ahmedmeckya's banner

ahmedmeckya

@ahmedmeckya • 63,841 subscribers

كاتب عراقي ساخرٌ ومجنون

Shorts

بسنة ٧٩ .. وبعد ايام من تولي صدام حسين السلطة نزل اعلان بجريدة الثورة من ديوان رئاسة الجمهورية يبين بي حاجتهم لارباب الحرف ، وذاكرين الحرفيين المطلوبين بالتفاصيل والاعداد ( سائق دراجة ، حدقچي ، بنچرچــــــي ، دوشمچــي ، وايرمن ، خياط ) … چان اكو ندّاف بمنطقتنا عنده نسخة من هاي الجريدة معلگها بالمحل مالته و أي واحد يوديله لحاف او دوشگ لمحله حتى يعيد ندافتهن يأشرله عالخبر اللي بالجريدة ويگعد يحچيله شلون راح لهاي المقابلة اللي بالقصر الجمهوري ، وشلون قبلوا تعيينه ورحبوا بي ، وشلون كل شغله چان ببيوت العوجة وتحديداً بعشيرة البناصر ( عشيرة صدام ) ، ولازم يختم حديثه بـ حلفان يكسر الظهر إنه ماچان بينه وبين صدام حسين غير بس البردة مع ان الكل چانوا يقــــرون ان الاعلان مابـــي طلب لأي نداف !!! وهسه عبدالرحمن الجزائري يكول ترامب رئيس الولايات المتحدة الامريكية يتابع تغريداتي!!!! #احمد_مكية

بسنة ٧٩ .. وبعد ايام من تولي صدام حسين السلطة نزل اعلان بجريدة الثورة من ديوان رئاسة الجمهورية يبين بي حاجتهم لارباب الحرف ، وذاكرين الحرفيين المطلوبين بالتفاصيل والاعداد ( سائق دراجة ، حدقچي ، بنچرچــــــي ، دوشمچــي ، وايرمن ، خياط ) … چان اكو ندّاف بمنطقتنا عنده نسخة من هاي الجريدة معلگها بالمحل مالته و أي واحد يوديله لحاف او دوشگ لمحله حتى يعيد ندافتهن يأشرله عالخبر اللي بالجريدة ويگعد يحچيله شلون راح لهاي المقابلة اللي بالقصر الجمهوري ، وشلون قبلوا تعيينه ورحبوا بي ، وشلون كل شغله چان ببيوت العوجة وتحديداً بعشيرة البناصر ( عشيرة صدام ) ، ولازم يختم حديثه بـ حلفان يكسر الظهر إنه ماچان بينه وبين صدام حسين غير بس البردة مع ان الكل چانوا يقــــرون ان الاعلان مابـــي طلب لأي نداف !!! وهسه عبدالرحمن الجزائري يكول ترامب رئيس الولايات المتحدة الامريكية يتابع تغريداتي!!!! #احمد_مكية

48,130 views

Videos

Anya Rossi

sweetdream.ai

SweetDream.ai•Sponsored•Livecam

Watch Anya Live

Anya is streaming live right now! Join her private show and enjoy exclusive content.

Exclusive private shows

1.2k viewers online

Private Show

Join now for exclusive access

Free preview available • Premium content

بنهاية الثمانينات ، سمعنا قصة لطالب عراقي مبتعث لاحدى الجامعات الاوربية يگول بيها انه اول ما باشر بالدوام بالكلية مالته ومن باب التعارف طلب الاستاذ المحاضر من كل طالب تعريف نفسه للحضور ، فكل طالب يجيه السره يگوم يوگف ويگول اسمه ومواليده واسم البلد الجاي منه .. ولما إجاني السره گمت وعرفت عن نفسي وكذلك الطلبة الباقين والاستاذ كان ينصت باهتمام بالغ لكلام الطلبة ، وبعد ماانتهوا من تعريف انفسهم رجع الاستاذ لميزه ورحب بالجميع واتمنالهم عام سعيد ومكلل بالنجاح وبعدها باوعلي وگال اريدكم على وجه الخصوص ترحبون بالطالب العراقي وأشر بيده عليَّ لان ذولي العراقيين بيوم من الايام يصبحون هم أسياد الارض !! فالطلبة اللي من اوربا وامريكا واليابان والمانيا گلوله استاذ الله يخليك العراقيين بيش الحگة ويصيرون اسياد الارض ؟ گللهم نعم و ثقوا بكلامي ان هذا هو اللي راح يصير بهاي الاربعين سنة القادمة ، گلوله زين شلون حسبتها ؟ گللهم لان بوقتها العالم كله راح يكون صاعد للمريخ وللقمر بس الجماعة راح يبقون هنا يراوحون بمكانهم !! اليوم وبعد ما قريت خبر ان ( لاول مرة الجامعات العراقية كلها شلع قلع طلعت من قائمة أفضل ١٠٠٠ جامعة بالعالم ضمن تصنيف شنغهاي الأكاديمـي العالمي لعام ٢٠٢٦ ) إتاكدت ان القصة اللي سمعناها بالثمانينات حقيقية وان الاستاذ الاجنبي ماجاب شي من جيبه وچان يعرف كلش زين بحجم الطهارة اللي راح نطمس بيها !! ارجعلي زميلي المخرج #احمد_مكية

بنهاية الثمانينات ، سمعنا قصة لطالب عراقي مبتعث لاحدى الجامعات الاوربية يگول بيها انه اول ما باشر بالدوام بالكلية مالته ومن باب التعارف طلب الاستاذ المحاضر من كل طالب تعريف نفسه للحضور ، فكل طالب يجيه السره يگوم يوگف ويگول اسمه ومواليده واسم البلد الجاي منه .. ولما إجاني السره گمت وعرفت عن نفسي وكذلك الطلبة الباقين والاستاذ كان ينصت باهتمام بالغ لكلام الطلبة ، وبعد ماانتهوا من تعريف انفسهم رجع الاستاذ لميزه ورحب بالجميع واتمنالهم عام سعيد ومكلل بالنجاح وبعدها باوعلي وگال اريدكم على وجه الخصوص ترحبون بالطالب العراقي وأشر بيده عليَّ لان ذولي العراقيين بيوم من الايام يصبحون هم أسياد الارض !! فالطلبة اللي من اوربا وامريكا واليابان والمانيا گلوله استاذ الله يخليك العراقيين بيش الحگة ويصيرون اسياد الارض ؟ گللهم نعم و ثقوا بكلامي ان هذا هو اللي راح يصير بهاي الاربعين سنة القادمة ، گلوله زين شلون حسبتها ؟ گللهم لان بوقتها العالم كله راح يكون صاعد للمريخ وللقمر بس الجماعة راح يبقون هنا يراوحون بمكانهم !! اليوم وبعد ما قريت خبر ان ( لاول مرة الجامعات العراقية كلها شلع قلع طلعت من قائمة أفضل ١٠٠٠ جامعة بالعالم ضمن تصنيف شنغهاي الأكاديمـي العالمي لعام ٢٠٢٦ ) إتاكدت ان القصة اللي سمعناها بالثمانينات حقيقية وان الاستاذ الاجنبي ماجاب شي من جيبه وچان يعرف كلش زين بحجم الطهارة اللي راح نطمس بيها !! ارجعلي زميلي المخرج #احمد_مكية

