ياودي راني لاهية غير بصحتي وخدمتي ومستقبلي أما هدرة الناس تاع تويتر ما عندي ما ندير بيها نطفي التيليفون يروحو قاع من حياتي بكل بساطة نشكر ربي كل يوم راني نزيد نقدّم في حياتي ونبني في مستقبلي بيديا راني الطفلة اللي تولدت وكبرت في حومات واد رهيو المغبونة وبالضبط... في حي الوئام المدني بديت من الزيرو وتعلمت الحلاقة والتمشيط عند المصففة مريم و نسما في حي شيطيبو بعد سنين من التعب والجرية فتحت حانوت وحدي في ولاية الشلف ومن بعد سنتين كبر طموحي ودرت الديبلاسمون لحي صلامندر في ولاية مستغانم وكملت طريقي وزدت 4 سنين تاع نجاح تما قررت نصفي كلش ونرفد قشي من الجزائر ونسافر لدولة الإمارات باش نكمل مشروعي ونلحق قاع أحلامي اليوم راني في إمارة راس الخيمة في الامارات والعين راهي قاصدة دبي دبي مرحلة جديدة تاع الحلم وهنا راني نبني خطوة جديدة لمستقبلي راني ما وصلتش لڨاع هذا الشي بالزهر ولا بهدرة الناس وصلت بالتعب والصبر والمخاطرة والزعامة والغربة والحلم مازال عاد كبير وإن شاء الله الخطوة الجاية تكون فرنسا ونستقر تما لابد بإذن الله غير ادعولي ربي يزين لي السعد ويزيدني نجاح وتوفيق واللي بداحياتو من الزيرو يعرف بلي اكبر أمنية هي كي تشوف حلمك يكبر قدام عينيك تحيا الجزائر 🇦🇪❤️🇩🇿show more

انا نعرف الامارات مليح كنت مقيم لمدة سبع سنوات قبل مايتحلبو الجزائريين تاع الامارات و اعرف مايدور هناك و كيف تسير الأمور

خويا فتحي ليس كل من يعمل في الامارات بالضرورة يعمل في الركن الشمالي الركن الشمالي موجود في كل دول العالم وفي كل مكان هناك اناس يعملون ويكافحون من اجل بناء مستقبلهم والبحث عن رزقهم بالحلال هناك جزائريون يعملون حتى في دول مثل تايلاند وفتحوا مطاعم وبوتيكات ومحلات ونجحوا في تجارتهم وكسبوا رزقهم بجهدهم وتعبهم وهناك من يعمل في فرنسا وكندا وتركيا وماليزيا وقطر والامارات وعمان وغيرها وكل انسان له قصته وظروفه وطموحه انا شخصيا خرجت من بلدي بحثا عن الرزق وبناء مستقبلي بيدي ولم اخرج لأثبت شيئا لأحد وفي النهاية كل انسان يسعى في هذه الدنيا بما يستطيع ورزقه مكتوب عند الله اسأل الله ان يرزقنا جميعا رزقا حلالا طيبا وان يوفق كل انسان يسعى بشرف لبناء مستقبله

الامارات فتنة كبيرة و الإغراءات لا حدودة لها اكثر من اي دولة في العالم

ربي يوفقك، تبقى وجهات النظر، اما الوطن فكلنا وطنيين و كلا يرى بعينه ما يجب أن يفعل.ربما أحسستي في لحظة ان طموحك و مستقبلك في خطر فكتبتي ما كتتبي عن الحدث. لكن تبقى الحزائر فوق كل اعتبار. فالعاقل لا يفرح لشتاتنا،لكن السكوت على الدسائس للوطن🇩🇿 غير مقبول.

