ابوعبدالرحمن | Hobani
@HobaniDark • 21,066 subscribers
جدة | يوميات وأهل |وقهوة| توعية ببساطة 💚
Shorts
Videos
في رفقة السفر.. من تختار؟ سافرت أنا وصديقي تسع ساعات برّا، تعاهدنا نتشارك كل شيء: فلوسي وأكله وسواقتنا. ما شفت منه إلا الوفاء. إذا نفد شيء يبتسم وما يحسسني بشيء. وصلنا المدينة. هو لقى شغل قبلي، وأنا فلوسي بدأت تنفد. حسيت بالضيق وفكرت أرجع عشان ما أحرجه. رفض وأصر أقعد وهو يتحمل مصروفي. بعدها رزقني الله وظيفة طيبة، استقريت، تزوجت، انشغلت بالحياة. وما صرت أتواصل معه إلا بالمناسبات. يوم سمعت إنه في المستشفى ومحتاج علاج طويل، وما أخبرني. رحت له. عيونه مليانة دموع وفيها مئة سؤال: ليش ابتعدت يا صاحبي؟ حاولت أبرر بالشغل والأولاد. ابتسم ابتسامة غير اللي أعرفها من أيام السفر. أدار وجهه عني وطلب مني أطلع بهدوء. بعدها رجع لديرتنا وانقطعت العلاقة. العبرة: الصديق الحقيقي يظهر في الضيق، ويظهر أكثر لما تتوسع عليك الدنيا. ما تختبر الرجل بس في السفر، اختبره لما يصير معك فلوس وأهل ومشاغل. اللي يبيعك بعد أول راتب أو أول استقرار، ما كان رفيق سفر أصلًا. هل صار لك موقف مشابه؟ صاحبك وقف معك في الضيق، ولا بعد ما استويت نساك؟
ابوعبدالرحمن | Hobani180,104 görüntüleme • 7 gün önce
اليوم مرّيت آخذ مقاضي للبيت، وبعد ما خلصت أغلب الأشياء رحت قسم اللحوم ووقفت شوي أختار. في النهاية أخذت لحمة مفرومة بقري بلدي، وطلعت فيها كويسة من ناحية اللون والطراوة. بصراحة صرت محتار، أنتم عادة تأخذون اللحم المفروم من جزارات الأحياء العادية اللي في الحارة، ولا تفضلون تاخذونه جاهز من الهايبر؟
ابوعبدالرحمن | Hobani159,510 görüntüleme • 6 gün önce
صديقي يكلّمني عن ولده، يقول عنده مشكلة: ما يثبت في وظيفة أكثر من ثلاثة شهور، وبعضها وظائف حلوة. آخر وظيفة له كانت تحصيل في بنك، وخطب وسوّى ملكة. وجاني يقول يا أبا عبدالرحمن ولدي: بيطلع من الوظيفة لأنه يحب شغله اللي كان فيه قبل كم شهر، وهو تحضير المعجنات في مطعم عادي، ويقول راتبها أحسن من البنك. حاولت معه، بس ما أقنعتنا معي وش أقول لوالد البنت الحين؟ الزواج قرب، وهو إما بدون وظيفة، أو يرجع لوظيفة تحضير المعجنات. هل يقبلوا أهل العروسة هذا التغيّر ولا لا؟ قولوا لي: وش أسوي معه؟ أسكت وهذا مستقبله يواجهه لحاله مع أهل عروسته؟ والله يا أبا فلان، ولدك غريب؛ يترك وظيفة ورا الثانية، وغيرها كثير، وجاي تزوّجه أول؟ خلّه يثبت على الوظيفة الواحدة أكثر من سنة، وبعدين فكّر تزوّجه لبنت الناس. الله يهديه ويصلح حاله. لو أنتم مكان أبو البنت، وش تتصرفون مع هالشاب اللي ما يثبت على وظيفة؟!
