ahmedmeckya
@ahmedmeckya • 62,253 subscribers
كاتب عراقي ساخرٌ ومجنون
Shorts
Videos
عشر صفات لاتجدها في رئيس الوزراء المكلف علي الزيدي .. ١. لاتربطه صداقة بالسيد ابراهيم الصميدعي.. ٢. لم يشكر المرجعية الرشيدة ويعاهدها بالسير على نهجها .. ٣. لايوجد لديه معدوم ولم يقارع النظام السابق ولم يكن مطارداً من ( فلول البعث ) !.. ٤. لم يمارس العمل السياسي قبل تكليفه.. ٥. لم ، و ( لن ) يلتقي بالمرشد الاعلى علي خامنئي … ٦. لا ينتمي الى كتلة او حزب سياسي.. ٧. لم يتبوء اي منصب حكومي قبل تكليفه.. ٨. لن تهاجمه قناة دجلة والشرقية .. ٩. لم يحظى باعجاب احمد الملا طلال .. ١٠. لن تكون زيارته الاولى بعد تشكيل الكابينة الوزارية الى ايران …..
ahmedmeckya76,158 Aufrufe • vor 1 Monat
لحد الان : تم تدمير اربع قواعد امريكية بالكامل ومابقى الا قاعدة وحدة الولد أجلّوها لوره صلاة الظهر !!
ahmedmeckya265,264 Aufrufe • vor 1 Jahr
* تم قتل خامنئي ؟ لا * تم اسقاط النظام في ايران ؟ لا * تم قتل قادة الميليشيات العراقية؟ لا * تم القاء القبض على قادة الميليشيات في العراق واودعوا للسجن ؟ لا * تم استعادة الاموال المنهوبة ؟ لا * هل كانت القوة المهاجمة قوة هائلة ، ضاربة ، قاضية ، قاصمة ، ساحقة ، ماحقة ؟ لا ، فما زال النظام الايراني قائم ومازالت دولة ايران باقية .. * هل تم اسقاط النظام الحالي في العراق ؟ لا الدولة العراقية بخير ، ولايوجد لغاية 22 حزيران (( 2025 )) مايهدد وجودها او اسقاطها او تغيير النظام فيها ) .. * كم مضى على نهاية عام 2024 ؟ ستة اشهر و 22 يوم و23 ساعة .. * هل لديك اقوال اخرى ؟ كلا * تعيدها بعد ؟ لا والله التوبة ..
ahmedmeckya196,743 Aufrufe • vor 11 Monaten
من الروايات الطريفة اللي قريناها ببداية ظهور الفيسبوك رواية لرئيس دائرة المراسم برئاسة الجمهورية قبل ٢٠٠٣ يگول بيها : صدام حسين چان بكل مناسبة وطنية يسوي دعوى لثوار تموز واعضاء القيادة ويجمع وياهم الشخصيات السياسية وبعض الاعيان والفنانين ..الخ ، وبعد مايلتقي بيهم ويطمأن عليهم ويتجاذب وياهم بعض الحكايات والطرائف ويسأل عن احوالهم وصحتهم يمنحهم تكريم وحسب مامؤشر ازاء كل إسم منهم ، ويكون التكريم ياإما سيارة او مبلغ مالي او ساعة ثمينة او مسدس … وباحدى المناسبات ، وبعد ما كل الحاضرين استلموا مكافآتهم وگفتي صارت ( والحديث مازال لرئيس دائرة المراسم ) مباشرةً بجانب كل من الرئيس عبدالرحمن محمد عارف رئيس الجمهورية الأسبق والمطرب حاتم العراقي ، و بعض الحضور سألوا حاتم العراقي عن المكافأة اللي حصلها من السيد الريس فگللهم والله السيد الريس الله ينصره انطاني سيارة بيجو ، فألتفت عليه المرحوم عبدالرحمن وگله العفو استاذ منو حضرتك ؟ يگول هنا حاتم باوعله صفح وگله بطريقة بيها تعالي آني الفنان حاتم العراقي صاحب اغنية ( بايعناك ياصدام واحنه كلوب بالصندوگ خلينا ، وبايعناك مو هاليوم قبل سنين تدرينا ) فعبدالرحمن گله أنعم وأكرم تشرفنا ، رجع وراها حاتم سئل عبد الرحمن عارف وگله وانت شانطاك السيد الريس ؟ گله انطاني سيارة مارسيدس ١٩٠ ، فحاتم من سمع بالمارسيدس اندار عليه بكل جسمه وگله ليش العفو منو حضرتك ؟ يگول چان المرحوم عبدالرحمن يهمس بصوت ناصي وگله آني الدمبكچي مال المطربة صديقة الملاية!! اليوم وبعد ٣٠ سنة يرجع حاتم العراقي يبايع الرئيس الزيدي ويگله ( ضمائرنا الأجت للزيدي ماجابتنا رجلينا )!!! #احمد_مكية
ahmedmeckya13,773 Aufrufe • vor 17 Tagen
إيدينا على زبوبتنا وجاهزين للدفاع عن بلدنا بحال فكّر العدو يندگ بينا ..