شكرا خويا اياد ربي يبارك فيك ويحفدك على هدرتك الشابه نختلف في وجهات النظر لكن يبقى الاحترام بيننا والجزائر فوق كل اعتبار ربي يحفدالجزائر من كل سوء ويجمعنا دائما على الخير

انت حرة. في قرارك وعقلك ميزانك ومصلحتك. انت تعرفيها احسن من الكل والوطنية ماشي شعارات وسب وتبلعيط الناس الوطنية قرار وفعل وماشي عيب وجودك وعملك.في الامارات العيب انك تكوني اداة عندهم في تشويه صورتنا رد بالك من الوقوع في محظور الجزائر 🇩🇿 العظمى خط احمر

بارك الله فيك

اختي العزيزة رب يوفقك وينجح اعمالك وحافظي على نفسك وكل من سبك او اهانك تلقايه من المنتفعين من التافهين لرب ابتلانا بهم و لتركوا امثالك يهجروا لبلاد

أولا ربي يبارك فيك و يباركلك في صحتك و مالك ثانيا كإمراة انا كونطر لمرا لي تخرج برا على جال خدمة بورطو راكي تقولي حققت. هدفي، و الشلف و مستغانم و ووووإلخ يعني لواه خارجا برا كون رايحة تكملي دراستك في احسن جامعة في العالم نقولو انا واحد من ناس أختي والله مانخليها تخرج

ربي يحفدك ويبارك فيك🌹

يا نونو أعظم خطأ تقترفينه أن تهجري أرضك إلى أرض عدو سفك دماء آبائك واستباح عرض بلادك قرنا وثلاثين سنة،
فرنسا ليست فردوسا ولا ملاذا، بل هي امتداد لجرح لم يندمل بعد
أرض الله واسعة وفيها من الأوطان ما يكرم الإنسان ولا يذل تاريخه
فلا تستبدلي كرامة الشهداء بوهم الاستقرار في بلاد من أذاق شعبك الويلات.
نسأل الله أن يصرف عنك هذا الطريق وأن يفتح لك أبواب رزق في أرض لا تستحي أن ترفع فيها رأسك باسم الجزائر
والله المستعان.

أرواحي للخاص ختيتو نڤيس لك الدليل تصاور وفيرموات تاع عائلات من جيجل لي ديرباجوا وقت الحريق صح راني هاربة بعيدة على الجزائر بصح ربي راه شاهد والملائكة على الصوالح لي نرسل فيهم معاونة لكل دار زوالية أنا ما نخرطش عليك راني مجروحة منك كي ڤلتي على أسلوبي خبيث بصح مكاش لي داري شحال راني نقيس ونخسر على جال هاد المساعدات تاع كل شهر وتصيبي غاشي غي تاع فم يدعوا الوطنية وهما حتى دورو ما يطلقوهش معليش تبڤي ختي وعفا الله عما سلف

إن كنت قد جرحتك بكلامي فأنا لم أقصدك شخصيا، وأحترم مشاعرك، لكن أحب بلدي كما هو بلدك والوطنية عندي خط أحمر لا أقبل أن يطلب مني الصمت عن موقف أراه يمس الجزائر حتى لا ينزعج أحد والمواقف السياسية شيء آخر؛ أحترمك، لكن الجزائر ومصلحتها فوق المجاملات وفوق كل اعتبار.

معليش ختيتو تبقي اختي وما نزعفش منك 🌹🥰

🥰

ياك درتي سوارد ولا وقيل حابة نشري لامبورغيني ياو اقسم بالله العظيم كون يحطو عليك جبال الهمالايا سوارد والله ما يتعمرو عينيك العين تعمرها غير تراب مهوش حسد ولا كره ولا غيرة و لكن وجهة نضر كجزائري حر كيما مانبغيش على أختي في دار مانبغيش على بنت بلادي تخرج برا

ربي يوفقك ويسهل طريقك..