47,596 views • 23 days ago

اكو قصة قريتها بالتواصل الاجتماعي ( ما اعرف صحيحة او لا ) تگول انه عبدالله التعياشـي حكم السودان سنة ١٨٨٥ م ونتيجة القوة اللي تمتعت الدولة بيها بفترة حكمه ، بيوم من الأيام دز رسالـة للملكة فيكتوريا ملكة بريطانيا كاتب بيها ( أسلمي تسلمي ، فـ إن أمنتي زوجناك الأمير يونس بن عبدالله ان رغب هو في ذلك ) .. فالملكة فكتوريا بعد ماقرت رسالة التعايشي گايله لوزيرها بلله مَتـجيبولي صورة الأمير يونس خلي أشوفه ( عبالها مثل الامير فيليب او الامير إدوارد ) ، فلما جابولها صورة الامير يونس صافنة عليها خمس دقايق و مطلعه جگارة ودازه على قائد الاسطول البحري وگايلتله تاخذ قواتك و تروح هسه للسودان تحتلها و تعت عبدالله التعايشي وابنه يونس من إذانهم وتجيبهم هنا يمي اريد أخلي الحمزة يبچـي عليهم ) !! هاي القصة اليوم اتذكرتها بعد ماشفت الفيديو المرفق … ملاحظة : صورة الامير يونس والملكة فكتوريا موجودة باول تعليق .. #احمد_مكية

اكو قصة قريتها بالتواصل الاجتماعي ( ما اعرف صحيحة او لا ) تگول انه عبدالله التعياشـي حكم السودان سنة ١٨٨٥ م ونتيجة القوة اللي تمتعت الدولة بيها بفترة حكمه ، بيوم من الأيام دز رسالـة للملكة فيكتوريا ملكة بريطانيا كاتب بيها ( أسلمي تسلمي ، فـ إن أمنتي زوجناك الأمير يونس بن عبدالله ان رغب هو في ذلك ) .. فالملكة فكتوريا بعد ماقرت رسالة التعايشي گايله لوزيرها بلله مَتـجيبولي صورة الأمير يونس خلي أشوفه ( عبالها مثل الامير فيليب او الامير إدوارد ) ، فلما جابولها صورة الامير يونس صافنة عليها خمس دقايق و مطلعه جگارة ودازه على قائد الاسطول البحري وگايلتله تاخذ قواتك و تروح هسه للسودان تحتلها و تعت عبدالله التعايشي وابنه يونس من إذانهم وتجيبهم هنا يمي اريد أخلي الحمزة يبچـي عليهم ) !! هاي القصة اليوم اتذكرتها بعد ماشفت الفيديو المرفق … ملاحظة : صورة الامير يونس والملكة فكتوريا موجودة باول تعليق .. #احمد_مكية

47,923 views • 24 days ago

* بسنة من السنين إجت اخبارية للامن الوطني تگول إن محل گصابة ومشويات شهير جداً بمدينة الشعب يبيع لحوم مطايا وحصونة ، وعلى أثرها تم تشكيل فريق عمل ومداهمة المحل ومصادرة اللحوم الموجودة بي وارسالها للمختبر ، وبنفس الوقت مداهمة بيت أبو المحل والعثور على حصان واثنين مطايا مذبوحات ومصلوخات ومعلگات وجاهزات للثرم حتى تنباع على انها ( لحــوم عراقية ١٠٠٪ أمانة الله ورسوله )!! لكن بعد اعتقال صاحب المحل والتحقيق وياه تبين ان الاخبار كاذب وان صاحب المحل يذبـ ـح هاي المطايا والحصن حتى يبيعها لحديقة حيوانات متنزه الزوراء مو حتى يشحنها للمحل مالته ويبيعها للناس !! * ناجحة الشمري رئيسة مؤسسة الشهداء تم القاء القبض عليها بمنطقة الكرادة متلبسة بتقاضي رشوة شدة ونص ، وصعدت محكمة وانحكمت سبع سنين سجن ، لكن بعد فترة التمييز طلعها لان لگوا ان محكمة الجنايات اللي حكمتها ماانتبهت ان المؤسسة تقبل المنح والهدايا من المدنيين بموجب قانون المؤسسة ، وان السيدة ناجحة مااخذت الفلوس هايه حتى توديها لبيت أبوها انما اخذتها حتى تعين عوائل الشهداء اللي راحوا بسبب نظام ( الهـدام ) ، وتم الافراج عنها واخلاء سبيلها!!! * النائب احمد الأسدي واللي لگوا عشرات المليارات من الدنانير وكيلوات الذهب ببيت نسيبه ، وتم اتهامه بمختلف انواع التهم والشبهات ، وتالي متالي طلعت الاتهامات كلها باطلة وصادرة من ناس ماتخاف من الله والرجل راح برحلة علاج لاستراليا وكلها كم يوم ويرجع واي واحد حچى عليه او مس نزاهته بسوء الا يخلي القندرة بحلگه !! * حتى هذا الرجل المسكين وصاحب الوجه الطفولي صباح الكناني واللي كل العراقيين شافوا مقطع تقاضيه الرشوة ، و مداهمة بيته ، واعتقاله بالجرم المشهود ، وحبسه سنة كاملة بالسجن ، طلعت القصة مالته كلها چذب بچذب ، وكل اللي شفناه عبارة عن( فلم هندي ) من تدبير طليقته و أحد اقاربه والغرض منه ثنيه وابعاده عن محاربة الفساد و ( الفازدين ) .. الخلاصة اخواتي واخواني الاعزاء ، مو بالضرورة كلشي تشوفوه وتسمعوه يكون صحيح وحقيقي ١٠٠٪ ، ومو كل قصة فساد وسرقة ورشوة معناها النائب والمسؤول والسياسي يسويها حتى يستفاد منها انما قد يسويها ( قربةً لله تعالى ) حتى يثبتلكم حجم الخيسـة والطهارة اللي انتو عايشين بيها ، او قد يسويها حتى يبينلكم الآلية والطريقة اللي يتم سرقتكم ونهب اموالكم من خلالها .. بالتالي كلامكم الموزين عنهم راح يوديكم للنار خالدين فيها ابداً ، و يدخلهم الجنة مع الصديقين والشهداء والصالحين ، وحسن اولئك رفيقا !!! ارجعلي زميلي المخرج #احمد_مكية

