يمممه الحين السيارات اللي يسحبونها البنوك من اصحابها اللي ما سددوا يرجعون يبيعونها ؟ طيب واللي سدد كم سنة وتعثر بس كم قسط لكم شهر كيف يبيعون سيارته وبكم اصلا ؟ احس حرام اشتري سيارة شخص قلبه يتقطع عليها 🥺💔

عندهم قسم للسيارات المستعملة يعرضوها للبيع انا سحبوا سيارتي 2018 كانت ماشية اقل من 100 وكان لها معي سنتين تقريباً ، حسبوا الاقساط اللي دفعتها فالسنتين ايجار شهري وطالبوني بمتأخرات حدود 44 الف وقالوا انهم باعوا السيارة ب18 رغم ان سعرها بهذاك الوقت يوصل 80 الف بس عشان يبقى شي وشكوني في محكمة التنفيذ ، الشاهد نصيحة لا احد يقرب على الايجار المنتهي بالتمليك لو يمشي على سيكل.

طالما باعوها بـ 18 ليش طالبوك بـ 44 ؟؟؟؟

مجموع المتاخرات 44 الف وباعوا السيارة ب18 غطوا جزء من المتأخرات والباقي 26 الف طالبوني بالمحكمة ، المشكلة ان السيارة وقتها تسوى 80 الف يعني قيمتها تغطي المتأخرات ويزيد لي مبلغ بس يقول بعناها ب18 كذب عشان يبقى شي ويطالبوني.

يالله كيف النصب حتى لو كان الاتفاق كذا بينكم من اول وهم باعوها بمثل هالمبلغ المفروض يكون فيه استثناءات احس كذا استهتار منهم

انا ما عندي مشكلة فالمتأخرات حقهم وملزم ادفعه بس اللي غابني بيعة السيارة كامري 2018 ماشية اقل من 100 الف يعني حتى لو مصدومة تنباع باكثر من 18 ومافيه بند فالعقد يقول كذا بس بإذن الله القى محامي يفهم عليّ ويعرف يطلع حقي منهم.

الله يعوضك خير يارب

امين يارب الله يجزاك خير

انا جربت خذيت سيارة من البنك منتهيه بالتمليك وعلوني على التامين ويوم بغيت اسافر لقطر قلت ابي تفويض وعلوني ع ماعطوني المهم بعدها صار درس لي اخذ تمويل واشتري السياره وافتك منهم

من جد احس اللي ياخذ عن طريق البنك يتمرمط من غير الارباح اللي ياخذونها عليه

اخو زوجي سحبوا سيارته عشان باقي الدفعه الاخيره 50 الف قام زوجي ودفع الباقي لأن حرام دفع فيها مايزيد عن 140 والسياره نظيفه والمسكين عنده قرض عقاري ماعاد قدر يأخذ قرض تكميلي ولا عنده سياره غيرها

الله المستعان

والله انا لحقت سيارتي على اخر شيء وهم يزايدون عليها والاستكرات موجوده عليها جيت من جده لرياض واخذتها بعد السداد طبعاً .. كان فيها ظلم لكن كله عند ربي مايضيع🤍

سبحانه ، والله الوضع صعب جدا اكبر خازوق ممكن ياكله اللي يشتري عن طريق البنك

لو سيارتك ب٢٠٠ ألف وباقي عليها ٣ اقساط وتخلص مع البنك على سبيل المثال وصار عليها حادث وقيمة تصليحها يتجاوز رقم معين يسحب السيارة منك + فلوسك الي اندفعت تروح عليك للبنك + البنك ياخذ قيمة التأمين ويرجع البنك يبيعها لحسابة ( الوضع يحتاج اعادة نظر بصراحه)

اسمه ايجار منتهي بالتمليك، اذا ما سددت كل الفترة الماضية اللي كانت معك السيارة تعتبر ايجار

ايه صحيح لكن سالفة الدفعة الأخيرة ذي احس لازم يعيدون النظر فيها هي اللي تورط الناس

لاتشترون سيارة منتهية بالتمليك ! طيب الحل!؟ تعال اقولك كيف ؟ تأخذ قرض شخصي وتشتري فيه السيارة الي تبيها كاش واحرص اوقات العروض يطيح فيها حول العشرين وفوق وسدد قرضك الشخصي وسيارتك باسمك ومتى ما احتجت بعتها بدون اذن ورسم ولعب مصاريا عسى ربي مايبقيهم في البلد ساعة من غير شر صايبنا🇸🇦

سحبوا سيارة ابوي مني ومسددين 4 سنوات و20 شهور بقى قسطين بس وقفنا كم شهر كذا وبعدين كلمناهم قلنا بنسدد لكم كاش بس رجعوها على طول باعوها الله لايوفقهم ويجعلها حرام عليهم والله قهر وغبنة

🚨تستغل البنوك وصناديق الاقراض حاجة وسذاجة البعض في توريطهم ✅فهذا عقد تاجير مع وعد التملك ظالم جدا للمشتري لكن يتضمن العقد موافقته على الغاء العقد اذا تعثر في السداد ❌فيتقدم شخص راتبه 4000 ريال لشراء سيارة قيمتها 90 الف ومع الفائدة تصير 180 الف ثم يتعثر بالسداد لان القسط فوق طاقته

كيف ازايد على سيارة ماهي قدامي وما اعرف حالة البودي والصدمات وبطن السيارة انتبهو من هالطريقة .

