raghd ✩*.ﾟ
@raghd369 • 89,546 subscribers
• مدربة معتمدة من الإتحاد العالمي • مهتمة بالعلوم الإنسانية • ممارسة معتمدة للعديد من تقنيات التشافي من عدّة مدارس | بمعية الله 🪷.
Videos
أحب هذا الكلام من الدكتورة سمية الناصر 🤣💕. أذكر أول مرة سمعته مو ولعت لمبة ولعت لمبااات، أختصرت كثير مفاهيم بفيديو واحد، كثير يعلمك تتخلى ويعلمك توقف تبرر ويعلمك تركز بطريقك وحياتك، والأهم يعلمك كيف تبعد الناس المعطلة عنك (اللي بس ينتقدون ويذمون أي شيء بحياتك أو طريقة تفكيرك أو أسلوبك) والناس المستنزفة.. يعجبني كيف وصلت الفكرة بأبسط الألفاظ وبأبسط أسلوب وبطريقة مباشرة، بدون تنميق أو لف ودوران.. هذا يوعي أكثر 😂😂💕.
raghd ✩*.ﾟ292,898 просмотров • 1 год назад
فعلًاااا أتفق مع هذا جدًا جدًاا شكل من أشكال النحس والتعطيل اللي تسويه بيدك. الانتظار يوقف سريان الحياة ويجمد التدفق تمامًا؛ لأنك وقتها تنقل مركزيتك وقوتك للخارج، وتسلم نفسك للظروف، وتجلس معلق حضورك ووعيك بلحظة مستقبلية لسا ما جت. هذا الترقب الثقيل هو اللي يخلق الانسداد والتعطيل، لأنه يحطك في حالة تعارض شعوري مباشر مع الشيء اللي تبي تجسده وتعيشه. التجلي والخلق ما يصيرون أبدًا في حالة الانتظار، بل في حالة الحضور.. إنك تعيش في «الآن» بكامل اتزانك وسريانك، وتفك الارتباط بالنتيجة، عشان تسمح لكل ما هو لك إنه يتدفق لك بيسر وبأعلى وأفضل احتمال ✨.
raghd ✩*.ﾟ25,605 просмотров • 1 месяц назад
دكتورة سمية أختصرت "فك التعلق" بارميه 😂💗 فعلا شيء غير مقدر أو مو توقيته لا ترهق نفسك بمحاولة استجداءه، لأنه بيعيقك ويشغلك عن عيش لحظات وظروف أنسب لك في ذيك المرحلة واللي ممكن تطورك تطور رهيب مو بس توديك لهدفك بل تاخذ لحال ما توقعته وأهداف توقعتها مستحيلة. دائمًا: عيش المتاح.
raghd ✩*.ﾟ58,395 просмотров • 4 месяцев назад
سبحان الله كيف اية {قدر فهدى} توصف فعلا فعلا مفهوم الإحتمالات في الحياة، وكيف بيدك تصنع سيناريو ترغبه ❤️❤️❤️✨.
raghd ✩*.ﾟ54,526 просмотров • 7 месяцев назад
بكرة الجمعة بتكون عندنا جلسة:ساوند هيلينق 🌀. من التقنيات الجديدة اللي تعلمتها واللي مفعولها رهيييب، شخصيًا جربتها على المشاريع والمال وأعطاني تدفق قوي وتسهيل ما سبق وصار. بكرة باخذكم بهالتجربة وبشكل مجاني لايف على تويتر، بنشتغل على كل الجوانب بس نركز على المال/الوظيفة/ المشاريع والنجاح فيها ووفرتها وفرصها، لأن توقيت ولادة القمر يدعم. الجلسة بتكون الساعة 10:30 المساء بتوقيت السعودية، وما تحتاج إلا مكان هادئ لأنها جلسة استرخائية 👌🏻. كل اللي حابين يكونون معنا بالجلسة سووا رتويت لهذه التغريدة وشاركوها من تحبون 🩷🩷.
raghd ✩*.ﾟ171,628 просмотров • 2 лет назад
فعليًا إذا ما كانت عندك نواياك الخاصة ومحددة وواضحة، وتختار نوياك اليومية وتمارسها بوعي فأنت بتكون ببساطة ضمن نوايا "الآخرين" = خادم لنواياهم. وفر طاقتك وجهدك ووقتك في العمل على نواياك أنت، كذا تزدهر ومن ثم يزدهر بقية الأفراد في تركيزهم على نواياهم، وبالتالي إزدهار المجتمع ككل ✅.
raghd ✩*.ﾟ31,625 просмотров • 9 месяцев назад
Больше нет контента для загрузки