* بسنة من السنين إجت اخبارية للامن الوطني تگول إن محل گصابة ومشويات شهير جداً بمدينة الشعب يبيع لحوم مطايا وحصونة ، وعلى أثرها تم تشكيل فريق عمل ومداهمة المحل ومصادرة اللحوم الموجودة بي وارسالها للمختبر ، وبنفس الوقت مداهمة بيت أبو المحل والعثور على حصان واثنين مطايا مذبوحات ومصلوخات ومعلگات وجاهزات للثرم حتى تنباع على انها ( لحــوم عراقية ١٠٠٪ أمانة الله ورسوله )!! لكن بعد اعتقال صاحب المحل والتحقيق وياه تبين ان الاخبار كاذب وان صاحب المحل يذبـ ـح هاي المطايا والحصن حتى يبيعها لحديقة حيوانات متنزه الزوراء مو حتى يشحنها للمحل مالته ويبيعها للناس !! * ناجحة الشمري رئيسة مؤسسة الشهداء تم القاء القبض عليها بمنطقة الكرادة متلبسة بتقاضي رشوة شدة ونص ، وصعدت محكمة وانحكمت سبع سنين سجن ، لكن بعد فترة التمييز طلعها لان لگوا ان محكمة الجنايات اللي حكمتها ماانتبهت ان المؤسسة تقبل المنح والهدايا من المدنيين بموجب قانون المؤسسة ، وان السيدة ناجحة مااخذت الفلوس هايه حتى توديها لبيت أبوها انما اخذتها حتى تعين عوائل الشهداء اللي راحوا بسبب نظام ( الهـدام ) ، وتم الافراج عنها واخلاء سبيلها!!! * النائب احمد الأسدي واللي لگوا عشرات المليارات من الدنانير وكيلوات الذهب ببيت نسيبه ، وتم اتهامه بمختلف انواع التهم والشبهات ، وتالي متالي طلعت الاتهامات كلها باطلة وصادرة من ناس ماتخاف من الله والرجل راح برحلة علاج لاستراليا وكلها كم يوم ويرجع واي واحد حچى عليه او مس نزاهته بسوء الا يخلي القندرة بحلگه !! * حتى هذا الرجل المسكين وصاحب الوجه الطفولي صباح الكناني واللي كل العراقيين شافوا مقطع تقاضيه الرشوة ، و مداهمة بيته ، واعتقاله بالجرم المشهود ، وحبسه سنة كاملة بالسجن ، طلعت القصة مالته كلها چذب بچذب ، وكل اللي شفناه عبارة عن( فلم هندي ) من تدبير طليقته و أحد اقاربه والغرض منه ثنيه وابعاده عن محاربة الفساد و ( الفازدين ) .. الخلاصة اخواتي واخواني الاعزاء ، مو بالضرورة كلشي تشوفوه وتسمعوه يكون صحيح وحقيقي ١٠٠٪ ، ومو كل قصة فساد وسرقة ورشوة معناها النائب والمسؤول والسياسي يسويها حتى يستفاد منها انما قد يسويها ( قربةً لله تعالى ) حتى يثبتلكم حجم الخيسـة والطهارة اللي انتو عايشين بيها ، او قد يسويها حتى يبينلكم الآلية والطريقة اللي يتم سرقتكم ونهب اموالكم من خلالها .. بالتالي كلامكم الموزين عنهم راح يوديكم للنار خالدين فيها ابداً ، و يدخلهم الجنة مع الصديقين والشهداء والصالحين ، وحسن اولئك رفيقا !!! ارجعلي زميلي المخرج #احمد_مكية

57,887 views • 1 month ago

سبحان الله صدگ ان بعض الظن إثم ، طلعت المليارات اللي لگوهن بـ بيت السيد احمد الاسدي فلوس مال فندق بايعه ، و لأن البيعة صارت يوم خميس على جمعة وماكو مصارف اضطر السيد الاسدي يخليهن بالسيارة مال نسيبه ويسافر لتلقي العلاج لان طبيبه الخاص گايله اذا ماتسوي العملية خلال ٢٤ ساعة مااضمن حياتك ، وماندري ياناقص بلغ النزاهة بالفلوس اللي بالسيارة واجوّي كبسوهن .. وآني متاكد تالي حتى الفلوس اللي لگوهن ببيت ست عالية يطلعن مال ناس مخليها يمها امانة ، والفلوس اللي ضبطوهن ببيت النائب زياد الجنابي مال بستان عالشط وارثه من ابوه وبايعه قبل اسبوع من تاريخ القاء القبض عليه ، اما النائب مثنى السامرائي فحسب كلام السيد حيدر الملا مالگو اي شي ببيته من كبسته النزاهة وكل الموجودات اللي تم ضبطهن اثناء عملية المداهمة كارتونين بيرة ( هينيگن ) و ٦ ابطالة ويسكي وتلث إگحاب جايبيهن حتى يحلن الگعدة !! هاي القصة من اولها وتاليها ، يعني لا اكو فساد ولا اكو تضخم ولا اكو اي تجاوز عالمال العام ، وكل مايثار بوسائل الاعلام الغاية منه التسقيط السياسي وتشويه سمعة الرموز الوطنية والشخصيات اللي نذرت حياتها لخدمة العراق والعراقيين .. ارجعلي زميلي المخرج .. #احمد_مكية

