محمد الحسون | أعمال وهويات
@mhmsoon • 35,289 subscribers
مستشار أعمال وعلامات تجارية | أساعد المطاعم والبراندات تبني هوية قوية | خبرة في تحليل الأعمال واكتشاف الفرص | الاستشارات والاعمال : 0561616848
Shorts
Videos
محمد عمر ما يبني سوبرماركت عادي يبني نسخة سعودية من كوستكو ! وهذي القصة اللي ما أحد انتبه لها كوستكو بدأ سنة 1983 بمستودع واحد في سياتل كان يبيع بالجملة لأصحاب المطاعم والمكاتب. بعدها لاحظ إن العائلات بدأت تجي عشان الأسعار فوسع التشكيلة أواني، إلكترونيات، ملابس. وحط منطقة مطاعم بأسعار ثابتة هوت دوق ومشروب بسعر ما تغير من 40 سنة أكثر من 900 فرع حول العالم وإيرادات فوق الـ 250 مليار دولار. الحين شوف اللي يسويه محمد عمر 5 فروع دفعة وحدة فرع خميس مشيط وحده 6,500 متر !! مساحات مستودعية ضخمة مطعم داخلي وقسم أواني منزلية وتجهيزات عالية المستوى. السؤال دايماً يتكرر هل بيع التونة والعصيرات بهوامش ضيقة يغطي إيجار بهالحجم؟ كوستكو جاوب على هالسؤال من زمان البقالة ما كانت يوماً هي مصدر الربح والبقالة هي طُعم للي يجذب الناس والربح الحقيقي في المنتجات عالية الهامش الأواني والأجهزة والبراندات الخاصة وفي الاشتراكات. المطعم الداخلي عند كيو نفس فكرة منطقك المطاعم في كوستكو مو عشان يربح من الأكل عشان يخلي الناس تقضي وقت أطول داخل المتجر وتشتري أكثر. محمد عمر يلعب لعبة مختلفة عن كل سوبرماركت سعودي واللي يقرأ التوسع بعيون تقليدية ما راح يفهم وش يصير.
محمد الحسون | أعمال وهويات691,432 Aufrufe • vor 3 Monaten
صاحب مطعم دفع ٥٠٠٠ ريال لمشهور عنده نص مليون متابع. جاه ١٢٠ طلب على كود الخصم. حس إنه كسبان! بس لما حسبها بالتفصيل: المبيعات ١٠,٢٠٠ ريال ناقص الخصم: ١,٠٢٠ ناقص تكلفة المواد: ٢,٧٥٤ ناقص رسوم المشهور والإنتاج: ٥,٥٠٠ صافي الربح الفعلي؟ ٩٢٦ ريال بس. يعني كل طلب كلّفه ٤٥ ريال، والعائد على الاستثمار ١٦% فقط. المشكلة مو هنا المشكلة إنه بدون هالحسبة كان بيكرر معه وهو يحسب إنه "ربحان". بنيت ملف إكسيل يسوي لك كل هالحسبة تلقائي، ويعطيك حكم نهائي على كل مشهور: أخضر = كرّر معه أصفر = فكّر قبل لا تكرر أحمر = لا تقرب منه وفيه شيت ثاني يخليك تقارن كل المشاهير اللي تعاملت معهم جنب بعض. من أكثر الملفات مبيعاً لأصحاب المطاعم. الرابط 👇
محمد الحسون | أعمال وهويات664,884 Aufrufe • vor 3 Monaten
يزيد الراجحي نزل فطور صباحي مجاني في جميع فروع ساين الفترة الصباحية النتيجة طوابير سيارات، مئات الستوريات، تريند، وصفر ريال مدفوع بالتسويق الرقمي. ماكدونالدز سوت شي قريب في السوبر بول خلّت الناس يدفعون بحضن أو مكالمة لأمهاتهم بدال الفلوس 😂 ما احتاجوا يدفعون لأحد ينشر، الناس نشروا بأنفسهم لأن التجربة كانت حقيقية. نفس المبدأ لما تعطي الناس قيمة حقيقية بدال ما تجيب مشهور او مؤثر، عميلك يصنع لك التأثير. في علم التسويق يسمّونه مبدأ المعاملة بالمثل لما تعطي الناس قيمة حقيقية بدون مقابل، يحسون بالتزام يردون لك الجميل
محمد الحسون | أعمال وهويات449,127 Aufrufe • vor 3 Monaten
كل ما أسافر ألاحظ ماكينة صغيرة في المطار أو المتحف تطبع للسائح قطعة معدنية بشعار المكان، يدفع فيها 10 دولار ومايفكر بالسعر بحثت ليش ما هي عندنا في السعودية طلعت فرصة كاملة ما أحد ركّز عليها. الموديل بسيط، تستثمر في ماكينة بين 30 و60 ألف ريال، تكلفة القطعة المعدنية المُصنّعة بالجملة بين 1 و4 ريال، تبيعها بين 20 و50 ريال، الهامش الصافي بعد نسبة الموقع والمصاريف يتراوح بين 60%-70٪، وما تحتاج موظف. السوق المستهدف ضخم، 100 مليون حاج ومعتمر سنوياً و سياحة موسم الرياض والعلا والدرعية وبوليفارد ومطارات المملكة كل وجهة تبتكر لها تصميم خاص السائح يجمعها كتذكار والجهة او المكان ياخذ نسبة من كل عملية. المشروع يخدم رؤية 2030 من ثلاث زوايا، يدعم تجربة الزائر، يصنع تذكار محلي بدل المغناطيس الصيني، ويفتح مجال جديد للمصممين السعوديين على هوية كل موقع. ملاحظة قانونية مهمة، الموديل الأصلي يطبع على عملة فعلية وهذا ممنوع نظاماً في السعودية، البديل قطع معدنية مستقلة بتصاميم خاصة. الفكرة مفتوحة لأي حد يبيها، الله يوفق اللي نفذها من اول او بينفذها واذكرني بدعوة، واللي يبيني معاه فيها حياه الله.
