Kamran Khan
@AajKamranKhan • 5,414,955 subscribers
Kamran Khan | Chairman @ ARY News & Nukta | 42 years in Print & TV Journalism | National Press Club Washington Freedom of Press Award winner
Shorts
Videos
نجانے پنجاب کے عام شہریوں کو پتا ہے کہ نہیں کہ انکی وزیر اعلی مریم نواز نے انکے پنجاب حکومت کے خزانے سے تقریباً گیارہ ارب روپے کا انتہائی پر تعیش گلف اسٹریم جہاز اپنے سرکاری اور نجی استعمال کے لئے خریدا اور گزشتہ ہفتے وزیراعلیٰ مریم نواز نے لندن میں اپنی صاحبزادی کی گریجیوشن میں اپنے اہل خانہ کے ساتھ اسی جہاز سفر کیا اس پس منظر میں اب ملک بھر میں پڑھے لکھے لوگ سوالات کی بوچھاڑ کرہے ہیں۔ یہ جہاز کس طریقۂ کار سے خریدا گیا؟ اصل قیمت کیا تھی؟ اگر یہ ایئر پنجاب کے لیے تھا تو پھر وی آئی پی استعمال کیوں ہوا؟ اگر مریم نواز نے نجی سفر کے اخراجات اپنی جیب سے ادا کیے تو کتنی رقم ادا کی، کس حساب سے، اور رسید کہاں ہے؟یہ معاملہ صرف ایک مہنگے جہاز کا نہیں، بلکہ سرکاری اختیار، عوامی پیسے اور احتساب کا ہے۔ اسی رقم سے پنجاب میں بنیادی صحت، ڈائلیسس، اسکول میل پروگرام اور دوسرے عوامی منصوبوں کو بڑے پیمانے پر وسعت دی جا سکتی تھی۔ مزید یہ کہ گلف اسٹریم کا سالانہ آپریٹنگ خرچ بھی کم از کم 80 کروڑ روپے میں جا سکتا ہے۔اس بڑی تحقیقاتی کہانی کی مکمل تفصیل، ثبوت اور جواب طلب سوالات کے لیے OMR کا یوٹیوب لنک کلک کریں اور پورا پروگرام ضرور دیکھیں۔
Kamran Khan301,711 Aufrufe • vor 11 Tagen
مئی 2025 بھارت کے لئے تباہی کا سامان لایا پاکستان سے جنگ شروع کی تو پہلے چند گھنٹوں میں ہی 8 طیارے زمین بوس ہو گئیے اور معرکے سے دو ہفتے قبل پاکستان کے ایک فیصلے نے بھارتی کمرشل ایوی ایشن یعنی بھارتی ائیر لائینز انڈسٹری کی مالی کمر توڑ دی اور پھر مہنگے جیٹ فیول نے اس نقصان کو کئی گنا بڑھا دیا۔اپریل 2025 میں پاکستان نے بھارتی ایئرلائنز کے لیے اپنی فضائی حدود بند کیں، جس کے بعد یورپ اور امریکا جانے والی کئی پروازوں کو لمبا راستہ اختیار کرنا پڑا۔ ایئر انڈیا نے اکیلے اس اضافی بوجھ کا تخمینہ تقریباً 5 ہزار کروڑ بھارتی روپے سالانہ لگایا۔ پھر فروری 2026 کی امریکہ ایران جنگ نے جیٹ فیول کی قیمتیں آسمان پر پہنچا دیں۔ مارچ میں تقریباً 60 روپے فی لیٹر جیٹ فیول مئی تک 142 روپے فی لیٹر کے قریب پہنچ گیا۔ ڈبل لمبا سفر ڈبل جیٹ فیول قیمتیں بھارتی ایوی ایشن کا بیڑا غرق ہوگیا Indigo کے فیول اخراجات تقریباً 86 فیصد بڑھ گئے ، جبکہ پوری بھارتی ایوی ایشن انڈسٹری کے سالانہ خسارے کا تخمینہ اب 36 سے 38 ہزار کروڑ روپے تک پہنچ چکا ہے۔جب کہ تمام ڈائریکٹ ان ڈائریکٹ خسارہ ملایا جا ئے تو نقصان پچاس ہزار کروڑ رپوں یعنی پانچ بلین ڈالر کا ہوچکا ہے اور آج بھی جاری ہے مکمل کہانی، تمام اعداد و شمار اور اصل مالی اثرات جاننے کے لیے OMR کے یوٹیوب لنک پر کلک کریں اور یہ انتہائی معلوماتی اور چونکا دینے والا شو ضرور دیکھیں۔
Kamran Khan46,870 Aufrufe • vor 5 Tagen
