Maulid Kitenge
@mshambuliaji • 1,835,584 subscribers
CROWN MEDIA
Shorts
Videos
Mbunge wa Kigoma Mjini, Clayton Chipando maarufu Baba Levo, amenaswa kwenye video akibishana na maafisa wa Mamlaka ya Mapato Tanzania (TRA) waliofika kwa msanii Ommy Dimpoz wakiwa wameambatana na askari Polisi kukamata Gari la msanii huyo kwa kile kilichodaiwa ni ukwepaji wa ulipaji wa kodi Tukio hilo limetokea wakati maafisa hao walipofika kwa msanii huyo kwa ajili ya kushughulikia suala linalohusiana na tuhuma hizo. #KitengeUpdates
Maulid Kitenge68,462 Aufrufe • vor 21 Tagen
Rais wa Klabu ya Young Africans SC (Yanga), Mhandisi Hersi Ally Said, akiwa pamoja na Meneja wa Habari na Mawasiliano wa klabu hiyo, Ally Kamwe, na Wakandarasi kutoka Uturuki, wamefanya ukaguzi wa maendeleo ya ujenzi wa Jengo la Yanga ambao umeanza kufanyika. Katika ukaguzi huo, Viongozi hao walikua wakikagua hatua mbalimbali za ujenzi, sambamba na kupitia michoro inayoonesha muonekano unaotarajiwa wa Jengo hilo baada ya kukamilika. Mradi huo ni sehemu ya mpango wa Yanga wa kuendelea kuimarisha Miundombinu na mali za klabu, huku ukitarajiwa kuwa miongoni mwa miradi muhimu itakayosaidia kukuza shughuli za kibiashara na Maendeleo ya klabu hiyo. #KitengeSports
Maulid Kitenge81,911 Aufrufe • vor 1 Monat
Leo ni macho na masikio ni kwenye Rally Morogoro tukiwa na @asasrallyteam
Maulid Kitenge27,266 Aufrufe • vor 13 Tagen
Shirikisho la Mpira wa Miguu Tanzania (TFF) liliingia mkataba wa miaka mitano wenye thamani ya Shilingi Bilioni 3 na Kampuni ya Sandaland Fashion Wear Limited (@sandaland_theonlyonetz ), kwa ajili ya kuzalisha na kuzivalisha jezi timu za Taifa za Tanzania. Mkataba huo ulisainiwa Septemba 2023. Wakati wa kusainiwa kwa mkataba huo, Sandaland ilikubaliana kuipatia TFF jezi pamoja na fedha taslimu kila mwaka kwa kipindi cha mkataba. Aidha, Rais wa TFF, Wallace Karia, alisema mkataba huo ungepunguza gharama ambazo TFF ilikuwa ikitumia kununua jezi za timu za Taifa. Mkataba huo ulihusisha timu za Taifa za Tanzania, zikiwemo Taifa Stars na timu nyingine za Taifa za wanaume na wanawake, huku Sandaland ikiwa na jukumu la kutengeneza na kusambaza jezi hizo. #KitengeSports
Maulid Kitenge53,470 Aufrufe • vor 28 Tagen
Ni Wanawake kutoka Halmashauri ya Mji ya Makambako Mkoani Njombe wakilalamikia kitendo kilichofanywa na Mchungaji wa Kanisa la TAG Kivavi kuwafukuza eneo la Kanisa akiwataka kwenda kubadilisha Mavazi waliyovaa wakati wa Harusi ya rafiki yao. Wanasema walifika katika Kanisa hilo lililotumika kama Ukumbi baada ya Misa lakini muda mfupi alifika Mchungaji na kuwazuia kuingia kwa madai ya kuwa Mavazi yao hayakuwa ya Staha. Akizungumza kwa njia ya simu Mchungaji Raphael Migodela amekiri kutokea kwa tukio hilo ambapo amesema sio kweli kwamba aliwafukuza kuhudhuria Sherehe ya rafiki yao bali aliwashauri kwenda kubadili Mavazi ndipo waweze kujumuika na wenzao Kanisani. #KitengeUpdates