سبحان الله صدگ ان بعض الظن إثم ، طلعت المليارات اللي لگوهن بـ بيت السيد احمد الاسدي فلوس مال فندق بايعه ، و لأن البيعة صارت يوم خميس على جمعة وماكو مصارف اضطر السيد الاسدي يخليهن بالسيارة مال نسيبه ويسافر لتلقي العلاج لان طبيبه الخاص گايله اذا ماتسوي العملية خلال ٢٤ ساعة مااضمن حياتك ، وماندري ياناقص بلغ النزاهة بالفلوس اللي بالسيارة واجوّي كبسوهن .. وآني متاكد تالي حتى الفلوس اللي لگوهن ببيت ست عالية يطلعن مال ناس مخليها يمها امانة ، والفلوس اللي ضبطوهن ببيت النائب زياد الجنابي مال بستان عالشط وارثه من ابوه وبايعه قبل اسبوع من تاريخ القاء القبض عليه ، اما النائب مثنى السامرائي فحسب كلام السيد حيدر الملا مالگو اي شي ببيته من كبسته النزاهة وكل الموجودات اللي تم ضبطهن اثناء عملية المداهمة كارتونين بيرة ( هينيگن ) و ٦ ابطالة ويسكي وتلث إگحاب جايبيهن حتى يحلن الگعدة !! هاي القصة من اولها وتاليها ، يعني لا اكو فساد ولا اكو تضخم ولا اكو اي تجاوز عالمال العام ، وكل مايثار بوسائل الاعلام الغاية منه التسقيط السياسي وتشويه سمعة الرموز الوطنية والشخصيات اللي نذرت حياتها لخدمة العراق والعراقيين .. ارجعلي زميلي المخرج .. #احمد_مكية

67,322 views • 1 month ago

لما يتأخر العشـا لورة الساعة عشرة ، وتالي يجيبولك مرگة بانية !!

لما يتأخر العشـا لورة الساعة عشرة ، وتالي يجيبولك مرگة بانية !!

42,776 views • 1 month ago

لحد الان : تم تدمير اربع قواعد امريكية بالكامل ومابقى الا قاعدة وحدة الولد أجلّوها لوره صلاة الظهر !!

لحد الان : تم تدمير اربع قواعد امريكية بالكامل ومابقى الا قاعدة وحدة الولد أجلّوها لوره صلاة الظهر !!

265,406 views • 1 year ago

عشر صفات لاتجدها في رئيس الوزراء المكلف علي الزيدي .. ١. لاتربطه صداقة بالسيد ابراهيم الصميدعي.. ٢. لم يشكر المرجعية الرشيدة ويعاهدها بالسير على نهجها .. ٣. لايوجد لديه معدوم ولم يقارع النظام السابق ولم يكن مطارداً من ( فلول البعث ) !.. ٤. لم يمارس العمل السياسي قبل تكليفه.. ٥. لم ، و ( لن ) يلتقي بالمرشد الاعلى علي خامنئي … ٦. لا ينتمي الى كتلة او حزب سياسي.. ٧. لم يتبوء اي منصب حكومي قبل تكليفه.. ٨. لن تهاجمه قناة دجلة والشرقية .. ٩. لم يحظى باعجاب احمد الملا طلال .. ١٠. لن تكون زيارته الاولى بعد تشكيل الكابينة الوزارية الى ايران …..

عشر صفات لاتجدها في رئيس الوزراء المكلف علي الزيدي .. ١. لاتربطه صداقة بالسيد ابراهيم الصميدعي.. ٢. لم يشكر المرجعية الرشيدة ويعاهدها بالسير على نهجها .. ٣. لايوجد لديه معدوم ولم يقارع النظام السابق ولم يكن مطارداً من ( فلول البعث ) !.. ٤. لم يمارس العمل السياسي قبل تكليفه.. ٥. لم ، و ( لن ) يلتقي بالمرشد الاعلى علي خامنئي … ٦. لا ينتمي الى كتلة او حزب سياسي.. ٧. لم يتبوء اي منصب حكومي قبل تكليفه.. ٨. لن تهاجمه قناة دجلة والشرقية .. ٩. لم يحظى باعجاب احمد الملا طلال .. ١٠. لن تكون زيارته الاولى بعد تشكيل الكابينة الوزارية الى ايران …..

78,540 views • 4 months ago

* تم قتل خامنئي ؟ لا * تم اسقاط النظام في ايران ؟ لا * تم قتل قادة الميليشيات العراقية؟ لا * تم القاء القبض على قادة الميليشيات في العراق واودعوا للسجن ؟ لا * تم استعادة الاموال المنهوبة ؟ لا * هل كانت القوة المهاجمة قوة هائلة ، ضاربة ، قاضية ، قاصمة ، ساحقة ، ماحقة ؟ لا ، فما زال النظام الايراني قائم ومازالت دولة ايران باقية .. * هل تم اسقاط النظام الحالي في العراق ؟ لا الدولة العراقية بخير ، ولايوجد لغاية 22 حزيران (( 2025 )) مايهدد وجودها او اسقاطها او تغيير النظام فيها ) .. * كم مضى على نهاية عام 2024 ؟ ستة اشهر و 22 يوم و23 ساعة .. * هل لديك اقوال اخرى ؟ كلا * تعيدها بعد ؟ لا والله التوبة ..

* تم قتل خامنئي ؟ لا * تم اسقاط النظام في ايران ؟ لا * تم قتل قادة الميليشيات العراقية؟ لا * تم القاء القبض على قادة الميليشيات في العراق واودعوا للسجن ؟ لا * تم استعادة الاموال المنهوبة ؟ لا * هل كانت القوة المهاجمة قوة هائلة ، ضاربة ، قاضية ، قاصمة ، ساحقة ، ماحقة ؟ لا ، فما زال النظام الايراني قائم ومازالت دولة ايران باقية .. * هل تم اسقاط النظام الحالي في العراق ؟ لا الدولة العراقية بخير ، ولايوجد لغاية 22 حزيران (( 2025 )) مايهدد وجودها او اسقاطها او تغيير النظام فيها ) .. * كم مضى على نهاية عام 2024 ؟ ستة اشهر و 22 يوم و23 ساعة .. * هل لديك اقوال اخرى ؟ كلا * تعيدها بعد ؟ لا والله التوبة ..