27 ستمبر کو اسلام آباد ایک بار پھر سیاسی میدانِ جنگ بن سکتا ہے۔ ایک طرف پی ٹی آئی نے عمران خان کی رہائی اور آئین کی بالادستی کے نام پر لانگ مارچ کا اعلان کردیا ہے، دوسری طرف حکومت نے کنٹینرز، ہزاروں پولیس اہلکار، گرفتاریوں اور غیر معمولی سکیورٹی انتظامات کے ذریعے دارالحکومت کو تقریباً سیل کرنا شروع کردیا ہے۔پی ٹی آئی کا کہنا ہے کہ اس کے تقریباً 1500 کارکن گرفتار ہوچکے ہیں جبکہ عمران خان کی تینوں بہنوں کو بھی 30 دن کے لیے حراست میں لیا گیا ہے۔ اٹک پل سمیت اہم راستوں پر دو ہزار سے زائد کنٹینرز لگائے جاچکے ہیں اور ہزاروں اضافی پولیس اہلکار اسلام آباد پہنچ رہے ہیں۔ افسوسناک حقیقت ہے کہ یہ ناممکن ہے کہ 27 ستمبر کو پی ٹی آئی احتجاج سیاسی طاقت کا پرامن مظاہرہ رہے کیونکہ اب تک کہ حکومتی اقدامات ایک نئے تصادم کی جانب بڑھتے نظر آرہے ہیں آج آن مائی ریڈار میں سینئر تجزیہ کار مجیب الرحمان شامی اور فہد حسین اس انتہائی نازک صورتحال کا گہرا تجزیہ کریں گے۔ مکمل شو دیکھنے کے لیے OMR یوٹیوب لنک پر کلک کریں
Kamran Khan35,312 Aufrufe • vor 4 Tagen
پاکستان میں دہشت گردی کی موجودہ بدترین لہر اب صرف جانوں کا مسئلہ نہیں رہی، یہ ملک کے معاشی مستقبل کو بھی نگل رہی ہے۔ صرف 2026 کے پہلے آٹھ ماہ میں دہشت گردی اور انسدادِ دہشت گردی کارروائیوں سے منسلک ہلاکتیں تقریباً 3,150 تک پہنچ چکی ہیں، جبکہ فارن ڈائریکٹ انویسٹمنٹ ایک سال میں تقریباً 34 فیصد کم ہوکر صرف 1.64 ارب ڈالر رہ گئی۔سب سے سنگین صورتحال خیبر پختونخوا اور بلوچستان میں ہے، جہاں سکیورٹی بحران نے پاکستان کے بڑے معاشی منصوبوں کو بھی متاثر کرنا شروع کردیا ہے۔ تقریباً 9 ارب ڈالر کا ریکوڈک منصوبہ سکیورٹی خدشات کے باعث دباؤ میں ہے، جبکہ سیندک اور دیگر مائننگ سرگرمیوں کو بھی مشکلات کا سامنا ہے۔زمین کے نیچے اربوں ڈالر کی دولت موجود ہے، مگر زمین کے اوپر امن نہ ہو تو سرمایہ کاری نہیں آتی۔ آج آن مائی ریڈار میں دیکھیں کہ دہشت گردی کیسے پاکستان کے لیے ایک نیا معاشی بحران بن چکی ہے۔ مکمل شو دیکھنے کے لیے OMR یوٹیوب لنک پر کلک کریں۔
Kamran Khan32,192 Aufrufe • vor 4 Tagen
شاید فیصلہ یہ ہوا ہے کہ عمران خان کو فی الحال وہ کوئی مراعات نہیں ملنی چاہئیں جو سپریم کورٹ کے اس معاملہ پر فیصلے میں سپریم احکامات میں جاری ہوئی تھیں مگر اس سے پہلے کہ ان پر عمل پتا خان صاحب کو دوبارہ اڈیالہ جیل کی قید تنہائی میں دھکیل دیا گیا تھا آج عمران خان کی شفاء اسپتال منتقلی کا معاملہ شدید غیر یقینی صورت حال کا شکار ہوگیا اور یہ کیس آج اچانک سپریم کورٹ سے نکل کر وفاقی آئینی عدالت کے دروازے پر پہنچ گیا ہے اور یہ پیش رفت اُس وقت ہوئی جب سپریم کورٹ میں کیس کی سماعت صرف ایک دن بعد، 16 ستمبر کو طے تھی۔وفاقی آئینی عدالت نے عمران خان کی نجی اسپتال منتقلی سے متعلق سپریم کورٹ کا مکمل ریکارڈ طلب کر لیا ہے، جس میں توہینِ عدالت کی درخواست اور حکومت کی نظرثانی اپیل بھی شامل ہیں۔ چیف جسٹس امین الدین کی سربراہی میں تین رکنی بینچ نے سپریم کورٹ کے 18 اگست کے حکم پر بھی سوال اٹھائے ہیں۔ عدالت میں یہ نکتہ سامنے آیا کہ جیل رولز کے تحت قیدی کو سرکاری اسپتال منتقل کیا جا سکتا ہے تو عمران خان کے لیے نجی اسپتال کا حکم کیوں دیا گیا؟اب سب سے بڑا سوال یہ ہے کہ 16 ستمبر کو سپریم کورٹ میں طے شدہ سماعت ہوگی بھی یا نہیں؟آئینی و قانونی ماہر بیرسٹر اسد رحیم سے اس اہم عدالتی موڑ کی مکمل تشریح سننے کے لیے OMR یوٹیوب لنک پر کلک کریں اور پورا پروگرام دیکھیں۔