Maulid Kitenge56,150 Aufrufe • vor 1 Monat
Naibu Mkurugenzi wa Mawasiliano Ikulu Zanzibar, Shaaban Kisu, amesoma wasifu wa Marehemu Hafidh Ameir Hassan, aliyekuwa mume wa Rais wa Jamhuri ya Muungano wa Tanzania, Mhe. Dkt. Samia Suluhu Hassan. Kisu amesoma wasifu huo wakati wa shughuli za maziko ya Marehemu Hafidh Ameir Hassan, yaliyofanyika Kizimkazi, Mkoa wa Kusini Unguja, leo Septemba 07, 2026, baada ya marehemu kufariki dunia katika Hospitali ya Kumbukumbu ya Mzena, Zanzibar, alipokuwa akipatiwa matibabu. Marehemu Hafidh Ameir Hassan amezikwa Kizimkazi, huku maziko yake yakihudhuriwa na viongozi mbalimbali wa Serikali, viongozi wa dini, vyama vya siasa, viongozi wa Mahakama na Bunge, wakuu wa Vyombo vya Ulinzi na Usalama, familia, marafiki pamoja na waombolezaji kutoka maeneo mbalimbali ya ndani na nje ya nchi. #KitengeUpdates
Maulid Kitenge60,416 Aufrufe • vor 1 Monat
Mzee wa Minyama Maulid Kitenge amesema amezungumza na Rais wa TFF, Wallace Karia, ambaye amemhakikishia kuwa si wachezaji wa Yanga SC pekee walioruhusiwa kuondoka kambini Taifa Stars nchini Morocco. Baada ya mchezo wa Taifa Stars dhidi ya FAR Rabat, wachezaji wa Yanga, Simba SC na Singida Black Stars na timu nyingine waliopo kambini wataruhusiwa kurejea kwenye timu zao kwa ajili ya maandalizi ya michezo yao. Awali, taarifa iliyosambaa ilieleza kuwa TFF imewaruhusu wachezaji wanne wa Yanga, Mudathiri Yahya, Ibrahim Hamad Bacca, Seleman Mwalimu na Mohamed Hussein, kurejea Dar es Salaam ili kujiandaa na Kariakoo Derby dhidi ya Simba SC itakayochezwa Oktoba 10, 2026. Hata hivyo, Kitenge amesema mazungumzo yake na Karia yameweka wazi kuwa utaratibu huo hauwahusu Yanga pekee, bali pia wachezaji wa timu nyingine waliopo kwenye kikosi cha Taifa Stars. #KitengeSports
Maulid Kitenge24,443 Aufrufe • vor 15 Tagen
Mkazi wa Kijiji cha Bukombe, Wilaya ya Bukombe mkoani Geita, Power Mabula, amejitokeza katika Mkutano wa Mkuu wa Mkoa wa Geita, Alexander Mnyeti, uliofanyika kijijini hapo na kuomba kuingizwa katika kamati za usalama, kwa sababu ana uwezo wa kuzuia mafuriko na radi. #KitengeUpdates
Maulid Kitenge41,158 Aufrufe • vor 27 Tagen
Ostadh Juma Namusoma ameeleza msimamo wake kuhusu mgogoro wake na Sheikh Nurdin Kishki, huku akisambaza video inayomuonesha akiomba radhi ya Sheikh Kishki akitaka kesi iliyopo Kati yao kuisha kibinadamu bila kutumia vyombo vya sheria. Hatua hiyo inafuatia baada ya Sheikh Kishki kufungua kesi katika Mahakama Kuu ya Tanzania akidai fidia ya Shilingi bilioni 5 dhidi ya Namusoma, akimtuhumu kumchafulia jina. Kesi hiyo imeibuka baada ya mvutano wa muda mrefu kati ya wawili hao, huku kauli mbalimbali zikisambaa katika mitandao ya kijamii. #KitengeUpdates
