمر ؟! ليه وكيف وين الخوف من الله ؟! فيه ناس والله مو قادرة تلاقي تأكل .. الموضوع مو حسد ولكن هذا ظلم وبيع مبالغ فيه !!

ويقولون اللحم والغنم غالية 😅😅

الجماعه اللي مستغربين او المدرعمين !!! تراه شاري محصول كامل 240 كيلو .. وهذي عينه فقط للمزاد

(خرج النبي ﷺ إلى المصلى فرأى الناس يتبايعون، فقال: يا معشر التجار. فاستجابوا لرسول الله ﷺ، ورفعوا أعناقهم وأبصارهم إليه. فقال: إن التجار يبعثون يوم القيامة فجاراً، إلا من اتقى الله وبر وصدق )

تاكل تمرة من الكرتون تطلع قرض عشان تسدد قيمتها🤣🤣🤣🤣

اهلا اخوي نايف هذا الكرتون يعتبر احد عينات البيعة المبلغ الي وصل له السوم هو سعر المن والمن يساوي 240 كيلو وليس كما فهموا الناس ان سعر الكرتون هو السعر الي وصل في البيعة في الفيديو اتمنى تتطلعون على التغريدة ادناه

بن زيد غالي

الله يبارك للمشتري تاجر التمور الشيخ عبدالحميد بن زيد @abin_zaid_ بس كأن الاسعار زايده شوي 😅

من سوق القصيم ( مهرجان تمور بريده ) الى سوق الأحساء صاروا يتكابرون الكذب !! كلنا نعرف ان المسأله #هـيـاط لأن البائع هو نفسه المشتري ولا يدفع ضريبه ولا سعي !! هل يعقل ان يصل سعر كيلو التمر الى ٥٠٠ ريال !! في سوق يجلب اليه يومياً اكثر من ١٥٠٠ طن من التمور

الكيلو ب ٥٠٠؟ والله ماهوه منطق نهائيا. المزايدات الغير منطقية هي أوهام كما هو حال العسل السدر والمانونكا ومانجو اللنجرا. المحرج يرفع السعر والمستهلك لايوجد لديه أدنى فكره عن سبب رفع السعر. العجوة هو الوحيد له سبب غلاء وذلك لأن فيه حديث صحيح عن الرسول صلى الله عليه وسلم.

راحت عليك البيعه يابوعبدالعزيز 😬

ليته قال لهم إيش ذالهبل ومشى وخلاهم.

المن وحدة قياس الوزن في الاحساء في حضرموت ايضا وحدة قياس يسمونه ( البهار ) يقولون أخذ حملة ( بهار ) تمر

قام حظ راعيه يهايطون قدام الأمير

ً أنا أبي أفهم هذا سعر الكرتون ولا كراتين واجد

هذا عندنا بالشرقيه إخلاص فله ناهي جداً الكرتون فيه 20 كيلو الكرتون ب 10 الاف وهذا ماينزل بالسوق ابداً هذا بالحجز يعني محجوز قبل المزاد الزباين على الباب

اللي عنده مئة وعشرين ألف محيرته يأخذ له كرتون تمر يضيعها هذي السالفة بإختصار والنتيجة ( ثم لتسألون يومئذ عن النعيم ) و( وعن ماله فيما أنفقه )

المن هذا كم طن ؟

اشتهر ابن زيد والباقي من عندالله .

للأسف طلع لنا عينات يتباهون برفع اسعار بعض المنتجات يعني افضل كرتون تمر لايتحاوز ٤٠٠ ريال هذا اذا صار من أفضل المزارع وذولا يوصلونه ل ١٠ آلاف لاوتروح لحسابه تلاقي مواعظ وأحاديث شي عجيب

😂😂😂

إن كان كما يقال البائع والشاري واحد وان القيمة تعطى للجمعيات فأن هذا اسلوب غير غير مبرر لرفع الاسعار امام المسئول هناك أساليب اخرى للتبرع للجمعيات بدون هالمزايدات التي ما انزل الله بها من سلطان

هذا صاحب السمو الملكي الامير سعود محافظ الاحساء حفظه الله في احدى جولاته في سوق التمر الله يوفقه

ماشاءالله تبارك الرحمن ، والله احس في التمر رزق اللهم بارك

قال المن 240 كيلو وشراه بسعر 110 الاف يعني لو تقسمها يطلع سعر الكيلو 459 ريال !!! مافيه تمر يسوى هالسعر لو يسقون النخله من ماء زمزم