Kamran Khan91,532 Aufrufe • vor 11 Tagen
مشرقِ وسطیٰ میں جنگ اور امن کی کشمکش ایک ایسے خوفناک موڑ پر پہنچ گی ہے جہاں اگلا قدم ایک نئی تباہ کن جنگ ہوسکتا ہے گوکہ چھوٹی سی امید اب بھی زندہ ہے کہ کوئی مذاکراتی حلُڈھونڈھ لیا جائے ہے مگر حالات بہت تشویشناک ہیں صدر ٹرمپ ایران کو ایک بار پھر بڑی فوجی کارروائی کی دھمکی دے رہے ہیں، تہران نے اپنی فورسز کو ہائی الرٹ کردیا ہے، مگر اسی وقت پاکستان اور قطر کے ذریعے امریکہ کو جنگ بندی اور مذاکرات کی نئی شرائط بھی پہنچا دی گئی ہیں۔دوسری طرف حوثی میزائل اور ڈرون اب ریاض تک پہنچ رہے ہیں، جبکہ سعودی درخواست کے باوجود امریکہ نے آخری لمحے پر حوثیوں کے خلاف حملے روک دیے۔ اس فیصلے نے سعودی عرب اور امریکہ کے تاریخی سیکیورٹی تعلقات پر بڑے سوالات کھڑے کردیے ہیں۔ آج آن مائی ریڈار میں پاکستان کی انتہائی تجربہ کار سابق سفیر ڈاکٹر ملیحہ لودھی، جو امریکہ، برطانیہ اور اقوام متحدہ میں پاکستان کی نمائندگی کرچکی ہیں، اور دفاعی امور کے سینئر تجزیہ کار ایئر وائس مارشل ریٹائرڈ شہزاد چوہدری اس پورے بحران کی تہہ تک جائیں گے۔OMR کا یوٹیوب لنک کلک کریں اور آج کا انتہائی معلوماتی اور چونکا دینے والا پروگرام ضرور دیکھیے۔
Kamran Khan35,255 Aufrufe • vor 5 Tagen
پاکستان کی معیشت ایک EV gamble کھیل رہی ہے۔ ایک طرف حکومت اربوں ڈالر کا تیل بچانا چاہتی ہے، دوسری طرف مکمل تیار الیکٹرک گاڑیاں، بیٹریاں اور پرزے درآمد کرکے قیمتی زرمبادلہ باہر بھیج رہی ہے۔ سوال یہ ہے: پیٹرول بچے گا، مگر کیا ڈالر بھی بچیں گے؟پاکستان کا سالانہ پیٹرولیم امپورٹ بل تقریباً 16.9 ارب ڈالر ہے، اس لیے EV پالیسی کے بڑے فائدے موجود ہیں۔ مگر اس فائدے کی قیمت بھی ہے۔ بیشتر نئے EV ماڈلز ابھی پاکستانی سڑکوں، شدید گرمی، بارش، بیٹری لائف، ری سیل ویلیو اور آفٹر سیلز سروس کے حقیقی امتحان سے نہیں گزرے۔سب سے بڑا سوال ٹیکس رعایتوں کا ہے۔ اگر اربوں روپے کی چھوٹ مہنگی گاڑیوں کے خریداروں کو ملے اور عام پاکستانی بدستور مہنگا پیٹرول خریدے تو یہ کیسا سبز انقلاب ہے؟اصل انقلاب تب ہوگا جب الیکٹرک بس، موٹر سائیکل اور رکشہ عام آدمی کی سواری بنیں۔ OMR کا یوٹیوب لنک کلک کریں اور آج کے پورے شو سے محظوظ ہوں
Kamran Khan91,695 Aufrufe • vor 15 Tagen
