EastAfricaTV
@eastafricatv • 2,065,584 subscribers
Official EastAfricaTV (EATV) Twitter Email: [email protected]
Shorts
Videos
#HABARI Damas Mgaya (38), mkazi wa Mtaa wa Kambarage, Halmashauri ya Mji wa Njombe, amefariki dunia baada ya kukutwa amejinyonga ndani ya chumba chake kwa kutumia kamba ya kiatu, kufuatia madai ya mgogoro wa kifamilia. Kamanda wa Polisi Mkoa wa Njombe, ACP Mahamoud Banga, amethibitisha kutokea kwa tukio hilo lililoripotiwa jana, Oktoba 13, 2026, majira ya saa 12 asubuhi, akieleza kuwa marehemu alikutwa akiwa amejinyonga kwa kutumia kamba iliyofungwa kwenye nondo ya dirisha. Kwa mujibu wa Kamanda Banga, uchunguzi wa awali unaonesha kuwa tukio hilo linadaiwa kuhusishwa na kutokuelewana kati ya marehemu na mkewe kuhusu masuala ya ndoa na tendo la ndoa. Inadaiwa kuwa mke wa marehemu alikataa kushiriki tendo la ndoa akieleza kuwa mumewe hajaokoka, hali ambayo inadaiwa kuchangia mgogoro huo wa kifamilia na kumsababishia marehemu msongo wa mawazo. Akizungumzia tukio hilo, Kamanda Banga ametoa wito kwa viongozi wa dini kuhimiza mafundisho yanayojenga amani, maelewano na mshikamano katika familia na jamii, huku akisisitiza kuwa Jeshi la Polisi litachukua hatua kwa vitendo vinavyokiuka sheria. #EastAfricaTv #TogetherTunawakilisha
EastAfricaTV60,921 views • 7 days ago
#HABARI Mama wa mtoto aliyeuawa, Mkoani Pwani Chanja Chachuma, amesema alipigiwa simu na mwanaume anayedaiwa kuhusika na mauaji hayo, aliyemweleza kuwa alikuwa akimuua mtoto huyo kwa lengo la kuhakikisha wote wanakosa. Amesema alijitahidi kumsihi mwanaume huyo asimuue mtoto na kumwahidi kuwa angefika alikokuwa muda mfupi baadaye, lakini aliendelea kusisitiza kuwa alikuwa amedhamiria kumuua mtoto huyo licha ya maombi yake. Chanja amesema katika mazungumzo hayo, mwanaume huyo alipiga simu na kumpa mtoto nafasi ya kuzungumza na mama yake, ambapo mtoto alimwambia, “Mama, mimi leo nakufa”. Ameeleza kuwa baada ya muda, mwanaume huyo alipiga simu tena na kuwaelekeza mahali alipokuwa ameufunika mwili wa mtoto, kabla ya kuondoka eneo hilo na kuelekea kusikojulikana. #EastAfricaTv #TogetherTunawakilisha
EastAfricaTV54,273 views • 9 days ago
#HABARI Mbunge wa viti maalumu Mkoa wa Njombe (CHAUMMA) Sigrada Mligo amesema kuwa mwanaume sio kazi rahisi ni pamoja na kutekeleza majukumu yonayopaswa kufanywa kwa maamuzi magumu ili kuyafikia malengo. Mbunge Sigrada ameeleza hayo Mkoani Njombe katika kijiji cha Lugenge wakati wa mazishi ya Mzee Renatus Mligo (82) aliyefanikiwa kusomesha watoto wake wote 11 mpaka elimu ya juu kupitia kilimo cha viazi. Mbunge Sigrada ameongeza kuwa wapo vijana wanaoona fahari kutekeleza familia kwa wazazi wao huku wakiacha watoto wanateseka badala ya kubeba jukumu la mwanaume na kutengeneza kizazi kisichokuwa na maendeleo. Aidha amesema kwenye familia kuna wanaume wamekuwa wakitoka nyumbani bila kuacha kitu na kurudi usiku wa kiza kinena bila kujua watoto wamekula nini jambo linalopelekea kuharibu afya za watoto wao. #EastAfricaTv #TogetherTunawakilisha
EastAfricaTV47,422 views • 14 days ago
#AGIZO Mkuu wa Wilaya ya Ubungo Albert Msando ametoa akizo kwa wenye mabasi katika kituo kikuu cha Mabasi Magufuli kuondoa magari yao na kuyapeleka yadi kwao hata kama yana abiria. Msando ametoa agizo hilo mara baada ya kuwasili katika kituo hicho cha mabasi kufuatia mgomo wa madereva wa mabasi unaoendelea wakipinga mfumo wa kukatwa pointi. #EastAfricaTv #TogetherTunawakilisha
EastAfricaTV68,568 views • 22 days ago
