يجي للوفا بين النشاما مزارق طيب هذا والله اللي يبهج القلب ويسرّه قطعنا الدروب اللي عليها نجرّ الهيب نفج الصعايب مامشانا على الجرّه وإلى من تلوّت قدمنا الحيّة ام جنيب على الراس ناطاها قبل سمّها اتثرّه خلقنا عزازٍ نهتوي كلّ مجد اصعيب يشوق العزوم وملتهب كرّه وفرّه يدور الزمن... ويبين من فالخطوب اينيب على حزةٍ فيها الرياجيل منغرّه وبعض الاوادم نحسب ان مالحقها ريب واثرها من الاضغان والحقد محترّه عديم المروّة لو تعلمه ويش العيب يبا يسمعك مرّه ثم يعاود الكرّه ليا صرت ماتجزع فـ ابن عم والا اصحيب وعطر النبا يلهدك طاريه وتضرّه ترفع عن اعلوم الضعافة وخلك ذيب يلج الصدا بعواه من حرّه لحرّه ليا صار ابن عمك مهيبٍ سوات اكليب لا تطعن ظهره برمح جسّاس ابن مرّه #فيصل_دخيل_اللهshow more

فيصل دخيل الله الكسر

14,694 subscribers

Teilen Herunterladen