یقین سے کہا نہیں جاسکتا کہ عمران خان کی شفاء اسپتال منتقلی کا معاملہ آج سپریم کورٹ کے ہی راستے ختم ہوگیا یا نہیں بہت کنفیوژن ہے ایک تاثر یہ بھی ابھررہا کہ اب یہ معاملہ پاکستان کی دو اعلیٰ عدالتوں یعنی سپریم کورٹ اور 27 ترمیم کی پیدا کردہ وفاقی آئینی عدالت کے درمیان اختیارات کی ایک بڑی آئینی جنگ بنتا جا رہا ہے؟ گو کہ سپریم کورٹ نے آج کی سماعت کے حوصلے سے اپنے آرڈر میں ایسا کچھ نہیں لکھا مگر سپریم کورٹ نے آج ریمارکس میں اسرار کیا کہ عمران خان کو اڈیالہ جیل سے شفاء انٹرنیشنل اسپتال منتقل کرنے کا 18 اگست کا حکم اب بھی قائم ہے، اور اس پر عملدرآمد نہ ہونے کا سوال بھی زندہ ہے۔ ساتھ ہی عدالت نے وفاقی آئینی عدالت کی جانب سے زیرِ سماعت مقدمے کا ریکارڈ طلب کرنے پر اہم سوال اٹھایا کہ کیا آئینی عدالت کو سپریم کورٹ سے ایسا ریکارڈ منگوانے کا اختیار حاصل ہے؟اٹارنی جنرل نے اس معاملے کو اپنی نوعیت کا پہلا آئینی مسئلہ قرار دیتے ہوئے عدالت سے مہلت مانگی، جس پر سماعت تین ہفتے کے لیے ملتوی کردی گئی۔آج کے عمر اِن اے نیو پرسپیکٹو میں پاکستان کے آئینی اور قانونی امور کے ماہر وکیل فیصل صدیقی ایڈووکیٹ نے عمران خان کی جیل سے اسپتال منتقلی کے امکانات، اس معاملے کے قانونی پہلوؤں اور دونوں اعلیٰ عدالتوں کے اختیارات کے درمیان پیدا ہونے والی آئینی کشمکش پر نہایت بصیرت افروز اور معلوماتی گفتگو کی۔اب سوال صرف عمران خان کے علاج کا نہیں، بلکہ یہ بھی ہے کہ دونوں اعلیٰ عدالتوں کے اختیارات کی حد کہاں ختم اور کہاں شروع ہوتی ہے۔اس اہم قانونی اور آئینی معاملے کی مکمل تفصیل کے لیے OMR YouTube لنک پر کلک کریں۔
Kamran Khan60,196 Aufrufe • vor 10 Tagen
پاکستان کی معیشت میں ایک بڑی تبدیلی خاموشی سے ہو رہی ہے۔ برسوں تک پاکستان کو مشکل وقت میں دوست ممالک کے دروازے کھٹکھٹانا پڑتے تھے، مگر اب حکومت عالمی مالیاتی منڈیوں کو دوبارہ اپنی قرض حکمتِ عملی کا اہم حصہ بنا رہی ہے۔حالیہ 3 ارب ڈالر کے یورو بانڈز کے مقابلے میں تقریباً 6 ارب ڈالر کی پیشکشیں آنا اس بات کا اشارہ ہے کہ عالمی سرمایہ کار پاکستان پر دوبارہ اعتماد دکھا رہے ہیں۔ یہ قرض سستا نہیں، لیکن اس کی اصل اہمیت یہ ہے کہ پاکستان ایک یا دو دوست ملکوں کے رول اوورز اور ہنگامی مدد پر انحصار کم کرکے زیادہ متنوع اور مارکیٹ پر مبنی فنانسنگ کی طرف بڑھ رہا ہے۔آج کے آن مائی ریڈار میں وفاقی وزیر خزانہ و محصولات محمد اورنگزیب بتائیں گے کہ یہ تبدیلی کتنی پائیدار ہے، پاکستان کی کریڈٹ ریٹنگ مزید کیسے بہتر ہوگی، قرض کا بوجھ کیسے کم ہوگا اور کیا عالمی سرمایہ کاروں کا یہ نیا اعتماد واقعی پاکستان کی معاشی خودمختاری مضبوط کرسکتا ہے۔مکمل گفتگو دیکھنے کے لیے آج کے آن مائی ریڈار کا یوٹیوب لنک ضرور کلک کریں
Kamran Khan115,305 Aufrufe • vor 19 Tagen
شہباز شریف حکومت ایک بار پھر عوام سے قربانی مانگ رہی ہے مگر اپنے سیکڑوں اربوں روپے کے ضائع ہوتے اخراجات جاری رکھتی ہے پٹرول 390 روپے فی لیٹر سے اوپر، ڈیزل 424 روپے سے تجاوز کرچکا تو وزیر اعظم صاحب کا ناقابل سمجھ حکم آگیا کہ بازار جلد بند کر دئیے جائیں ، پورے پاکستان میں شادیوں میں ون ڈش پیش کی جائے مگر حکومت پاکستان کے سرکاری ادارے سالانہ سینکڑوں ارب روپے کا خسارہ کر تے رہے ہ اور انہیں دو ہزار ارب روپے سے زائد حکومتی سپورٹ ملتی رہے۔ دوسری طرف اربوں روپے کے شاہانہ سرکاری اخراجات بھی جاری ہیں۔آج On My Radar میں کراچی چیمبر کے صدر ریحان حنیف اور خاڈی کے چیف ایگزیکٹو شمون سلطان کے ساتھ انتہائی معلوماتی اور زوردار گفتگو میں حکومت کی اس پالیسی پر اہم سوالات اٹھائے گئے۔مکمل گفتگو کے لیے OMR کا یوٹیوب لنک ضرور کلک کریں۔