محمد الحسون | أعمال وهويات205,963 Aufrufe • vor 1 Monat
أكبر بند مهدور في تكلفة المطاعم السعودية مو الإيجار ولا اللحم تخيل انه تحضير الخضار ! سوق الخضار المقطعة الجاهزة عالمياً ٣٦ مليار دولار وعندنا في السعودية كل مطعم الى الان يقطع بنفسه. سوق المطاعم في السعودية ٣٠ مليار دولار وفيه أكثر من ١٣٢ ألف منشأة غذائية مسجلة غالبيتهم يقطعون ويغسلون يدوياً. الفكرة باختصار شركة توريد خضار وفواكه مقطعة ومغسولة ومعقمة ومغلفة تخدم المطاعم والمقاهي بدل ما يقطعون بأنفسهم. فيه ناس شغالة بالفكرة لكن ولا واحدة كبرت لدرجة تكون الخيار الافتراضي لأي مطعم. ليش اشوف الفكرة منطقية؟ أبحاث الجمعية الوطنية الأمريكية للمطاعم تقول إن المطاعم تهدر ٤٪ إلى ١٠٪ من إجمالي مشترياتها قبل ما توصل لصحن الزبون أكثر هالنسبة من تحضير الخضار (تقطيع، تقشير، فاقد تخزين). يعني مطعم يصرف ١٠٠ ألف ريال شهرياً على المواد الخام يفقد ٤ إلى ١٠ آلاف ريال قبل الطبخ وضيف عليها رواتب فريق التحضير وإيجار مساحة المطبخ المخصصة لهالمهمة. اللي يبدأ هالمشروع لازم ينتبه لأربع نقاط ١. سلسلة التبريد إذا تعطلت في أي مرحلة خسرت العميل والثقة. ٢. التغليف بتقنية متقدمة والشفط او ماشابه لان عمر المنتج عالرف يحدد ربحيتك. ٣. التسعير المطعم ما يقارن بسعر الكرتون ويقارن بتكلفته الكاملة كرتون وعامل وفاقد و وقت علمه يحسبها صح. ٤.ابدأ بأكثر ٢٠ صنف استهلاكاً (طماطم، خس، خيار، بصل، ليمون) لا تشتت نفسك. النموذج الأمريكي (Sysco، US Foods) والأوروبي (Bakkavor، Greenyard). السوق المحلي ناشئ والشرق الأوسط من أقل المناطق تطوراً في هالقطاع عالمياً يعني ما زال فاضي. الفرصة مو إنك أول واحد الفرصة إنك أول واحد ينفذها صح. هذي فكرة الجمعة كالمعتاد كل جمعة اقدم فكرة اذا طبقت الفكرة يوماً ما لاتنساني من دعائك 🙏🏻
محمد الحسون | أعمال وهويات242,212 Aufrufe • vor 2 Monaten
60% من المطاعم في السعودية تقفل في أول سنة مو لأن الطعم سيء. لأن أحد ما قال لهم إن الإيجار ياخذ 28% من إيرادهم. بنيت أداة مجانية تمسح مشروعك بالكامل قبل لا تفتح تكاليف التأسيس التشغيل الشهري نقطة التعادل مستوى المخاطرة 19 قطاع/ 6 مدن/ أرقام مبنية على بيانات يورومونيتور 2024، GASTAT، ومنشآت. تنويه: هذي أداة مساعدة مبنية على اجتهاد شخصي وتقديرات من السوق مو دراسة جدوى نهائية لكن تعطيك صورة أوضح عن تفاصيل ممكن تكون غافل عنها قبل لا تبدأ. رادار المطاعم الرابط بالرد 👇
محمد الحسون | أعمال وهويات64,846 Aufrufe • vor 3 Monaten
Keine weiteren Inhalte verfügbar