ياقوم ياراع البشيت الحليبي 😂

القصيدة كاملة مكتوبة: ناح الحمام وصوته العندليب حرك شجوني يوم غنى على الراك ارخى مصارعها ردي النصيب زود على براك جات ام براك يا صاح وش وضع الزمان الغريب اللي على مثلي ومثلك وشرواك كلش يهون الا الرفيق الحضيبي شره عليك وحذفته ما تعداك ياقوم ياراعي البشيت الحليبي متقوبعه بين الرياجيل يا ذاك ترى قبول الآدمي شي غيبي اللي تحاول تدركه ماله ادراك ما فيه سم ومرحبا ياحبيبي تبي تجي مناك وتروح مناك اليا انكروا عدادة الوقت طيبي ماضاع في هذا وما ضاع في ذاك الطيب نفسه نفس قرم عتيبي يصد عنك ليا عطيته مقفاك اللي تحسب ان الحكومة بجيبي واليا عرفت السالفة مد يمناك الله يبارك فالنظام العريبي سيف بيدك وشذرته فوق علباك ان روحت يبكي عليه القصيبي وان جات ويش حنا يابو زيد لولاك مير الجميل اللي يحدر الشعيب ياريح طيب مخالطك ريح تنباك ياللي على الواقع ضربت الصليب جاك اوله والا آخره ما بعد جاك لقيتها يا مدورين الذهيبي كثروا عرب عطني وقلوا عرب هاك #عبدالله_بن_خلف_الخالدي سلم و صح لسان القائل والناقل ..

كلش يهون الا الرفيق الحضيبي شره عليك وحذفته ما تعداك ترى قبول الادمي شي غيبي اللي تحاول تدركة ماله ادراك👌 شكرا لنقل الجزل وصح لسان الشاعر الخالدي

الله اكبر الله اكبر كلش يهون الا الرفيق الحضيبي شره ، ، عليك وحذفته ماتعداك

يا جماعه بعض القصيد بسيط وينشرب شرب وتستمع فيه ما شاء الله تبارك الله صح نقلك وصح لسان الشاعر

الرجال هذا له عندي عطية من البل وكرامة عندها " علشان بيته الطيب نفسه نفساً قرماً عتيبي،،.. اللي يعرفه يبلغه..

الطيب نفسه نفس قرم عتيبي يصد عنك ليا عطيته مقفاك … ياسلام ياسلام يالخالدي وصف بليغ

الطيب نفسه نفس قرم عتيبي يصد عنك ليا عطيته مقفاك بيت يكتب بماء الذهب ونعم في الشاعر ونعم في قبيلة عتيبه العريقه ولايهونون باقي القبايل 🌹

يا صاح وش وضع الزمان الغريب اللي على مثلي ومثلك وشرواك كلش يهون الا الرفيق الحضيبي شره عليك وحذفته ما تعداك ياقوم ياراعي البشيت الحليبي متقوبعه بين الرياجيل يا ذاك ترى قبول الآدمي شي غيبي اللي تحاول تدركه ماله ادراك ٰ 👏🏻👏🏻👏🏻👏🏻🌹🌹صصح الله لسسانه ولسسان من نقل الابيات

ابوي الله يرحمة ويغفر له و أغلب شيبانا وشيبانكم يمجدون ابوزيد الهلالي وايضاً أغلب الشعّار تمجدة ... ومعذورين ولكن: صح ابو زيد له صولات و جولات ولكن التاريخ يشهد أنه قائد مجموعة من "المرتزقة" يحاربون مع من يدفع أكثر. ابو زيد الهلالي أول من حارب مع الشيعة ضد السنة.

إن من الشعر لحكمة! صح الله لسانه صح الله لسانه