Maulid Kitenge42,418 Aufrufe • vor 29 Tagen
Familia ya Kijana Frank Stanley mwenye umri wa miaka 27 Mkazi wa Bukoba aliyefariki dunia Septemba 02, mwaka huu katika Hospital ya Kanda ya Bugando Jijini Mwanza akiwa chini ya ulinzi wa Jeshi la Polisi Mkoa wa Kagera baada ya kukamatwa akituhumiwa kwa tuhuma za wizi, imekataa kushiriki taratibu za vipimo vya mwili wake pamoja na mazishi ikishinikiza kupewa taarifa ya kuugua kwa ndugu yao. Akitolea ufafanuzi suala hilo Kamanda wa Jeshi la Polisi Mkoani Kagera SACP. Blassius Chatanda amesema kuwa Jeshi hilo linaiomba familia kushiriki zoezi la Mwili wa Marehemu kufanyiwa uchunguzi ili kuweza kupata chanzo cha kifo cha Marehemu. #KitengeUpdates
Maulid Kitenge44,127 Aufrufe • vor 1 Monat
Aliyekuwa Sheikh wa Mkoa wa Dar es Salaam, Sheikh Walid Alhad Omar Kawambwa pamoja na masheikh wengine wawili wamekutwa na makosa kufuatia uchunguzi uliofanywa na Tume Maalumu iliyoundwa na Mufti na Sheikh Mkuu wa Tanzania na Mwenyekiti wa Baraza la Ulamaa, Sheikh Abubakar Zubeir bin Ali. Akiwasilisha ripoti ya Tume hiyo leo, Katibu wa Tume, Dkt. Abdallah Tego, amesema uchunguzi ulihusu makosa ya kimaadili na kiuongozi, ambapo Tume ilikusanya nyaraka mbalimbali, zikiwemo taarifa za mitandaoni, kufanya mahojiano ya ana kwa ana na kwa njia ya simu na mashahidi, wakiwemo viongozi waliofanya kazi kwa karibu na masheikh hao, pamoja na kupokea maelezo yao ya utetezi. Hata hivyo, Tume imesema Sheikh Walid Alhad Omar Kawambwa, hakuitikia wito wa kufika mbele ya Tume kwa ajili ya kutoa utetezi wake, licha ya juhudi zilizofanywa na Tume kumtafuta. Kwa upande wa Sheikh wa Mkoa wa Singida, Sheikh Issa Nassor Issa, na Sheikh wa Mkoa wa Kigoma, Sheikh Hassan Idi Kiburwa, Tume imesema waliitikia wito na kufika mbele yake kwa ajili ya kutoa utetezi. Kwa mujibu wa Tume, maelezo yao yalisaidia kupunguza uzito wa baadhi ya makosa yaliyokuwa yakiwakabili. Tume imewasihi Masheikh hao kusikiliza na kuheshimu uamuzi utakaotolewa na Baraza la Ulamaa, ikieleza kuwa hatua hizo zinalenga kulinda maslahi ya umma wa Kiislamu. Aidha, imeutaka umma kuwa mtulivu wakati ukisubiri uamuzi wa mwisho wa Baraza la Ulamaa. #KitengeUpdates
Maulid Kitenge42,874 Aufrufe • vor 1 Monat
Kenya imethibitisha kesi yake ya kwanza ya Ugonjwa wa Ebola, baada ya raia wake aliyekuwa akiishi katika Jamhuri ya Kidemokrasia ya Congo (DRC) kupatikana na virusi hivyo na baadaye kufariki akiwa Nairobi. Waziri wa Afya wa Kenya, Aden Duale, ametangaza leo, Oktoba 6, 2026, kwamba Mgonjwa huyo alikuwa ameishi DRC kwa takribani miaka saba. Kwa mujibu wa Wizara ya Afya ya Kenya, Mgonjwa huyo alianza kuugua takribani mwezi mmoja uliopita na alipata Matibabu