197,034 views • 1 year ago

تعرفون ان هذا الكائن طول فترة التسعينات چان طافر لإيران و ماعاش الحصار الاقتصادي اللي فرضته امريكا علينه ، واللي ماعاش هاي الفترة ينطبق عليه المثل الشعبي ( يدبچ حيل الماشايفها ، والشايفها يشدله عمامة ) .. اي نعم ، ذولي اليحچولك بـ ( شني هي امريكا ، ومنو هي امريكا ، وآني لو گاعد يم ترامب الا اضربه راشدي ، وآني لو بدل الزيدي الا اسحله من رباطه ) ذولي ما عاشوا يوم واحد من ايام التسعينات ، الأيام اللي چان الموظف راتبه الشهري مايتجاوز العشرة الاف دينار وكيلو الطحين اللي يسوي ٥ گرص خبز بـ ( ١٢٠٠ ) دينار!!!!! وكيلو الشكر بالف وربع وهواي ناس گامو يخلون التمر بالچاي ويشربوه !! * و ذولي ماتريگوا بتيتة تگلاه لمدة عشر سنوات ، ولا سمعوا بمصطلح وحش الطاوة ، ولا إنحرموا من اختراع إسمه موز او تفاح لبناني .. * وذولي ماراحوا لخياط وبيدهم بطانية جيش حتى يفصلها قمصلة يلبسوها بالشته ، ولا راحوا لخياط حتى يگلبلهم البنطرون عالبطانة لان لونه جرد من كد الاستخدام وماعدهم فلوس يشترون بنطرون جديد ! * ذولي ماوكفوا سرة على دجاجة مجمدة اجتهم مكرمة سخية من لدن السيد الرئيس القائد صدام حسين ( حفظه الله ورعاه ) ، ولا وگفوا بباب وكيل المواد الغذائية اللي يوزعلهم مفردات البطاقة التموينية الشهرية ، ولا خيطوا نعولتهم اللاستيك بابرة وخيط ، ولا رگعوا احذيتهم بطرگات لاستيك جديدة بدل الطرگات القديمة .. * ذولي الصعاليك ماشربوا ببسي من العربانة ، ولا اكلوا مدگوكة تمر زهدي مثروم ، ولا شافوا خبز الذرة المخلوط بعلف الحيوانات!! * وذولي چانوا طافرين بره والعراقيين كل شهر يطلعولهم حاجة من بيوتهم يبيعوها بسوگ الجمعة حتى تمشيهم لباقي ايام الشهر الى ان بقت بيوتهم بطـرگ الحصران والجودليات القديمة !! * و ذولي ماخلوا جليكان ابو العشرين فوك سياراتهم حتى تبرد محركاتها لان ماعدهم فلوس يبدلون جوزة الحماوة !! ولا فلشوا سگوف بيوتهم وباعوا الشيش ماله ورجعوا بنوه عگادة وبعد كم سنة رجعوا فلشوا السگف مرة ثانية وباعوا الشيلمان ماله وخلوا بمكانه سچـة قطار !!!! عرفت هسه ياذكي ( شِـينيهي ) امريكا ؟ ارجعلي زميلي المخرج #احمد_مكية

تعرفون ان هذا الكائن طول فترة التسعينات چان طافر لإيران و ماعاش الحصار الاقتصادي اللي فرضته امريكا علينه ، واللي ماعاش هاي الفترة ينطبق عليه المثل الشعبي ( يدبچ حيل الماشايفها ، والشايفها يشدله عمامة ) .. اي نعم ، ذولي اليحچولك بـ ( شني هي امريكا ، ومنو هي امريكا ، وآني لو گاعد يم ترامب الا اضربه راشدي ، وآني لو بدل الزيدي الا اسحله من رباطه ) ذولي ما عاشوا يوم واحد من ايام التسعينات ، الأيام اللي چان الموظف راتبه الشهري مايتجاوز العشرة الاف دينار وكيلو الطحين اللي يسوي ٥ گرص خبز بـ ( ١٢٠٠ ) دينار!!!!! وكيلو الشكر بالف وربع وهواي ناس گامو يخلون التمر بالچاي ويشربوه !! * و ذولي ماتريگوا بتيتة تگلاه لمدة عشر سنوات ، ولا سمعوا بمصطلح وحش الطاوة ، ولا إنحرموا من اختراع إسمه موز او تفاح لبناني .. * وذولي ماراحوا لخياط وبيدهم بطانية جيش حتى يفصلها قمصلة يلبسوها بالشته ، ولا راحوا لخياط حتى يگلبلهم البنطرون عالبطانة لان لونه جرد من كد الاستخدام وماعدهم فلوس يشترون بنطرون جديد ! * ذولي ماوكفوا سرة على دجاجة مجمدة اجتهم مكرمة سخية من لدن السيد الرئيس القائد صدام حسين ( حفظه الله ورعاه ) ، ولا وگفوا بباب وكيل المواد الغذائية اللي يوزعلهم مفردات البطاقة التموينية الشهرية ، ولا خيطوا نعولتهم اللاستيك بابرة وخيط ، ولا رگعوا احذيتهم بطرگات لاستيك جديدة بدل الطرگات القديمة .. * ذولي الصعاليك ماشربوا ببسي من العربانة ، ولا اكلوا مدگوكة تمر زهدي مثروم ، ولا شافوا خبز الذرة المخلوط بعلف الحيوانات!! * وذولي چانوا طافرين بره والعراقيين كل شهر يطلعولهم حاجة من بيوتهم يبيعوها بسوگ الجمعة حتى تمشيهم لباقي ايام الشهر الى ان بقت بيوتهم بطـرگ الحصران والجودليات القديمة !! * و ذولي ماخلوا جليكان ابو العشرين فوك سياراتهم حتى تبرد محركاتها لان ماعدهم فلوس يبدلون جوزة الحماوة !! ولا فلشوا سگوف بيوتهم وباعوا الشيش ماله ورجعوا بنوه عگادة وبعد كم سنة رجعوا فلشوا السگف مرة ثانية وباعوا الشيلمان ماله وخلوا بمكانه سچـة قطار !!!! عرفت هسه ياذكي ( شِـينيهي ) امريكا ؟ ارجعلي زميلي المخرج #احمد_مكية

17,869 views • 28 days ago

* لما تكون غني ومن عائلة ميسورة ( أباً عن جد ) ، وسجلك التاريخي حافل بالنجاح بمجال المال والاعمال يمتد لعشرات ومئات السنين تكون هاي النتيجة … * ولما تبني حياتك ومجدك من الصفر وتتنزه عن اي فلس حرام تدخله لبيتك تكون هاي النتيجة .. * ولما تترفع تمد إيدك عن المال العام وأموال الناس الفقره تكون هاي النتيجة .. * ولما تشوف الحرامية يسقطون واحد تلو الاخر وانت راسك مرفوع لان فلوســــــك حلال صافي تكون هاي النتيجة… * صدگ لو گالو ( حرامي لاتصير من السلطان لاتخاف ) و ( إمشي عدل يحتار عدوك بيك ) .. الملتيملياردير ، و رجل المال والاعمال ، الحاج محمد الباوي رعاه الله .. ارجعلي زميلي المخرج #احمد_مكية