Kamran Khan45,353 Aufrufe • vor 8 Tagen
امریکہ ایران جنگ انتہائی خطرناک مرحلے میں داخل ہو چکی ہے۔ ایک طرف آبنائے ہرمز ایران اور امریکہ کے فوجی دباؤ میں ہے، دوسری طرف حوثی باب المندب کے قریب اپنی پوزیشن مضبوط کر رہے ہیں۔ یعنی دنیا کے دو بڑے تیل کے راستے بیک وقت خطرے میں ہیں، اور سعودی عرب کے لیے صورتحال خاص طور پر تشویشناک بنتی جا رہی ہے۔حوثیوں کے سعودی شہروں پر میزائل اور ڈرون حملے، سعودی جوابی کارروائیاں، اور بحیرہ احمر میں بڑھتا خطرہ اس جنگ کو ایک نئے سعودی محاذ میں بدل رہا ہے۔ اسی کشیدگی کے دوران برینٹ خام تیل 110 ڈالر فی بیرل کے قریب پہنچ چکا ہے، جس سے عالمی مہنگائی اور معیشت کے لیے نئے خطرات پیدا ہو رہے ہیں۔آج On My Radar میں میرے ساتھ ایئر وائس مارشل شہزاد چوہدری ہوں گے۔ ہم یہ بھی دیکھیں گے کہ کیا مکہ دفاعی معاہدہ اب ایک حقیقی امتحان کے قریب پہنچ چکا ہے۔آج کے مکمل پروگرام کے لیے OMR کے یوٹیوب لنک پر کلک کیجیے
Kamran Khan79,569 Aufrufe • vor 15 Tagen
اگر آپ کو بچشم خود ایک عالمی قوت کا غرور خاک میں ملتے دیکھنا ہے تو آج کا امریکہ دیکھ لیں ایران جنگ کے تیجے میں صرف چھ مہینوں میں ایران جنگ امریکہ کے لئیے ایک فوجی معاشی ڈراؤنا خواب بن گیا سیکڑوں ارب ڈالر عالمی بھرم سب ڈوب گیا یہی نہیں عرب ریاستوں میں امریکی اڈے شدید تباہی کا شکار ہوچکے ہیں اور اس رسوائی کا بل سیدھا امریکہ کے خزانے، اسلحہ خانے اور عام شہری کی جیب تک پہنچ رہا ہے ہے۔ تازہ امریکی اعداد کے مطابق یکم اگست تک پینٹاگون کا براہِ راست جنگی خرچ تقریباً 38 ارب ڈالر ہو چکا تھا، جبکہ تباہ اڈوں، استعمال شدہ میزائلوں اور دیگر نقصانات کی مکمل قیمت ابھی اس میں شامل نہیں۔ امریکہ نے اربوں ڈالر کے دفاعی میزائل اور گولہ بارود کے پورے زخیرے پھانک دئیے ، اہم میزائل ذخائر کو دوبارہ مکمل کرنے میں کئی سال لگ سکتے ہیں۔ ایک عام امریکی شہری جنگ کے باعث بہت پریشان ہے تیل اور توانائی مہنگی ہوئی، جس کا اثر ٹرانسپورٹ اور مہنگائی پر پڑ رہا ہے۔ OMRآج کا مکمل شو دیکھنے کے لیے یوٹیوب لنک کلک کریں اور پوری کہانی انجوائے کریں۔
Kamran Khan43,483 Aufrufe • vor 9 Tagen
آپ کو سن خوشگوار حیرت ہوگی کہ عین ممکن ہے کہ پاکستان کی اگلی بڑی ایکسپورٹ شاید ہتھیار گولہ بارود اور جدید weapon system ہوں! آج پاکستان اپنی دفاعی تاریخ کے ایک نئے دور میں داخل ہوتا دکھائی دے رہا ہے۔ امریکہ، اسرائیل اور ایران جنگ کے بعد خلیجی ممالک اپنی دفاعی صلاحیت تیزی سے بڑھا رہے ہیں، اور یہی پاکستان کیلئے اربوں ڈالر کی مارکیٹ بن رہی ہے۔ہفتہ کو فیلڈ مارشل عاصم منیر کے پاکستان آرڈیننس فیکٹری واہ کے اہم دورے میں دو نئے پروڈکشن پلانٹس، جدید ٹیکنالوجی اور ڈیفنس ایکسپورٹس بڑھانے پر خصوصی بریفنگ دی گئی۔ پاکستان کم از کم 13 ممالک سے دفاعی ڈیلز پر مذاکرات کررہا ہے جبکہ کئی بات چیت ایڈوانس اسٹیج میں ہے۔اسی دوران پاکستان، سعودی عرب اور ترکی نئی دفاعی شراکت داری کو آگے بڑھا رہے ہیں۔ سعودی سرمایہ، ترک ٹیکنالوجی اور پاکستانی دفاعی صنعت مل کر ایک طاقتور نیا بلاک بنا سکتے ہیں۔کیا پاکستان کی اگلی بڑی ڈالر کمائی دفاعی ایکسپورٹس سے ہوگی؟ مکمل تجزیے کیلئے آج کے OMR کا YouTube لنک ضرور کلک کریں