ابوعبدالرحمن | Hobani195,612 görüntüleme • 13 gün önce
أتكلم عن موضوع سبق أن طرحته: انتشار محلات المعسل والفيب بشكل مخيف، حتى صار الشارع الواحد فيه عشرات المحلات، وبعضها داخل الأحياء السكنية. اليوم الموضوع أخطر. دخلت محلًا أشتري فحمًا للبخور، فوجدت واجهات كاملة مليئة بأنواع جديدة من المعسلات والفيب، بنكهات الفواكه والأكل، وبأسعار في متناول الجميع. سألت البائع فقال: «هذه للشباب والشابات». اندهشت، ثم ضحكت ضحكة الحزين. شاب صغير يكفي أن يصادف رفيق سوء حتى يتعلم هذه الأشياء. كلامي ليس تعميمًا؛ فهناك شباب موظفون وعاقلون ومكتفون، ولهم حرية اختيار ما يناسبهم. كلامي عن من دون 18 سنة، الذين يحتاجون رعاية ومراقبة. الفيب ليس «أخف ضررًا» كما يُروَّج له للمراهقين؛ النيكوتين يدمن بسرعة ويؤثر على نمو الدماغ. والنكهات الحلوة مصممة لجذبهم، والمحل الواحد يبيع الفحم والبخور بجانب أجهزة بعشرات الآلاف من السحبات، فيختلط الأمر أمام الطفل. السؤال: كيف نحمي أبناءنا من هذه المنتجات الدخيلة؟ بالمراقبة، والحديث الصريح المبكر، وعدم ترك المراهق يدخل هذه المحلات وحده بحجة الفحم. نسأل الله السلامة لأبنائنا.
ابوعبدالرحمن | Hobani175,974 görüntüleme • 12 gün önce
قبل ٤٠ سنة رحنا وادي يبعد عن مدينتنا ثلاث ساعات. أخذنا أكل وأدوات طبخ ونواشف، وفي منتصف طريق المنحدر — كله حجر ومطبات — بنشر لنا كفرين. بعض الشباب راحوا يجيبون كفر، وانتظرنا عند السيارة الثانية. المشكلة إن المعرّف راح معاهم، وأهل القرية وقتها ما يخلون أحد يدخل بدون معرف. لحقونا شباب وقالوا: وش تسوون هنا؟ قلنا نبي الوادي نكشت ونسبح في الشلال. عطونا ساعة، إذا ما حضر دليلكم ترجعون. بعدين وصل المعرّف وسلّم عليهم لأنه من نفس القرية وكملنا. خيمنا وكانت من أحلى الرحلات. سبحنا في بركة الشلال، وأول مرة نشوف سمك وضفادع. نسينا الوقت وتأخرنا عن المغرب، والوادي فيه ضباع وقرود شرسة. في طريق الخروج هاجمتنا القرود على بقايا الأكل ورمت علينا حجر وكسرت قزاز السيارة السفاري. بعد معاناة طلعنا. العبرة: إذا استشرت أهل المكان، التزم بتوجيههم. انبسط، بس اطلع على الوقت تسلم ويسلم اللي معاك.
ابوعبدالرحمن | Hobani230,712 görüntüleme • 17 gün önce
سبحان الله مقسّم الأرزاق. اليوم مرّيت على المنطقة الصناعية للسيارات في بني مالك شارع فلسطين أدور على مروحة تبريد المكينة. دورْت أكثر من محل ولقيتها عند واحد واتفقنا على السعر، وبعدها رحت لكهربائي عشان يركبها. بس تأخرت القطعة وقال تبي لها نص ساعة. زعلت من الحر ومشيت. قلت أروح المنطقة الصناعية في شارع الأمير سلطان بن سلمان، والمكان يبعد تقريبًا نص ساعة. وصلت أول محل وشفت كهربائي باين عليه الحر والتعب. قلت له: لو لقيت القطعة هنا، أنت اللي بتركبها. دخل معي المحل، وسبحان الله لقينا المروحة كاملة وبسعر أقل من الأول. شفته فرحان، وقلت في نفسي: سبحان الله كيف ساقني من شارع فلسطين لهذا المكان البعيد، وكل شيء توفّر في دقائق. ركبها وأخذ أجرته وهو مبتسم. سألته ليش تضحك؟ قال: صاحبي كان يقول اليوم شكله ما فيه شغل، وقلت له بيجي نصيبي حتى عندي. والله عالم بنيّتي. رزقك يجي وأنت في مكانك. أخلص العمل لله وخلّ نيتك صافية، وابشر بالخير. حبيت أحكي لكم اللي صار اليوم.. وش رأيكم؟
ابوعبدالرحمن | Hobani252,827 görüntüleme • 23 gün önce
😱 إهمال السواق يضيّع عمارة! سواق أحد الأصدقاء مستأجر في عمارة بعيدة عن كفيله. الظاهر إنه سافر له أكثر من شهر وترك الأنوار وشفّاط الحمّام شغالين من يوم ما سافر. بعد مدة الجيران سمعوا صوت قوي جاي من جهة غرفته، وطلع دينمو الشفّاط ضرب وصار يطلع صوت قوي يوصل مواقف العمارة. المشكلة إنهم كلّموا صاحب الغرفة يقول ما عنده مفتاح، والسواق ما خلّى المفتاح عند أحد. الحين لو صار ماس كهربائي بسبب الشفّاط ممكن الغرفة تحترق، وخوينا أصلاً مو داري عن الموضوع. كيف يتصرّف المستأجرون في هالحالة؟ يكسرون الباب ويدخلون مثلاً؟ أحد عنده حل يفيدهم؟
ابوعبدالرحمن | Hobani230,763 görüntüleme • 25 gün önce
مساء جدة من داخل المول 🚶♂️ المشي صار جزء من يومياتي، أشوف المعروضات وأدور على عروض خفيفة، والبالونات تذكّرك إن اليوم الوطني قريب في كل زاوية. جلسة بسيطة مع العائلة، شوية حركة قبل الظهر، وتغيير جو بدون زحمة الشارع. مين مثلي يحب يتمشى في المول ويغيّر الجو؟ 💚🇸🇦
ابوعبدالرحمن | Hobani109,226 görüntüleme • 13 gün önce
شفت وين وصلت اليوم مطعم باكستاني بصراحة عجبني الخبز حقهم: آلو والا نان، ساده نان بالسمسم، قيمة والا نان، وروغني نان أما باقي الأكل كله فلفل حار 🌶️ المهم تجربة جديدة وكثرت شرب البن فيها أبو عبدالرحمن: جرب كل المطاعم وبعدين قرر أي مطعم ما ترجع عليه أبد
ابوعبدالرحمن | Hobani131,117 görüntüleme • 17 gün önce
فيه ناس عزة نفسهم أقوى من حاجتهم. ما يمدّون يدهم، ولو ضاقت عليهم الدنيا.💔 يصبرون، يحتسبون، ويخفون ضيقهم حتى عن أقرب الناس. يطلعون مع أهل بيتهم من بدري، ويقضون يومهم في أي مكان فيه نور وكرامة، ويرجعون على النوم. ما يبون منّة، وما يرضون إن أحد يشوف كسرتهم. مو لأنهم مستغنين، لكن لأن الكرامة عندهم أغلى من الحاجة. وفي ناس مثلهم الرزق يتأخر عنهم بسبب إجراء أو خطأ ما لهم يد فيه، ومع ذلك يفضلون الصبر على السؤال. هذول يستاهلون إن الفرج يجيهم من غير ما ينكسر خاطرهم، وإن المساعدة إذا جت، تجي سترًا لا فضيحة، وحلًّا لا إحسانًا يُمنّ به عليهم. عزة النفس مو تكبر، عزة النفس إن الإنسان يفضل التعب على أن يذل نفسه، ويستحق إن المجتمع يحفظ له ماء وجهه، مو يحول صبره حديثًا.