* لما تكون غني ومن عائلة ميسورة ( أباً عن جد ) ، وسجلك التاريخي حافل بالنجاح بمجال المال والاعمال يمتد لعشرات ومئات السنين تكون هاي النتيجة … * ولما تبني حياتك ومجدك من الصفر وتتنزه عن اي فلس حرام تدخله لبيتك تكون هاي النتيجة .. * ولما تترفع تمد إيدك عن المال العام وأموال الناس الفقره تكون هاي النتيجة .. * ولما تشوف الحرامية يسقطون واحد تلو الاخر وانت راسك مرفوع لان فلوســــــك حلال صافي تكون هاي النتيجة… * صدگ لو گالو ( حرامي لاتصير من السلطان لاتخاف ) و ( إمشي عدل يحتار عدوك بيك ) .. الملتيملياردير ، و رجل المال والاعمال ، الحاج محمد الباوي رعاه الله .. ارجعلي زميلي المخرج #احمد_مكية

36,297 views • 2 months ago

إيدينا على زبوبتنا وجاهزين للدفاع عن بلدنا بحال فكّر العدو يندگ بينا ..

إيدينا على زبوبتنا وجاهزين للدفاع عن بلدنا بحال فكّر العدو يندگ بينا ..

182,451 views • 1 year ago

المالكي مو على اساس عراب السياسة ، و واحد عراق ، و الرقم الصعب ، والزعيم الأوحد ، و كلامه مايصير اثنين ، وعنده ١٩٧ مقعد ؟ أشو اليوم راح لاربيل حتى يلتقي البارزاني وياخذ الضوء الاخضر لتشكيل الحكومة !! واضح ان الرجل المالكي يحظى بتقدير واحترام عالي والدليل اللي استقبله بالمطار فؤاد حسين اللي چانوا يگولون عليه مدير مكتب مسعود !!!!!

المالكي مو على اساس عراب السياسة ، و واحد عراق ، و الرقم الصعب ، والزعيم الأوحد ، و كلامه مايصير اثنين ، وعنده ١٩٧ مقعد ؟ أشو اليوم راح لاربيل حتى يلتقي البارزاني وياخذ الضوء الاخضر لتشكيل الحكومة !! واضح ان الرجل المالكي يحظى بتقدير واحترام عالي والدليل اللي استقبله بالمطار فؤاد حسين اللي چانوا يگولون عليه مدير مكتب مسعود !!!!!

109,868 views • 10 months ago

كوبي بيست عن الاحداث اللي صارت عدنا بعام 2003 … نفس زيارة محمد باقر الحكيم للنجف واستقبال الناس له كفاتح و محرر .. وإحتمال چبير جداً وره كم يوم يخلوله سيارة مفخخة بباب المسجد الاموي ومايلگون منه غير بس إصبعه ( الوسطاني )!!!!

كوبي بيست عن الاحداث اللي صارت عدنا بعام 2003 … نفس زيارة محمد باقر الحكيم للنجف واستقبال الناس له كفاتح و محرر .. وإحتمال چبير جداً وره كم يوم يخلوله سيارة مفخخة بباب المسجد الاموي ومايلگون منه غير بس إصبعه ( الوسطاني )!!!!

192,313 views • 1 year ago

هذا أكو واحد چان إينيــ….. بشبابه ، ومنطقته والمناطق المجاورة كلها تعرف بتاريخه الاسود .. هذا الشخص ، من عبر الخمسين تاب ولزم طريق الصلاة و الجامع ، و يوم من الايام شيخ الجامع إتمرض وماحضر الصلاة ، والشياب والمواظبين عالمسجد محد جاي منهم ، فـ اضطر المصلين يقدمون صاحبنا الدودة_كي التايب يصلي بالحاضرين، وبعد ما خلص الفاتحة قرأ آيات من القرآن الكريم تخص قوم لوط ومنها آية ( إذ قال لقومه أتاتون الفاحشة ماسبقكم بها احدٌ من العالمين ) !! من خلص الصلاة اكو واحد يعرفه والظاهر عنده ثار قديم وياه گله شيخنا لعد انت من تعرف الفاحشة ليش خليت المنطقة كلها تركبك !!! هسه ولا هذا وزير الكهرباء السابق اللي هو حالياً نائب بالبرلمان العراقي ، بمداخلته بجلسة استضافة وزير الكهرباء الحالي يگول الوزارة من سنة ٢٢ لغاية ٢٥ هدرت ٢٢ ترليون دينار عراقي بس على استيراد الغاز وهاي الفترة هو چان وزير بيها !! چا انت من تعرف هلگد اكو هدر ماوقفته من چنت وزير ؟!! ارجعلي زميلي المخرج #احمد_مكية

هذا أكو واحد چان إينيــ….. بشبابه ، ومنطقته والمناطق المجاورة كلها تعرف بتاريخه الاسود .. هذا الشخص ، من عبر الخمسين تاب ولزم طريق الصلاة و الجامع ، و يوم من الايام شيخ الجامع إتمرض وماحضر الصلاة ، والشياب والمواظبين عالمسجد محد جاي منهم ، فـ اضطر المصلين يقدمون صاحبنا الدودة_كي التايب يصلي بالحاضرين، وبعد ما خلص الفاتحة قرأ آيات من القرآن الكريم تخص قوم لوط ومنها آية ( إذ قال لقومه أتاتون الفاحشة ماسبقكم بها احدٌ من العالمين ) !! من خلص الصلاة اكو واحد يعرفه والظاهر عنده ثار قديم وياه گله شيخنا لعد انت من تعرف الفاحشة ليش خليت المنطقة كلها تركبك !!! هسه ولا هذا وزير الكهرباء السابق اللي هو حالياً نائب بالبرلمان العراقي ، بمداخلته بجلسة استضافة وزير الكهرباء الحالي يگول الوزارة من سنة ٢٢ لغاية ٢٥ هدرت ٢٢ ترليون دينار عراقي بس على استيراد الغاز وهاي الفترة هو چان وزير بيها !! چا انت من تعرف هلگد اكو هدر ماوقفته من چنت وزير ؟!! ارجعلي زميلي المخرج #احمد_مكية

20,272 views • 1 month ago

على طاري يوم النصر ، وقادة النصر : يُنادونَني في السِلمِ يا اِبنَ زَبيبَةٍ وَعِندَ صِدامِ الخَيلِ يا اِبنَ الأَطايِبِ !!

