ज्येष्ठ व्यंगचित्रकार शि. द. फडणीस सरांनी वयाच्या शंभरीत पदार्पण केलं. याबद्दल त्यांना खूप खूप शुभेच्छा. या निमित्ताने आज पुण्यात एक कार्यक्रम झाला तिकडे अनेक ज्येष्ठ व्यंगचित्रकार, चित्रकार हजर होते. मला देखील या सोहळ्याचं निमंत्रण होतं. फडणीस सर आणि मी, आम्ही दोघेही एकाच कला महाविद्यालयाचे, जे.जे. स्कुल ऑफ आर्टचे विद्यार्थी,... याचा मला विशेष आनंद. अर्थातच आमच्या दोघांच्यातलं वयाचं अंतर लक्षात घेता ते काही दशकं मला सिनियर. या कार्यक्रमात बोलताना अनेकांनी सरांच्या कलेबद्दल लोकांनी त्यांचा दृष्टिकोन किती निखळ आहे आणि त्यांचं चित्र बघताना किती सोपं वाटतं याबद्दल सांगितलं. पण मी स्वतः एक कलाकार आहे, मी तुम्हाला खात्रीने सांगतो सरांचं चित्र जितकं सोपं वाटतं ते तितकंच कठीण आहे. सरांच चित्रच कशाला कुठलीही गोष्ट जी सोपी वाटते ती सोपी करून समोर आणणं ही सगळ्यात कठीण गोष्ट असते. आणि एक शतक पाहिलेल्या माणसाने आयुष्यात काय काय पाहिलं असेल, स्वातंत्र्याच्या भारावलेल्या काळापासून ते सगळं विस्कटत चाललं आहे हे एका आयुष्यात बघितलेल्या माणसाला निखळ दृष्टिकोन ठेवणं खरंच अवघड आहे. पण तो सरांनी ठेवला आणि तो त्यांच्या कलेत दिसत राहिला हे सरांचं मोठेपण... यावेळी बोलताना कलांविषयीची सरकारी व्यवस्थांची अनास्था, आपल्या कला जाणिवा याबद्दल मी माझं मनोगत व्यक्त केलं. त्या मनोगताची चित्रफीत इथे जोडत आहे.show more

Raj Thackeray

1,854,479 subscribers

Поделиться Скачать