يا دولة رئيس الوزراء، يا ناس يا مسؤولين، نريد نحچي لان راح اطگ… الرقابة المالية قبل 2003 چانت تخوف… إذا موظف حول كرسي من غرفة لغرفة، لازم تمر على عليهم. چانت جهة قوية، تحچي الكلمة تمشي، وتعرف الصغيرة والچبيرة. اليوم؟ بعد 2003؟ وخاصة بالـ10 سنين الأخيرة؟ صارت مؤسسة شكل،... تصرف ملايين وما تسوي شي. من 2015 لهسه، إحنا بـ2025، والفساد نايم بعب الدولة، والرقابة المالية بس تدور على ورقة طابعة، أو موظف غايب، أو دفتر ما مختوم! وناس تسرق بالمليارات، وتطلع من مناصبها، والرقابة لا تحچي، لا تتنفس، وإذا تحركت… بعد فوات الأوان. نور زهير 3 سنين ياخذ مليارات وما حد درى، ولما انكشفت، انكشفت من غير جهات، مو الرقابة المالية. وزراء ونواب سابقين وحاليين فاسدين، عقود مضروبة، سرقات بگد الشمس، والرقابة ساكتة، ساكتة، ساكتة… يا دولة! الموظفين يفتلون عالدوائر يدورون دفتر حضور، ويعدّون الكراسي والمكاتب، أما العقود والمشاريع، والسرقات؟ لا حس ولا نفس. مسؤولين بدرجة وكلاء وزارة عندهم واجهات شركات ويمشون الهم عقود، اني بغير قارة و ادري والرقابة متمددة يعني بالله عليكم، شنو فايدة هاي المؤسسة؟ الناس العاديين، الصحفيين، والناشطين، جابوا فضائح وملفات أكبر من كل تقارير الرقابة من 2003 لهسه. أنا برأيي: يا نعيد هيكلة الرقابة من الصفر، نخلي بيها دم جديد، صلاحيات حقيقية، ناس مو خايفة ولا تشتغل تحت أوامر الأحزاب… أو نحلّها ونبقي على النزاهة بس. لأن الرقابة المالية حالياً عبئ على ميزانية الدولة، تصرف ملايين، وأداؤها صفر مكعب. نحتاج جهاز رقابي يشوف المليارات وين تروح، مو يحاسب موظف ليش ما وقع دفتر الحضور. نحتاج ناس شجعان، ما تخاف من الوزير، ولا من الحزب، ولا من أي خط أحمر. . . حسب كلام ست امطار، اني محارب الفساد اكثر من الرقابة المالية..show more

Yasser Eljuboori - ياسر الجبوري

97,518 subscribers

分享 下载