على طاري يوم النصر ، وقادة النصر : يُنادونَني في السِلمِ يا اِبنَ زَبيبَةٍ وَعِندَ صِدامِ الخَيلِ يا اِبنَ الأَطايِبِ !!

75,152 views • 9 months ago

هاي فد مرة صدام حسين زار منطقة بالثمانينات والتقى بأهلها ، فـ اكو واحد اربعيني لطشله وگله سيدي والله العظيم بسنة 1974 من چنت سيادتك نائب رئيس الجمهورية شفتك بالشارع وحچيت وياك وچنت بوقتها أملك سيارة موسكوفيچ ، وبمجرد ماخليت ايدك المباركة على چتفي صار عندي تلث بيـوت واربع صهاريج!! واحد ثاني ، بسنة 1989 التقى بالريس وگله والله ياسيدي احنه مالگينه شي نخلد اسمك بي غير انه تسمحلنا نجمع تبرعات من العراقيين بواقع دينار واحد حتى يصير المبلغ 18 مليون دينار ونسوي بي تمثال ذهب لسيادتك ونطلقه ويه صاروخ العابد حتى ذكرك يبقــى بالسماء والارض!! بسنة 2014 اكو عضو مجلس محافظة سوه كتاب رسمي لرئيس المجلس إشتكى بي من اصحاب سيارات بيع الغاز والاصوات المزعجة اللي يستخدموها ، واقترح على رئيس المجلس الزام سائقي هاي السيارات بوضع مكبرات صوت تبث اناشيد تتغنى ببطولات الحشد الشعبي!! وراها بكم سنة ، طلع شاب گدام المالكي يبچي وكل دمعة يذبها هالكبراتها ( والله اني عبالي امه مريضة ويريد يطلعها للهند ) شو هذا گله والعباس ابو فاضل صارلي اسبوع گلبي يفرفح على شوفتك واتمنى اخذ صورة وياك!! اليوم نعرضلكم لوگي ( ساز ، ليمتد ) گاعد يبرر لمحافظ الكوت اسباب تواجده بالمدينة المائية وگعدته وهو مخلي رجل على رجل و دَ يشوف الناس شلون تنشوي بهايبر ماركت الكوت!! بالنهاية احب اگول ، شريحتين اذا الله يخلصنا منهم احنه بنص الخير ( الگحاب واللوگية ) .. #احمد_مكية

هاي فد مرة صدام حسين زار منطقة بالثمانينات والتقى بأهلها ، فـ اكو واحد اربعيني لطشله وگله سيدي والله العظيم بسنة 1974 من چنت سيادتك نائب رئيس الجمهورية شفتك بالشارع وحچيت وياك وچنت بوقتها أملك سيارة موسكوفيچ ، وبمجرد ماخليت ايدك المباركة على چتفي صار عندي تلث بيـوت واربع صهاريج!! واحد ثاني ، بسنة 1989 التقى بالريس وگله والله ياسيدي احنه مالگينه شي نخلد اسمك بي غير انه تسمحلنا نجمع تبرعات من العراقيين بواقع دينار واحد حتى يصير المبلغ 18 مليون دينار ونسوي بي تمثال ذهب لسيادتك ونطلقه ويه صاروخ العابد حتى ذكرك يبقــى بالسماء والارض!! بسنة 2014 اكو عضو مجلس محافظة سوه كتاب رسمي لرئيس المجلس إشتكى بي من اصحاب سيارات بيع الغاز والاصوات المزعجة اللي يستخدموها ، واقترح على رئيس المجلس الزام سائقي هاي السيارات بوضع مكبرات صوت تبث اناشيد تتغنى ببطولات الحشد الشعبي!! وراها بكم سنة ، طلع شاب گدام المالكي يبچي وكل دمعة يذبها هالكبراتها ( والله اني عبالي امه مريضة ويريد يطلعها للهند ) شو هذا گله والعباس ابو فاضل صارلي اسبوع گلبي يفرفح على شوفتك واتمنى اخذ صورة وياك!! اليوم نعرضلكم لوگي ( ساز ، ليمتد ) گاعد يبرر لمحافظ الكوت اسباب تواجده بالمدينة المائية وگعدته وهو مخلي رجل على رجل و دَ يشوف الناس شلون تنشوي بهايبر ماركت الكوت!! بالنهاية احب اگول ، شريحتين اذا الله يخلصنا منهم احنه بنص الخير ( الگحاب واللوگية ) .. #احمد_مكية

103,267 views • 1 year ago

الدكتور محمد ابو رغيف يذكرني بقصة النبي محمد ، قريش كلها تسميه الصادق الامين وبعد ما أعلن رسالة ربه و بيّن الحق والباطل اغلبهم انگلبوا عليه وگاموا يسموه شاعر وچذاب ومجنون !!! ساءَ مايحكمون ….

الدكتور محمد ابو رغيف يذكرني بقصة النبي محمد ، قريش كلها تسميه الصادق الامين وبعد ما أعلن رسالة ربه و بيّن الحق والباطل اغلبهم انگلبوا عليه وگاموا يسموه شاعر وچذاب ومجنون !!! ساءَ مايحكمون ….

95,531 views • 1 year ago

هاي أكو واحد اهله زوجوه گوة مو برضاته ، و لإنه مايعرف شنو يسوي بليلة الدخلة راح لأبوه وسأله عن الامور الواجبة بهاي الليلة ، فـ أبوه اختصر الموضوع وگله ابني تره الشغلة مايحتاجلها روحة للقاضي وانت بمجرد ماتباشر ويطلع الدم إستمر بدون توقف .. وبعد ماأصدقاء العريس زفوه وشبعوه بعابيص بذيچ الليلة طب لغرفته ، وأول ماطب للغرفة عثر بالسجادة ووگعته صارت على راسه بطارف الچرباية ، فـ لزم راسه وصاح أبوه وگله بويه طلع دم ، أبوه گله عفية وليدي إستمر ، فالعريس طاح للچرباية دگ كلات وخلى طفار الدم ماله والي !! الممثلة آلاء حسين العام برمضان طلعت بمسلسل تلفزيوني گطعت بي نياط گلوبنا من القهر والحزن ، وكلنا أشدنا بدورها المتميز وإجادتها العالية وحرفيتها وإتقانها وطلبنا منها الإستمرار بتمثيل هاي الشخصيات اللي تحاكي وضعنا ونابعة من لب مچتمعنا .. أشو هاي برمضان الحالي رجعت لنفس وكلان التبن مال العام الماضي وخلصت المسلسل دگ ولطم وصياح ونياح ، وبصراحة نخاف لانثني عليها ونگلها عفية تجي الموسم القادم تشگ ثوبها وتبقى بطرگ اللباس والستيان !!! #احمد_مكية

