وليد بن خالد : الشياب اللي بالمجمعات إلى متى؟

أشوف المحتوى هذا للأسف يتكرر كل واحد يبي يسوى محتوى حط هالشيبان الشاره المرميه للأسف انتم بطرحكم هذا نسيئون لمجموعه كبيره وللأسف اللي تشوفه وتتكلم عنه اقسم بربي ماشفته ياناس عيب مثل هذا الطرح المستفز مالقى شي يحكي فيه يسولف عن فئه لهم كل تقدير

المعروف ان ثقافة المقاهي او مايسمى بالكافيهات الأصل انها لكبار السن والشعراء والادباء من ايام الخمسينات والستينات وايضاً السبعينات اما حالياً دخل عليها الشباب والبنات بينما المفروض انهم يبحثون عن ارزاقهم في سوق العمل بدل أن يستنكرون على الشيبان هذا التواجد ..

انا مع جزء من كلامه ولكن ليس باالاسلوب السوقي الرخيص ،اللي هو بنفسه مايرضى احد يتكلم عليه بنفس طريقته المبتذلة!! لانه بطريقته هذي قاعد يتشمت والشماته ماهي زينة ، يمكن ربي يبلاه ويصل لنفس العمر والمرحلة والطريقة اللي جالس يتكلم على الناس فيها!! من عاب اخاه بفعل لم يمت حتى يفعله.

استغفرالله العظيم- صحيح اشوفهم ، ولكن عمري ما فكرت نفس تفكيرة المريض. ليش ما يكونوا جايبن مع عيالهم وجلسوا بالكافي لحد ما ينتهوا من التسوق. وانا عن نفسي اسوي كذا 🤷🏻‍♂️

الحين خلصت السوالف كلها يعني وش دخلك فالشيبان انت وصي عليهم خله على راحته يجلس في كوفي في شارع في مطار مالك شغل فيه بنات الناس تضايقو منه يعينني انا شايل همهم نعنبوا ذالوجه الي تقل ذنبة حبصية..

هذي العينات اللي عاملة وصاية على المجتمع متى تنقرض ؟؟؟لو جلسوا في البيوت قلتوا نفسية ولو طلعوا قلتوا يتصيدون الطويلة والقصيرة اش تبون بالزبط اش سالفتكم

مضايقينك في شيء،،،،،! ولا مكدرين عيشتك أو قاطعين رزقك يعني خلاص يختفون عن الإنظار يبقون في بيوتهم ولا حلال عليك أنت وعينتك وحرام عليهم يطلعون يشمون هوا ويشوفون العالم خل الناس تعيش وتستأنس وخصوصا كبار السن لا تسوي فيها محتوى ولا مخرب الجو

حسبنا الله ونعم الوكيل من هذى الأشكال. المفروض النيابة وهيئة الاعلام تدخل لوقف مثل هولا اللى كل يوم طالع لنا واحد يتكلم عن كبار السن اللى لهم نظام يحميهم من سخرية هذي الاشكال. اتمني ان اسمع تم القبض عليه.

هذا يعد من كبار السن لاحظوا قد اشتعل الشيب في وجهه ..وفي نفس الوقت يدين نفسه إنه في المول 6ساعات وهو يراقب شخصا لا يدري عن ظروفه وما سبب خروجه قد يكون مهموم أو عنده مشكلة يعاني منها لقد أصبحت وسائل منبر من لا منبر له وتساوى فيها المجال للمثقف وللمفكر مع الرويبضة !!!!!