katika vituo kadhaa nchini DRC kabla ya kusafiri kwa barabara hadi Kampala, Uganda. Kutoka Kampala alipanda ndege ya Jambojet kuelekea Nairobi, ambako alifika Oktoba 3 na baadaye kupelekwa Nairobi Hospital, ambapo aliwekwa katika eneo la kutengwa na kufanyiwa vipimo. Vipimo vilithibitisha kuwa alikuwa ameambukizwa Ebola ya aina ya Bundibugyo, aina hiyo hiyo inayohusishwa na mlipuko unaoendelea nchini DRC. Shirika la Afya Duniani (WHO) linasema mlipuko huo ulithibitishwa DRC na Uganda mwezi Mei 2026. Mamlaka za Kenya zimeanza kufuatilia watu waliokuwa na mawasiliano na marehemu, huku watu 28 wakiwa tayari wametambuliwa, wakiwemo ndugu na wahudumu wa afya. Serikali pia inawatafuta abiria 23 na wahudumu wanne wa ndege aliyosafiria mgonjwa huyo kutoka Kampala kwenda Nairobi. Kabla ya kuthibitishwa kwa kesi hiyo, Wizara ya Afya ya Kenya ilikuwa imeimarisha ufuatiliaji katika mipaka na viwanja vya ndege kutokana na mlipuko wa Ebola katika DRC na Uganda. WHO inaendelea kusaidia nchi hizo katika ufuatiliaji, ufuatiliaji wa waliokutana na wagonjwa na maandalizi ya kukabiliana na ugonjwa huo. #KitengeUpdates
Maulid Kitenge17,022 Aufrufe • vor 11 Tagen
Mshambuliaji wa Singida Black Stars, Jonathan Sowah, amesema anajisikia vibaya kila anapoiona picha ya Rais wa Young Africans SC, Injinia Hersi Said, akieleza kuwa anajutia kitendo alichofanya wakati wa utambulisho wake Simba SC. Sowah alijikuta akikosolewa msimu uliopita baada ya kuchana picha ya Eng. Hersi wakati wa utambulisho wake Simba, kitendo alichokifanya kuonesha kuwa ameamua kujiunga na Simba badala ya Young Africans SC, ambao alikuwa akihusishwa nao kabla ya usajili huo. Kwa mujibu wa Sowah, anapotazama tena tukio hilo na kumuona Hersi, hujisikia vibaya kutokana na kitendo hicho, akionyesha wazi kuwa sasa anajutia alichokifanya wakati huo. #KitengeSports
Maulid Kitenge54,862 Aufrufe • vor 1 Monat
Mamlaka ya Kudhibiti na Kupambana na Dawa za Kulevya (DCEA) imekanusha taarifa zilizosambaa mitandaoni kuhusu gari lililotelekezwa Mtaa wa Mindu, Upanga jijini Dar es Salaam, kudaiwa kukutwa na dawa za kulevya, silaha na Shilingi milioni 600. Kamishna Jenerali wa DCEA, Aretas Lyimo, amesema uchunguzi wa awali umebaini kuwa ndani ya gari hilo kulikutwa Shilingi 50,000 pamoja na kiasi kidogo cha damu, huku madai ya kuwepo kwa mwili wa mtu ndani yake yakiwa bado hayajathibitishwa. Taarifa za gari hilo zilianza kusambaa Septemba 7, 2026, zikidai kuwa pia kulikuwa na maiti ndani yake. Lyimo amesema hakuna dawa za kulevya wala silaha zilizobainika na kwamba suala hilo sasa liko mikononi mwa Jeshi la Polisi, ambalo linaendelea na uchunguzi kuhusu chanzo cha damu hiyo na mazingira ya gari hilo kutelekezwa. #KitengeUpdates
Maulid Kitenge47,609 Aufrufe • vor 1 Monat