Kamran Khan126,532 Aufrufe • vor 26 Tagen
کل آدھی رات سے آج صبح فجر کے وقت تک پاکستان کی سیاست اور سپریم کورٹ کے فیصلوں پر عملدرآمد کا تاریخی امتحان ہوا عمران خان کو سپریم کورٹ کے حکم پر اڈیالہ جیل سے شفاء انٹرنیشنل منتقل ہونا تھا، لیکن رات گئے پولیس کے دستے انہیں اسلام آباد میں پمز ہسپتال لے کر پہنچ گئے چند گھنٹے گزرے اور فجر سے پہلے عمران خان دوبارہ اڈیالہ جیل واپس پہنچا دئے گئے ۔ ادھر شفاء ہسپتال کے اندر اور باہر ڈاکٹر، ذاتی معالج ڈاکٹر فیصل سلطان اور کارکن رات بھر خان صاحب کاانتظار کرتے رہے۔حکومت کا مؤقف خوب ہی تھا وزیر اطلاعات عطا تارڑ نے ایک ایکس پوسٹ داغ دی کہ سیکیورٹی خدشات کے باعث مقام تبدیل کیا گیا اور عمران خان طبی طور پر صحت مند پائے گئے۔ تحریک انصاف اسے عدالتی حکم کی کھلی توہین قرار دے رہی ہے۔ سب سے بڑا سوال اب یہ ہے کہ سپریم کورٹ عمران خان کے اس غیر معمولی اڈیالہ سے پمز اور پھر اڈیالہ واپسی کو کس نظر سے دیکھے گی؟آج کے خصوصی On My Radar میں اس ڈرامائی رات کی پوری اندرونی کہانی سنا رہے ہیں اسد قیصر شاہد خاقان عباسی اور بیر سٹر اسد رحیم مکمل ایپی سوڈ دیکھنے کیلئے OMR YouTube لنک پر کلک کریں۔
Kamran Khan173,321 Aufrufe • vor 1 Monat
اب یہ صرف عمران خان کی شفا اسپتال منتقلی کا معاملہ نہیں، یہ سوال اب براہِ راست حکومت اور سپریم کورٹ کے حکم کے درمیان کھڑا ہے۔پاکستان کے چوٹی کے قانون دانوں اور آئینی ماہرین کی بڑی تعداد اس نکتے پر متفق دکھائی دیتی ہے کہ سپریم کورٹ نے عمران خان کو علاج کے لیے شفاء انٹرنیشنل اسپتال منتقل کرنے کا واضح حکم دیا تھا۔ مگر حکومت نے انہیں شفاء منتقل کرنے کے بجائے پمز اسپتال پہنچایا اور پھر واپس اڈیالہ جیل بھیج کر سپریم کورٹ کے لئے کوئی راستہ نہیں چھوڑا کہ وہ اپنے احکامات پر من وعن عمل کروائے اسی لئے وزیر اعظم شہباز شریف کو کلیدی قانونی ماہرین مشورہ دے رہے ہیں کہ عمران خان کو 16 ستمبر سے پہلے ہی شفا منتقل کردیا جائے کیونکہ یہ معاملہ اب صرف سیاسی نہیں رہا، بلکہ عدالتی حکم کی عملداری اور ریاستی اداروں کی آئینی حدود کا امتحان بن چکا ہے۔تمام نظریں اب 16 ستمبر پر ہیں، جب سپریم کورٹ دوبارہ اس کیس کو سنے گی۔ بڑا سوال یہی ہے: کیا عدالت اپنے حکم پر مکمل عملدرآمد کرائے گی، اور اگر حکم عدولی ثابت ہوئی تو ذمہ دار کون ہوگا؟
Kamran Khan116,296 Aufrufe • vor 26 Tagen