وأنت شعليك بالناس المجمع له عمر معين خلهم يوسعون صدرهم ويكشخون تري يعني أنا الذرب والحلو تصدق أنا عكسك أذا شفت كبار بمجمع أستانس وأسلم عليهم

طيب ياالطيب يمكن جايب زوجته ولابنته تتسوق وجلس يتقهوى ليش سوء الظن ثانياً والاهم وش دخلك داخل وسط صاله بيتك في سوق مجمع مالك شغل

اذا عندك عقده من كبير سن في صغرك لاتعممها على الجميع لانك لست وصً على الناس

الافعال اللي ذكرها ( النظر للنساء وفصفصتها من فوق لتحت) هذي لايرضاها الله لامن شايب ولا من شباب اما ذهابه للكوفي والسوق فهذي الاماكن ليست لابوك ومن حقه الذهاب لها

واحد قليل ادب هذا. احد يتكلم على كبار السن بها اللغة الساقطة. من ادبك تلاقيك الليل في مطعم مع وحده والصباح في كافي مع الثانية .. ياكلون من رزقك. تصور هالكلام يامتخلف . ينقال عن ابوك ترضى عليه ولا .

اولا التعميم لغة الجهلاء ثانيا مثل مافي شيبان في ١٠ أضعاف من عمرك و ٢٠ ضعف شباب وليس لها علاقه بالعمر. ثالثا من الذي عينك محرم هناك دوله تحاسب كل من يخطئ سواء صغير او كبير . رابعا بناتنا محترمات ليش تفترض أنهم يبون احد يحميهم او يتكلم باسمهم. لا تنافق ولا و تستشرف بكلامك ع احد

هذا مااتابعه ابدا ولا اسمع كلامه الحين هو ركب الموجه بعد تصريح جريدة عكاظ.. كأن المول ملك للنساء فقط حرام للشوقر دادي وحلال للشوقر مامي

البعض من المشاهير في حاجة إلى إعادة تأهيل لأن وضعهم أصبح مخيف ، اذا شاف حسابه حينتسى من فقر المحتوى حول على المجتمع وقام يهايط على الشياب والعجز والشباب والبنات ويجعل من نفسه واعظ اجتماعي وينطبق عليه لاتنه عن خلقِ وتأتي مثله عارً عليك إذا فعلت عظيم ماتقولي وش دراك ان كوب القهوة من العصر ولاخلص الا بالليل !!! لايكون انت كنت جليسه والحين غدرتبه وقمت تنظر وتكبر على قفا المسكين !! ولايكون دخلت على نيته وعرفت ان عينه على بنات خلق الله !! هلا شققت قلبه ؟ ياخي الحيا حبه الله…. والله سبحانه وتعالى استحى من بني شيبه . اتقوا الله وارحموا انفسكم من النار بسبب الغيبة والنميمة والتطاول على اعراض الناس . إنا لله وإنا إليه راجعون ولاحول ولاقوة الا بالله .

القم واسكت🤫واحترم كبار السن👑ووقرهم ليس منا من لايرحم صغيرنا ويوقركبيرنابعدين حاسدهم على مكان يجدون فيه راحتهم🤔جزاهم الله خير وبارك فيهم عمروا بيوت🏠وربوا أحسن تربيه وماخذوا منك ريال ي🤡والبنات يأخذن حاجتهن على الستر والحياء الله لا يهينهن ومكانهن بيوتهن وليس المجمعات😁👍🏻

فيه حمله أول من اخترعها النسويات وولحق عليهم ابعض مشاهير الفلس نسخ لصق , المشكل انه احلف عليه ما شاف هذا المشهد شاف مقطع لنسوية ونسخ لصق . اتمنى هيئة تنظيم الاعلام تضرب بيد من حديد للمتنمرين على هذه الفئة الغالية على قلوبنا

خف علينا يبو ٢٥ سنة ، كأن السوق صار للشباب!! على الاقل محترمين حالهم و أغلبهم يتنهت اذا شاف اشكالك من الملقف و يقول في خاطره: الله ياوقت مضى لو هو بيدينا مايروح، على بالك مبسوط !!