لأنهم يرضون بأي قيمة يبغون يتخلصون منها بأي طريقة مع انهم يبيعونها برخص وبعض الناس محتاجة ومن باب اولى طالما راح يبيعونها برخص يخصمون المبلغ المتبقي المطالب فيه العميل

مستحيل اشتري منها احس نفس صاحبها فيها ولا اقدر اخذ منها

@SAMAcares نبغى حل لو تكرمتم بالدفعه الاخيره انتم اهل لها تحذف الدفعه. الاخيره ويتم جدولتها بأقساط شهريه من اول العقد وليس من اخره ارجوكم حلوها

ما حرمت لجنة الإفتاء التأجيري المنتهي بالتمليك عبث

ليش الدفعه الاخيره موجوده ؟ ولو بتسوي لها جدوله بتاخذ سنتين تقريبا ليش ماتدخل الدفعه الاخيره من بداية العقد كثير انسحبت سياراتهم بسبب جدولة اخر دفعه او رجعوا يطلعون قروض عشان يسددون اخر دفعه

فعلا هذا المفروض اللي يصير مدري ايش الهدف من الدفعة الأخيرة ذي تعجيزية صراحة

ياجماعه نصيحه ابتعدوا عن نظام التأجير لوتمشي حالك بسياره مستعمله او مشي بسيارتك القديمه

حسبي الله عليهم على نظامهم هذا الظالم في ناس كثير جاتهم ظروف ويعني اذا تاخر شهر شهرين بأي حق ياخذونها في النهايه التاس بتسدد اكره البنك ظالمه وجايرة

عندما يتم منح البنوك سلطة مطلقة لإستيفاء مطالبتها المالية من المواطنين يتم تسليط سيوفها ويعاني المواطن من ذلك معاناه قاسية سواء في السيارات او في العقار.

بعضهم كمل قسطها لكن يبقى عليه دفعه الاخيره بس

المفروض كلها اقساط ومافيه شيء اسمه دفعة اخيرة يعني بالله لو هو قادر يدفع دفعة اخيرة كان بيقدر ياخذها كاش لكن هذا استغلال واضح لحاجة الناس

الوضع فيه تلاعب🚩كبير فيه تامين على الشركه والمشتري تامين ثاني وبي اتفه حادث تالف ورح اخذو التامين مرتين وصلحوها وباعوها ربح ثلاث مرات غير الذي يتاخر ويسحبون وهم ليسو جهة تنفيذيه اين البنك المركزي🚩 اين وزارة الداخليه واين🚩 وزاراة التجاره احفظو حقوق الناس هناك عصابه لجمع مال

هذي طريقتهم لانها ايجار منتهي بالتمليك يعني مثل الي مستاجر سياره يدفع اذا بيركب السياره واذا م دفع خلاص ترجع السياره لاصحابها والي دفعه من قبل هط رسوم استخدامه للسياره

هي اسمها ايجار تمليك يعني السيارة تطلع من وكالتها مسجلة باسم جهة تمويلية سواء بنك او شركة تمويل ما تنتقل باسمك الا اذا كيشتي الباقي منها، الكاش افضل بكثير انا ابي اطلع جديد و قاعد ادور طريقة اجمع فيها قروش افكر اوفر القروض حق اشياء ثانية اكبر مثل العقار او غيره قرض شخصي زواج.

نعم .. تعتبر ايجار واللي دفعه قيمة استخدامه لها

@Arch_Alzayd بكل اسف هذا الشيء اللي حاصل يعتبرون الاقساط اللي دفعتها عباره عن ايجار استخدام السياره حتى لو بينك وبين نهايه القسط قسطين او ثلاثه بل ان هناك مبلغ كبير يسمى قيمه التملك تدفعه اذا انتهيت من الاقساط اعتقد ان الشيء هذا قاسي جدا وياليت الجهات المختصه تتدخل في هذا الموضوع

الله يغنينا بحلاله عن حرامه وبفضله عمن سواها لاتاخذون ايجار منتهي بالتمليك ولاقرض فوايد ربويه

اغلبها اصحابها ما يبونها يبون البنك يسحبها و يبيعها و يخلي البنك يدفع الفارق فقط

حتى ولو ، راح يكون مجبور يدفع المتبقي عليه حسب العقد اللي بينهم او ايقاف خدمات

لا اذا كان عليه متاخرات يدفعه هذا صحيح اما قيمه السياره ما يدفعها يدفع القيمه الي تباع فيها السيارة

اي نعم حرام ومية حرام سيارات البنوك مانشتريها فيها شبهه

عشان كذا دايم نقولكم طلعوا قرض شخصي واشتروا السيارة كاش والسيارة باسمك ومحد يقدر يسوي لك شيء

فعلا باعوها لي قبل كم سنه وما زالوا يطالبوني بقيمتها

الله المستعان

هذا نظام تأجير يعني ما يملكها الأبعد نهاية الاقساط وهو نظام محرم شرعاً لوجود عقدين في عقد واحد ولكن للأسف المحتاج يكون محدود ومضطر لمثل هذا النظام لظروف الحياة ونستطيع ان نقول ان الغالب يقع في هذا الإشكال وعندما يتعثر عن السداد يكون للمؤجر الحق في سحب السيارة وبيعها .

صراحه الجهل مصيبه وخصوصا في الامور الماليه لماذا اقتني سياره لا اقدر علي دفع ايجارها الشهري نظام الايجار منتهي بالتمليك يعني السياره طول ما هيا معك كانك مستأجرها من محل ايجار

بعضهم وضعه المادي ما يسمح له يشتري لكن الحل السليم اشوف انه ياخذ تمويل افضل ويشتري سيارة من برا

الحلول واجد بس البلا ان الواحد عجاز وما يشوف ابعد من خشمه

نصيحه لا احد يشتري السيارات مايكون مافيها بركه واسالوا اي احد اشترى

أنا أجزم جميع السيارات يوجد فيها نفس مستخدم السيارة المسحوبه