#HABARI Katibu Mkuu wa Chadema, John Mnyika, amemualika Katibu Mkuu wa IPU, Anda Filip, kumtembelea Mwenyekiti wa chama hicho, Tundu Lissu, gerezani na kukutana na waathirika wa matukio ya Oktoba 29, 2025. Mnyika amesema kukutana na Chadema, viongozi wa dini na wananchi kutamsaidia kiongozi huyo wa IPU kupata uhalisia wa yaliyotokea nchini. Ameitaka pia jamii kuwapa ushirikiano wajumbe wa IPU watakaofika nchini na kuwaeleza ukweli kuhusu hali ilivyo. Mnyika amesema kwa mujibu wa kanuni za IPU, wajumbe wanapaswa kusikiliza pande zote za kisiasa, ikiwemo vyama vinavyotawala na vya upinzani, ili kupata uhalisia badala ya kutegemea maelezo ya upande mmoja. #EastAfricaTV #TogetherTunawakilisha
EastAfricaTV41,565 views • 15 days ago
Story za Kisu Cha Buchani #KCB na SONGA wakiuzungumzia wimbo wa kama vipi ya Mez B ft RAY C na Noorah. Nikki na Songa wanasema kwenye 'Story telling' ya wimbo huo Ray C alikataa kwenda kuoga sababu ya kuwahi kwenda Klabuni. #EastAfricaTV #TogetherTunawakilisha 🎥✍ shneida_infos
EastAfricaTV40,941 views • 16 days ago
Waziri Makonda amemtaka Naibu Waziri wake wa Utamaduni,Sanaa na Michezo #MwanaFA kumpa ripoti malalamiko ya kauli za msanii Dudu Baya ya kulinda mgongo. Video ya Waziri Makonda akizungumza na waandishi wa habari ipo Youtube ya EastAfricaRadio #EastAfricaTV #TogetherTunawakilisha 🎥✍ shneida_infos
EastAfricaTV59,988 views • 27 days ago
#VIDEO Waziri Mkuu wa Tanzania Dkt. . Mwigulu Nchemba amesema Serikali imeendelea kuondoa Sheria ambazo zinakuwa na makwazo kwa wananchi na amewataka Maafisa usalama Barabarani kuwatoza faini vyombo vyote vya moto vinavyofanya makosa na sio kuvizuia visifanye kazi . #EastAfricaTV
EastAfricaTV37,716 views • 18 days ago
#HABARI Wananchi na Baadhi ya Wamachinga katika Soko la Kimataifa la Kariakoo, wamesema kwa sasa njia katika Soko hilo la Kimataifa, zimeanza kufunguka na kupitika vizuri ukilinganishwa na hapo awali. Hatua hiyo inatokea, ikiwa ni takribani wiki mbili baada ya Mkuu wa Mkoa wa Dar es salaam Albert Chalamila,kuagiza kwamba, ndani ya mwezi mmoja kutoka Septemba 24-Oktoba 24, njia zote za Kariakoo ziwe zinapitika. Wananachi,Machinga na Wafanyabiashara, wanasema kwa sasa mitaa ambayo imekuwa haipitiki kama mitaa ya Kongo, Agrey,Nang'ombe, kwa sasa yote inapitika, ukilinganisha na hapo awali. Mmoja ya Wamachinga ambaye alifahamika kwa jina la Esta Gerrard,amesema Wamachinga wamekuwa watiifu kutokana na kauli hiyo ya Mkuu wa Mkoa Albert Chalamila,huku akiomba Serikali kuendelea kuangalia utaratibu wa kuwataftia maeneo ya kufanyia kazi. Kwa upande wake Mwenyekiti wa Jumuiya ya Wafanyabiashara katika Soko hilo Seveline Mushi, ambao walikuwa walalamikaji, amesema kwa sasa hali Hali ya njia inaendelea kuwa nzuri ukilinganishwa na hapo awali. #EastAfricaTv #TogetherTunawakilisha
EastAfricaTV28,923 views • 14 days ago
#MGOMO Kaimu Kamanda wa Polisi wa Kanda Maalum, SACP Faustine Mafwele, amefika katika Kituo cha Mabasi Magufuli akiwa na askari wengine na wajumbe wa Kamati ya Ulinzi na Usalama kushuhudia hali ilivyo katika kituo hicho kufuatia mgomo wa madereva wa mabasi unaoendelea. #EastAfricaTv #TogetherTunawakilisha
EastAfricaTV24,662 views • 21 days ago
#HABARI Vijana 531 wanatarajiwa kuondoka nchini kwenda kufanya kazi katika Saudi Arabia, Qatar, Oman, Falme za Kiarabu (UAE), Ujerumani na Bosnia kupitia fursa za ajira za kimataifa. Wameagwa rasmi na Naibu Katibu Mkuu, Ofisi ya Waziri Mkuu (Kazi, Ajira na Mahusiano), Zuhura Yunus, ambaye amesema hatua hiyo inaonyesha kuendelea kupanuka kwa masoko ya ajira kwa Watanzania. Amesema jitihada za Serikali ya Awamu ya Sita zimechangia kufunguliwa kwa fursa zaidi za ajira nje ya nchi kupitia ushirikiano wa kimataifa. Pia amewataka vijana hao kuzingatia sheria za nchi wanazokwenda, kufanya kazi kwa weledi na kuitangaza vyema Tanzania. #EastAfricaTv #TogetherTunawakilisha