ابوعبدالرحمن | Hobani130,766 görüntüleme • 21 gün önce
💫في ليلة الجمعة املأ حياتك بالذكر والدعاء والاستغفار، واعلم أن الله معنا يسمع ويرى، فكلما أخلصت عملك زانت دنياك وآخرتك. أسأل الله العظيم الذي بأمره تُوزَّع الأرزاقُ بكرمه،،، أن يبلّغنا وإياكم أسمى مراتب الدنيا وأعلى منازل الجنة،، وأن يجعلنا وإياكم ممن طال عمره وحسُن عمله وبورك له في رزقه وماله وولده،،، وكتبه الله من السعداء في الدارين. 💚 اللهم صل وسلم وبارك على سيدنا ونبينا محمد وعلى آله وصحبه أجمعين..🤍
ابوعبدالرحمن | Hobani83,932 görüntüleme • 23 gün önce
أخوين جمعهم اسم أبٍ واحد، وفرّقتهم أرض.. 💔 الباب جنب الباب، والقطيعة جفّت، والعمر راح بين خصام وعناد. دامت على مرّ الزمن، وعدّت أيام وسنين، والأخ رافض يسلّم على أخوه، والكل منهم متكبّر، ولا رضي أحدهم يتنازل ويتسامحون. تدخّلوا فيهم أهلهم وخلّانهم، ولا قدروا يرجعونهم؛ قلوب الاثنين مليانة حقد. وصارت تُحكى على كل لسان: قطيعة فلان لأخيه فلان. حتى دنا الأجل وتفارق الأخوان، الموت غيّبهم جميعاً.. وبقيت الأرض لورثة فلان وفلان.. وكل واحد نزل قبره وحيداً. وش نفعهم زعلهم على أرضٍ ضيّعت رحمة الأخوين؟ وفي النهاية راحوا لربهم يحاسبهم الاثنين. الشاهد: مهما اختلفت مع أخوك، هذا عضيدك ويشيل همّك وأنت غايب. الأخوة في الدنيا، وفي الآخرة كل واحد نفسه نفسه. نسأل الله الهداية والتوفيق والسداد للجميع. لو أنت في مكانهم: تتصالحون؟ ولا عشان قطعة أرض يبقى الزعل بينكم حتى الممات؟
ابوعبدالرحمن | Hobani77,157 görüntüleme • 22 gün önce
من أجمل الأشياء اللي تعوّدت عليها المشي، صارت عادة يومية. والشيء الجميل إني صرت أمشي أغلب الوقت، سواء في مول أو ممشى منظم، مثل هذا الممشى في حي الرحاب. أحافظ على نشاط جسمي، وأنشّط الدورة الدموية، وأخفف وزني شوية. أبو عبدالرحمن ينصح بالمشي حتى لو نص ساعة يومياً. مين يبدأ معاي المشي نص ساعة يومياً؟ 🚶🏃
ابوعبدالرحمن | Hobani69,595 görüntüleme • 20 gün önce
💫من أجمل الهدايا دعاء في ظهر الغيب ،، وأن تكون الدعوة جامعة لناس جميع ،، فكم محتاج لمثل هذي الدعوات الطيبة،، اللهم اجبر خواطرهم جبراً أنت وليه فإنه لا يعجزك شيئا في الأرض،، ولافي السماء،،وإني أسألك يارب أن تستقيم حياتهم،، وأن لايضيع في زحام طريقهم،، وأن لا يخيروا بين أحب أشيائهم ربي أسعدهم وأشرح صدرهم وأرح قلبهم اللهم إني أستودعك راحتهم فجعلهم أسعد خلقك يا رب🤲 امين 💚
ابوعبدالرحمن | Hobani41,745 görüntüleme • 22 gün önce
🌌أن الأنس الحقيقي لا يكون إلا بالله، فكن مع الله وأخلص العمل لله وحده،، ستنعم بالحياة الطيبة، والراحة التامة،، وأعلم، أنه سبحانه هو المقصد والغاية. فلو لم يكن الله معنا،، ما استطعنا أن نمضي خطوة واحدة، ولو اجتمع لنا من أسباب القوة ما اجتمع… "وَلَوْ أَنَّهُمْ رَضُوا مَا آتَاهُمُ اللَّهُ وَرَسُولُهُ وَقَالُوا حَسْبُنَا اللَّهُ"🩵
ابوعبدالرحمن | Hobani25,929 görüntüleme • 21 gün önce
✈️ يستمر أبو عبدالرحمن في التجوال بين مطاعم الدول، وأنا في بلدي ولله الحمد والمنة. اليوم وصلت عند إخواننا المصريين 😍 أحلى الأطباق وجربتها كلها: من الحمام المحشي والبط، إلى الأرز المعمر بالقشطة والدجاج، إلى الطواجن والمحاشي، وشربة لسان العصفور.. وكلها لذيذة. سؤال لأبي عبدالرحمن 🤔 وش أحلى أكلة جربتها في المطبخ المصري؟
ابوعبدالرحمن | Hobani21,260 görüntüleme • 20 gün önce