هاي أكو واحد اهله زوجوه گوة مو برضاته ، و لإنه مايعرف شنو يسوي بليلة الدخلة راح لأبوه وسأله عن الامور الواجبة بهاي الليلة ، فـ أبوه اختصر الموضوع وگله ابني تره الشغلة مايحتاجلها روحة للقاضي وانت بمجرد ماتباشر ويطلع الدم إستمر بدون توقف .. وبعد ماأصدقاء العريس زفوه وشبعوه بعابيص بذيچ الليلة طب لغرفته ، وأول ماطب للغرفة عثر بالسجادة ووگعته صارت على راسه بطارف الچرباية ، فـ لزم راسه وصاح أبوه وگله بويه طلع دم ، أبوه گله عفية وليدي إستمر ، فالعريس طاح للچرباية دگ كلات وخلى طفار الدم ماله والي !! الممثلة آلاء حسين العام برمضان طلعت بمسلسل تلفزيوني گطعت بي نياط گلوبنا من القهر والحزن ، وكلنا أشدنا بدورها المتميز وإجادتها العالية وحرفيتها وإتقانها وطلبنا منها الإستمرار بتمثيل هاي الشخصيات اللي تحاكي وضعنا ونابعة من لب مچتمعنا .. أشو هاي برمضان الحالي رجعت لنفس وكلان التبن مال العام الماضي وخلصت المسلسل دگ ولطم وصياح ونياح ، وبصراحة نخاف لانثني عليها ونگلها عفية تجي الموسم القادم تشگ ثوبها وتبقى بطرگ اللباس والستيان !!! #احمد_مكية

45,869 views • 6 months ago

طبعاً هاي المظاهرة الحاشدة ( واللي تصير للمرة الثانية ) خلال اسبوعين بمحافظة بابل ماطلعت لان دعالها سماحة السيد القائد ، ولا طلعت لان سماحة السيد عمار منطي لكل متظاهر ٥٠ الف ونص دجاجة ، ولا طلعت لنصرة مختار العصر الحاج ابو اسراء المالكي فدوة اروح لاسمه .. ولا طلعت لانصار كتائب ثار_الله للتضامن مع نيجيريا ، ولا طلعت لحرق دمية ترامب الاحمق ورسم العلم الامريكي والسير عليه باقدام المتظاهرين .. ولا تم تنظيمها من قبل مجموعة من الخريجين وحملة الشهادات العليا والمهندسين وذوي المهن الصحية وخريجي العلوم السياسية .. ولا طلعت لمطالبة محمد ابن سلمان ببناء اضرحة لأئمة البقيع .. ولا طلعت تاييدا للجارة المسلمة والوقف معها والبذل في سبيلها بالغالي والنفيس .. ولا طلعت لاستقبال الغيمة الثجيلة ابو مازن او خميس الخنجر او محمد الحلبوسي .. ولا طلعت بسبب القطوعات المستمرة في التيار الكهربائي ، ولا طلعت بسبب قيام فصيل تابع لحزب متنفذ بتهجير بعض المواطنين من اراضيهم في منطقة الجادرية .. ولا طلعوا لتشييع شيخ البودحسة ، وشيخ عام البوموطة….. ذولي مواطنين مثلي ومثلك الله طيح حظهم على مدار ٢٢ سنة من قبل الاحزاب اللي حكمت المحافظة وليومنا هذا ماسوو جسر واحد بي خير إلى ان ظهر مواطن من محافظتهم اشتغل لاهلها ونفسه زهدت عن كل فلس حرام مايستحقه ، وحتى السلطة اللي الناس اتذابحت عليها اتنازل عنها ورفض الترشيح لمجلس النواب العراقي .. المواطن هذا اسمه ( امير المعموري ) ، وهاي الناس طلعت بدون شعور تطالب بتسليمه ملف المحافظة المنكوبة لانتشالها من الخراب والاهمال اللي صار بيها .. #احمد_مكية

طبعاً هاي المظاهرة الحاشدة ( واللي تصير للمرة الثانية ) خلال اسبوعين بمحافظة بابل ماطلعت لان دعالها سماحة السيد القائد ، ولا طلعت لان سماحة السيد عمار منطي لكل متظاهر ٥٠ الف ونص دجاجة ، ولا طلعت لنصرة مختار العصر الحاج ابو اسراء المالكي فدوة اروح لاسمه .. ولا طلعت لانصار كتائب ثار_الله للتضامن مع نيجيريا ، ولا طلعت لحرق دمية ترامب الاحمق ورسم العلم الامريكي والسير عليه باقدام المتظاهرين .. ولا تم تنظيمها من قبل مجموعة من الخريجين وحملة الشهادات العليا والمهندسين وذوي المهن الصحية وخريجي العلوم السياسية .. ولا طلعت لمطالبة محمد ابن سلمان ببناء اضرحة لأئمة البقيع .. ولا طلعت تاييدا للجارة المسلمة والوقف معها والبذل في سبيلها بالغالي والنفيس .. ولا طلعت لاستقبال الغيمة الثجيلة ابو مازن او خميس الخنجر او محمد الحلبوسي .. ولا طلعت بسبب القطوعات المستمرة في التيار الكهربائي ، ولا طلعت بسبب قيام فصيل تابع لحزب متنفذ بتهجير بعض المواطنين من اراضيهم في منطقة الجادرية .. ولا طلعوا لتشييع شيخ البودحسة ، وشيخ عام البوموطة….. ذولي مواطنين مثلي ومثلك الله طيح حظهم على مدار ٢٢ سنة من قبل الاحزاب اللي حكمت المحافظة وليومنا هذا ماسوو جسر واحد بي خير إلى ان ظهر مواطن من محافظتهم اشتغل لاهلها ونفسه زهدت عن كل فلس حرام مايستحقه ، وحتى السلطة اللي الناس اتذابحت عليها اتنازل عنها ورفض الترشيح لمجلس النواب العراقي .. المواطن هذا اسمه ( امير المعموري ) ، وهاي الناس طلعت بدون شعور تطالب بتسليمه ملف المحافظة المنكوبة لانتشالها من الخراب والاهمال اللي صار بيها .. #احمد_مكية

49,439 views • 8 months ago