EastAfricaTV80,526 views • 2 months ago
#HABARI Watu sita, akiwemo Afisa mmoja wa Wanyamapori, Askari wa TAWA, walinzi wawili wa Hifadhi za Vijiji (VGS) na madereva wawili, wameuawa baada ya kundi linalodaiwa kuwa la wafugaji kuvamia kambi ya askari wa doria katika Hifadhi ya Wanyamapori Iswagala, Kijiji cha Utimle, Wilaya ya Sikonge mkoani Tabora. Kwa mujibu wa Jeshi la Polisi Mkoa wa Tabora, tukio hilo limetokea usiku wa kuamkia Septemba 18, 2026, baada ya kufanyika kwa oparesheni ya kukamata mifugo iliyoingia hifadhini kinyume cha sheria. Kamanda wa Polisi Mkoa wa Tabora, Kamishna Msaidizi wa Polisi Twaha Lulengelule, amesema kundi hilo linadaiwa kuvamia kambi hiyo na kuwashambulia kwa kutumia silaha za jadi watumishi waliokuwa wakitekeleza majukumu ya doria. Aidha, watu wengine watano kutoka upande wa hifadhi wamejeruhiwa katika tukio hilo. #EastAfricaTV #TogetherTunawakilisha
EastAfricaTV33,969 views • 1 month ago
#HABARI Mwenyekiti wa Chama Cha Demokrasia na Maendeleo CHADEMA Tundu Lissu, amepandishwa kizimbani tayari kuendelea kufanya final submission (Mawasilisho ya mwisho) katika kesi ya uhaini inayomkabili. Lissu ambaye alianza kuwasilisha Mawasiliano hayo Jana Septemba 23, anatarajia kumaliza leo kabla ya upande wa Jamhuri kuanza kuwasilisha Mawasiliano yao ambayo. #EastAfricaTv #TogetherTunawakilisha
EastAfricaTV28,123 views • 27 days ago
#Fahamu | Msafara wa Rais wa Marekani, Donald Trump ukielekea Michigan ambapo amewasili kwa ziara ya kikazi kwenye kiwanda cha magari cha General Motors (GM). Akiwa huko, Trump alishuhudia mashindano ya magari akiwa pamoja na Mtendaji Mkuu wa GM, Mary Barra, kabla ya kutoa hotuba iliyosisitiza umuhimu wa ushuru kwa bidhaa zinazoagizwa kutoka nje kama njia ya kulinda ajira za Wamarekani. Video | TCD Dearborn News #EastAfricaTv | #TogetherTunawakilisha
EastAfricaTV76,068 views • 2 months ago
#VIDEO Maandamano nchini India yamechukua sura mpya baada ya mmoja wa waandamanaji kulipanda gari la polisi la maji ya kuwasha na kuligeuzia maafisa wa usalama wakati wa jitihada za kutawanya umati. Maandamano hayo yalichochewa na malalamiko kuhusu uvujaji wa mitihani ya kuingia vyuo vikuu (NEET), mfumo wa elimu pamoja na madai ya ukandamizaji wa viongozi wa upinzani na wanafunzi. Waandamanaji wanataka mageuzi katika sekta ya elimu na kujiuzulu kwa Waziri wa Elimu wa Muungano, Dharmendra Pradhan, huku polisi wakiendelea kutumia nguvu kudhibiti maandamano hayo. #EastAfricaTv #TogetherTunawakilisha
EastAfricaTV78,094 views • 3 months ago
#HABARI Mkuu wa Wilaya ya Shinyanga Julius Mtatiro ametekeleza oparesheni ya uvamizi katika makazi ya kijana Bundala Mashiku (24) kijana aliyemuoa mwanafunzi aliyefaulu kuendelea kidato cha tano, huku akiliagiza Jeshi la Polisi kumkamata kijana huyo pamoja na Baba yake ili kujibu tuhuma zinazowakabili. #EastAfricaTv #TogetherTunawakilisha
EastAfricaTV71,526 views • 2 months ago
#HABARI Waziri wa Habari, utamaduni , sanaa na michezo Mheshimiwa Makonda amefika Bara la Ulaya na kukutana na wachezaji wa klabu maarufu duniani ya FC Barcelona, nyota waliowahi kufanya maajabu makubwa katika soka la dunia. Akihitimisha ziara yake ya kihistoria, Mheshimiwa Makonda alipata nafasi ya kubadilishana mawazo na wachezaji hao, huku akiwaalika mmoja mmoja kuja kutembelea Tanzania na kujionea uzuri, utamaduni na vivutio vya kipekee vya nchi yetu. Huu ni mwanzo wa ukurasa mpya katika kuimarisha uhusiano kati ya Tanzania na FC Barcelona. Dunia sasa inaelekeza macho yake Tanzania na makubwa zaidi yanakuja! #EastAfricaTV #TogetherTunawakilisha
EastAfricaTV29,196 views • 1 month ago