مريم
@awmnt86 • 2,560 subscribers
غير قابله للتصنيف واتبع مزاجي انت حر مالم تضر
Shorts
Videos
0:36
Sensitive content
This media may contain sensitive content.
انت يعني بتنكر إنهم ماكانوا معارضين ؟ واشوفك مستميت بمنشني تثبت إنه البدو يرتحلون ومب فاضين يدرسون بناتهم ومع إنك تكذب لانه من تأسست الدولة وبدأ التعليم النظامي عهد الملك سعود للبنات، ترا نتكلم عن قبل ٦٠ سنة فقط بدأ التعليم الحكومي النظامي للبنات في السعودية عام 1960م ، غالب البدو كانوا مستقرين ومافي ناس ترتحل خلاص بس بجاريك بكذبك واقول حنا الحضر اللي انفتحت عندنا المدارس مب شي منكر عندنا إن كل الجدات اعمارهن بالستين ويجمعن إنهن انمنعن من الدراسه وعايشات بيننا للحين بعني مابعد ولا راح هالجيل وتنكرون معاناتهن حشفاً وسوء كيلة هذاماضيكم يذكرنه الجدات وهذا حاضركم موثقته الكاميرات
مريم29,456 views • 5 days ago
0:42
Sensitive content
This media may contain sensitive content.
على اساس السماح بالقيادة ماجاء معه قوانين ثانيه تدعمه مثل إلغاء موافقة ولي الأمر للسفر والوظيفة وقوانين التغيب ووجوب استلام البنات بعد انقضاء محكوميتها من أهلها والا تخيس في دار الرعاية انا شهدت الفتره اللي ماتطلعين من الجامعة الا بكرت خاص فيها معلومات السيارة يعني لازم نفس السيارة والشخص يستلمك من المعتقل قصدي الجامعة وحساب بنكي لازم معرف ذكر يتكرم ويسمح لك لان مالك هوية مع إنها ماكانت بنفس وقت السماح بالقيادة بس نفس الشيء انفرض بالقانون والأهل رضخوا والاماكن اللي ماتدخلينها الا بمحرم حتى المطاعم محمد بن سلمان بنفسه قال (المرأة السعودية لم تحصل على كامل حقوقها بعد، هناك حقوق منصوص عليها في الإسلام ولم تحصل عليها، قطعنا شوطًا كبيرًا جدًا في هذا الشأن ) يعني بتقنعيننا إن كل الامور صارت لنا لان الأهل فجأه قرروا يصيرون متفتحين والا لانه انفرض بشخطة قلم ماننكر إنه فيه اهالي للان منغلقين لكن القرارت ذي خلت كثير منهم برضخ حتى لو ماكان وده وساعدت كثير بنات انها تنتزع حقها لان فيه ظهر يسندها اسمه قانون فسالفة إنه نقعد نستهين بمعاناة البنات ونسطح الأمر إنه ماصار شي يستحق هالإحتفال بطلوها الشمس ماتتغطى بغربال
مريم38,859 views • 10 days ago
2:06
Sensitive content
This media may contain sensitive content.
ربط حكم انه لايجوز بيع العنب لصانع الخمر بحكم قيادة السياره كأننا اذا سقنا بائعات هوى والأصل فينا العهر كانوا بعهروننا على رؤوس المنابر بكل اريحيه ويتلقون بالقبول كنا مشروع فساد مؤكد إن ماتم السيطرة علينا كنا في حبس استباقي خشية الوقوع في الجُرم الارض بما رحُبت كانت سجن كبير لنا لاننا مجرمات بالفطره في نظرهم
مريم203,647 views • 2 months ago
0:55
Sensitive content
This media may contain sensitive content.
اللي يصبر في الحياة الزوجية شرعاً هو الزوج مو كل شوي تقولون للمرأة اصبري وتحملي وكأن هذا دورها الطبيعي. حتى نص الحديث قال للرجل (لا يفرك مؤمن مؤمنة إن كره منها خلقًا رضي منها آخر) المرأة تُكرم وتُدلل وتُعاشر بالمعروف مب تبرمجونها على إنها مشروع تحمل دائم عجبي حتى الشرع يحرفونه لمصلحتهم
مريم291,437 views • 3 months ago
0:30
Sensitive content
This media may contain sensitive content.