ہم سب پاکستانیوں کا انتہائی عزیز سعودی عرب سنگین قومی سلامتی بحران سے دوچار ہے۔ ایران جنگ، حوثیوں کے میزائل اور ڈرون حملے، تیل کی تنصیبات سمندری راستوں پر خطرات، اور اب مکہ کے قریب حوثی ڈرون کی اطلاع نے صورتحال کو انتہائی نازک بنا دیا ہے۔یہی نہیں سعودی تیل کی سپلائی دباؤ میں ہے، اہم آئل روٹس متاثر ہوئے ہیں، جبکہ امریکہ کی جانب سے براہِ راست فوجی مدد سے انکار نے دہائیوں پر محیط سعودی اعتماد کو بھی ہلا دیا ہے۔ گویا ایک منظم سازش اپنا رنگ دکھا رہی ہے۰ جی سی سی بھی ایک متحد فوجی جواب دینے میں ناکام رہا ہے، آج آن مائی ریڈار میں ہمارے مہمان ہیں ایئر مارشل ریٹائرڈ سعید محمد خان اور سید محمد علی، دونوں ملٹری اور جیوپولیٹیکل معاملات کے ممتاز ماہرین۔پورا تجزیہ اور اہم گفتگو دیکھنے کے لیے OMR کے یوٹیوب لنک پر کلک کریں اور آج کا مکمل پروگرام ضرور دیکھیں۔
Kamran Khan39,851 Aufrufe • vor 9 Tagen
اے آئی دنیا کے چوٹی کے ماہرین خطرے کے الارم بجا رہے ہیں Ai کی شکل میں دنیا اپنی تاریخ کی سب سے طاقتور ٹیکنالوجی بنا توچکی ہے اور آج بجلی کی رفتار اس کی مزید ترقی بھی جاری ہے مگر اس تیز رفتار Ai ترقی نے شدید تشویش کو جنم دیا ہے کہ کیا اب Ai وارث اور دنیا کی چوٹی کی ای آئی کمپنی اس ٹیکنالوجی کو اپنے قابو میں رکھ پائیں گے اب Aiکی رفتار اتنی تیز ہو چکی ہے کہ اسے بنانے والی بڑی کمپنیاں خود سیفٹی، سخت حفاظتی اقدامات اور بہتر ریگولیشن کا مطالبہ کر رہی ہیں۔ اگر ایسا نہیں تو یہی اے آئی دنیا میں قیامت بپا کردیں گی۰ اینتھروپک، اوپن اے آئی اور گوگل ڈیپ مائنڈ کے ماہرین خبردار کر رہے ہیں کہ آنے والے برسوں میں اے آئی خود فیصلے کرنے، سافٹ ویئر لکھنے، سائبر آپریشنز چلانے اور مختلف خودکار ایجنٹس کو کنٹرول کرنے کی صلاحیت حاصل کر چکی ہے۔دوسری طرف امریکہ اور چین کی ٹیکنالوجی ریس رفتار کم کرنے کی اجازت نہیں دیتی۔ یہی سب سے بڑا خطرناک مسئلہ ہے: بریک لگائیں تو پیچھے رہنے کا خوف، نہ لگائیں تو کنٹرول کھونے کا خدشہ۔آج ہمارے مہمان ہیں سسٹمز لمیٹڈ کے چیف ایگزیکٹو آفیسر آصف پیر، جو اس انتہائی اہم اور دھماکہ خیز موضوع پر ایک نہایت باخبر اور تجربہ کار گفتگو کریں گے اس زبردست موضوع پر مکمل OMR شو دیکھنے کے لئے اس OMG YouTube link کلک کیجئیے
Kamran Khan34,905 Aufrufe • vor 8 Tagen
آج پاکستان کے لیے ایک بڑا سنہری موقع بھی ہے اور ایک بڑا خطرہ بھی۔ مشرقِ وسطیٰ میں پاکستان کا وزن بڑھ رہا ہے، معیشت میں استحکام کے اشارے مل رہے ہیں، لیکن ملک کے اندر سیاسی کشیدگی، دہشت گردی اور گورننس کا بحران ابھی پوری شدت سے موجود ہے۔اب دیکھنا ہے پاکستان اس تاریخی موقع کو قومی طاقت میں بدل سکے گا، یا اندرونی تقسیم ایک اور موقع ضائع کر دے گی پاکستان کی ترقی کے سفر میں چار چاند لگ جائیں اگر عمران خان اور پی ٹی آئی کی قومی دھارے میں واپسی ہوجائے کامیابی سے گورننس اصلاحات، نئے انتظامی ڈھانچے کے تحت دیو ہیکل بادشاہی نظام والے صوبوں سے جان چھوٹ جائے اور قومی مفاہمت کی فضا قائم ہوجائے یہ سب اب پاکستان کے مستقبل کے مرکزی سوال بن چکے ہیں۔آج On My Radar میں میرے مہمان ہیں مشاہد حسین سید پاکستان کے ممتاز ترین اور تجربہ کار تجزیہ کار پورا تجزیہ اور مکمل گفتگو دیکھنے کے لیے OMR کا YouTube لنک ضرور کلک کریں
Kamran Khan48,391 Aufrufe • vor 12 Tagen
2:17
Sensitive content
This media may contain sensitive content.