للأسف هناك ناس حشرية وكأنها وكلاء الله على خلقه ، أكره هذه النوعية التي تستشرف على خلق الله هل حرام يجلس كبير السن في مقهى واذا تعدى حدوده هناك جهات مسؤولة في الأسواق مناط بها معالجة الوضع ، المال ماله وهو شخص حر في تصرفاته لا تكون أنت وصي على أموال كبار السن ونحن لانعلم.

الوضع صاير سفالة دعوا الخلق للخالق وإلتفتوا لأنفسكم يا مصلحين الي يتأذى من شخص غلط يقدم شكوى عليه أصبحتم توجهون الناس وين يروحون ووش الي يناسبهم ! الحرية مكفولة للجميع والمخطيء فيه قوانين وضعت لمعاقبته مسألة مالقى موضوع وطلع يتميلح ويستخف دمه على ناس كبر ابوه فهذي قلة أدب

وش اللي حارق رزك ؟ وش عليك انت؟ يارجل تراك ملقوف وحشري خل الناس تنبسط وماهم قالطين في حوش بيتك

ما ليت تدور متابعين إلا بهذا الإسقاط التافه اللي مثل وجهك لكن ما ألومك كاد المريب يقول خذوني كبار السن الله احترمهم و ولاه امرنا عطوهم احترامهم واذا فيه فيئة قليلة ما فيهم حياء فمن شب على شيء شاب عليه ولكن لعلمك والله من عاب على انسان شي بلاه الله عيب عليك استح

تكلم بما يعقل فاغلب من فوق الستين للأسف امورهم الصحية لا تساعد على ما ذكرت لذلك ابحث عن مواضيع تفيد الناس وبلاش تعمم إذا حالة واحدة تشغل بها غيرك

سبحان الله كل إنسان مواضيعه من بيئته انت تقول أشياء ما نعرفها إلا منك

يا شين البزر اذا جاء ينتقد خبرة السنين .! وبصراحة ما شفت منتقد او يعيب إلا ووقع في نفس انتقاده وعيبة .. والسنين تمر بسرعة البرق وبكرة تبحث لك عن زاوية في كوفي ..! خذ العلم ..

انت الي استح تراقب فيهم وفصفصت اشكالهم من لبس وصبغه وحركات وش دخلك فيهم؟ من راقب الناس مات هما

طيب فيه شايب ينزّل عوائله في المجمع، وإذا خلّصوا مرّوا عليه. ليش تعمّم وتدخل كل الناس في كلامك

ومن قال انه هو بنفسه شاب فلحيته كلها بياض ،وليش هو يروح لهذه الاماكن ، وليش مقهور منهم وبعدين كيف عرف ان بعض الشيبان يقعدوا عشرة ساعات في الكوفي شوب ، وهل محرم على كبار السن دخول الكفيهات ( كفى بنفسك عليك حسيبا ) عليك بنفسك والمفروض انه يراعي اداب ألاماكن العامة ولا يراقب الناس

جالس في بيتكم !! وش عليك منه ان شاء الله ينام في المول مالك صلاح فيه ؟؟ ادمي طفشان من قعدة البيت ومتعته يشوف الناس ويتقهوى ويتونس ما دام مو ضار احد وحاله في شانه انت شكو !!! والله من اللقافه في هالناس ،،،

الوصاية على المجتمع بدل الصحوة جوك ذولا بصورة جديدة

الله يصلح قلبه على ذا الكلام وش عليه منهم خليهم يروحون للي يبون ويستمتعون بيومهم وحياتهم

ما يصير احد يكلم الناس كذا ويقول استحي على وجهك من جد ترى ،،،، غريب والله اللفظ

للاسف اصبحوا كبار السن في المولات ماده للي ما عنده موضوع مقطع ينزله الشياب هذول افنوا حياتهم في خدمة عوائلهم ، قوامه ونفقه ومدارس وبناء بيت وشراء سيارات ....... وقعدتهم في أي مكان من حقهم وبحر مالهم مال احد عليهم فضل ولا منه والمنتقد بعد كم سنه راح يسوي سواتهم واكثر الله يحفظهم