HAKUZWUMUREMYI Joseph

Isimbi Noeline yavuze ko akomeje guhohoterwa, asaba kumenyeshwa niba atemerewe kuba mu Rwanda ====================== Nyuma y’uko Noeline Narubega wamamaye ku mbuga nkoranyambaga nka Isimbi Noeline atangaje ko yajyanywe muri Finland mu byo yise ubucuruzi bw’abantu bwakorewe mu masezerano y’ubushyingirane bw’uburiganya, ashinja Ngabo Hodari kuba yarabigizemo uruhare, yongeye kugaruka avuga ko akomeje guhohoterwa n’abaturage ndetse n’abo yise bamwe mu bayobozi ba Leta. Mu butumwa yashyize ku mbuga nkoranyambaga, Isimbi Noeline yavuze ko iyo agiye mu mujyi gukora ibikorwa bisanzwe nko guhaha nk’undi muturage wese, ahura n’ihohoterwa rishingiye ku magambo ndetse rimwe na rimwe n’irishingiye ku mubiri. Yashyize hanze video, ayiherekesha amagambo agira ati: "Uru ni urugero rworoshye rw’uburyo mfatwa n’abaturage muri rusange iyo ngiye mu mujyi guhaha nk’undi muturage wese. Nkorerwa ihohoterwa rishingiye ku magambo no ku mubiri, kugeza aho ntakibasha no guhaha mu buryo busanzwe." Yakomeje avuga ko niba adakenewe cyangwa atemerewe kuba mu Rwanda, akwiriye kubimenyeshwa kugira ngo areke kongera kuhagaruka, kuko ngo urwango agaragarizwa rumaze kumurenga. Ati: "Niba ntemerewe kuba mu Rwanda, nkwiye kubimenyeshwa kandi sinakongera kugaruka muri iki gihugu. Kuko muri iki gihe urwango ngaragarizwa ni rwinshi kandi rukabije." Isimbi Noeline yavuze kandi ko ananiwe n’ihohoterwa avuga ko akorerwa n’abaturage ndetse na bamwe mu bayobozi ba Leta. Yagize ati: "Ndarambiwe iri hohoterwa nkorerwa mu ruhame...." Ibi bije nyuma y'ikiganiro kirambuye cyamaze iminota irenga 27 uyu mukobwa yashyize kuri YouTube channel ye, aho yavugaga ko yahisemo kuvuga ku byamubayeho nyuma y’igihe kinini abihishe, kandi ko yizeye ko ubuhamya bwe bushobora gufasha inzego zibishinzwe gukora iperereza no kurinda abandi kugwa mu mutego nk’uwo avuga ko yaguyemo. Wowe ibi bintu #UbyumvaUte

145,823 views