ربي يحفدك خويا زكريا 🌹

و كي نقولو االطفلة تخرج للخارج من دون محرم راهو فيها شحال عمرك من حاجة فيها رجال بتغزلو بيك فيها ععطاية فيها ترنديف فيها سهرات وووو الخ ماقلتش انت هدا النوع تاع النساء ولكن المرأة تبقى ضعيفة قادر بزوج كلمات تولي منهم ولا يرميلك على وجهك شكارة سوارد يعماو عينك و تولي في خبر كان

لو كان للجزائر فضل عليك لما جعلتك تعانين عذاب الغربة لسنين مضت ولسنين قادمة لنكن واقعيين انت من كافح وانت من تعب وانت وحدك ستبنين مستقبلك بيديك فلا فضل لاحد عليك اسال الله ان يوفقك بعملك وان يسهل عليك طريق النجاح وان يحقق امنياتك تحياتي 🌹

الله يبارك فيك خويا ابو الحوراء وهدرتك نحترمها ونقدرها صحيح انا تعبت وكافحت وشقيت على روحي وما استنيتش فضل من حتى واحد وربي وحده يعلم شحال كانت الطريق صعبة لكن في نفس الوقت ما نقدرش ننكر فضل بلادي عليا فالانسان مهما ابتعد عن وطنه يبقى الوطن جزء من حكايته وذكرياته وبداياته الغربة ما كانتش هروب من الجزائر هي كانت فكره في بالي عن فرصة ورزق ومستقبل نحو الافضل وان شاء الله ربي يوفقني في خدمتي ويكتبلي النجاح وين ما كان الخير شكراابو الحوراء على دعواتك الطيبة وتحياتي ليك وكل الاحترام تحيا العراق العظيمه

نانا و لي اذاها اذانا مساء الورد و ردك من عدمه يعتبر عندي رد ي يا الغالية

ربي يحفدك خويا وليد 🌹🌹.. مسائك هنا

شكرا نانا ليلتك لهيك ههههه

الله يعاونك

اتمنى لك التوفيق والنجاح في شغلك وحياتك وان شاءالله ربي يكملك كل ما تتمنين سلام ✌️

شخصيًا تبقى دولة الحمارات عدوة وتسعى للنيل من الجزائر بلدي بالإضافة إلى ذلك فهي خنجر مسموم في خصر الأمة العربية والإسلامية حالها كحال كيان الصوص 🇮🇱

تحياتي لك وان شاء الله موفقه في حياتك وتحققي اللي في بالك

شكون انتي أصلا ؟؟؟؟

و الحديث قياس و هدا شيء ترجع لتربية والديك إدا بوك و خوك قابل هنا نقدر نبلع فمي و نقول البيت االشعري الشهير إدا رأيت رب البيت للدف ضاربا فلا تلومن الصبيان على الرقص و السلام

الإنسان يشوف لربي ويتقيه أما العباد هذا حالهم

فلسطين علاه مافهمتش ؟ تحيا حنا و برك

الله المستعان ربي معاك ختي نانا ربي يجبر بخاطرك ويفرح قلبك ويسر امرك بالتوفيق والمزيد من النجاح وربي يحفظلك صحتك انت ناس ملاح ربي يبارك فيك ومعزتك غالية عندي ربي يحفظك حببتي ان شاءلله تلقاي مرادك يارب

ربي يسهل على كل واحد يخدم بعرق جبينو وياكل الحلال ربي معاك الاخت

ربي يوفقك 🌷

غلطتي فحاجة برك شوهتي حلمك فدويلة وربي يوفقك فبقعة ماخير منها نش الله

ربي يوفقك ويقدرك 🫡😍

قدمنا بيك شكوة نهار خرجتي تنتاقدي في قرار الجزائر في قطر العلاقة مع الدولة لي راكي فيها ....غير ترجعي للجزائر راح تكون عندك مسألة قانونية يا الحركية مشكوك فيك انتي علي شويا دراهم تبيعو بلادكم 🇦🇪🤮🤮🤮

je pense pas que c'est du rêve dune fille hétéro

Bonne courage bsh oud rhiw Cheba hh

ربي يعينك وان شاء الله تتحقق احلامك

نستعرف بيك

كانت باينه بلي دوري خليجي غليزان رجعت روحها بنت بارود هههه