ahmedmeckya182,291 Aufrufe • vor 1 Jahr
المالكي مو على اساس عراب السياسة ، و واحد عراق ، و الرقم الصعب ، والزعيم الأوحد ، و كلامه مايصير اثنين ، وعنده ١٩٧ مقعد ؟ أشو اليوم راح لاربيل حتى يلتقي البارزاني وياخذ الضوء الاخضر لتشكيل الحكومة !! واضح ان الرجل المالكي يحظى بتقدير واحترام عالي والدليل اللي استقبله بالمطار فؤاد حسين اللي چانوا يگولون عليه مدير مكتب مسعود !!!!!
ahmedmeckya109,845 Aufrufe • vor 6 Monaten
هاي أكو واحد اهله زوجوه گوة مو برضاته ، و لإنه مايعرف شنو يسوي بليلة الدخلة راح لأبوه وسأله عن الامور الواجبة بهاي الليلة ، فـ أبوه اختصر الموضوع وگله ابني تره الشغلة مايحتاجلها روحة للقاضي وانت بمجرد ماتباشر ويطلع الدم إستمر بدون توقف .. وبعد ماأصدقاء العريس زفوه وشبعوه بعابيص بذيچ الليلة طب لغرفته ، وأول ماطب للغرفة عثر بالسجادة ووگعته صارت على راسه بطارف الچرباية ، فـ لزم راسه وصاح أبوه وگله بويه طلع دم ، أبوه گله عفية وليدي إستمر ، فالعريس طاح للچرباية دگ كلات وخلى طفار الدم ماله والي !! الممثلة آلاء حسين العام برمضان طلعت بمسلسل تلفزيوني گطعت بي نياط گلوبنا من القهر والحزن ، وكلنا أشدنا بدورها المتميز وإجادتها العالية وحرفيتها وإتقانها وطلبنا منها الإستمرار بتمثيل هاي الشخصيات اللي تحاكي وضعنا ونابعة من لب مچتمعنا .. أشو هاي برمضان الحالي رجعت لنفس وكلان التبن مال العام الماضي وخلصت المسلسل دگ ولطم وصياح ونياح ، وبصراحة نخاف لانثني عليها ونگلها عفية تجي الموسم القادم تشگ ثوبها وتبقى بطرگ اللباس والستيان !!! #احمد_مكية
ahmedmeckya45,869 Aufrufe • vor 3 Monaten
هاي فد مرة صدام حسين زار منطقة بالثمانينات والتقى بأهلها ، فـ اكو واحد اربعيني لطشله وگله سيدي والله العظيم بسنة 1974 من چنت سيادتك نائب رئيس الجمهورية شفتك بالشارع وحچيت وياك وچنت بوقتها أملك سيارة موسكوفيچ ، وبمجرد ماخليت ايدك المباركة على چتفي صار عندي تلث بيـوت واربع صهاريج!! واحد ثاني ، بسنة 1989 التقى بالريس وگله والله ياسيدي احنه مالگينه شي نخلد اسمك بي غير انه تسمحلنا نجمع تبرعات من العراقيين بواقع دينار واحد حتى يصير المبلغ 18 مليون دينار ونسوي بي تمثال ذهب لسيادتك ونطلقه ويه صاروخ العابد حتى ذكرك يبقــى بالسماء والارض!! بسنة 2014 اكو عضو مجلس محافظة سوه كتاب رسمي لرئيس المجلس إشتكى بي من اصحاب سيارات بيع الغاز والاصوات المزعجة اللي يستخدموها ، واقترح على رئيس المجلس الزام سائقي هاي السيارات بوضع مكبرات صوت تبث اناشيد تتغنى ببطولات الحشد الشعبي!! وراها بكم سنة ، طلع شاب گدام المالكي يبچي وكل دمعة يذبها هالكبراتها ( والله اني عبالي امه مريضة ويريد يطلعها للهند ) شو هذا گله والعباس ابو فاضل صارلي اسبوع گلبي يفرفح على شوفتك واتمنى اخذ صورة وياك!! اليوم نعرضلكم لوگي ( ساز ، ليمتد ) گاعد يبرر لمحافظ الكوت اسباب تواجده بالمدينة المائية وگعدته وهو مخلي رجل على رجل و دَ يشوف الناس شلون تنشوي بهايبر ماركت الكوت!! بالنهاية احب اگول ، شريحتين اذا الله يخلصنا منهم احنه بنص الخير ( الگحاب واللوگية ) .. #احمد_مكية
ahmedmeckya103,225 Aufrufe • vor 11 Monaten