حافظين كلمة حرام بس مايدرون وش العلة السبب هو انعدام الامن واذا توفر فقد تحققت نبوة النبي صلى الله عليه وسلم في حديث الظعينة حين ذكر انه يعم الأمن حتى أنه تستطيع المرأة أن تسافر بدون محرم يحميها وهذا المطلق عضو هيئة كبار العلماء يقول بجواز السفر للمرأه بدون محرم لتوفر الأمن وتغير الحياة والسبب بالمنع هو انعدام الأمن وليس لان المرأه يجب ان تكون تحت المراقبه وكانن امهاتنا بعز تشدد الصحوة يستأجرن في مكة مجموعة نساء ويودونهن عيالهن هناك ويرجعون ويجلسن شهر كامل يترددن على الحرم ماحد قال لازم مرافقة محرم في المدينة اللي وصلت لها لانها أمنه على نفسها طبعاً ماراح يعجب جماعة احب الصالحين لانه ضد افكارهم ومايبون من الدين الا اللي يغذي ذكوريتهم صار المحرم من حماية الى تسلط ومراقبة خوفاً منها وليس عليها والقوامة من القيام بالامر والخدمة والرعاية إلى الافضلية والسيادة والامر والنهي ككككككل أمر اختصهم به الشريعة استخدموه لتغذية ذكوريتهم واعتبروه شريعة لاتقبل المساس
مريم57,300 views • 1 month ago
التعدد مباح مثل شرب القهوة مب تشريع نزل من الله كان موجود مثله مثل الرق والاسلام نظمه ولو كان سبب المنع انها ابنة عدو الله ليش ماتزوج غيرها لين توفت وبعدها عدد اكثر من مره والرسول كان يشترط انه مايُعدد على بناته الحديث المفروض إنه يستدل فيه على تحريم التعدد بدون رضى الزوجة الاولى بقدرة قادر خلوه امر خاص بفاطمة مع أنه الرسول قال لو ان فاطمة بنت محمد سرقت لقطعت يدها يعني اللي يشمل باقي المسلمات يشملها ويوم إن اية القرار في المنزل مع إنها تختص بنساء النبي بدايتها ونهايتها تؤكد الخصوصية بدايتها (َا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ) ونهايتها (ِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ) قلتوا لاااااا هن قدوة واللي يشملهن يشملكم بس يوم صار الأمر من صالحنا خليتوه خاص وليش ماصار زواج الرسول من عائشة من خصوصيات النبوه؟؟ انتم تحددون الخاص والعام حسب هواكم
مريم61,088 views • 2 months ago
ليش الذكور معطين انفسهم احقية التأديب ، من منحهم هالسلطه؟ اذا تكلمت المرأة عن امر يخصها قالوا الحلال والحرام علشان يسدون حلقها طيب انا بتكلم نفسكم حرام تضرب اختك مالك سلطة على اختك اختك مالك الا تنصحها الضرب اللي ورد في الدين مع إني ضده لكن هو للزوج وفي حالة معينه مب حق مطلق انت مالك لاطاعه ولا قوامه ولا لك حق تمد يدك او تتسلط عليها بأي وسيله حتى لو ماعجبك سلوكها من زين سلوككم عاد قوموا انفسكم اول ادري انكم لاتتبعون دين ولايردعكم حلال ولا حرام وانتم طواعْيت متجبرة على الأرض تحكمكم اعرافكم الباليه ورجولتكم الهشة على من هم اضعف منكم يالرخوم أي بنت تسمع لذكر يقول حلال وحرام تتڤل بوجه تراه وسيلة فقط لإخضاعك
مريم25,761 views • 2 months ago
الغريب أن الخطاب المجتمعي يرفع الأمومة إلى أعظم دور بعدين يبي المرأة تدفع لحالها فاتورة هذا الدور نفسيًا وجسديًا ومهنيًا مايكفي أن تنجب لازم تكون حاضرة دائمًا صبورة ومنتجة اقتصاديا وممتنة في ذلك كله للذكر اللي سمح لها تعمل ثم إذا ترددت النساء تجاه الإنجاب يخلون السبب في الوظيفة أو تأثر المرأة بالنسوية بينما يتم تجاهل حجم العبء اللي يرمونه عليها وحتتتتتى ربة المنزل ماعاديغريها إن الأمومة أسمى أدوارك وهي لا تملك ضمانات حقيقية ولا استقلال مادي ولا تقدير لحجم الاستنزاف وجعل قيمتها في مقدار ما تعطيه للآخرين علشان كذا كثير من النساء لم يرفضن الأمومة نفسها بل يرفضن نموذج الأمومة القائم على الدفن الكامل للذات وكأنها مطالبة تدفع من صحتها ووقتها وهويتها مقابل دور يراه المجتمع غير كافي انها توازي فيها عطاءت الرجل. كلفة الإنجاب باهضة جداً للمرأة مربحة جداً للرجل و بعد كل هذا التعب الاخفاق ينسب للام - تربية حريم - والنجاح والوجاهه ينسب للاب
مريم21,780 views • 3 months ago
No more content to load