پاکستان میں ٹیکس سمیٹنے کا سب سے بڑا نظام ایف بی آر نہیں بلکہ ملک بھر کے پٹرول چلا رہے ہیںاور کیوں نہ ہو جب ایک غریب ترین موٹر سائیکل سوار پاکستانی شہری بھی مجبور ہے جب وہ ایک لیٹر پٹرول بھی اپنی موٹر سائیکل میں ڈلواتا ہے تو اس کی 346 رپے لیٹر کی ادائیگی میں سے 108 رپے ڈائریکٹ ایف بی آر کے راستے حکومتی خزانے میں جمع ہوجاتے ہیں اس کا نام petroleum development لیوی ہے اور چند سال میں Petroleum Development Levy کی وصولی 128 ارب روپے سے بڑھ کر تقریباً 1,567 ارب روپے تک پہنچ چکی ہے۔ یہ بوجھ اس پاکستان میں پڑ رہا ہے جہاں فی کس آمدنی بھارت اور بنگلہ دیش سے کہیں کم ہے، مگر پٹرول اور ڈیزل کی قیمت عام شہری کے لیے کہیں زیادہ تکلیف دہ ہے۔آج On My Radar میں ہم اسی معاشی اور انسانی مسئلے کی تہہ تک جائیں گے۔ ہمارے ساتھ دو انتہائی باخبر مہمان، سابق وفاقی وزیر خزانہ و منصوبہ بندی اسد عمر اور سابق وفاقی سیکریٹری خزانہ و توانائی امور کے ماہر یونس ڈھاگا موجود ہوں گےکیا حکومت نے عام پاکستانی کی مجبوری کو revenue machine بنا دیا ہے مکمل بحث دیکھنے کے لیے On My Radar کا YouTube link ضرور click کریں۔
Kamran Khan90,954 Aufrufe • vor 23 Tagen
ڈھائی سال میں پہلی شہباز شریف حکومت کے گرد سیاسی گھیرا تیزی سے تنگ ہورہا ہے معاملہ صرف عمران خان یا سپریم کورٹ تک محدود نہیں رہا 18 اگست کے سپریم کورٹ فیصلے پر عدم عملدرآمد کے خلاف تحریک انصاف نے اعتراضات دور کرکے وزیراعظم اور اہم حکومتی شخصیات کے خلاف توہین عدالت کی درخواست دوبارہ جمع کرادی ہے۔ عمران خان کی بہن عظمیٰ خان نے جلد سماعت کی الگ درخواست بھی دائر کردی۔ قانونی ماہرین کے مطابق اگر عدالتی حکم پر اس کی روح کے مطابق عمل نہیں ہوا تو حکومت کیلئے سنگین قانونی مسئلہ پیدا ہوسکتا ہے۔دوسری طرف پیپلز پارٹی نے آزاد کشمیر انتخابات کے تنازع پر مسلم لیگ نون سے پارلیمانی تعاون روکنے کی دھمکی دے دی ہے، جبکہ مولانا فضل الرحمان بھی نئے اپوزیشن اتحاد کے ساتھ حکومت کے خلاف مشترکہ سیاسی جدوجہد میں شامل ہوگئے ہیں۔کیا شہباز حکومت اپنے دور کے سب سے بڑے سیاسی اور آئینی بحران میں داخل ہوچکی ہے؟ مکمل تفصیل کیلئے آج کے OMR کا YouTube لنک ضرور کلک کریں
Kamran Khan125,667 Aufrufe • vor 1 Monat