اياد علاوي .. السوداني الافضل لانه: * اولاً . ماعنده فساد مالي .. * ثانياً . ابن التجربة العراقية وماتلوث بافكار الغرب .. ثالثاً . من هو معاون ملاحظ الى ان صار رئيس وزراء بقى بالعراق .. رابعاً . استلم وزارات عراقية وصار رئيس وزراء و ماميز بين شيعي وسني وهذا يعني انه مو طائفي .. وآني راضي عليه ، وگلتلهم هذا احسن رئيس وزراء إجه للعراق …… #شارك_وانتخب_الافضل
ahmedmeckya73,385 Aufrufe • vor 7 Monaten
طبعاً هاي المظاهرة الحاشدة ( واللي تصير للمرة الثانية ) خلال اسبوعين بمحافظة بابل ماطلعت لان دعالها سماحة السيد القائد ، ولا طلعت لان سماحة السيد عمار منطي لكل متظاهر ٥٠ الف ونص دجاجة ، ولا طلعت لنصرة مختار العصر الحاج ابو اسراء المالكي فدوة اروح لاسمه .. ولا طلعت لانصار كتائب ثار_الله للتضامن مع نيجيريا ، ولا طلعت لحرق دمية ترامب الاحمق ورسم العلم الامريكي والسير عليه باقدام المتظاهرين .. ولا تم تنظيمها من قبل مجموعة من الخريجين وحملة الشهادات العليا والمهندسين وذوي المهن الصحية وخريجي العلوم السياسية .. ولا طلعت لمطالبة محمد ابن سلمان ببناء اضرحة لأئمة البقيع .. ولا طلعت تاييدا للجارة المسلمة والوقف معها والبذل في سبيلها بالغالي والنفيس .. ولا طلعت لاستقبال الغيمة الثجيلة ابو مازن او خميس الخنجر او محمد الحلبوسي .. ولا طلعت بسبب القطوعات المستمرة في التيار الكهربائي ، ولا طلعت بسبب قيام فصيل تابع لحزب متنفذ بتهجير بعض المواطنين من اراضيهم في منطقة الجادرية .. ولا طلعوا لتشييع شيخ البودحسة ، وشيخ عام البوموطة….. ذولي مواطنين مثلي ومثلك الله طيح حظهم على مدار ٢٢ سنة من قبل الاحزاب اللي حكمت المحافظة وليومنا هذا ماسوو جسر واحد بي خير إلى ان ظهر مواطن من محافظتهم اشتغل لاهلها ونفسه زهدت عن كل فلس حرام مايستحقه ، وحتى السلطة اللي الناس اتذابحت عليها اتنازل عنها ورفض الترشيح لمجلس النواب العراقي .. المواطن هذا اسمه ( امير المعموري ) ، وهاي الناس طلعت بدون شعور تطالب بتسليمه ملف المحافظة المنكوبة لانتشالها من الخراب والاهمال اللي صار بيها .. #احمد_مكية
ahmedmeckya49,382 Aufrufe • vor 5 Monaten
اللي مايعرف الشيخ ( المدرس ) اللي يتكلم عنه الشيخ فرحان الساعدي بهذا المقطع فـ هو اول من اخترع النيوترون الذي يؤدي إلى اختراق وتقسيم النوى لتوليد كمية هائلة من الطاقة انتهت الى اكتشاف ( الانشـــطار النووي ) وتطوير القنبلة الذرية .. اما الشيخ الذهبي الذي كتب آلاف الأطنان من الكتب والرسائل العملية فهو اول من قام بتفسير التنافر الكهروستاتيكي ، و أول من اكتشف الحث الكهرومغناطيسي ، وهو أول من لاحظ أن الأشعة فوق البنفسجية تجعل المعدن يفقد الشحنات بشكل أسرع من غيره واثبت بذلك ان الضوء يأتي في حزم منفصلة من الطاقة تُعرف بالفوتونات التي ادت إلى تطوير ميكانيكا الكم .. ارجعلي زميلي المخرج #احمد_مكية
ahmedmeckya71,168 Aufrufe • vor 11 Monaten
من يكون عشاك ( لبلبي ، وشوربة عدس ، وباگله ) توصل لهاي النتيجة ..
ahmedmeckya53,810 Aufrufe • vor 1 Jahr
رداً على تصريح الاحمق ترامب على تولي الحاج ابو اسراء الولاية الثالثة ..
ahmedmeckya21,146 Aufrufe • vor 4 Monaten
مساكين ذولي ،عبالهم اذا سوريا تحررت من الاسد يحكمهم محمد بن راشد او مهاتير محمد ويسوي بلدهم جنة مال الله مايدرون إنه وين ماكو واحد حافي و ملطلط و راكض ويَ خيل الحمزة راح يصير براسهم مجاهد و خط احمر و تاج راس ورمز وطني لايمكن المساس به ! يدبچ حيل الما شايفها.. #سوريا_الى_المجهول
ahmedmeckya58,957 Aufrufe • vor 1 Jahr
