"ياسر العطا تسرّع في تصريحاته ضد الامارات .. الامارات بتحبنا" بروف المنصوري دة حقيقي تعيينه أمر كارثي بحسابات الأمن القومي وحماية سيادة الدولة. دة زول مرتبط عضوياً بالحكومة الاماراتية، وفوق دة عنده موقف رافض وناقد لتصريحات الفريق اول ركن ياسر العطا ضد شيطان العرب وضد دولة العدوان. الرفض لتعيين... المنصوري لا يرتبط البتة بأنه مؤهل أو لأ، دة زول داير يجي وزير وهو رافض يتبنى موقف معلن من مجلس الأمن والدفاع بتصنيف الامارات دولة عدوان، ياتو دولة محترمة في الدنيا بتقبل انه زول زي دة يكون وزير فيها؟ دة غير انه يُقال انه يحمل الجواز الاماراتي!! تعيين وزير حاله ومقاله مش بس لا يتطابق وتعريف الدولة للحرب كعدوان اماراتي، وكل حديثه واهتمامه متطابق مع اولويات الامارات في السودان في تحقيق أمنها الغذائي وأمنها القومي على حساب السودان حاجة كارثية. دة شخص خالي من اي قيمة سياسية او امنية مرتبطة بحماية سيادة ووحدة السودان ومؤسساته الوطنية، بل يعتبر تعيينه منح الامارات ما لم تستطع تحقيقه لا بالتفاوض والإرهاب بالجنجويد ولا بالحرب والابادة والتهجير. دة عبث حقيقي بأمن السودان وتضحيات السودانيين. مسألة مزعجة جداً انه رغم كل البحصل لينا خلال السنوات الأخيرة، واللي كان نتيجة لتهاون مريع من مؤسسات الأمن القومي السوداني، لسة في مثقفين ومتعلمين ما طوّروا اي حساسية تجاه قضايا السيادة والأمن كمطلوب أساسي للحياة والكرامة والاستقرار ووحدة البلد، بل وما قادرين يطوروا اي موقف نقدي ناتج من تذويت القضايا دي، وطالما انه اسم زي بروف المنصوري يصل حدّ يتم تعيينه فيبدو انه كذلك مؤسسات حماية الأمن الوطني لم تتعافَ بعد. الإمارات_دولة_عدوانshow more

Ahmad Shomokh

14,173 subscribers

Поделиться Скачать